Radio Olvido

Sen un dos elementos máis típicos das ociosas noites de verán, o ano 2020 preséntase coma un dos máis tristes da historia recente. Faltaron as verbenas. Pero tranquilidade... a equipa de Radio Olvido xuntouse de novo para intentar solucionar isto e darlle algo de cor.

Tras un convulso mes de xuño, a equipa de Radio Olvido volve a reunirse revolucionariamente para falar de revolucións. Esta vez contando coa presenza do convidado especial Jesús Aguilar Fernández-Gallego, o poeta mesetario e coa actuación especial de Francisco Aguilar, o saxofonista mesetario.

Terceira entrega de Radio Olvido. Esta vez gravada nas ruinas da histórica Radio Kalimera, no CSA do Sar, en Cidade Capital. Presentado Por Emilio P. Cancelo en colaboración con Lukas de Gomariz e contando coma convidados especiais con Isa Beltrán e Iago Míguez, que se pon esta vez aos mandos para falar da liberdade, paradoxicamente ataviados con mascarillas obrigatorias.

É a fin do mundo e nós facemos un programa. Por iso neste Apocalipse con invitado, locutamos dende o confinamento: Emilio P. Cancelo, coa colaboración de Lukas de Gomariz e coa presenza do invitado especial Alex Rego.

Inauguración do programa musical Radio Olvido, dirixido por Emilio P. Cancelo e coa colaboración de Lukas de Gomariz. Neste primeiro episodio presentador e colaborador están enclaustrados cada un na súa casa por mor do estado de alarma no que se atopa España debido ao COVID-19.