x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

ព្រឹត្តិការណ៍កម្ពុជាប្រចាំថ្ងៃ

RFI ខេមរភាសា / Khmer

រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។

news & politics

All Episodes

00:12:33

តើកម្ពុជាគួរពន្លឿនការដាក់បណ្តឹងទៅ ICJ ឬយ៉ាងណា...

ព្រឹត្តិការណ៍កម្ពុជាប្រចាំថ្ងៃ ·

2025/07/23

ស្ថានការណ៍តានតឹងនៃជម្លោះព្រំដែនខ្មែរ-ថៃ កំពុងវិវត្តពីមួយថ្ងៃទៅមួយថ្ងៃ រហូតដល់មានការព្រមានរបស់ភាគីថៃ ដោយប្រកាសផ្អាកការទស្សនានៅប្រាសាទតាមាន់ធំរយៈពេល៧ថ្ងៃទៀតផង។ ចំពោះអ្នកតាមដាននយោបាយ និងសង្គមកម្ពុជា សកម្មភាពរបស់ភាគីថៃនាពេលនេះ ហាក់បង្ហាញថាប្រាសាទតាមាន់ធំជារបស់ខ្លួន ដែលគិតថាថៃជាអ្នកគ្រប់គ្រងនៅតំបន់នោះ។ ក្នុងន័យនេះ ពួកគេចង់ឃើញរដ្ឋាភិបាលកម្ពុជាបញ្ជាក់ជំហររបស់ខ្លួនឲ្យម៉ឺងម៉ាត់ជាងនេះទៅកាន់ភាគីថៃ បន្ថែមពីលើដំណើរការរៀបចំបណ្តឹងទៅកាន់តុលាការយុត្តិធម៌អន្តរជាតិ ICJ។ តើក្នុងកាលៈទេសៈបែបនេះ កម្ពុជាគួរពន្លឿននីតិវិធី

km

00:12:37

តើជម្លោះខ្មែរ-ថៃ នឹងវិវត្តទៅជាយ៉ាងណាប្រសិនប្រទេសទាំង២...

ព្រឹត្តិការណ៍កម្ពុជាប្រចាំថ្ងៃ ·

2025/07/22

លោក ភូមិថាំ វីឆាយ៉ាឆ័យ នាយករដ្ឋមន្ត្រីថៃស្តីទី បានថ្លែងប្រាប់កាសែតថៃនៅថ្ងៃទី២១ ខែកក្កដា ឆ្នាំ២០២៥ថា ថៃនឹងកោះហៅឯកអគ្គរាជទូតរបស់ខ្លួនប្រចាំកម្ពុជាទៅប្រទេសវិញ ប្រសិនបើថៃរកឃើញថា កម្ពុជាបានបង្កប់មីនប្រឆាំងមនុស្ស ដែលធ្វើឲ្យទាហានថៃ ៣នាក់ រងរបួសកាលពីថ្ងៃទី១៦ ខែកក្កដាកន្លងទៅ។ អ្នកវិភាគនយោបាយ និងទំនាក់ទំនងអន្តរជាតិនានាមើលឃើញថាជម្លោះរវាងខ្មែរ និងថៃ នឹងឈានដល់ដំណាក់កាលមួយធ្ងន់ធ្ងរ ប្រសិនបើថៃកោះហៅឯកអគ្គរាជទូតរបស់ខ្លួនទៅប្រទេសវិញ។ ដោយឡែក កម្ពុជាក៏អាចមានលទ្ធភាពកំដរនយោបាយថៃបានដែរ

km

00:10:03

តើមានភាពចាំបាច់ទេក្នុងការធ្វើសមាជប្រជាពលរដ្ឋជុំវិញច្បាប់...

ព្រឹត្តិការណ៍កម្ពុជាប្រចាំថ្ងៃ ·

2025/07/21

ក្រុមប្រឹក្សាជាតិតស៊ូ បានចេញសេចក្តីថ្លែងការណ៍មួយនៅថ្ងៃទី២០ ខែកក្កដា ឆ្នាំ២០២៥ ទូលថ្វាយព្រះមហាក្សត្រ ដើម្បីកោះសមាជប្រជាពលរដ្ឋ ដោយអះអាងថា កាលៈទេសៈ នេះមានភាពចាំបាច់ក្នុងការសួរយោបល់ពីប្រជាពលរដ្ឋ នៅពេលដែលរដ្ឋាភិបាល និងសភាទាំងពីរថ្នាក់ បានឯកភាពគ្នាធ្វើច្បាប់ដកសញ្ជាតិពីពលរដ្ឋខ្មែរ បើរកឃើញថា អ្នកនោះក្បត់ជាតិ។ តើមានភាពចាំបាច់ទេក្នុងការកោះសមាជប្រជាពលរដ្ឋដើម្បីសួរយោបល់លើច្បាប់ដកសញ្ជាតិខ្មែរ?

km

00:13:03

អ្នកឃ្លាំមើលថា ប្រសិទ្ធភាពបង្ក្រាបបទល្មើសឆបោកអនឡាញ...

ព្រឹត្តិការណ៍កម្ពុជាប្រចាំថ្ងៃ ·

2025/07/20

គិតត្រឹមមួយសប្តាហ៍ចុងក្រោយនេះ អាជ្ញាធរមានសមត្ថកិច្ចកម្ពុជាបានដុតដៃដុតជើង បង្ក្រាបបទល្មើសឆបោកអនឡាញនៅទូទាំងប្រទេស ដោយភាពស្វាហាប់។ លទ្ធផលចុងក្រោយនេះ មានមនុស្សរហូតដល់ជាង២ពាន់នាក់ ត្រូវសមត្ថកិច្ចចាប់ខ្លួនក្នុងបទល្មើសឆបោកអនឡាញ។ អ្នកឃ្លាំមើលសង្គម បានសាទរចំពោះវិធានការដ៏ក្តៅគគុករបស់រដ្ឋាភិបាលពេលនេះ តែពួកគេបារម្ភថា វិធានការនេះអាចធ្វើឡើងតែមួយភ្លើងចំបើង។ បើតាមក្រុមអ្នកឃ្លាំមើល ប្រសិទ្ធភាពនិងនិរន្តភាពនៃការបង្ក្រាបទល្មើសឆបោកអនឡាញនៅកម្ពុជា អាចធ្វើទៅបាន គឺអាស្រ័យថារដ្ឋាភិបាលមានឆន្ទៈមោះមុតកម្រិតណា។

km

00:12:44

តើយុទ្ធនាការបង្ក្រាបបទល្មើសឆបោកតាមអនឡាញនឹងជួយអ្វីខ្លះដល់...

ព្រឹត្តិការណ៍កម្ពុជាប្រចាំថ្ងៃ ·

2025/07/17

ប៉ុន្មានថ្ងៃកន្លងទៅនេះ សមត្ថកិច្ចកម្ពុជាបានធ្វើសកម្មភាពបង្ក្រាបក្រុមឆបោកអនឡាញយ៉ាងក្តៅគគុកនៅទូទាំងប្រទេស។ រយៈពេលត្រឹមតែ ២ថ្ងៃប៉ុណ្ណោះ សមត្ថកិច្ចបង្ក្រាបទីតាំងប្រព្រឹត្តិបទល្មើសឆបោកអនឡាញបានជាង១០កន្លែង ដែលស្ថិតនៅក្នុង ខេត្តព្រះសីហនុ កំពង់ស្ពឺ ក្រចេះ ពោធិ៍សាត់ បន្ទាយមានជ័យ និងរាជធានីភ្នំពេញ។ អ្នកតាមដានសង្គមនានាបានមើលឃើញថាយុទ្ធនាការបង្ក្រាបការឆបោកតាមអនឡាញដ៏ក្តៅគគុកនេះ គឺជាការបង្ហាញនូវឆន្ទៈពិតប្រាកដរបស់រដ្ឋាភិបាល ដើម្បីរក្សាបានសន្តិសុខជូនប្រជាជន និងជាការជួយលើកមុខមាត់ប្រទេសកម្ពុជាផងដែរ។

km

00:11:59

តើនរណាខ្លះជាគោលដៅនៃការដកហូតសញ្ជាតិ ក្រោយច្បាប់ថ្មីចេញ?

ព្រឹត្តិការណ៍កម្ពុជាប្រចាំថ្ងៃ ·

2025/07/16

លោក ហ៊ុន សែន បានថ្លែងនៅក្នុងកិច្ចប្រជុំវិសាមញ្ញព្រឹទ្ធសភា កាលពីថ្ងៃទី១៤ ខែកក្កដាថា ច្បាប់ដកសញ្ជាតិមិនមែនចេះតែយកទៅអនុវត្តដកសញ្ជាតិពីពលរដ្ឋខ្មែរដោយងាយៗនោះឡើយ ពោលទាល់តែអ្នកនោះត្រូវបានរកឃើញថា«ក្បត់ជាតិ»។ ប្រធានព្រឹទ្ធសភាកម្ពុជា បានលើកឧទាហរណ៍ពីជនជាតិថៃ ដែលមានសញ្ជាតិខ្មែរ ហើយថាបើពួកគេផ្តល់លុយឲ្យធ្វើសកម្មភាពប្រឆាំងនឹងកម្ពុជា អ្នកនោះត្រូវចាត់ទុកថាជាជនក្បត់ជាតិ ដែលត្រូវតែដកសញ្ជាតិខ្មែរមកវិញ។

km

00:11:21

តើមានភាពចាំបាច់ឬទេ...

ព្រឹត្តិការណ៍កម្ពុជាប្រចាំថ្ងៃ ·

2025/07/15

នៅក្នុងពិធីអបអរខួប ៣២ឆ្នាំ នៃកំណើតកងរាជអាវុធហត្ថ កាលពីថ្ងៃទី១៤ ខែកក្កដា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានប្រកាសជាសាធារណៈថាច្បាប់ស្តីពីកាតព្វកិច្ចយោធា ដែលខកខានអនុវត្តអស់រយៈពេល ២០ឆ្នាំមកហើយនោះ នឹងត្រូវដាក់ឲ្យអនុវត្តឡើងវិញនៅឆ្នាំ២០២៦ ខាងមុខ។ ទាក់ទងទៅនឹងការលើកឡើងរបស់ប្រមុខរដ្ឋាភិបាលកម្ពុជាដូច្នេះ អ្នកតាមដានសង្គម និងនយោបាយនានាបានសម្តែងនូវការគាំទ្រ និងលើកជាយោបល់ថា ការដាក់ឲ្យអនុវត្តច្បាប់ស្តីពីកាតព្វកិច្ចយោធានេះ សមស្របទៅនឹងកាលៈទេសៈមួយ ដែលកម្ពុជារងការឈ្លានពានអធិបតេយ្យភាពពីប្រទេសជិតខាង។

km

00:10:55

តើកម្ពុជា និងថៃ...

ព្រឹត្តិការណ៍កម្ពុជាប្រចាំថ្ងៃ ·

2025/07/14

ប្រមុខរដ្ឋាភិបាលកម្ពុជា នៅថ្ងៃចន្ទទី១៤ ខែកក្កដា បានដាក់លក្ខខណ្ឌ៣ចំណុចទៅភាគីថៃ ប្រសិនបើថៃចង់បើកព្រំដែនឡើងវិញ។ កម្ពុជាទាមទារឲ្យថៃបើកព្រំដែនជាមុនសិន ដោយបើកគ្រប់ច្រក គ្រប់ចំណុចទាំងអស់ឲ្យដូចមុនថ្ងៃទី៧ ខែមិថុនា។ លោកនាយករដ្ឋមន្ត្រី ហ៊ុន ម៉ាណែត ថ្លែងថា ៥ម៉ោងក្រោយថៃបើកព្រំដែន កម្ពុជានឹងបើកព្រំដែនឡើងវិញដែរ។ តែភាគីថៃកន្លងមកនេះ ធ្លាប់បានទាមទារឲ្យមានការបើកច្រកព្រំដែន ត្រូវធ្វើឡើងនៅពេលដំណាលគ្នា ទាំងថៃ និងកម្ពុជា។

km

00:09:58

តើអាចមានដំណោះស្រាយបែបណា ប្រសិនបើ...

ព្រឹត្តិការណ៍កម្ពុជាប្រចាំថ្ងៃ ·

2025/07/13

សារព័ត៌មាន ស៊ីស៊ីថាមស៍ បានចុះផ្សាយនៅថ្ងៃទី១២ ខែកក្កដាថា ចិនបានប្រកាសនៅថ្ងៃទី ១០ ខែកក្កដា ឆ្នាំ២០២៥ ពីការស្ម័គ្រចិត្តធ្វើជាអ្នកសម្របសម្រួល ដោះស្រាយជម្លោះព្រំដែនកម្ពុជា និងថៃ ដើម្បីរក្សាសន្តិភាព និង ស្ថេរភាពក្នុងតំបន់ ក្នុងនាមជាមិត្តរបស់ចិន។ តាម ស៊ីស៊ីថាមស៍ បំណងរបស់ចិន ស្តែងចេញក្នុងជំនួបដាច់ដោយឡែក រវាង លោក វ៉ាង យី ប្រមុខការទូតចិន ជាមួយ លោក ប្រាក់ សុខុន ប្រមុខការទូតកម្ពុជា និងលោក ម៉ារីស សាង៉ាមពុងសា ប្រមុខការទូតថៃ

km

00:08:51

អ្នកឃ្លាំមើលសង្គម៖...

ព្រឹត្តិការណ៍កម្ពុជាប្រចាំថ្ងៃ ·

2025/07/12

ការជជែកពីច្បាប់ដកសញ្ជាតិ កំពុងតែចម្រូងចម្រាស់ ក្រោយពេលដែលរដ្ឋសភាបានអនុម័តបើកផ្លូវឲ្យមានការតាក់តែងច្បាប់មួយនេះឡើង។ អ្នកឃ្លាំមើលសង្គម បានបង្ហាញក្តីបារម្ភពីសេរីភាពបញ្ចេញមតិ ដែលអាចរឹតត្បិតជាងមុន ដ្បិតអ្នកធ្វើការងារសង្គម នឹងពុំហ៊ាននិយាយរិះគន់ឲ្យខ្លាំងៗទៀតនោះទេ។ តែយ៉ាងណា រដ្ឋមន្ត្រីក្រសួងយុត្តិធម៌ បញ្ជាក់ថា ច្បាប់នេះមិនប៉ះពាល់ដល់ការបញ្ចេញមតិ និងការរិះគន់របស់ពលរដ្ឋឡើយ។

km

00:13:58

ករណីឆបោកអនឡាញ ជាការសាចទឹកដាក់គ្នារវាងកម្ពុជា...

ព្រឹត្តិការណ៍កម្ពុជាប្រចាំថ្ងៃ ·

2025/07/11

ជម្លោះព្រំដែនគោករវាងកម្ពុជា-ថៃ កំពុងមានភាពតានតឹងកាន់តែខ្លាំងៗឡើង ក្រោយភាគីថៃបានបន្តយកបញ្ហាឆបោកអនឡាញមកវាយប្រហារកម្ពុជា និងបានស្នើឱ្យប៉ូលីសអន្តរជាតិអាំងទែប៉ូល ជួយសហការជាមួយថៃបង្ក្រាបបទល្មើសឆបោកអនឡាញក្នុងប្រទេសកម្ពុជា។ អ្នកជំនាញក្នុងវិស័យនយោបាយ និងកិច្ចការអន្តរជាតិយល់ថា ថៃអស់សន្លឹកបៀត្រូវលេងជាមួយកម្ពុជាក្នុងសំណុំរឿងព្រំដែន ទើបថៃងាកមកប្រើយុទ្ធសាស្ត្រយកបទល្មើសឆបោកអនឡាញដាក់គំនាបមកលើកម្ពុជា។ តាមអ្នកជំនាញ ថៃមិនត្រឹមតែមិនចំណេញ តែត្រូវបង់ខាតបន្ថែមទាំងកេរ្តិ៍ឈ្មោះ

km

00:11:06

តើមានអ្វីនៅពីក្រោយការសម្រេចចិត្តរបស់លោក ថាក់ ស៊ីន...

ព្រឹត្តិការណ៍កម្ពុជាប្រចាំថ្ងៃ ·

2025/07/10

តាមរយៈការផ្សាយបន្តផ្ទាល់របស់ទូរទស្សន៍ជាតិថៃនាថ្ងៃទី៩ កក្កដាម្សិលមិញនេះ លោក ថាក់ស៊ីន ស៊ីណាវ៉ាត់ បានប្រកាសផ្តាច់ទំនាក់ទំនងបងប្អូនធម៌ជាមួយលោក ហ៊ុន សែន ប្រធានព្រឹទ្ធសភាកម្ពុជា។ ការប្រកាសផ្តាច់ទំនាក់ទំនងជាសាធារណៈជាមួយលោក ហ៊ុន សែន របស់លោកថាក់ស៊ីន បែបនេះធ្វើឡើង បន្ទាប់ពីមានការបែកធ្លាយសំឡេងឆ្លើយឆ្លងតាមទូរស័ព្ទរវាងកូនស្រីលោកថាក់ស៊ីន គឺលោកស្រី ផែថងថាន ស៊ីណាវ៉ាត់ និងលោក ហ៊ុន សែន។ ការណ៍នេះនាំឱ្យ លោកស្រី ផែថងថាន ស៊ីណាវ៉ាត់ ត្រូវបានតុលាការធម្មនុញ្ញថៃសម្រេចព្យួរមុខងារនាយករដ្ឋមន្ត្រី។ ចំពោះលោក ថាក់ស៊ីន

km

00:12:51

តើការចេញដីកាចាប់ខ្លួន និងរឹបអូសទ្រព្យសម្បត្តិលោក កុក...

ព្រឹត្តិការណ៍កម្ពុជាប្រចាំថ្ងៃ ·

2025/07/09

កាសែតថៃនានា នៅថ្ងៃអង្គារទី៨ ខែកក្កដា ឆ្នាំ២០២៥ បានចុះផ្សាយពីការចេញដីការបស់តុលាការថៃចាប់ខ្លួនអ្នកឧកញ៉ា កុក អាន សមាជិកព្រឹទ្ធសភាកម្ពុជាក្រោមបទចោទ «ប្រព្រឹត្តិឧក្រិដ្ឋកម្មអនឡាញ» រួមទាំងបានរឹបអូសទ្រព្យសម្បត្តិរបស់លោក កុក អាន នៅក្នុងប្រទេសថៃផងដែរ។ លោក ហ៊ុន សែន ប្រធានព្រឹទ្ធសភាកម្ពុជា បានចេញមកប្រតិកម្មនឹងចំណាត់ការរបស់ថៃថា ជាការលើកដុំថ្មទម្លាក់លើជើងខ្លួនឯងជុំវិញបទល្មើសឆបោកអនឡាញ។ អ្នកតាមដានសង្គម យល់ថា ចំណាត់ការរបស់ថៃពេលនេះជាការសងសឹងកម្ពុជា ក្នុងស្ថានភាពតានតឹងផ្នែកព្រំដែនរវាងប្រទេសទាំងពីរ។

km

00:11:18

តើអាត្រាពន្ធថ្មី ៣៦%...

ព្រឹត្តិការណ៍កម្ពុជាប្រចាំថ្ងៃ ·

2025/07/08

នៅថ្ងៃទី៧ កក្កដា សហរដ្ឋអាមេរិកបានដាក់លិខិតជាផ្លូវការមកកម្ពុជាដោយបានកំណត់ពន្ធនាំចូលទំនិញពីកម្ពុជាទៅអាមេរិកក្នុងអាត្រា៣៦%។ ចំនួនពន្ធនេះបានថយចុះ១៣% បើធៀបនឹងអាត្រាពន្ធចាស់ដែលរដ្ឋបាលអាមេរិកបានកំណត់ចំនួន៤៩%។ អ្នកជំនាញសេដ្ឋកិច្ច និងអ្នកធ្វើការក្នុងវិស័យកាត់ដេរនៅកម្ពុជាយល់ឃើញថា អាត្រាពន្ធគយ៣៦%នេះ គឺស្ថិតក្នុងកម្រិតខ្ពស់នៅឡើយ ស្របពេលដែលសេដ្ឋកិច្ចកម្ពុជាមួយផ្នែកធំពឹងផ្អែកលើវិស័យវាយនភណ្ឌកាត់ដេរ។ ក្នុងន័យនេះអ្នកជំនាញ បានជំរុញឲ្យរដ្ឋាភិបាលកម្ពុជាស្វះស្វែងបន្តកិច្ចចរចាជាមួយភាគីអាមេរិក

km

00:09:12

តើអ្នកនយោបាយខ្មែរកំពុងតែរួមកម្លាំងគ្នាដើម្បីតទល់នឹងសត្រូ...

ព្រឹត្តិការណ៍កម្ពុជាប្រចាំថ្ងៃ ·

2025/07/07

នៅថ្ងៃទី៧ ខែកក្កដានេះ គណបក្សកម្លាំងជាតិ ដែលដឹកនាំដោយ លោក ជា មុនី និងចូលរួម ដោយ លោក រ៉ុង ឈុន ជាទីប្រឹក្សាគណបក្ស ជំទាស់នេះ បានចុះទៅសួរសុខទុក្ខកងទ័ពជួរមុខក្នុងខេត្តឧត្តរមានជ័យ ជាប់ព្រំដែនថៃ ជាទីដែលមានការប្រឈមុខដាក់គ្នារវាងកងទ័ពកម្ពុជា និងថៃ។ សកម្មភាពនេះត្រូវបានអ្នកឃ្លាំមើល ចាត់ទុកថា អ្នកនយោបាយខ្មែរកំពុងតែរួមកម្លាំងគ្នាដើម្បីតទល់នឹងសត្រូវរួម ដោយទុកបញ្ហានយោបាយផ្ទៃក្នុងកម្ពុជាជារឿងដោយឡែក។

km

00:13:41

តើកម្ពុជាអាចនឹងជាន់ដានកង់ប្រវត្តិសាស្ត្រក្នុងការធ្វើច្បា...

ព្រឹត្តិការណ៍កម្ពុជាប្រចាំថ្ងៃ ·

2025/07/06

ស្របពេលដែលដំណើរឆ្ពោះទៅរកការធ្វើវិសោធនកម្មច្បាប់ដកសញ្ជាតិពីពលរដ្ឋខ្មែរ កំពុងតែដើរទៅមុខ ការជជែកវែកញែកពីគុណវិបត្តិនៃច្បាប់នេះ ក៏កំពុងតែកើតឡើង។ អ្នកវិភាគនយោបាយខ្លះ យល់ថា កម្ពុជាកំពុងដើរទៅជាន់ដានកង់ប្រវត្តិសាស្ត្រជាថ្មី ដូចកាលពីសម័យសង្គមរាស្ត្រនិយម ដែលអតីតព្រះមហាក្សត្រ ព្រះបរមរោតនកោដ្ឋ នរោត្តម សីហនុ ធ្លាប់បានប្រកាសឲ្យប្រើច្បាប់ដកសញ្ជាតិពីពលរដ្ឋខ្មែរ ក្នុងខែតុលា ឆ្នាំ១៩៦៨។ អ្នកតាមដាននយោបាយ យល់ថា បើអនុម័តច្បាប់ដកសញ្ជាតិពលរដ្ឋខ្មែរនៅពេលខាងមុខនេះ នឹងធ្វើឲ្យសង្គមខ្មែរឈានទៅរកការបែកបាក់កាន់តែធ្ងន់ធ្ងរ។

km

00:12:03

តើអាចទៅរួចទេ...

ព្រឹត្តិការណ៍កម្ពុជាប្រចាំថ្ងៃ ·

2025/07/04

កាលពីថ្ងៃទី៣ ខែកក្កដា លោក ហ៊ុន សែន ប្រធានព្រឹទ្ធសភាកម្ពុជាបានណែនាំឱ្យលោក ហ៊ុន ម៉ាណែត នាយករដ្ឋមន្ត្រីកម្ពុជា កុំបន្តទិញទំនិញជាយុទ្ធសាស្ត្រដូចជា អគ្គិសនី អ៊ីនធឺនែត ប្រេងឥន្ទនៈ និងឧស្ម័ន ពីថៃជាដាច់ខាត ទោះបីចរចាគ្នាត្រូវរ៉ូវក៏ដោយ។ អ្នកជំនាញកិច្ចការអន្តរជាតិមើលឃើញពីជំហរដ៏រឹងមាំ និងភាពជាម្ចាស់ការរបស់កម្ពុជាក្នុងការឆ្លើយតបទៅនឹងសកម្មភាពគំរាមកំហែងពីបរទេស។ តែអ្នកជំនាញព្រួយបារម្ភថា កម្ពុជាអាចរងផលប៉ះពាល់មួយផ្នែក បើមិនខំស្វះស្វែងរកទីផ្សារដទៃទៀតមកជំនួសទំនិញថៃ ឬមិនព្យាយាមប្រឹងប្រែងផលិតទំនិញទាំងនេះដោយខ្លួនឯង។

km

00:12:52

កម្ពុជាគួរប្រុងប្រយ័ត្នយ៉ាងណាដើម្បីពង្រីកពាណិជ្ជកម្មជាម...

ព្រឹត្តិការណ៍កម្ពុជាប្រចាំថ្ងៃ ·

2025/07/03

ទំហំពាណិជ្ជកម្មកម្ពុជា និងវៀតណាមបានកើនឡើងដល់ជាង ១០ពាន់លានដុល្លារ ដោយជញ្ជីងពាណិជ្ជកម្មរវាងប្រទេសទាំង ២ក្នុងឆ្នាំ២០២៤ បានផ្អៀងមកខាងកម្ពុជា។ នេះបើតាមការឱ្យដឹងពីលោក ហ៊ុន សែន ប្រធានព្រឹទ្ធសភាកម្ពុជានៅថ្ងៃទី៣ ខែមិថុនា ឆ្នាំ២០២៥នេះ។ ក្នុងស្ថានភាពនៃជម្លោះព្រំដែនជាមួយថៃ អ្នកតាមដានសង្គម និងអ្នកជំនាញសេដ្ឋកិច្ចមើលឃើញស្រដៀងគ្នាថា ទំហំពាណិជ្ជកម្មកម្ពុជាជាមួយវៀតណាមនឹងកើនឡើងជាលំដាប់ថែមទៀត។ តែដំណាលគ្នានេះដែរ អ្នកតាមដានសង្គម និងអ្នកសេដ្ឋកិច្ចយល់ថា កម្ពុជាចាំបាច់ត្រូវតែពង្រឹងគុណភាពនៃការធ្វើពាណិជ្ជកម្មជាមួយវៀតណាម

km

00:11:39

តើទំនាក់ទំនងកម្ពុជា-ថៃ អាចវិលទៅរកប្រក្រតីភាពឡើងវិញទេ...

ព្រឹត្តិការណ៍កម្ពុជាប្រចាំថ្ងៃ ·

2025/07/02

តុលាការធម្មនុញ្ញថៃ កាលពីថ្ងៃទី១ កក្កដា ឆ្នាំ២០២៥ បានសម្រេចព្យួរតំណែងនាយករដ្ឋមន្រ្តីថៃ គឺលោកស្រី ផែថងថាន ស៊ីណាវ៉ាត់ ជាបណ្តោះអាសន្ន ក្រោយការបែកធ្លាយសារសំឡេងជាមួយ លោក ហ៊ុន សែន ប្រធានព្រឹទ្ធសភាកម្ពុជា។ អ្នកជំនាញកិច្ចការអន្តរជាតិ យល់ឃើញថា ទោះបីជាថៃផ្លាស់ប្តូរនាយករដ្ឋមន្រ្តី និងមន្ត្រីរដ្ឋាភិបាលថៃមួយចំនួនក្តី តែទំនាក់ទំនងរវាងកម្ពុជា-ថៃ នឹងមិនទាន់អាចត្រឡប់ទៅរកប្រក្រតីភាពភ្លាមៗឡើយ។ បើតាមអ្នកតាមដាននយោបាយ រដ្ឋាភិបាលនៃប្រទេសទាំង២គួរធ្វើយ៉ាងណាឲ្យមានការចរចាមួយ ដែលផ្តល់ប្រយោជន៍ដល់ប្រជាជាតិទាំងពីរ។

km

00:11:52

តើស្មារតីជាតិនិយមក្នុងការគាំទ្រផលិតផលខ្មែរ...

ព្រឹត្តិការណ៍កម្ពុជាប្រចាំថ្ងៃ ·

2025/07/01

ចាប់តាំងពីមានភាពតានតឹងខាងព្រំដែនរវាងកម្ពុជា និងថៃ ដែលបានផ្តើមឡើងកាលពីចុងខែឧសភា ឆ្នាំ២០២៥ ប្រជាជនកម្ពុជាហាក់បង្ហាញនូវស្មារតីជាតិនិយម ដោយងាកមកគាំទ្រ និងប្រើប្រាស់ផលិតផលក្នុងស្រុក។ អ្នកតាមដានសង្គមនានាមើលឃើញថាជាឱកាសដ៏ល្អ ដែលពលរដ្ឋខ្មែរជ្រើសរើសយកការប្រើប្រាស់ផលិតផលខ្មែរក្នុងស្រុក។ ស្មារតីជាតិនិយមរបស់ពលរដ្ឋខ្មែរនេះ ក៏ត្រូវគេមើលឃើញថាធ្វើឡើងបានតែមួយឆាវៗ។ តែបើស្មារតីនេះអាចស្ថិតស្ថេរជារៀងរហូត នោះគឺជាការប្រសើរ។ ប្រសើរដោយនៅក្នុងវិបត្តិនៃជម្លោះព្រំដែនកម្ពុជា-ថៃ បានបង្កប់ដោយលាប

km

580 results

Similar Podcasts

Boletines RNE

RNE

BBC News

BBC World Service

برامج

مونت كارلو الدولية / MCD

Journal Afrique

RFI

要闻解说

RFI - 法国国际广播电台