Lafiya Jari ce

Shirin lafiya jarice na wannan mako, ya duba irin kalubalen da mata ke fuskanta a yayin daukar ciki, haihuwa da kuma rainon jarirai.

Shirin Lafiya Jari ce a wannan makon tare da Azima Bashir Aminu ya mayar da hankali kan wani gangamin gwajin cutar kansar mama da ta bakin mahaifa da mahukuntan Nijar suka gudanar a jihar Maradi a wani yunkuri na lalubo masu cutar tare da yi musu magani. Wannan mataki na gwajin cutukan kansar biyu na da nasaba da sabbin alkaluman da ke nuna karuwar masu dauke da cutar a sassan Faransa.Tuni dai Mata suka yi dafifi wajen yin wannan gwaji wanda aka tattara kwararrun likitoci da ke aikin wayar da kai

Shirin Lafiya Jari a wannan makon zai yi duba ne kan binciken wata cibiyar bin diddigi kan harkokin kiwon lafiya ta Nigeria Health Watch wanda ya nuna cewa mace daya cikin masu juna biyu 95 na mutuwa a lokacin haihuwa a jihar Neja ta arewacin kasar, lamarin da ake ganin akwai sakaci na al'umma da kuma rashin kulawar hukumomin kula da lafiya a jihar ta fannin samar da kwararrun ma'aikata a dukkanin asibitocin jihar.

daruruwan dubban mutane ne ke mutuwa sanadiyar kwankwadar gurbatacen magani a duniya, al'amarin dake ci gaba da saka ciwon kai, ga mahukumta dake ta kokarin ganin sun magance matsalar bazuwa magungunnan jabu a duniya, a kan haka cikin shirin Azima Bashir Aminu ta duba mana yadda matsalar ta yi kamari a kasar Kamaru.

Shrin 'Lafiya Jari Ce' na wannan mako zai mayar da hankali ne a kan cutar rashin bacci, ko kuma rashin samun baccin a lokacin da ake bukata.  Alkalumma sun nuna cewa kashin 30 zuwa 35 na al'ummar duniya, wadanda shekarunsu ya kai 18 zuwa sama na fama da wannan cuta ta rashin samun isassehn bacci wadda ake kira insomnia a turance. Shirin ya tattauna da kwararren likita, wanda ya yi bayani a game da wannan cuta da ta addabi al'umma..

Shirin Lafiya Jari ce tare da Azima Bashir Aminu ya mayar da hankali kan cutar Down Syndrome ko kuma Galahanga, cutar da har yanzu al'umma ke da karancin sani kan yadda za su kula da masu fama da ita. Wasu alkaluma sun nuna cewa duk shekara a Najeriya kadai akan haifi akalla yara dubu 100 dauke da wannan cuta ta Galahanga ko kuma Down Syndrome a Turance.Shirin ya yi tattaunawa ta musamman da kwararren likita a wannan fanni, baya ga 'yan uwan masu wannan cuta.Ku latsa alamar sauti don sauraren

Shirin Lafiya Jari ce tare da Azima Bashir Aminu a wannan mako ya yi duba kan tsanantar cutar Typhoid a jihar Kaduna ta arewacin Najeriya, wanda masana ke alakantawa da gurbatar ruwan da jama'a ke ta'ammali da shi yayin hada-hadar yau da kullum. A cikin shirin na wannan mako za ku ji hirarraki da kwararru a bangaren abincin kan yadda mutane za su inganta ruwan da suka amfani da shi da nufin kaucewa wannan cuta mai matukar hadari, sai kuma jawabin likitoci kan matakan kula da kai bayan kamuwa da

Shirin Lafiya jari ce a wannan mako tare da Azima Bashir Aminu ya dora akan maudu'in makon da ya gabata wato amtsalar nan ta kaurar likitocin matalautan kasashe irin Najeriya zuwa manyan kasashe. A cikin shirin zaku ji yadda wasu alkaluma ke nuna tabarbarewa lamurran kiwon lafiyar Najeriya sakamakon ficewar tarin likitocin kasar zuwa kasashen Birtaniya, Amurka da kuma Canada baya ga yankin gabas ta tsakiya.Wasu alkaluma na nuni da cewa cikin fiye da likitocin Najeriya dubu saba'in da biyar akalla