x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

Turm Grund Wise

Turm Grund Wise

1 Kanton, 3 Teams. Herzlich willkomme im Fuessball-Podcast Turm-Grund-Wise. Mir sind drü Kollege, wo wüchentlich über di drü Zürcher-Fuessballclubs FC Winterthur, Grasshoper Club Züri und FC Züri redet. Mitem Raphi hemmer en FCZ-Fan, de Tim unterstützt sit über zwei Jahrzeht sin Club GC und mich gseht mer am Wuchenend uf de Schützewise in Winterthur. Neui Episode jede Dsiistig am 12i am Mittag.

sports soccer

All Episodes

01:03:15

Ep 35 – Stay Hammel

Turm Grund Wise ·

2025/08/12

Grimasse-Hammel, Comeback-Steven und Katastrophe-Arnold: Es giht nach de 3. Rundi ide Super League einiges zbespreche. En mässig guet gluunte David trifft uf en immerno skeptische Raphi und de Tim het wie immer mässig Hoffnig und vill Akzeptanz.7:27 St.Gallen - FC Winterthur27:50 Servette - Grasshoppers42:48 Lausanne - FC Zürich

de-ch

00:57:49

Ep 34 – Time will tell

Turm Grund Wise ·

2025/08/05

Die erste Pünkt sind im Kanton Züri acho! Ide zweite Rundi vode neue Saison erkämpft sich Winti dihei en Punkt gege YB und au de FCZ chan sis Konto dank eme 1:1 in Luzern eröffne. Wiiterhin ohni Pünkt staht GC da, e erwartbari Niederlag bim Meister Basel rüehrt d Hoppers richtig Tabellenedi.Zuedem i dere Folg: Neui Transfers, ersti Fazit zum Saisonstart und (sehr) vill Ungwüssheit.9:40 FC Winterthur - YB20:38 FC Basel - Grasshoppers39:36 FC Luzern - FC Zürich

de-ch

01:17:11

Ep 33 – Zwei zu Drüü

Turm Grund Wise ·

2025/07/29

Neui Saison, neus Glück? Eher weniger. Alli drü Zürcher Clubs müend zum Saisonstart e 2:3 Niederlag istecke und das trotz Füehrig. De FCZ muess sich im Eröffnigsspiel geg Sion nacheme Brecher-Ussetzer gschlage ge, GC verlüürt trotz gueter erster Halbziit geg Luzern und Winti het 24/25-Flashbacks dank eme spate Siegtreffer vo Lausanne. Also alles bim Alte.5:49 FC Zürich 27:07 Grasshoppers 38:50 Winti

de-ch

00:38:39

Ep 32 – Doppelpack zum Saisonstart

Turm Grund Wise ·

2025/07/23

Es isch Super League Wuche! Währenddem de David sini verdiente Ferie gnüsst, bespreched de Raphi und de Tim die aktuellne Geschehniss vode letzte Wuche. Transfers, Testspiel und s Out vom Schänder stönd ufem Traktandum.

de-ch

01:01:57

Ep 31 – Mir sind parat

Turm Grund Wise ·

2025/07/15

D Summerpause neigt sich scho langsam am Endi zue: Guet zwei Wuche vor Saisonstart bespreched de Raphi, David und Tim was ide letzte Wuche bi ihrne Verein so alles passiert isch. Mer reded über Transfers, Testspiel, neui Trainer und hässlichi Liibli. Super League isch zrugg!

de-ch

01:12:09

Ep 30 – All Star Team ZH & Saisonrückblick

Turm Grund Wise ·

2025/06/10

Nachem GC-Sieg gege Aarau ide Barrage isch klar: Die drüü Zürcher Verein hend überlebt und spilled au nechst Jahr erstklassig! Idere Episode luegemer uf d Saison und d Barrage zrugg, bespreched euses ZH All Star Team und mached bereits en erste chline Usblick uf die neui Spielziit.Danke a alli wo eus i eusere erste Saison begleitet hend – und uf e neui, hoffentlich erfolgricheri Saison für eusi Zürcher Clubs!

de-ch

01:02:52

Ep 29 – Extrarundi & Ehrerundi

Turm Grund Wise ·

2025/05/27

Nach de 38. und letzte Rundi isch eis schomal klar: Winti blibt dobe! Dank eme 2:0 Sieg gege Sion derfed sich die Rotwiise uf de Schützi fiire lah und dreihed e Ehrerundi unter tosendem Applaus. (No) kei Ehrerundi sondern e Extrarundi het GC vor sich: Au sie günned s letzte Spiel geg St. Galle mit 2:0 und sichered sich so de Barrage-Platz und s Duell gege Aarau. De FCZ hets de beide Zürcher Konkurrente fast no vermiest, verlüreds doch in Yverdon mit 2:3. Für d Waadtländer bringt alles nüt: Yverdon

de-ch

01:15:10

Ep 28 – Schlussspurt

Turm Grund Wise ·

2025/05/20

Alles parat fürs grosse Finale: Nachere bittere 1:4 Niederlag geg de FCZ trotz gueter Leistig het sich Winti nöd unterkriege lah. Geg de direkti Konkurrent us Yverdon schaffts Rotwiis i letzter Sekunde no zumene ganz wichtige 2:2. Au GC het geg Yverdon unter de Wuche wichtigi Pünkt gholt und het d Neueburger grad mit 5:0 heigschickt. In Sion denn wieder s gwohnte Bild: 1:2 geg d Walliser. Somit isch alles agrichtet fürs grosse Finale: Die drü Abstiegskonkurrente trennet grad emal 1 Punkt.De FCZ wo

de-ch

01:15:12

Ep 27 – Lieblingsgegner

Turm Grund Wise ·

2025/05/13

Was St. Galle für Winti isch, isch GC für de FCZ im Derby: Trotz vill Kritik, Unrueh und em Rutsch unter de Strich, isch de Derbysieg für de FCZ ein Leichtes: Grad mit 3:0 chunt GC drunder – da hilft au de neui Heilsbringer Alain Sutter nüüt. Winti reist mit drüü Sieg und ganz vill Selbstvertraue zu ihrem Lieblingsgegner uf St. Galle. Da bringt selbst en früeh Rückstand niemert in Rot-Wiis us de Rueh und d Eulachstädter holed sich am Schluss en wichtige und düütliche 4:1 Sieg.12:52 FCZ - GCZ 44:43

de-ch

01:12:39

Ep 26 – Totgesagte leben länger

Turm Grund Wise ·

2025/05/06

Vor wenige Wuche isch de FCW praktisch scho abgstige. Nacheme wiitere kapitale Sieg gege de Direktkonkurrent GC cha de David jetzt aber zurecht sege "Ich ha immer dra glaubt!". I dere Episode fiirt er d Uferstehig vo Winti, de Tim hebt sich mit de Verpflichtig vom Alain Sutter am nächste Strohhalm fest und de Raphi cha Malenovic und co langsam nüme ghöre – sin FCZ verlürt au in Sion mit 2:1, debi lauft doch alles genau nach Plan?9:16 FC Winterthur vs. GCZ48:12 FC Sion vs. FCZ

de-ch

01:14:26

Ep 25 – Uferstande

Turm Grund Wise ·

2025/04/22

Es Osterwucheend voller Drama: Im Keller-Kracher schaffts de Burkart em Hammel es Ei im Goal zverstecke und sicheret em FCW so es frohs Fest uf de Heifahrt. Nöd vode Schoggi-Siite bi GC zeigt sich de Neo-Captain Morandi wo zerst en Penalty verschüsst und sich denn no mit de Fans aleiht – alles offe im Abstiegskampf. Zude Loser-Gruppe gsellt sich im letzte Moment au no de FCZ: Nach de 5:0-Demüetigung bim FCL staht YB am Ostermentig wieder uf, besiegt d Zürcher mit 2:1 und schickt Moniz und co id

de-ch

01:11:47

Ep 24 – Vercherti Wält

Turm Grund Wise ·

2025/04/15

Balsam für die gschundene Winti- und GC-Seele: Die beide Chellerchinder schlönd zrugg. Winti schaffts ohni en Schuss ufs Goal ihri Fründe us Lausanne zbesiege, während GC mit Köpfchen und Oldie Schürpf en kapitale Sieg in Yverdon ifahrt. Nur zwei Stund später wird d "U21" vom FCZ vom Shaqiri, Otele und co im heimische Letzi vermöblet und müend sich mitem 0:4 no glücklich schätze. Happy David, happy Tim, konsternierte Raphi – vercherti Wält!9:20 Grasshopper Club Zürich – Yverdon Sport 30:46 FC

de-ch

01:09:23

Ep 23 – Punktejagd

Turm Grund Wise ·

2025/04/08

Hunting Season ide Super League: Drü Pünkt im Winti-Köcher sind d Billanz nachem 2:1-Sieg im Wallis und trotzdem isch de David zfridner mit em 0:0 im Kantonsderby.De FCZ holt geg es Sanches-loses Lausanne in letzter Sekunde no en Punkt, genau die glich Büüti gihts in Winterthur zhole: 0:0.Nachem miserable Derbyuftritt wird GC au in Basel mit 2:1 abgschosse. Umso überraschender griift d Bojang-Falle gege Luzern: En Hattrick vom «Limmat Ronaldo» beruhiged am Tim sini Nerve.

de-ch

01:01:45

Ep 22 – Barometer uf 10

Turm Grund Wise ·

2025/04/01

Nach de Natipause mit zwei Testspiel gahts ide SL langsam aber sicher i die entscheidendi Phase: De Raphi und de Tim hend sich gmeinsam s Zürcher Derby gönnt und brichtet vom Stadion-Bsuech. Eine vo beidne isch verhalte happy, de ander setzt im Podcast zume Rant ah. Und de David denkt sich nur, "es gaht im Fall no schlimmer" nachdem sin FCW au gege Basel kei wiiteri Pünkt cha ifahre. Fazit: Mer hend zwei Barometer uf 10.

de-ch

01:08:08

Ep 21 – Abstiegssorge

Turm Grund Wise ·

2025/03/18

Am David sini Abstiegs-Sorgefalte werded grösser, genau glich wie d Barrage-Sorgefalte vom Tim. De FCW holt trotz kämpferischer Leistig kei Pünkt uf de Baustell im Tessin und au GC cha trotz eme Last-Minute-Usglich gege Sion nöd würklich happy si. Wem das alles egal isch? am Raphi! Sin FCZ macht alles richtig, schlaht Luzern dihei und widmet sogar no es Goal ihrem verletzte Uslehnspiller.

de-ch

01:05:49

Ep 20 – Was VAR denn das??

Turm Grund Wise ·

2025/03/11

Das hend sich wohl alli Super League Fans das Wucheend gfrägt. Zvill Penalties und zwenig Fingerspitzegfühl sind mittlerwiile ade Tagesordnig im Schwiizer Fuessball. Leidtragendi sind au d Zürcher Clubs: Nach de Euphorie ide letzte Episode macht sich nach 3 Niederlage wieder Ungwüssheit breit. Öb de Zuffi-Penalty arrogant oder lässig isch, wieso de Gbamin meh Salat sell esse und wases mitem Voodoo-Streller uf sich het, erfahrsch i dere Episode.

de-ch

01:06:05

Ep 19 – Angscht-Gägner

Turm Grund Wise ·

2025/03/04

Es Wucheend voller Zürcher Erfolg: De FCW setzt es Statement und schlaht sin Lieblingsgegner St. Galle dihei grad mit 4:0. De FCZ reagiert ufs Cup-Out und de EimalHopperImmerHopper-Zuber trifft dopplet – und sorgt trotzdem nöd bi allne mitgreiste Fans für Jubel. Und au GC bewahrt sin Status als Angstgegner vo YB: Zum dritte Mal schaffets d Berner die Saison nöd d GC-Abwehr zknacke und müend sich 1:0 gschlage ge dank em Volley vom Kittel.

de-ch

01:02:07

Ep 18 – Die ledschde Minute...

Turm Grund Wise ·

2025/02/25

Die verdammte letzte Minute... GC schaffts wieder nöd die ersehnte 3 Pünkt heizbringe und kassiert i letzter Sekunde in Lausanne de Uusglich. De FCW macht en FCW und staht nach Füehrig und gueter Leistig in Genf wieder mit 0 Pünkt da. Und bim FCZ wird en Yverdon-Spiller bejublet und en eigene uspfiffe. Für de Sieg langts, d Frag blibt: Chunt das guet mitem FCZ?5:53 Lausanne-Sport – Grasshopper Club Zürich24:45 FC Zürich – Yverdon-Sport40:37 Servette FC – FC Winterthur

de-ch

00:57:33

Ep 17 – Züri unterem Strich

Turm Grund Wise ·

2025/02/18

Als ersts e Info: De David het sis Ersatzmikrofon müese bruche, drum isch de Ton nöd ganz so guet wie sust. Ab nechst Wuche denn wieder alles bim Alte!De FCZ sorgt mit de Verpflichtig vom Benjamin Mendy wiedermal für vill Gsprächsstoff. Und ufem Platz? Obwohl de Perea endlich wieder für de FCZ trifft, verlüred d Zürcher in Sion mit 1:2 und sinked immer wiiter unter de Strich. De FC Winti, unterem Strich dihei, sorgt für en Befreiigsschlag uf de Schützi: en verdiente 1:0 Sieg geg YB giht neui

de-ch

01:17:35

Ep 16 – Winti Fluech

Turm Grund Wise ·

2025/02/11

Für die einte en Fluech, für en gwüsse Trainer e Verschwörig. Winti wird eimal meh vom Pech verfolgt und muess e kontroversi 2:3 Niederlag in Luzern istecke. De FCZ macht wiiter uf FC Hollywood und sorgt für vill Schlagziile und wenig Pünkt. GC machts wie immer und holt zwei Unentschide gege besseri Gegner, für meh langts aber eimal meh nöd.5:24 Grasshopper Club Zürich – Lausanne-Sport13:39 FC Winterthur – FC Zürich21:50 FC Lugano – Grasshopper Club Zürich31:50 FC Luzern – FC Winterthur59:59 FC

de-ch

56 results

Similar Podcasts

Keeping Karlsson Fantasy Hockey Podcast

Elan Dubrofsky and Brian Kom

Daily Fantasy Sports by Ship It Nation

Ship It Nation

Fantasy Football Today

CBS Sports, Fantasy Football, FFT, NFL,...

Bring The Pain

Heat00veride

ESPN SportsCenter Update

ESPN