PODCAST

La Bona Renkontiĝo

Stela Besenyei-Merger

Lernu organizi Esperanto-renkontiĝojn aŭskultante podkastojn!

education training

All Episodes

20:40

JES 2017/2018 - la laŭdoj!

La Bona Renkontiĝo ·

2018/01/10

JES 2017-2018 okazis en Szczecin, Pollando, kaj ĝi estis tre bonetosa! Venu unue la laŭdoj de la renkontiĝo, kion faris bone la organizantoj? Kion indas kopii de ili? Ĉu estas laŭdo, bonaĵo kiu mankas? Kio plaĉis al vi dum la JES?

22:27

Havu informplenan retpaĝon!

La Bona Renkontiĝo ·

2017/12/13

Multe da renkontiĝoj havas retpaĝon, sed ĉu bonan? Kiajn informojn vi aperigu, kio gravas? Kio estas la plej granda miskompreno rilate al retpaĝoj? Kiuj estas tiuj du tute malsamaj taskoj kiuj ligiĝas al ĝi? Konsiloj pri diversaj partoj de la retejo, listo de kiajn informojn viaj partoprenontoj bezonas. La nova babilejo en telegramo troviĝas ĉi tie: https://t.me/joinchat/EbOV0RI2aECQRfxcaOokmA

33:06

Kiel GLAT-igi, alirebligi vian renkontiĝon?

La Bona Renkontiĝo ·

2017/12/06

Kiel certiĝi, ke viaj partoprenantoj bone fartos dum via renkontiĝo? Venu epizodo numero 2 pri viaj partoprenantoj! La graveco de bona informado, konduto-reguloj, kaj multe pli... Komprenu, ke vi devas atenti pri tio kio igas viajn partoprenantojn farti (mal)bone dum via renkontiĝo. Multe da malagrablajn okazaĵojn vi povas eviti, se vi bone informas la homojn. Temu pri kostoj, ejo, manĝaĵoj, necesejoj aŭ programeroj. Legu la ideojn de Egalecen pri tiu ĉi temo:

30:24

Kiajn dokumentojn vi bezonas?

La Bona Renkontiĝo ·

2017/12/01

Mi ŝparos por vi multe da tempo per tiu ĉi epizodo! Vi aŭdos kiel elekti dokumentujon kiu pleje kongruas kun via stilo de organizado. Kiajn bazajn dokumentojn vi bezonas por la organizado? La ekzemplo kiun mi uzas estas mia metodo por trovi la ĝustan ejon de renkontiĝo. Mi montros kial gravas klara kolektado de informoj por la teamo. Vi komprenos kial kaj kiel pli faciligos la organizadon bona sistemigo de la dokumentoj. Teda temo? Eble. Kerna parto de organizado? Jes!

38:07

Kiel bone kunsidi?

La Bona Renkontiĝo ·

2017/11/22

La dua serio revenas per epizodo pri kiel bone, do fakte efike kunsidi. Ĉu vi sciis, ke por bona kunsido vi ne bezonas ĉiujn el via teamo? Kaj tion, ke la antaŭpreparo same gravas kiel la kunsido mem? Decidu kiel vi komunikos en via teamo, kaj poste havu klaran planon por kiam, pri kio kaj kun kiu kunsidi. Vi ĉesos havi senfinajn-longegajn-tedegajn kunsidojn post la aŭskultado de tiu ĉi epizodo, ĉar vi facile povos kompreni kion ŝanĝi por havi la rezultojn, kiujn vi bezonas. Ni ĝojas reveni en vian

28:29

Bazaj demandoj por plani renkontiĝon - resumo

La Bona Renkontiĝo ·

2017/10/11

Ni alvenis al la lasta epizodo de la unua serio de #LaBoRen! En tiu ĉi duonhoro mi uzos la tempon por kunigi la sciindaĵojn de la naŭ epizodoj en la formo de demandoj. Mi resumos tre rapide pri kio mi parolis ĝin nun, kiajn konsiderindaĵojn vi havu antaŭ komenci organizi por doni plenan bildon pri planado de ajna renkontiĝo. Mi listos al vi la demandojn kiujn vi pripensu paŝo post paŝo por la konstruado de via renkontiĝo. Nun vi jam ekhavas bonan bazon por komenci la laboron. Mi esperas, ke je la

33:36

Kion enhavas la kotizo?

La Bona Renkontiĝo ·

2017/10/04

Kiam vi organizas renkontiĝon vi kutime kalkulas kotizon por pagigi per viaj partoprenantoj. Kion ĝi enhavas? Kio ĝi estas, kion ĝi ne enhavas? Tiun komplikan demandon kun siaj kelkfoje malfacilaj reguloj provas mi iom pli simpligi por vi. Kiel ĉiam, gravas kion vi volas organizi kiajn programerojn vi elektas, kaj efektive kiom ili kostas. Ĉio estas demando de planado.

23:08

Kiuj partoprenos vian renkontiĝon?

La Bona Renkontiĝo ·

2017/09/29

Kiel organizantoj kiel ni povas pensi pri niaj partoprenantoj? Kiaj kategorioj estas? Ĉu partoprenanto ne estas "simple" partoprenanto? En tiu ĉi epizodo mi rakontos al vi kiel mi pensas pri la partoprenantoj, kiel tio helpas min pripensi la programerojn, kiel influas tio la organizadon. Havado de klara bildo pri kiujn vi volas inviti helpos vin decidi kion skribi sur vian retpaĝon, kiel inviti kaj kian etoson celi. Do fakte, kiuj partoprenos vian renkontiĝon?

23:42

Kion vi demandu en la aliĝilo?

La Bona Renkontiĝo ·

2017/09/13

Vi havas renkontiĝon, vi volas, ke homoj partoprenu. Sed por ke ili povu informi vin, ke ili fakte volas partopreni, ili devos plenigi aliĝilon por vi. Kio estu en la aliĝilo? Kio gravas? Kial gravas aliĝilo? Kiujn datumojn vi bezonos, kiujn ne? Kion konsideri? Kiel aliĝilo helpas vian organizadon? Vi ricevos respondon al multe da demandoj en tiu epizodo pri aliĝiloj.

32:36

Kial gravas viziti la ejon?

La Bona Renkontiĝo ·

2017/09/09

Vizitado de la ejo signifas multe pli ol vi pensas. Kompreneble, vi povas havi bonan ideon pri la ejo de via futura renkontiĝo tra la retejo, vidante kelkajn fotojn kaj priskribon pri la ĉambroj, komunaj ejoj. Tamen estas tute alia afero fakte esti surloke kaj persone povi sperti la etoson. Ne nur pro tio gravas viziti. Havi personan kontakton kun la estroj de la junulargastejo aŭ kampadejo pli rapidigas la organizadon, ricevi respondojn surloke al mil demandoj ŝparas al via teamo multe da tempo

30:43

Pri la manĝado

La Bona Renkontiĝo ·

2017/08/19

Eble vi ankoraŭ neniam pensis pri tio, ke manĝado estas programero. Grava parto de la organizado, ofte temo por la plej multe da plendoj dum via renkontiĝo. Ĝi prenas sufiĉe multe da tempo kaj samtempe donas la kadron al via taga programo. Dum junularaj renkontiĝoj oni ĉiam organizas tion por la partoprenantoj, kutime oni ofertas tri fojan manĝadon dum la tago. Mi donas al vi ideojn pri kio atenti, se ne vi planas la menuon. Ankaŭ pri tio mi konsilas, kiam vi mem devas aranĝi la tuton dum via

25:12

Kiel elekti ejon?

La Bona Renkontiĝo ·

2017/08/11

Kie okazas via renkontiĝo estas unu el la kernaj demandoj de organizado. Depende de tio kian renkontiĝon vi volas fari, vi elektas la ejon. Tio estas la ora regulo: vi devas bone pripensi kion vi ne volos negoci rilate al viaj bezonoj por realigi la renkontiĝon, kiun vi volas. Junularaj renkontiĝoj kutime havas programon, manĝadon kaj dormadon samloke. La organizantoj zorgas pri ĉiu tri parto de la evento, tio estas baza afero kutime. Se vi ne faras tion, vi bezonas informi viajn partoprenontojn pri

32:02

Kion faras ĉeforganizanto?

La Bona Renkontiĝo ·

2017/08/01

Unu el la plej interesaj misteroj de la Esperanto-movado laŭ mi estas pensi ke oni povas havi renkontiĝon sen ĉeforganizanto. En tiu ĉi epizodo mi provas konvinki vin ke ne komencu serioze organizi renkontiĝon sen decidi, kiu estos la ĉeforganizanto de via evento. Mi klarigas kial oni bezonas iun, kiu kunordigas la eventon. Kaj kio okazas, se vi ne havas tiun personon, kiuj problemoj aperos iam sendube? Kiel elekti la personon por la laboro? En la dua parto de la podkasto (komence de la 17a minuto)

19:19

Kial vi organizas?

La Bona Renkontiĝo ·

2017/07/26

Mi traktas la plej gravan demandon rilate al la organizado. Kial vi volas organizi? Kiuj estas viaj motivoj? Kio certigos, ke vi faros la laboron de la organizado? Antaŭ vi komencas ion ajn fari: pripensu kio estas la celo de via renkontiĝo, ĉar tio difinos viajn taskojn. Kian ejon serĉi, kie organizi, kiom da homoj inviti por kiom da tempo ktp. Mi komencas la podkaston per komparado de plenkreskaj kaj junularaj renkontiĝoj, ke laŭ mia sperto kiel ili malsimilas. Se vi ankoraŭ ne partoprenis

12:03

Bonvenon al LaBoRen!

La Bona Renkontiĝo ·

2017/07/22

Kio estas La Bona Renkontiĝo projekto? Kaj kiu estas mi, Stela? En la enkonduka epizodo de la serio mi prezentas min, iomete rakontas pri miaj spertoj en la movado kaj pri la celoj de la projekto. Kio ĝi estas, kion mi esperas transdoni en la podkastoj. Mi klarigas ke laŭ mi kiaj aranĝoj ekzistas nuntempe por junuloj en la movado, kaj tuj sukcesas eĉ enigi kritikon pri la nuntempaj aktivulaj renkontiĝoj. Fine mi instigas vin pripensi kiajn spertojn vi havas kaj espere inspiri vin transdoni ilin al

35 results

La Bona Renkontiĝo

All Episodes

Similar Podcasts

Science Talk

Albert Einstein College of Medicine

五分钟心理学

柠檬心理

Daily Facts

Amalia Dupray and Montgomery Jones.

Les dents et dodo

BFMTV

Veterinary Clinical Podcasts

The Royal Veterinary College