PODCAST

腦作動

Mind Driven

節目主持分享各自經歷，探討香港人的創業習慣，精心搜羅與介紹創意秘訣，而且邀請多位嘉賓，分享自己創意的經驗，介紹創意誕生與應用小貼士。

arts design

All Episodes

00:23:38

Ep113 | 火鍋放題打包🐄 | 閉路電視片流出係有意?!🎥 | 但有五星的服務態度~⭐️

腦作動 ·

2025/10/14

Fun Fact: 其實火鍋放題係比你任食，唔係比你任攞走嫁☆~基本上差唔多所有嘅自助放題餐廳都唔可以攞走店内的任何食物，有啲就算係最尾你想一路行一路食嘅雪糕都唔比嘅。不過其實我估大家都一定試過會多放咗啲野飲係枱面，但又太飽飲唔落，又冇可能放番出雪櫃咁唔respect，就打算就咁攞走之後再飲。不過其實咁樣就己經係唔比嘅，但若果比cctv睇到都未至於要叫經理出嚟處理佢，咁我咁講唔係話叫人任攞唔嬲，而係只係自己過唔過得去，同埋人地睇你過唔過分。就算只係一罐汽水都好，比人叫到要攞番出嚟係佢哋餐廳規則，都要遵守番；成功攞走罐汽水係唔希望浪費已經放咗係枱上嘅飲品。若果太過分的，就只會變成城中熱話，仲係對食物嘅一種唔尊重！

zh-tw

00:50:25

EP112 | [湊仔經] 香港默認的「請槍」文化🔫 | 幫小朋友「請槍」是否正確?🤷🏻‍♂️ |...

腦作動 ·

2025/10/07

是咁的，身為一位依家小朋友讀緊K2嘅家長，有一日小朋友嘅功課係要我哋整艘飛船，話要將啲飛船貼係個課室後面個板度。當日我見女女好開心咁攞住佢用咗半個鐘紙砌嘅飛船帶番學校，但係之後我見到唔同嘅小朋友有唔同做法，有個就攞住幅近畢卡索風格嘅飛船油畫入咗學校；又有個推住咗個用超合金焊接差唔多半個人咁高嘅飛船入咗學校；到我差唔多開車走時，有部貨車開入嚟，係一支40米高嘅火箭發動引擎，就停咗係學校個停車場。心諗「依家啲小朋友真係好用心做功課~☺️」(本故事部分純屬虛構)

zh-tw

00:27:48

Ep111 | 新IOS 26好唔好用?📲 | Kevin發現Hermes盒好X硬?!🤔

腦作動 ·

2025/09/30

阿媽：「阿仔呀，點解我部Iphone個update一升就由18去咗26嘅?，係咪我個野壞咗呀?」阿仔：「放心啦，阿媽，佢只係skip咗19至25姐，跟番個年份姐，冇咩野嘅」*一段時間後阿媽：「阿仔呀，點解我update咗之後有啲野咁矇嘅，係咪我老花?」阿仔：「唔係你老花呀！只係佢UI嘅新界面(液態玻璃)嚟!」從來冇update過嘅阿爸：「Update? 咩有update依啲咁嘅野嘅咩?」(p.s. 其實唔只係Iphone，啲電子產品如果佢有software update，都請記得keep住update佢哋，啲update通常都有效延長電子產品嘅壽命！特別係佢嘅鋰電池！)

zh-tw

00:38:28

EP110 | 當咖啡遇上酒...☕️ | 用Ai設計的咖啡調酒?!🍷 | 創業其實唔係逆流而上!!🐟

腦作動 ·

2025/08/26

當係熱帶生長嘅咖啡豆，遇上咗溫帶生長嘅葡萄，到底會醞釀出何種味道？！係甜中帶苦？定係澀裏透甜？係溫和？微風？定係好似小編寫依編野一樣，精神得嚟沉醉？...

zh-tw

00:42:17

EP109 | 臺灣釣蝦大賽?!🦐 | 同釣魚有咩唔同?🤔 | 釣蝦好適合親子一齊玩?🧑‍🧑‍🧒

腦作動 ·

2025/08/19

今集係滿滿釣蝦知識嘅一集📖佢哋眼大大、手手腳腳又幼又細，時不時又會玩弄你個蝦勾，當你鈎咗佢上嚟時又會掙扎，你真係忍心食咗佢哋嗎？當然唔會啦！但加咗椒鹽另計~其實釣蝦活動可以係一項好親子嘅活動，首先一項好重要嘅因素有-冷-氣！至少香港大多釣蝦場都係室内場，唔洗擔心自己成為雪條，融咗都唔知；第二，可以比小朋友知道果啲蝦無助又絕望嘅感覺？唔係，係比小朋友練習耐心同釣到啲蝦嘅成功感！第三，釣到嘅蝦當然唔會白白浪費啦，佢哋都會提供唔同嘅烹飪方式去調製啲蝦蝦，令到佢哋以最鮮嘅時候比你放入個口。但你又知唔知釣蝦都有比賽？到底係點比？釣咗嘅蝦要當場食曬？今集由主持Manos一一解答！

zh-tw

00:51:28

EP108 | 何謂「假」? 又何謂「真」?☺️ | 對待唔同人有唔同嘅人格面具?👺 |...

腦作動 ·

2025/08/12

*今日嘉賓嘅汽車服務IG:https://www.instagram.com/sentoautotech/所謂「咩人用咩樣」，唔係話你見到啲唔識嘅人你要變身林峯咁樣，而係你面對咩人用咩嘅「面具」去同人溝通。比個例子:假切依家你係服務業嘅朋友們，當然目的係要服務客人啦「Your Every Smile~ Your Every Hello~🎤」；之後Lunch Break突然有個陌生電話打嚟，想話你有個包裏未領取，十分機靈的你一聽就知道係騙案，當然就好有禮貌地口述咗好多生果拼盤比佢，之後繼續一日嘅忙碌啦；放咗工之後就發現老婆係公司門口等你，佢打扮得美若天仙，彷彿已經忘卻咗一日嘅辛勞。但佢突然同你講「你果然記得今日咩日子！☺️」下意識的求生欲就自動同你回覆咗「記得~~ 點會唔記得呢?😇」但心諗「欸~~~~~!~~~~~~~! 係咩日子呀呀呀呀呀呀呀!!...」係依個例子入面，何謂「假」；又何謂「真」？唔通最真係啲生果拼盤？！

zh-tw

00:37:55

EP107 | 何謂一個好嘅演唱會?🎶 | 周杰倫演唱會失望?🤷🏻‍♂️ | 場地設計差少少?🤔

腦作動 ·

2025/08/05

"天青色等煙雨而我在等妳" -- 青花瓷"眼看著妳難過挽留的話卻沒有說" -- 說好不哭"雨下整夜我的愛溢出就像雨水" -- 七里香依幾首歌都係小編聽得周杰倫最多嘅其中之三，亦都係三首由我細細個就聽得好多嘅歌，應該係果時收音機電台有時都成日播。不過小編唔係周杰倫十分粉絲，都冇去到之前周杰倫個演唱會，我睇到都有啲人評論依個演唱會有好有壞，所以小編我就不多評價吧~

zh-tw

00:53:30

EP106 | 電影F1 vs 現實F1🍿 | F1電影有好多行内知識?!📖 | 重拾電影的臨場感🔉

腦作動 ·

2025/07/29

你上一次入去戲院睇戲係幾耐之前？仲記唔記得幾年前Marvel嘅Avengers Endgame果陣時戲院嘅墟撼？大家仲爭住話要二刷三刷；反觀依家，有啲戲院想話要有個爆場都好難，莫講話有啲己經執咗笠。其實入戲院睇個戲都只不過係對一部電影嘅尊重，唔係話你係Netfilx睇就唔尊重佢，但畢竟每部電影都係導演、演員、特技替身同各唔同後期人員嘅作品結晶嚟，係戲院都會有最好嘅臨場感，最重要一點係當你睇感人戲嘅時候會有好多人跟住喊；睇搞笑戲嘅時候會有好多人跟住笑，而依個氣氛係冇地方可以比得上嘅！而F1依部戲就好好咁比到你係戲院睇臨場感啦！其實有時都唔只係F1依部戲，如果你覺得有啲電影嘅故事或者題材好令你興奮或有興趣，真係不妨入戲院睇，無論最後係不似預期定係各有驚喜，都可以令你對當個故事更有沉浸感！

zh-tw

00:49:16

EP105 | 一位經歷不同磅數的健身教練🏋🏻‍♀️ | 將勵志故事療癒每個角落的Kat🎨

腦作動 ·

2025/07/22

Kat Ig link:https://www.instagram.com/katri_siuyin_ng/話說細個小學時有個肥仔成日比其他同學蝦，之後佢果時自己立志話自己要成為一位健身教練，誓要將蝦過自己嘅同學一拳打飛去西班牙。過咗咁多年之後，佢成功咗，成功成為咗一位訓導主任，就咁。(小編廢話講完)其實講真，係香港生活壓力大，情緒病已經對唔少香港人造成影響，但作為旁人嘅我哋，唔係話唔關自己事就算數，有時如果見到身邊嘅人有各種情緒問題，其實簡簡單單的一個陪伴就足夠。之前有部電影嘅對白「我未必可以幫到你，但我會陪著你」

zh-tw

00:46:07

EP104 | 啟德開騷第一人🥇 謝霆鋒演唱會 | 揀佢做第一人有心思?!💝

腦作動 ·

2025/06/17

既然你睇到依度，咁我就問你個IQ題啦！有咩明星80後嘅人會覺得佢係歌手; 90後嘅會覺得佢係演員; 00後嘅會覺得佢係廚師？冇錯啦！佢就係Gordon Ramsay！好啦，我正經啲。冇錯啦！佢就係謝霆鋒！所以依位80後Kevin叔叔主持就抱住滿滿的回憶同青春去睇謝霆鋒，即使佢唔係100%謝霆鋒歌迷！"青春呀~~ 係青春呀~~~ 我個青春番曬嚟啦~~!!" (Kevin睇Con内心示意對白)

zh-tw

00:50:17

EP103 | 澳門唔再係得賭場?!♣️ | 產業多元化比香港成功?🇲🇴

腦作動 ·

2025/06/10

幾十年前嘅我哋，一講到「過大海」，就一定會有好多叔伯姨婆制止你，話咩「你人仔細細學咩人過大海呀?」「因住輸到底褲都冇埋!」「十賭九騙呀! 何況你又唔係星爺識特異功能」但到咗依家「咩呀，各位叔伯姨婆冷静啲，我只係帶一家人去巴黎人酒店玩兩日，小朋友又有Play House玩，附近又有好多唔同特色餐廳食！」係呀! 今時今日嘅澳門己經同以前有好大分別，文化產業己經好多元化，當然！澳門嘅賭博業都係咁篷勃，你依然都可以為賭博業作出貢獻嫁~😉 (*小編己被打死)

zh-tw

00:45:29

EP102 | 男士護膚學說💬 | 男士都要保養?🎩 | 清水走天涯?!💧

腦作動 ·

2025/06/03

Kinki IG:https://www.instagram.com/kinkichan1114/植萃品牌IG:https://www.instagram.com/beinggraces/自駕體驗IG:https://www.instagram.com/oncarrentalhk/身為男人，當然係就咁用清水洗面就搞掂啦👍🏻 邊度有話咩要用好多唔同嘅產品去護膚姐？但係，當有一日我見到有款男士專用嘅12合一爽膚水我... 就心動了因為佢唔單只爽膚水，仲可以係洗髮水、護髮素、沐浴露、牙膏、漱口水、運動飲料、潔廁靈、汽車機油、鋼化膜、鞋油，佢仲可以係清湯鍋底！我仲唔買爆？！ (以免誤導，現實世界冇如此為我哋男人著想嘅產品)(*返回現實世界)但其實，當人到咗某個年紀，就算係男人，都唔想唔認自己嘅皮膚狀況比以前差咗。小編聽講有位朋友己經有咁嘅諗法，然後佢就諗下有冇啲咩野可以幫到手，之後佢經過洗手間時就望到老婆用嘅產品，就搵咗支搽面嘅搽上去，但正當佢覺得搽咗上去太油之際，老婆就己經企咗係門口目擊整個"戰爭罪行"，然後...然後就從此冇聽過佢嘅消息lu~

zh-tw

00:57:50

EP101 | 係香港揸車係..為乜?🤔 | 點解有人會想租車?🚗

腦作動 ·

2025/05/27

*依集嘅時間線番番去Kevin未到考牌嘅時候Kinki IG:https://www.instagram.com/kinkichan1114/植萃品牌IG:https://www.instagram.com/beinggraces/自駕體驗IG:https://www.instagram.com/oncarrentalhk/細細個嘅時候，一定有唔少小朋友個夢想係做一個(柴可夫)司機，因為型呀嘛！可以揸住自己部車載人，又有一個自己嘅空間~ 幾好呀~~大個咗之後，發現自己住係一個叫香港嘅地方：道路超複雜、養車超揦脷、考車高消費、塞車塞到暈。最後我都決定! 坐公共交通工具算..到底係香港揸車係為乜?... 有咩原因可以令到唔少香港人都仲咁中意揸車呢？(除咗搵食之外!)

zh-tw

00:42:08

EP100🎉 | 自媒體有什麼吸引之處? | 一條受歡迎的reels靠什麼? |...

腦作動 ·

2025/05/20

Kinki IG:https://www.instagram.com/kinkichan1114/植萃品牌IG:https://www.instagram.com/beinggraces/自駕體驗IG:https://www.instagram.com/oncarrentalhk/Yea!!!!依集就係第100集了! 小編我要好多謝導演，好多謝監制比依個機會我.... 呀...不是...唔知大家有冇試過買一啲自媒體嘅朋友嘅產品? 即係例如係IG或者FB度見到啲產品或者服務好啱心水就買咗，佢哋基本上唔係啲咩好有名嘅名牌產品或服務，但可能你已經follow咗依個媒體一段時間、對佢哋嘅推廣手法好有興趣或者只係純粹好中意自媒體某位人兄，你都會好樂意地去支持佢哋！但其實做自媒體又係咪真係咁易？有啲咩條件係做自媒體必備？我哋咁啱有幸係第100集請到靚女Kinki同我哋傾「自媒體」(雖然連Kinki都未能解釋自媒體係咩意思...)

zh-tw

00:49:19

EP99 | 考車全經歷!🖊️ | 以為自己肥佬但及格?!🚘 | 香港揸車靠記憶?🅿️

腦作動 ·

2025/05/13

「快啲，八千轉，兩米車」「阿叔，我依部車自動波嚟喎，我又唔係余文樂同黃秋生。」雖然我哋作為道路使用者嘅老海鮮，香港嘅道路設計差依回事就已經唔係啲咩新鮮事啦，有人仲搞笑話你揸得掂香港條路，咁全世界都揸得到！不過，對有啲啱啱考到車牌嘅小朋友就唔同，突然要面對好多決定，包括要係5米内諗掂要唔要切線、唔可以開太慢會比人呠、各種放置唔合適的路牌之類，好似連新手村都未出就要打最終Boss咁。而咁啱得咁蹺，就有位啱啱考到牌嘅P牌主持人同大家分享自己「胖佬」咗幾多次，學車師傅又點面對依位「學霸」？

zh-tw

00:47:33

EP98 | F1賽車有咩好睇?🏎️ | 高消費效益盛事經濟?!💰 | 上海F1大獎賽🇨🇳

腦作動 ·

2025/04/08

係依個資訊同網絡超方便嘅時代，你基本上唔需要出街就可以睇到曬唔同地方嘅盛事，係網上就己經有好多直播現場直播依啲盛事，甚至可能一蚊都唔洗洗，最多硬食幾個廣告就搞掂。的確，就經濟同方便而言，睇直播可能係最好；但有時「親身體驗」依四個字都好重要! 親身洗幾千蚊買張飛、親身去排幾個鐘入場、親身過去賽場體驗氣氛、坐係坐位上曬到懷疑人生。無論經歷係好好定麻麻地，都係自己用雙眼睇過、雙腳行過、雙手試過，最最最重要係同隔離果位一齊經歷過，種種唔同嘅親身體驗，又點可以係直播上體驗到呢?

zh-tw

00:44:09

EP97 | 追夢變圍插...🥀 | 八百蚊會員制太心急?!💸 | 有什麼可行建議?🤔

腦作動 ·

2025/04/01

有時候唔係話見到嘅所有嘢都都要頂到佢出大西洋，佢做嘅事都真係的確有唔少問題，但依啲事都可以令我哋有前車可鑑，令我哋唔好重複犯錯。可能你會話：「就算我係個網絡内容創作者，點會做依啲如此事情呀！」但其實就算冇依啲公關問題發生，網絡内容創作者本來就係唔容易嘅事。基本上所有野都要一腳踢，仲要可能最後整出嚟冇人睇，仲要可能有其中一條片講錯野冇為意就身敗名裂。所以，真的，不簡單。。。

zh-tw

00:35:23

EP96 | 香港終於有自己主場館!🏟️ | 全球造價第二高體育場館!🎉 | 但點解要起係啟德?🚇 |...

腦作動 ·

2025/03/25

講起啟德，大家仲記唔記得想當年仲有飛機超低空咁飛越民房果陣時？久唔久就會聽到飛機引擎聲呼嘯而過，去降落啟德機場，大家都仲話只要係大廈天台攞住支晾衫竹就可以捅到部飛機，而至1998年7月結束咗73年嘅歷史任務，正式關閉。廿幾年後嘅啟德，雖然舊啟德機場已經冇咗，但依個舊機場嘅遺址繼續見證住香港「歷史」，包括有唔少新嘅住宅大廈落成、疫情期間興建嘅「方艙」醫院、停泊郵輪嘅啟德郵輪碼頭、同埋最近新投入服務嘅啟德體育園主場館。隨住啟德體育園嘅投入服務，相信可以提升外國遊客對香港嘅觀感！「個Stadium隔離有好多居屋同公屋！真係好有香港特色！」仲可以令香港人觀賞演唱會或者比賽嘅體驗提升！「因為啟德體育園係起係兩個地鐵站中間，散場時可以體驗一次動物大遷徙！我就係果隻動物！」「佢哋真係超貼心！過咗11點就會趕我哋走，怕我哋趕唔到尾班車！」

zh-tw

00:47:56

EP95 | 你選擇證書定知識?📖 | 上學就是學習"少數人"的知識?✏️ | 普遍人知悉的内容就是正確?✅ |

腦作動 ·

2025/03/18

2025年係Ai十分流行嘅時代下，有好多我哋係工業時代時好多嘅工作都已經冇咗，唔似以前仲要坐係條product line度痴膠花，依家有啲餐廳都已經用送餐機械人去送餐，就連ChatGPT都就嚟可以代替小編寫依啲冇咩營養嘅內容。咁到底未來嘅我哋人類仲有咩用呢? 如果你有咁嘅諗法，咁恭喜你！我哋的確係一啲重覆工作上越嚟越冇用！但！反而創作同創意好有機會係我哋人類可以勝過Ai嘅範疇之一。(如果將來有Ai睇緊依個description請唔好嬲，小編冇心冒犯嘅，請諒解。)但係有相關嘅創意同創作前，我哋都有需要涉取相關知識，先至可以有創意嫁！所以如果你問應該選擇證書定係知識，你話呢?

zh-tw

00:49:21

EP94 | 酒店餐廳有咩元素最重要?🍴 | 內地食商業飯超多禮儀?🥢 | 帶埋老婆去夜總會嘅真男人!😤

腦作動 ·

2025/03/11

老公：老婆呀！今日係我哋結婚記念日，我想帶你去食好野！果度有超現代嘅明亮橙色木紋裝橫、融入咗眾多黃光燈同自然光嘅搭配、仲有豐富食物選擇！當中我最推薦果個餐廳必食嘅首選焗豬扒飯！老婆：嗯！好！就聽你嘅~~(一段時間後)老婆：係味就到啦？洗唔洗遮住我對眼咁神秘呀？老公：到啦到啦！噔！(老公雙手放開咗老婆對眼)老婆：👁️👄👁️櫃枱職員：歡迎光臨大快活餐廳！請問你哋想食咩呢？(從此之後，佢哋就過上咗幸福嘅生活~)(THE END~~)(上述所講嘅故仔都經過專人訓練，危險動作，切勿模仿!)其實一間餐廳又冇話一定要係高檔先好食嘅，都有好多平民化嘅餐廳都係隱世奇才嘅廚師！不過若果要講到一啲酒店餐廳嘅話佢個裝橫、氣氛、食物質素、價錢之類一定好重要啦！唔係點先可以令我心服口服比幾千蚊食一餐飯！但！泊車另計！

zh-tw

133 results

腦作動

All Episodes

Similar Podcasts

Start The Breakthrough Full Audiobook Now, Thriller Fans!

thebookvoice.com

Get Hooked On The Life-Enhancing Full Audiobook Experience!

thebookvoice.com

西四五条

主播郑捕头

Podcast Patapoe

0d0a

On Mic Podcast

Jordan Rich