PISA de Wëssensmagazin

Mir produzéieren ëmmer méi Daten! Wéi kënne mer dovu profitéieren a wou sinn d'Geforen? Kréie mer an Zukunft automatesch Puben op den Handy geschéckt well de Buttek laanscht dee mer grad ginn, weess wat mer wëllen. Wéi kann een duerch Daten-Analyse Parkinson méi fréi erkennen a besser behandelen? Décidéiert sech an Zukunft op Basis vun eisem digital-gespäicherte Fitness-Level op mer vill oder wéineg an d’Gesondheetskeess mussen abezuelen. A wéi einfach oder schwéier kann een an e privat Netzwierk

Eng laang vergiesse Planz mat groussem Potential. Hanf ass eng vun de villsäitegste Planzen op der Welt. Et kann ee bal alles doraus maachen. Kleeder, Seeler, Medikamenter, Uelech, Faarwen a Pabeier. Viru knapp 100 Joer gouf den Industrie-Hanf awer verbueden a ka sech haut nëmme ganz schwéier rëm breet maachen. Am Pisa erkläre mir wéi mat der Prohibitioun vum Kanabis an den USA och den Industriehanf verschwonnen ass. Weisen wat d’Virdeeler sinn wann ee seng Fassade mat Hanf isoléiert. Léieren eng

Reiden! Kämpfen! Iwwerliewen! Den Olivier Catani a Mister Science op enger spannender Aventure duerch d'Mëttelalter. Mir weisen mat nogestallten Szenen wéi d’Leit deemools gelieft hunn. Erzielen d’Geschicht vum mysteriéise Yolanda vu Veinen, déi eis verréit wéi eng Sprooch déi Zäit bei eis geschwat gouf. An de Mister Science an ech musse puer Ritter-Prüfunge packen: vum Duell um Reit-Turnéier iwwer eng spirituell Nuecht an der Kapell bis bei de brutale Schwäertkampf am Ritter-Trainingslager.

Wéi visionär Fuerscher zanter Jorhonnerten eis Welt veränneren. Ni méi an d’Bluttanalyse! Eng US amerikanesch Fuerscherin huet eng Method entwéckelt duerch déi een fir iwwer 70 Blutt-Tester nach just puer Drëpse Blutt brauch. Am Pisa erkläert si eis wéi se domat wëll de Gesondheetssystem op der Welt revolutionéieren. Ni méi Rëss am Beton! En hollännesche Fuerscher huet e Bio-Beton entwéckelt an deem Rëss vum selwen zou ginn. Mat der Hëllef vun Bakterien aus der Natur. Ni méi eppes op der Hand

Wéi mir eis Oueren verwinnen an hinne schueden! Egal op ënnerwee am Auto. Nomëttes relax am Gaart. Oder Owes virun der Tëlee! Et ass ee bal néierens roueg. Am Pisa weise mir firwat een iwwerhaapt eppes héiert a wéini zevill Kaméidi eisen Ouere schuede kann. De Mister Science wëll erausfannen op een e Glas ka futti sangen. A mir kréien en exklusive Bléck hannert d’Kulissen vun der Philharmonie. Weisen wéi d’Bühn an de Plafong sech beweege kënnen, jee nodeem wéi eng Zort Musek gespillt gëtt.

Extrem waarm! Extrem héich! Extrem verréckt! 251 Kilometer a sechs Deeg. Bei brutaler Hëtzt an duerch de schwéiere Sand. Dat ass de Marathon des Sables. Dëst Joer woren 9 Lëtzebuerger um Départ. Firwat doen si hirem Kierper sou Strapazen un? An ass et net schrecklech ongesond? De Mister Science weist an enger Course de Cyclist Alex wat den Ënnerscheed ass tëscht engem Amateur- an engem Profisportler. Mir soen Iech op wat een an de leschten zwou Wochen virun engem Marathon oppassen muss, datt ee

Mir weisen wéi Glas gemaach gëtt a firwat et ëmmer méi gefrot ass. Et ass enorm waarm an et soll een net direkt dra kucken. An den Uewen vun enger Glas-Fabrik zu Käerjeng. 60 Meter laang an 10 breet. Hei gouf ënner anerem och d’Glas gemaach fir d’Fënsteren vum héchste Gebai vun der Welt. Am Pisa erklären se wéu se et maachen. An enger Fabrik um Potaschbierg produzéieren se d’Autosfënsteren fir puer vun de renomméierste Marken. De Mister Science erkläert wéi stabil verschidde Glaszorte sinn. An den