Pasó - Top Albania Radio

“Pasò” sportive erdhi edhe këtë të premte, me një tjetër episod dinamik. Për të diskutuar për çështjet më të rëndësishme në futboll, në Shqipëri dhe jo vetëm, ishin Glent Nallbani, Edi Manushi, Redi Jupi, Gëzim Sinemati, teksa në lidhje telefonike ishte edhe Lorenc Jemini. Ndërkohë, i ftuar poashtu në një lidhje telefonike ishte Eduard Prodani, i cili u shpreh për vendimin më të fundit të gjykatës për Shoqatën e Futbollit të Tiranës, dhe reagimin nga FSHF.

E premtja sportive erdhi me ndryshime sot në “Pasò” teksa krahas Glentit në prezantim, ishte Edi Manushi, të shoqëruar edhe nga Redi Jupi e Lorenc Jemini. Katërshja e dashur sportive erdhi për të folur për atë që ata dinë shumë mirë, për sportin, për futbollin.

Ditën e djeshme të ftuar në “Pasò” ishte Redi Jupi dhe Lorenc Jemini. Ata bëhen shpeshherë pjesë e të premtes sportive në Top Albania Radio, për analiza të detajuara, komente dhe parashikime lidhur me ndeshjet e futbollit. Ndër të tjera, u fol për problemet që has futbolli në Shqipëri.

I ftuar në “Pasò” në një lidhje telefonike ishte Artan Shyti, për të folur rreth sportit, ashtu si vetëm ai di. Një nga temat ku ai u ndal, ishte lidhur me pagën e sportistëve në përgjithësi, si edhe të futbollistëve në veçanti. Përpos të rejave më të fundit rreth futbollit dhe analizave të përhershme javore u zgjerua edhe lidhur me sportin e volejbollit. E ftuar në studio për të folur lidhur me këtë ka qenë volejbollistja e njohur, Ida Zavalani.

I ftuar në “Paso” ishte Ar Bakalli, i cili u fokusua në temën e Djokovic, që aq shumë ka tërhequr vëmendjen mediatike së fundmi. Bëhet fjalë për një nga tenistët më të mirë, por duket se edhe ‘mashtrues’, pikërisht për faktin se ka gënjyer se tashmë kishte kaluar koronavirusin. Por si u shpreh Ari lidhur me çështjen e tij?!

Iftuar sot në “Paso” ishte Presidenti i Komitetit Olimpik Shqiptar, Fidel Ylli. Padyshim, një arritje shumë e madhe e Presidentit, është edhe projekti i cili sapo ka nisur lidhur me vlerësimin e denjë të sportistëve tanë. Z. Ylli ka folur më tej lidhur me këtë buxhet kaq të rëndësishëm për sportin tonë.