x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

犯後Check Chat

Crime Check Chat

兩個超級奇案迷🕵🏻‍♀️🕵🏻‍♀️ 表面正正常常女仔但實際沉迷古今中外古靈精怪奇案奇事🤫 希望同大家一齊探討故事主角「犯」後一面了解人性黑暗面💀 Let’s CHECK & CHAT 🧠💬 Instagram: crimecheckchat 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

true crime

All Episodes

00:32:43

EP25: 湖南株州滅門案｜農曆新年前遭殺害小朋友都唔放過｜炫富惹的禍？蠢人做壞事注定會出事

犯後Check Chat ·

2025/02/03

蛇年大吉！首先同各位聽眾拜個年先～祝大家蛇年行大運，飯飯都咁掂啊！估唔到我哋嘅聽眾同我哋一樣咁重口味，之前大家喺我哋ig story嘅投票結果睇嚟，大家新蒸頭都百無禁忌，所以特別為大家帶嚟呢一集，一單發生喺農曆年前夕嘅兇案，案情惡劣到當時被湖南警方稱為「2002年湖南第一大案」。兇徒喺過年前犯案，殘忍地將一家大細殺害、甚至性侵。到底係蓄謀已久嘅犯罪，定係一時起意？點解阿Nat斷定兇徒係蠢人呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:33:43

EP24: 美國弗吉尼亞州弒母殺父羅生門｜老夫婦遭割喉殺害傷口深至氣管外露｜講到幾愛都假...

犯後Check Chat ·

2025/01/27

好耐冇講過血腥味重嘅case，而且好耐冇喺討論環節度傾案情啦。今次呢單case唔可以話係懸案，因為兩個涉案人士都承認咗同兇案有關，而且都已經服完刑，放埋監。不過兩個人多年嚟都唔承認自己係落手嘅人，其中一個兇手甚至仲得到時任嘅德國大使同前總統支持。到底係邊個嘅仇恨大到，對一對老夫婦狂斬多刀都唔夠，仲要割喉去到見到氣管嘅地步？係佢哋嘅親生女Elizabeth？定係老竇係外交官、聲稱好愛Elizabeth嘅Jens呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:28:00

EP23: 拐子婆三年擄拐十七童被判死刑案｜為錢親生仔都賣埋｜特價機票邊有咁荀而家偷呃拐騙都要小心

犯後Check Chat ·

2025/01/20

首先多謝大家支持！上集之後我哋嘅channel終於突破1000訂閱啦！🎉然後恭喜阿Nat終於成功考到車牌！馬路上又多一位好有安全意識嘅司機啦😌好啦，今集呢單case其實都係同安全意識有關，特別係小朋友嘅聽眾。曾經哄動一時嘅余華英拐賣兒童案，2023年一審判死刑後，余華英提出咗上訴，直到上個月二審結果終於出爐。到底呢個狠心到連自己嘅親生仔都賣嘅拐子婆，咁多年嚟係點拐到咁多小朋友㗎呢？要有幾喪盡天良先做得出拐賣小朋友嘅事？再諗起最近猖獗到一個點嘅詐騙，真係希望世界會多返一點人性。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:23:27

EP22: 大埔公路雙層巴士翻側事故｜2025 頭炮｜交通安全好緊要｜到底今集可唔可以突破Youtube...

犯後Check Chat ·

2025/01/13

到底要有幾熱愛揸車，先會喺造成咗一單嚴重車禍、揹負住十九條人命嘅情況下，仍然希望法官准佢喺出獄後繼續揸車呢？係意外，定係人為？啱啱踏入新一年，香港以至世界各地都發生咗唔少致命嘅交通意外，希望新一年大家每日都高高興興咁出門，平平安安咁返屋企！如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:30:38

EP21:...

犯後Check Chat ·

2024/12/30

2024年最後一集！想直接聽案情嘅朋友仔可以由02:49開始聽～「人無法想像我們想像不到的事情」 — 的確，即使我哋作為奇案迷，喺呢單案被揭發出嚟之前，我哋都完全冇諗過呢個世界上竟然會有咁喪盡天良嘅人……法國一個已經年過七十嘅老人，竟然會落藥迷暈同自己一齊咗五十年嘅老婆，然後喺網上邀約素未謀面嘅男性去侵犯自己老婆，時間長達十年，人數多達幾十人。呢單案發生2020年被揭發，但因為犯案人數眾多，判決喺啱啱過去嘅12月19號先出爐。犯人中唔少都以自己受童年創傷影響，作為抗辯理由，到底童年創傷同陰影對一個人嘅影響可以有幾大？今集我哋都同大家分享一下我哋嘅一啲童年陰影～如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:34:19

EP20: 美國選美小皇后謀殺懸案｜三十年未解真相到底邊個做? 戀童犯? 熟人? 定係屋企人咁心寒?...

犯後Check Chat ·

2024/12/23

今集chit chat比較長，想直接聽案情嘅朋友可以由6:55開始聽～人人都做網紅，唔通個個都想做網紅咩？大人會為咗滿足自己嘅慾望而做好多嘢，但小朋友就可能只係好純粹地想滿足父母對自己嘅期望。呢單懸案受害者嘅父母，多年來就一直就因為被質疑令年僅六歲嘅女兒過分曝光，而令佢招致殺身之禍。而家社交媒體咁發達，到底小朋友成長，應唔應該俾佢哋受到太多人嘅關注呢？ P.S. 片頭口誤，媽媽名為Patsy 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:39:27

EP19: 韓國大邱地鐵慘案｜車廂變人間煉獄接近200人罹難｜做人應該「聽話」嗎？

犯後Check Chat ·

2024/12/16

搭地鐵可能係大部分人每日都會做嘅事，如果有一日，你上咗一架永遠都出唔返嚟嘅列車，你會點？2003年2月18日，本應平平無奇嘅一日，卻因為一個縱火狂徒，令韓國大邱市陷入一片漆黑之中。車廂入面嘅乘客本來有逃生機會，但最後點解去到有人疑似被燒到只剩骨灰嘅地步？到底幾時應該「聽話」，幾時唔應該？作為兩個喺人生事業上唔係好聽話嘅人，希望有聽眾同我哋分享吓你對「聽話」嘅睇法啦！如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat

zh-tw

00:17:25

EP18: 尖東輪椅浮屍案 | 孝順仔疑生活壓力爆煲...

犯後Check Chat ·

2024/12/09

上集講完照顧bb嘅壓力，今集講一單同照顧老人家壓力有關嘅案件。其實呢類案件應該都唔算奇案，因為香港近年多咗好多類似嘅事件發生，大家都開始關注照顧者壓力問題。生與死本應就係人生最大嘅課題，但偏偏討論，甚至係容許討論嘅空間都好少。我哋相信一個抒發嘅出口，有時可能就係轉念嘅一個契機，多啲關心一下身邊需要照顧老人家或者係長期病患嘅照顧者，可能會少好多憾事。

zh-tw

00:21:44

EP17: 人肉打樁機虐殺嬰兒案｜官形容為悲劇但養母最終躲過牢獄之災？｜照顧小朋友壓力雖大家長責無旁貸

犯後Check Chat ·

2024/12/02

今集係開播以來第一次只係得一個人講案，唔知大家又鐘唔鐘意呢個模式呢？Anyway都希望大家唔使等咁耐呀嘛！不過今集案情係比較沉重，因為牽涉到好細個嘅小朋友，所以大家要有少少心理準備先。案件發生喺2008年10月，一個得一歲大嘅BB女被送到醫院急症室時已經昏迷，醫生發現傷勢有可疑，於是報警。幾日後，女嬰傷重不治，庭上都有目擊證人證明女嬰係被養母虐待致死。但係最後法官嘅判決，都頗為出人意料。到底係咩原因，承認誤殺嘅養母，可以避過坐監嘅命運呢？希望已為人父母嘅聽眾們，好好對待小朋友，仲有以身作則，因為你就係小朋友嘅一面鏡呀～

zh-tw

00:30:16

EP16: 瑜珈球毒氣殺人疑案｜到底係邊個放個瑜珈球上車？｜辯方因為一項關鍵疑點獲准上訴

犯後Check Chat ·

2024/11/25

今集主要內容來源於法庭已對外公布嘅批准上訴書，公眾已可於網上查閱。如果你係同案件相關嘅人士，請稍移玉步離開，唔好聽啦。醫生嘅職責本應係救死扶傷，即使係素未謀面嘅陌生人，作為醫生，都會盡全力去拯救，呢個可以話係大家都對醫生嘅認識或者期望。但係，如果專業知識被用喺唔適當嘅地方，呢件事又可以發展成點？

zh-tw

00:39:21

EP15: 台灣芎林膠桶溶屍案｜活活打死下屬再放入膠桶溶屍兩個月｜職場欺凌太普遍辭職保平安？

犯後Check Chat ·

2024/11/18

職場欺凌本身已經係好令人髮指嘅事，去到攞埋人哋條命，到底係幾咁禽獸先做得出？台灣芎林就有兩個喪心病狂，恃住自己係受害人嘅上級，唔單止經常打罵佢，甚至乎對佢拳打腳踢，搞出人命後，仲惡劣到將受害人放喺個膠桶入面，浸咗喺鹽酸入面足足兩個月企圖毀屍滅跡。最令人心寒嘅，係佢哋被拘捕之後對警方講嘅一番說話…… 如果大家同我哋一樣，曾經目睹或者經歷過職場欺凌，聽呢集應該會好心酸同感慨。希望各位打工仔都可以有健康嘅身心。

zh-tw

00:41:55

EP14: 中國留學生江歌日本被殺案｜為護閨密被恐怖情人怒斬｜一場法理以外的道德、人情審判｜面對危險...

犯後Check Chat ·

2024/11/11

大家都話，幫朋友可以「兩脇插刀」，但如果真係要為朋友擋刀，你又願唔願意？ 2016年，喺日本留學嘅中國留學生江歌，好心收留被前男友不斷滋擾嘅好朋友，結果卻不幸慘死喺自己屋企門前，而最令人絕望嘅係，當時佢嘅好朋友其實就喺屋入面，但直至江歌斷氣，大門一秒都冇為江歌而開過......事後江歌媽媽喺法院起訴呢位好朋友見死不救，到底法律可以點樣審判人性同道德呢？恐怖情人冇人想遇到，今集我哋就同大家講吓點樣從源頭解決！

zh-tw

00:35:29

EP13: 西貢龍尾村道士凌辱謀殺智障女案 | 以驅邪為名多次毆打襲擊...

犯後Check Chat ·

2024/10/28

可能因為人嘅力量太渺小，呢個世界又有太多解決唔到嘅問題，所以有啲人喺遇到自己處理唔到嘅事時，就會求神問卜。如果係純粹想求個心理安慰都無傷大雅，但如果愚昧到將生活一切事物，甚至連屋企人嘅性命，都寄託喺呢樣嘢上面，往往就會引嚟好多別有用心嘅人，金錢損失事小，連累到至親要以自己嘅尊嚴、生命嚟為你嘅無知埋單，真係用一世都補償唔到。希望各位聽眾都要引此案為鑑，我哋堅信真正嘅信仰唔會要你做超出你能力範圍同常理以外嘅任何事，包括金錢、精神、價值觀等等方面，有任何人對你提出任何奇怪要求前都要停一停！諗一諗！

zh-tw

00:36:39

EP12: 清華高材生朱令「鉈」中毒案｜女生妒忌室友才華動殺機?｜三十年不解下毒之謎｜...

犯後Check Chat ·

2024/10/21

正義，原來有時唔只會遲到，仲可能會缺席。1994年，一個喺北京清華大學讀緊書嘅女仔，喺佢21歲生日當日，突然覺得好唔舒服，本來以為只係小病，點知原來惡夢喺嗰日先啱啱開始。呢個芳華正茂嘅大學生，喺好短嘅時間內經歷咗極大嘅身心摧殘，唔單只大量脫髮、出疹，之後竟然慢慢演變到四肢失去活動能力，喺呢三十年間，佢飽受嚴重後遺症嘅折磨，最後更鬱鬱而終。最可恨嘅係，原來呢一切，係疑似背後有人因為妒忌心作祟而搞鬼，而呢個人仲係每日都出現喺身邊嘅人……到底有咩深仇大恨，要將一個人折磨到咁嘅地步？而最後呢個人又有冇得到佢應有嘅懲罰？ P.S. Lily把聲仍然好性感，今集要繼續辛苦各位聽眾嘅耳仔啦～

zh-tw

00:34:17

EP11: 香港史上最大騙案 -「佳寧集團」詐騙案｜牽涉最少三宗命案...

犯後Check Chat ·

2024/10/14

1980年代，香港可以話係遍地黃金，各行各業都好興盛，基本上只要肯做，人人都搵到錢。當時好多香港人甚至希望可以喺暢旺嘅股票市場大賺一筆，又咁啱喺呢個時候，一個當時喺香港響噹噹嘅大型集團宣佈上市，呢個集團個名就叫做「佳寧集團」。但係，有邊個會諗到，呢間規模差不多等於宜家嘅新世界、新鴻基咁大嘅集團，原來只係一個騙局？背後嘅幕後大玩家係咩人嚟？呢單案最離奇嘅地方，就係佢背後牽涉嘅謀殺案，甚至有傳哄動一時嘅伊利莎伯大廈花槽藏雙屍命案都同佳寧案有關，到底係咪真？嚟到今時今日，詐騙仍然係非常猖獗，就連我哋親愛嘅阿Nat都中過招......總之一涉及錢銀嘅嘢，大家一定要小心呀！ Btw，為免悶親一啲鐘意聽外國案件嘅聽眾，下集我哋會講唔係香港嘅奇案！敬請期待！

zh-tw

00:21:24

EP10: 沙田作壆坑村溶屍情殺案 (犯後精選香港十大奇案 - 貳)｜痴心錯付...

犯後Check Chat ·

2024/10/07

雖然好多人話感情係無分對錯，但到底有冇一段感情，係值得你付上自己最寶貴嘅生命？再講，如果對方仲要係個渣男呢？呢一單發生喺80年代尾嘅情殺案，一個本應擁有大好年華嘅空姐，就因為錯愛渣男，而慘遭對方同另一個女人毒手。呢兩個喪心病狂嘅人，理應要用一世去償還呢段血債，但離奇嘅係，案件再審時，女被告竟然不惜推翻自己初審時嘅口供，將所有罪名獨攬上身，嚟換取渣男重獲自由......以為渣男會心存感激，眷戀住餘生都喺牢獄入面為自己服刑嘅女人？我哋都係唔好咁天真啦，一齊嚟聽吓渣男嘅極限可以去到邊度啦～

zh-tw

00:37:31

EP9: 天水圍滅門慘案 (犯後精選香港十大奇案第一集) | 為嫁禍老婆...

犯後Check Chat ·

2024/09/30

首先感謝聽眾們喺我哋IG story投票，俾我哋有機會做呢個我哋犯後channel自己想做嘅香港十大奇案～係滿滿嘅愛呀！咁今集第一集，我哋就為大家回帶返一單二十年前轟動全港，甚至到今時今日，講起天水圍呢個地方，好多人第一時間就會諗返起嘅呢一單「天水圍滅門慘案」。當年報紙頭版上面嗰張看似一家四口樂也融融嘅全家幅，背後原來有三個人一直都係過住地獄般嘅生活，被逼喺家門口外嘅走廊過夜、夜晚唔可以入睡、被打至全身體無完膚......最可怕嘅係，呢一切，都係身邊最親嘅人嘅所作所為，呢個魔鬼甚至狠毒到不但只殺害晒自己嘅親人，仲為咗自保，不惜斬埋自己，試圖嫁禍俾已經被佢斬死嘅老婆......到底呢個人面獸心嘅禽獸最後結局如何？呢個家庭又係點樣一步一步走向呢個悲傷嘅結局？

zh-tw

00:50:32

EP8: 桐生希打倒怪物母親弒母分屍悲劇｜可憐父母教育虐待子女反抗逼害情有可原?

犯後Check Chat ·

2024/09/16

(P.S. 因為今條片嘅剪接係阿nat嘅處女作，唔知佢搞咩片尾有七分鐘空白咗，可以唔洗理同埋希望大家原諒一下佢:D)開咗學先兩個星期度，已經有好多同學生有關嘅新聞，但都係令人心酸、難過嘅新聞，所以決定做多集因為失敗教育而釀成嘅慘案。成日都話教育係家庭同學校共同嘅責任，喺學校過得唔開心，可以轉校，而且都會有離開校園嘅一日，但如果被困喺一個控制欲極強嘅家庭，被逼迫到絕處嘅人，最後會走上一條點嘅路？呢個故事嘅主角活喺瘋狂虎媽嘅陰影下已經去到三十幾歲，到底係幾咁令佢絕望嘅環境，先會令佢憎恨母親到將佢殺害並分屍......？

zh-tw

00:44:17

EP7: 馬來西亞國防大學校園霸凌虐死案｜被同學監生用熨斗熨死...

犯後Check Chat ·

2024/09/02

今日係開學日，相信每個父母都想自己嘅仔女開開心心去返學，平平安安咁放學。有邊個父母會諗到，自己嘅仔女會死喺一個所謂作育英才嘅地方？新學年又開始啦，我哋點都要講一講呢單發生喺馬來西亞，犯案情節極嚴重嘅校園欺凌虐死案！雖然呢件案係七年前發生，主犯本來只係被判監，但直至啱啱過去嘅7月底（podcast入面講上個月底因為我哋錄音時係八月），上訴庭法官改判絞刑！法官更形容案情嘅嚴重程度係「罕見中嘅罕見」（rarest of the rare）。到底係有乜嘢咁大仇口，會對自己嘅同學落到咁重手，將受害人活生生咁用熨斗熨死？

zh-tw

00:26:55

EP6: 法國「處女獵人」連環姦殺案｜老婆被逼成為共犯，還是真正幕後女魔頭？

犯後Check Chat ·

2024/08/19

今集帶大家去法國，睇一睇呢單由1987年開始發生，並持續咗十六年嘅連環殺人案。兇手專門挑選處女落手，仲一次比一次大膽，甚至利用埋老婆同自己個仔去幫自己行兇。因為受害者太多，而且犯案時間橫跨十幾年，坊間唔少人都覺得兇手嘅老婆其實係共犯，佢哋嘅口供亦都交代咗佢哋犯案後嘅變態癖好……

zh-tw

45 results

Similar Podcasts

Australian True Crime

Bravecasting

True Crime Podcast 2025 - Police Interrogations, 911 Calls and True Police Stories Podcast

True Crime Podcast 2025

Ontario Cold Cases - The Podcast

Jay Nicoll

The Conspiracy Files

Bloody FM

Crime at Bedtime

Jack Laurence