x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

崇基人傾吓偈 Chung Chi Chats

崇基人傾吓偈

「崇基人傾吓偈」是一個以香港中大崇基學院為主軸話題的清談頻道。主持人Bobo, Bosco, Karen是熱愛崇基的校友，透過與不同年代崇基人交流，分享今昔校園變化及生活剪影，探討校園文化的變遷，反映各年代的生活面貌。透過節目輕鬆的分享和交流，聽眾可以更深入地了解崇基的歷史和文化，同時也能夠與崇基的同學和校友建立更緊密的聯繫。無論你是崇基學院的校友還是學生，或者只是對崇基校園文化感興趣，這個節目都值得一聽，一齊了解「崇基人傾吓偈，宜家以前搞乜鬼？」*本頻道非香港中文大學崇基學院的官方頻道，其內容僅屬主持人與嘉賓個人意見。*

leisure

All Episodes

00:28:19

第五十一集 | 我的浪漫校園 | 崇基人傾吓偈

崇基人傾吓偈 Chung Chi Chats ·

2024/03/10

今次上嚟同我哋傾偈嘅係校友江大惠（哲學/ 1972）。佢同我哋一齊回顧佢六七十年代喺崇基嘅自由浪漫校園🥰。後尾更分享佢畢業後返崇基教書🏔️🏫，擔任神學樓舍監嘅點滴📖。從中大社區文化講到師生關係嘅轉變👥，亦分享咗唔同時空嘅校園光景。想聽聽呢段時間嘅校園，就記得收聽新一集「崇基人傾吓偈」喇～

zh-tw

00:40:05

第五十集 | 緣是未完方是永平 | 崇基人傾吓偈

崇基人傾吓偈 Chung Chi Chats ·

2024/03/03

今集我哋好開心同剛卸任崇基院長嘅方永平教授（生物化學/ 1983）傾吓偈💬。方院長作為聯合書院畢業生，點解返中大任教嘅時侯會去咗崇基？👀有咩驅使方院長投入書院服務💁🏻，更於多年擔任唔同崗位成為院長🤝🏼？喺唔同崗位上，佢有咩反思、有咩回顧、有咩難忘故事同大家分享📖？最後，方院長更分享佢對崇基精神嘅睇法✨。想知道方院長歷年來嘅崇基服務、卸任後嘅生活、對於退休嘅打算，記得留意最新一集「崇基人傾吓偈」📻！

zh-tw

00:32:53

第四十九集 | 飲水思源 It's my honour! | 崇基人傾吓偈

崇基人傾吓偈 Chung Chi Chats ·

2024/02/25

今集上嚟我哋好開心邀請到校友魏敬國Anthony（計量財務/ 2004）上嚟同我哋傾吓偈💬Anthony 畢業後加入投資銀行十幾年🏦，近年創立左非牟利組織JUST FEEL 感講💗🗣️，推廣心靈健康🍎。除此之外佢都致力投身崇基事務，同時係崇基校董同埋校友會副會長。到底Anthony讀書時期佢有咩啟發同影響🤔？點解佢近年會開始推廣情緒教育💖🎒？點解佢會畢業後都服務崇基、回饋社會？想知道呢位崇基人嘅崇基故事，就記得收聽呢集「崇基人傾吓偈」📻！

zh-tw

00:24:47

第四十八集 | 博雅教育的傳承 | 崇基人傾吓偈

崇基人傾吓偈 Chung Chi Chats ·

2024/02/18

今次上嚟同我哋傾偈嘅係校友江大惠（哲學/ 1972）。佢七七年在外國進修完就一直留在崇基服務，直到退休👨🏻‍🏫。佢一直喺神學院教書📚，亦負責過崇基通識教育課程💡🧠。今次上嚟唔單止一解大眾對神學院嘅迷思🤔，更解釋咗崇基學院創立時嘅博雅教育定位，古今中外地談大學教育🏫。點解無神論者反宗教嘅人都可以讀崇基神學院？港大中大嘅通識最大分別之處喺邊？想跟江Sir學嘢，就唔好錯過呢集「崇基人傾吓偈」喇📻

zh-tw

00:24:56

第四十七集 | 崇基建築名字解讀 | 崇基人傾吓偈

崇基人傾吓偈 Chung Chi Chats ·

2024/02/04

作為崇基學生/校友，你知唔知道崇基唔同建築物嘅名字嘅由來呢？今集三位主持同大家一齊探究唔同崇基宿舍及建築物嘅命名✍🏽✨ 由崇基第一宿舍（現稱：華連堂），講到俗稱新宿嘅利樹培堂；由崇基人日夜流連嘅众志堂講到最新落成嘅龔約翰學生中心🏢；你有冇諗過謝昭傑室個謝昭傑係邊個嚟咖呢👨🏻‍💼？你又知唔知牟路思怡圖書館同美國亨利路思先生有咩關係？原來龐萬倫同龔約翰都曾經出現喺崇基嘅風雲人物🌪️？想一齊解讀崇基嘅唔同建築就記得收聽最新一集「崇基人傾吓偈」喇📻

zh-tw

00:37:38

第四十六集 | 文字背後的崇基故事 | 崇基人傾吓偈

崇基人傾吓偈 Chung Chi Chats ·

2024/01/28

今集我哋好高興邀請到鍾啟然（2000/ 翻譯）上嚟同我哋傾吓偈💬 佢畢業後就加入崇基校友會，後嚟更加入編委會，幫忙校友會出版的刊物《崇基校友》🗞️，目前更係總編輯添！📸✍🏽🧑🏻‍💻從籌備到出版校友刊物，有乜嘢難處及過程？而採訪歷屆校友撰寫故事嘅時候🎙️，當中有咩難忘經歷同得着？💭 到底有咩驅使鍾校友呢二十多年回饋書院服務崇基校友🤝🏼？崇基嘅學生生活以及服務崇基嘅經歷又對佢人生有咩影響？想知多啲就記得收聽新一集「崇基人傾吓偈」喇～

zh-tw

00:25:24

第四十五集 | Sem Two 玩傅盃 | 崇基人傾吓偈

崇基人傾吓偈 Chung Chi Chats ·

2024/01/21

今集我哋邀請上屆傅元國盃（傅盃）積極參與嘅潘凱豐Vincent Poon（崇計金五）同學，同我哋分享參與嘅經歷同感受🏆由於疫情影響，傅盃已經停咗辦三年。去年重新舉辦嘅時候，Vincent把握機會參加咗足球⚽、排球🏐、乒乓球🏓同足毽🦵🏽四個項目，排球項目中更兼任隊長同教練，帶領宿生進行訓練同戰術準備🧢佢分享咗比賽中嘅心態調整💗同時亦介紹傅盃規模、籌備過程、裁判團隊等方面。以第一身經歷，分享傅盃如何凝聚崇基同學，令賽事更有意義✨仲分享上屆傅盃嘅一件小插曲添！同學們又點樣解決呢啲情況呢？🔍想知道近年傅盃嘅運作同故事，就唔好錯過呢集嘅「崇基人傾吓偈」啦📻！

zh-tw

00:19:18

第四十四集 | 我要住宿舍 | 崇基人傾吓偈

崇基人傾吓偈 Chung Chi Chats ·

2024/01/14

今集三位主持同大家傾吓大學生活其中重要一環「住hall」喇！由申請宿舍嘅步驟✍🏼、疫情下網上交室友👩🏻‍💻、同roommate嘅相處之道，講到唔同宿舍活動、屈蛇打蛇🐍、書院社交結構等，探討喺唔同時代下崇基宿舍生活嘅變遷。呢集「崇基人傾吓偈」就同大家傾吓hall喇～

zh-tw

00:44:02

第四十三集 | 1957-1961：我的校園生活 | 崇基人傾吓偈

崇基人傾吓偈 Chung Chi Chats ·

2024/01/07

2024年嘅第一集，我哋好高興邀請到校友劉爵榮（經管/ 1961）同我哋分享佢喺1957-1961年嘅崇基校園生活🏫佢從英軍兵營改建嘅宿舍面貌🔧學術結構及氛圍📚講到有份創立嘅天主教同學會緣起👥同學情誼及級社活動🤝🏼學院對社會積極參與等唔同片段🫧想一窺崇基建校初期的風采，聆聽劉師兄四年嘅得著同反思，就記得留意呢集嘅「崇基人傾吓偈」啦📻！

zh-tw

00:31:10

第四十二集 | 咪後傾吓偈 | 崇基人傾吓偈

崇基人傾吓偈 Chung Chi Chats ·

2023/12/17

眨吓眼就嚟到2023年年尾喇😚 今次我哋一齊回顧呢年唔同集數，以及回應你哋嘅留言及意見💬 好多謝咁多位聽眾呢年支持我哋收聽節目😆 我哋2024再見！

zh-tw

00:17:01

第四十一集 | 我們當年修橋起路 | 崇基人傾吓偈

崇基人傾吓偈 Chung Chi Chats ·

2023/12/10

今集我哋再次邀請到校友鄔天賜（生物/ 1967）同我哋傾吓偈💬憶述讀書時期透過香港大專社會服務隊參與各種社會服務嘅經歷💭 呢個學生組織喺1963年由一班熱心嘅大學生幫助被政府趕走嘅西貢居民搬遷開始成立，後來義務喺香港各地修橋起路👷🏻👷🏻‍♀️仲得到牧師教授指導同政府支持🙌🏼 當中試過留守鄉郊學校生活🏫進行調查撰寫報告幫助居民等等。鄔師兄作為當中一份子，今集同我哋分享當年嘅故事、最難忘嘅時刻、遇到嘅困難挑戰，以及佢幾年經歷嘅感受同收穫。想知道呢段歷史，就記得留意最新一集嘅「崇基人傾吓偈」喇！

zh-tw

00:30:37

第四十集 | 校園流行用語 | 崇基人傾吓偈

崇基人傾吓偈 Chung Chi Chats ·

2023/12/03

當我哋同宜家嘅中大人傾偈時，都不時聽到以一兩個「潮語」，你知唔知呢啲特別用詞係咩意思呢？💬🤔每個年代都有當代嘅流行用詞⏳我哋今集就整合咗部份近年中大學生用嘅潮語，同大家節目分享🤩想知道當代最流行嘅潮語用詞，就記得收聽呢集嘅「崇基人傾吓偈」啦📻！

zh-tw

00:31:07

第三十九集 | 那年大二，我每天走遍港、九、新界去上堂 | 崇基人傾吓偈

崇基人傾吓偈 Chung Chi Chats ·

2023/11/26

今集我哋好高興再次邀請到校友陳賜得（化學/ 1974）同我哋暢談往事💬 你對於香港五十年前嘅學制了解幾多呢？🏫 陳校友今集分享咗當年報讀崇基課程嘅制度及過程，並憶述當年早出晚歸穿梭馬料水、油麻地、尖沙咀、中環上堂，仲要日日搭火車坐船返學嘅經歷🚉🚢！點解崇基學生要行勻港九新界上堂？😲 點解咁艱辛嘅四年大學生活，都會被陳校友形容為「烏托邦」💭✨？想聽聽七十年代崇基讀書故事，就記得唔好錯過最新一集嘅「崇基人傾吓偈」喇💬

zh-tw

00:27:30

第三十八集 |【依家移加】崇基回憶化作燃料前行 | 崇基人傾吓偈

崇基人傾吓偈 Chung Chi Chats ·

2023/11/19

今集我哋邀請校友溫浩賢 Alvin（2009/ 經濟）上嚟傾吓偈💬 落腳加拿大三年幾，Alvin好似將人生中一系列重要關口濃縮—— 讀書📚、轉行👝、搵工👨🏻‍💻，同時需要喺嶄新英語環境兼顧家庭責任🏠 面對疫情，再多嘅準備同計劃都跟唔上變化。Alvin又如何調節心態，點樣克服並安頓新生活呢？🛣️佢有冇咩貼士同心得分享比有興趣移居嘅人呢？想聽聽佢嘅故事就記得收聽最新一集嘅「崇基人傾吓偈」喇😚

zh-tw

00:17:41

第三十七集 | 交換生：「非常開心再返嚟！」| 崇基人傾吓偈

崇基人傾吓偈 Chung Chi Chats ·

2023/11/12

今集我哋邀請潘凱豐Vincent Poon（崇計金五）上嚟傾吓偈分享佢嘅故事😆 Vincent 係我哋第一位現場聽眾👂🏼同時係第一個主動自薦參與嘅嘉賓🎙️明明只係之前喺加拿大exchange咗三個幾月⌛點解今次會用「返嚟」？點解佢會將加拿大列為佢首選嘅海外生活地方？📍🍁佢Exchange嘅點滴經歷又令佢有咩啟發同感受呢？💭想呢位崇基人嘅故事，就唔好錯過最新一集嘅「崇基人傾吓偈」啦😚！

zh-tw

00:23:59

第三十六集 | 六十年前我在崇基的日子 | 崇基人傾吓偈

崇基人傾吓偈 Chung Chi Chats ·

2023/11/05

今集我哋好高興邀請到校友鄔天賜（生物/ 1967）傾吓偈。六十年代崇基讀書嘅佢，見證中大成立。當年校園舉行盛大慶祝活動，佢同大家分享當年崇基生活🏫💬 未有宿舍時走讀嘅佢，點解可以大牌遲到十五分鐘？🕣 後嚟師兄更獲安排居住崇基嘅「大學新邨」，同其他宿生嘅宿費差幾多呢💰？生活質素又係點㗎？🧐 原來宿生較少返屋企同香港制水有關？🚰 畢業後師兄更飄洋過海繼續進修🛳️ 當時中大崇基國際學術地位又如何？想聽聽六十年代嘅崇基讀書故事📚就記得留意最新一集嘅「崇基人傾吓偈」喇！

zh-tw

00:23:36

第三十五集 | 追本溯源暉社台 | 崇基人傾吓偈

崇基人傾吓偈 Chung Chi Chats ·

2023/10/29

今集我哋邀請到校友陳賜得（化學/ 1974）上嚟，同我哋一齊分享七十年代崇基級社嘅運作，並介紹自己級社「暉社」送俾學院嘅畢業紀念禮物—— 現時仍然屹立众志堂後面草地嘅「暉社台」，及介紹同年興建嘅喺隔離嘅「勞動光榮碑」！陳校友憶述咗當同學參與動工「暉社台」嘅過程，並分享級社嘅各種活動，以及同學參與級社活動嘅情況，因而對級社嘅歸屬感，同近年同學大多用宿舍為單位參與書院活動嘅情況都幾大分別㗎！想拆解「暉社台」同「勞動光榮碑」嘅構思同建造過程、想知道當年級社喺崇基嘅作用及運作，就唔好錯過呢一集嘅「崇基人傾吓偈」喇！

zh-tw

00:23:56

第三十四集 | 崇基人講吓《崇基人》| 崇基人傾吓偈

崇基人傾吓偈 Chung Chi Chats ·

2023/10/22

今集我哋邀請到現屆《崇基人》編輯委員會主編余昭信 Philip Yu（崇中文三）上嚟傾吓偈！《崇基人》係一本崇基學生會轄下出版以悠閒娛樂為主嘅學生刊物，係崇基現時唯一嘅學生刊物🧾 斷咗莊幾年，點解Philip願意擔任《崇基人》主編一職？🤔 Philip對於《崇基人》有咩抱負、願景呢？💭做學生會、編輯委員嘅前後，Philip對於崇基嘅歸屬感又有咩轉變呢？🧠 想聽吓幾位唔同年代嘅崇基人傾《崇基人》、崇基情、崇基精神✨ 就記得收聽最新一集嘅「崇基人傾吓偈」喇💬

zh-tw

00:23:08

第三十三集 | 六十年代都市女生成為鄉郊宿友 | 崇基人傾吓偈

崇基人傾吓偈 Chung Chi Chats ·

2023/10/15

呢一集我哋邀請到校友夏潔陵 Kitty（經管/1967）同我哋傾吓偈💬 到底六十年代嘅崇基校園氛圍、宿舍生活係點樣嘅？🏫🎒 你又知唔知崇基以前嘅「女生宿舍」係現時嘅邊座宿舍？🏠 作為當年女生宿舍宿生會主席，Kitty喺節目分享寄宿崇基嘅生活點滴。從都市女生到鄉郊崇基宿生，呢段時光對佢有咩影響同感受呢？⏳⌛雖然佢訴說當中嘅艱辛，但從佢嘅字裡行間，都聽得到佢對當年簡樸又充實嘅校園生活嘅懷念，並反映咗時代的變遷同進步。想知道六十年代嘅崇基校園故事，記得收聽新一集嘅「崇基人傾吓偈」📻～

zh-tw

00:22:11

第三十二集 | 我的崇基 · 人 · 情· 事 | 崇基人傾吓偈

崇基人傾吓偈 Chung Chi Chats ·

2023/10/08

呢一集我哋邀請到校友吳瑞卿（歷史/ 1975）同我哋傾吓偈，分享佢難以忘懷嘅崇基故事📖👥💖 從崇基畢業後，佢在讀碩士期間亦同時在崇基輔導處工作👩🏻‍🎓👩🏻‍💻橫跨接近十年嘅崇基校園生活，學生面貌、師生關係、校園氣氛、人民精神等又有咩變遷呢？被邀請撰寫校刊文章嘅經驗又點解令佢有「唔記得自己唔係基督徒」嘅覺悟💡？崇基基督教教育下的自由開放和開明如何塑造其成員嘅價值觀同精神？🧠想聽聽七八十年代嘅崇基故事，記得收聽呢一集嘅「崇基人傾吓偈」喇💬

zh-tw

151 results

Similar Podcasts

Expres Ráno

Expres FM

詭哭郎嚎

郎祖筠 & FMTaiwan製作團隊

Ron en Erik Podcast

Ron en Erik

Poor Man"s Pinball Podcast

Poor Men Ian and Drew

WeAreChange on Odysee

WeAreChange