PODCAST

Nuus

Kosmos 94.1

Kry die nuus soos dit breek.

news

All Episodes

0:40

Unesco werk hard vir billike toegang, vryheid en regte

Nuus ·

2025/11/10

By die 43ste Unesco Algemene Konferensie in Samarkand, Oesbekistan, het Elizabeth Amagola, adjunkdirekteur vir mediaskakeling by die inligtingsministerie, Unesco geprys vir sy voortgesette pogings om vryheid van spraak, toegang tot inligting en die veiligheid van joernaliste te bevorder. Sy het gesê dat Namibië sterker maatreëls ondersteun om inheemse tale in digitale ruimtes te beskerm en te bevorder.

0:19

Ondersoek na manipulering van rand vorder te stadig

Nuus ·

2025/11/10

Die Forum for South Africa sê hy is diep ontsteld oor die stadige ondersoek na bewerings van manipulering van die wisselkoers tussen die rand en die Amerikaanse dollar deur verskeie groot plaaslike en internasionale banke. Die FOSA-leier, Tebogo Mashilompane, sê handelaars het saamgespan om pryse vas te stel, tenders te koördineer en die waarde van die Suid-Afrikaanse rand te verdraai; dade wat die integriteit van die land se finansiële stelsel direk ondermyn en die lewensbestaan van gewone

0:27

Gariseb en kie wend hulle aan Verkiesingstribunaal

Nuus ·

2025/11/10

Die Kieshof het die aansoek van die Khomas Residents and Ratepayers Association van die hand gewys. Die vereniging wou die Verkiesingskommissie dwing om sy kandidate vir die komende Windhoek Stadsraadsverkiesing te registreer. In die uitspraak wat vanoggend gelewer is, het adjunk-regterpresident Hannelie Prinsloo gesê die hof het nie jurisdiksie om die saak aan te hoor nie. Kosmos 94.1 Nuus het met die vereniging se sekretaris-generaal, Shaun Gariseb, gepraat, wat gesê het dat hulle die saak na die

0:21

Johanna Swartbooi skitter in Thailand

Nuus ·

2025/11/10

Mej. Heelal Namibië 2025, Johanna Swartbooi, maak gereed om op die wêreldverhoog te skitter. Sy het vanuit Thailand Namibiërs bedank vir hul onwrikbare ondersteuning en gesê elke stem, boodskap en gejuig raak haar hart. Die kompetisie sal sy finale op 21 November hê.

0:36

Wydverspreide reën vanaf Woensdag verwag

Nuus ·

2025/11/10

Vooruitsigte vir reën later die week, oor groot dele van die land, is uiters belowend. Weerkenner George van der Merwe sê die bo-lug stelsels en winde vertoon uiters gunstig en dat neerslae Woensdag kan begin.

0:18

Mbalula sê Trump se G20-aanmerkings is...

Nuus ·

2025/11/10

Die ANC se sekretaris-generaal Fikile Mbalula sê die G20-leiersberaad sal voortgaan met of sonder die VSA se verteenwoordiging. Dit volg nadat president Donald Trump verklaar het dat hulle die beraad gaan boikot. Hy het op sy Truth Social-platform gesê dit is 'n totale skande dat die G20 in Suid-Afrika gehou sal word, aangesien Afrikaners uitgemoor word, en daar onwettig op hul grond en plase beslag gelê word. Mbalula het aan eNCA gesê Trump se stellings is vals en imperialistiese inmenging:

0:26

VSA-sluiting: Obamacare sal middel Desember...

Nuus ·

2025/11/10

Die Amerikaanse senaat werk aan ‘n oplossing vir die regeringsluiting en die stem is deur. Dit moet nou na die Huis gaan vir goedkeuring voor president Donald Trump dat kan bekragtig. Die sluiting het gegaan Obamacare-subsidies wat Demokrate geëis het moet deel van die begroting vorm. Die Republikeine het onderneem om die gesprek verder te vat in die tweede week van Desember. Die partyleier in die Senaat, John Thune.

0:20

Shikongo vra verdraagsaamheid teenoor Angolese

Nuus ·

2025/11/10

Nampol se inspekteur-generaal, Luitenant-generaal Joseph Shikongo, doen 'n beroep op Namibiërs om groter verdraagsaamheid teenoor Angolese burgers te toon. Daar is spanning oor toenemende informele handelaars in die noorde. Hy het burgers daaraan herinner dat Angola 'n belangrike bondgenoot was tydens Namibië se bevrydingstryd, en duisende vryheidsvegters gehuisves het sonder om betaling te eis of hulle te dwing om te vertrek.

0:20

Enoch moet toelae beskerm teen inflasie tydens begroting

Nuus ·

2025/11/10

Cosatu doen 'n beroep op die regering en die Nasionale Tesourie om die maatskaplike toelaes en die maatskaplike toelaag vir die verligting van nood teen inflasionêre erosie te beskerm. Die vakbond se oproep kom in die aanloop tot die minister van Finansies, Enoch Godongwana, se voorleggings Woensdag in die Parlement van Mediumtermyn-begrotingsbeleidsverklaring. Cosatu se woordvoerder, Matthew Parks, sê dis skandalig dat die noodtoelaag sedert sy ontstaan vyf jaar gelede slegs een keer vir inflasie

0:39

FNB-ekonoom sê oor skuld

Nuus ·

2025/11/10

Huishoudelike lenings het verlede maand effens toegeneem en gestyg tot 3,4 persent in September vanaf 2,8 persent in Augustus, volgens die jongste FNB Namibië-verslag. Terwyl korporatiewe kredietgroei tot 9,5 persent afgeneem het, het algehele privaatsektorlenings 'n beskeie styging getoon en 5,9 persent jaar-op-jaar bereik. FNB-ekonoom Cheryl Emvula het meer.

0:19

Alcaraz begin op wennoot in Turyn

Nuus ·

2025/11/10

Die topgekeurde Carlos Alcaraz het sy strewe na ŉ eerste ATP-jaareindtoernooi-titel en die eerste plek op die wêreldranglys in Turyn, Italië, op ŉ wen-noot afgeskop. Die 22-jarige Spanjaard het die Australiër, Alex de Minaur, geklop in sy eerste Jimmy Connors-groepwedstryd. In die Bjorn Borg-groep het die tweemalige wenner, Alexander Zverev, ook goed begin en die Amerikaanse nuweling Ben Shelton verslaan. Alcaraz sê hy is gemotiveer om hierdie toernooi te wen:

0:36

Opname oor finansiële insluiting is voltooi

Nuus ·

2025/11/10

Die Namibië Statistieke-agentskap het die data-insameling van die 2025 Finansiële Insluitingsopname, wat op 6 Oktober begin het, afgesluit. Die opname was daarop gemik om data te kry oor hoe individue en huishoudings finansiële dienste verkry en gebruik. Dit is in 1 960 huishoudings in al 14 streke uitgevoer, ondersteun deur 198 veldpersoneel wat vir die proses gewerf is. Die agentskap se woordvoerder, Mirjam Shihepo, het meer.

0:20

Gesamentlike poging teen SA se tienerswangerskappe

Nuus ·

2025/11/10

Die Departement van Vroue, Jeug en Persone met Gestremdhede sê hulle werk aan 'n gesamentlike poging om die plaag van tienerswangerskappe in Suid-Afrika te beëindig. Die departement se woordvoerder, Cassius Selala, sê dit sluit in die regering, burgerlike samelewingsorganisasies, nie-regeringsorganisasies, VN-organisasies en akademiese instellings. Hy sê huidige benaderings is te gefragmenteerd:

0:20

Vlugte in VSA in erge gedrang

Nuus ·

2025/11/10

Amerika se minister van Vervoer, Sean Duffy, waarsku die situasie gaan vererger omdat gekanselleerde vlugte en vertragings gaan toeneem. Byna 3 000 vlugte na, van en in die Verenigde State is die naweek gekanselleer nadat die Federale Lugvaartadministrasie vlugte by 40 van die land se besigste lughawens ingekort het. Duffy het aan CNN gesê die verminderde vlugte kan tot 20 persent styg indien die regeringsluiting nie vinnig beëindig word nie:

0:14

SA se Jarvis vat eerste Sonskyntoer-titel

Nuus ·

2025/11/10

Casey Jarvis van Suid-Afrika het sy eerste Sonskyntoer-titel by die Hyundai Ope op die Ebotse Golf and Country Estate in Benoni gewen. Die 22-jarige het klaar gemaak met 68 op 23 onder baansyfer. Sy vriend en landgenoot Ryan van Velzen het tweede geëindig op 22 onder. Die Sonskyntoer-groentjie Warwick Purchase was derde met 20 onder op 68, en is in die wedloop vir die Fortress Nuweling van die Jaar-titel. Jarvis sê die laaste ronde was moeilik:

0:32

Ombud se fokus op hekseryverwante misbruik, verwelkom

Nuus ·

2025/11/10

Die uitvoerende hoof van Alzheimer Dementia Namibia, Berrie Holtzhausen, het die Ombudsman se besluit om hekseryverwante misbruik aan te spreek, verwelkom en dit 'n stap in die regte rigting genoem. Holtzhausen het in 'n onderhoud met Kosmos 94.1 Nuus gesê dat meer bewustheid dringend nodig is om die vrees, stigma en geweld wat met hekserybeskuldigings verband hou, te beëindig, en om gemeenskappe te help om die impak op geestesgesondheid en menseregte te verstaan.

0:15

Landdroste sê nee, sloerstaking duur vandag voort

Nuus ·

2025/11/10

Justisieminister Wise Immanuel het die sloerstaking van landdroste onwettig verklaar en beveel dat alle landdroste vandag weer op hul pos moet wees of die gevolge van hul aksie gaan dra. ‘n Nuwe vergoedingspakket is die afgelope naweek deur justisie en die Landdrostevereniging beding, maar moet nog deur Immanuel onderteken word. Die minister sê landdroste moet vandag begin werk, ongeag wanneer hy die nuwe ooreenkoms gaan teken. Intussen het die landdroste se prokureur, Florian Beukes van Metcalfe

0:26

Bloedvoorrade is uiters laag, skenk as jy kan

Nuus ·

2025/11/10

Namibië se nasionale bloedvoorraad het tot kritieke vlakke gedaal, wat die Bloedoortappingsdiens van Namibië noop om 'n dringende beroep op skenkings te rig. Volgens woordvoerder Frieda Vatileni-Asino kan die huidige vlakke slegs vyf dae dek. Sy het aan Kosmos 94.1 Nuus gesê daar is pasiënte in hospitale landwyd wat onmiddellike bloedoortappings benodig.

0:12

Norris wen in Sao Paolo

Nuus ·

2025/11/10

McLaren-renjaer Lando Norris het die Sao Paulo Grand Prix gewen en sy voorsprong in die bestuurderskampioenskap tot 24 punte bo spanmaat Oscar Piastri vergroot. Kimi Antonelli van Mercedes het tweede klaargemaak en Max Verstappen van Red Bull wat uit die kuipebaan weggespring het, derde. George Russell van Mercedes was vierde en Piastri vyfde, nadat hy gestraf is omdat hy ŉ botsing veroorsaak het. Norris beskryf dit as die perfekte naweek nadat hy Saterdag ook die snelwedren gewen het:

0:19

SA herbevestig Universele Gesondheidsdekking as...

Nuus ·

2025/11/10

Gesondheidsminister Aaron Motsoaledi sê die G20-presidentskap het die sentraliteit van Universele Gesondheidsdekking as die hoeksteen van globale gesondheid herbevestig. Motsoaledi het gepraat tydens die afsluiting van die G20-gesondheidswerkgroepvergadering in Polokwane, Limpopo. Die minister sê hulle het in alle streke gesien dat lande wat in sterk, billike gesondheidstelsels belê, beter toegerus is om siektes te voorkom, op noodgevalle te reageer en inklusiewe groei te bevorder:

6,251 results

Nuus

All Episodes

Similar Podcasts

Expres Ráno

Expres FM

PBS News Hour - Full Show

PBS NewsHour

CD Voice

China Daily

Israel Today: Ongoing War Report

Noa Levi

Jeffrey Epstein: The Coverup Chronicles

Bobby Capucci