Koɗo men hannde

00:05:26

Dawrugol leydi Kamerun waɗii dillere mawnde caggal...

Koɗo men hannde ·

2025/06/12

Pooɗondiral politik mawngal waɗii to Kamerun e alat e altine jawtuɗe to saare Douala. Ko saabii ɗum ko gartugol Maurice Kampto e nder leydi ndii, caggal jonte tati njillu to Erop. Oo lunuldiiɗo laamu eɓɓuno waɗugol batu kanko e yimɓe makko to ñiiɓirde parti makko politik, wonnde to Douala. Kono ndee jonnde laataaki sabu salaare laamu nguu. Ngal pooɗondiral waɗi ko lebbi nayi ɗoo e ko suɓngooji hooreyaaku leydi ndii ina mbaɗa. Ngam taskagol oo alhaali politik Cameroun, hiɗen jaɓɓii hannde Ousmane

ff

00:05:12

Wagner, ngoomu merseneerɓe Russie yaltii e nder Mali...

Koɗo men hannde ·

2025/06/11

Wagner, ngoomu merseneerɓe Russie yaltii e nder Mali. Ko Africa Corps ngoomu paramiliteerɓe humiiɓe e jaagorgal konu Russie lomtii ndee fedde haɓa-yoɓee. Gila hitaande 2021, Wagner waɗii kareeli ngam haɓugol pelle kuliyankooje e baale murtuɓe . E nder ɗin kareeli ɓe waɗii bononndaaji mawɗi faade e siwilɓe. Hol maandetee e golle wagner ? Hol annduɗen e nguu ngoomu Africa Corps? Mbele nguu waawan timminnde kuliyankaaku e nder Mali? Koɗo men hannde ko Mamadou Omar Ly hertorɗo ndeenaagu Sahel. Himo

ff

00:05:15

Koɗo men hannde ko seneral Ousmane Kane, meeɗnooɗo...

Koɗo men hannde ·

2025/06/10

Konu Senegaal siifdi e goomu Senegaal halfinaangu witto weeyo sarti e yontere yawtunde ndee. Ngal gollidal hino faati e tabintingol ndeenaagu e nder leydi ndin. Gila ɗoo haa e duuɓi arooji ɗii, konu nguu dañan ballal goomu ASES, ngam heɓugol kabaaruuji laaɓɗi e nder weertaango leydi ndii fof. Ɗiin kabaaruuji ko tuugnaade e nate e widewooji ɗi ASES heɓata. Fii anndugol ko holno ngal gollidal laatortoo? Ko holno ngal nafirta konu nguu, en njaɓɓiima général Ousmane Kane, hooreejo konu weeyo Sénégal

ff

00:05:00

Koɗo men hannde ko Mamadou Djouhé Bah, tergal fedde...

Koɗo men hannde ·

2025/06/09

Jonnde ONU faatunde e maaje kaaɗuɗe fuɗɗike hannde to Nice e nder Faransi. Gila hannde 9 haa e ñannde Aljuma 13 lewru 6ɓuru, hooreeɓe leyɗe, ardiiɓe guwerneman, pelle winndereyankooje e yimɓe sosiyete siwil jonnindiran/ndokkondirat hakkile fii danndugol maaje e kulle hoɗuɗe e majje ɗee. Ndee jonnde hino waɗude e sahaa hittuɗo sabu boneeji mawɗi hino fewtinaa e ɗee maaje. Ɗin, ko darnugol galleeji e hibbugol tuundi e majje, ko ɗum Mamadou Djouhé Bah, mo fedde daraniinde taariindi “PACTES” holli. Ko

ff

00:05:17

Mauritanie-Senegal:koɗo men no yewti ko faati e sarti...

Koɗo men hannde ·

2025/06/04

Sénégal e Mauritanie siifii sarti faatiiɗo e ɗalle ɓiɓɓe leyɗe maɓɓe. Faandaare nden ko newinngol yiilagol(yaha-ara) senegalnaaɓe e moritaninaaɓe hakkunde ɗee leyɗe ɗiɗi. O siifaama caggal raɗegol ɗanniyankooɓe ɗuuɗuɓe Mauritanie e ɗii lebbi feƴƴuɗi. E ɓen raɗaaɓe hino tawanoo senegalnaaɓe. Pelle Sosiyete Siwil hino ɗaminii wonndema oo sarti dartinan torraaji faade e ɗanniyankooɓe. Ko ɗum si Roughi Mamadou Diallo, tawaaɗo e "Association des Femmes Battantes de la Mauritanie", fedde rewɓe dartiiɓe

ff

00:04:58

Koɗo men hannde no yewti alhaali torraaji teenti...

Koɗo men hannde ·

2025/06/03

Mauritanie, rewɓe teemeɗɗe waɗii seppo e ndee teneere ngam hollugol mette maɓɓe faade e fitinaaji faweteeɗi e rewɓe. Ngoo seppo waɗii caggal waarngo Hawa Traoré, suka debbo reeduujo doolaaɗo, waraa. Oo fitina hino ŋalɗini kono wonaa hannde o fuɗɗi. Piyugol, doola, torra, haa wara rewɓe, ko boneeji jaaliiɗi e nduu adunaaru. Rewɓe e daraniiɓe hakkeeji neɗɗanke no jokki waɗugol seppooji ngam haɓugol oo bone. Kono haa hannde o dartaaki, o ustaaki, holko saabii ɗum ? Hol haana waɗeede ngam dartingol oo

ff

00:05:35

Hannde koɗo men no yewti alhaali jaɓugol kaytaaji...

Koɗo men hannde ·

2025/06/02

Hooreeɓe laamu faddewu Guinee no jokki laɓɓinngol e toppitagol oogirɗe leydi ndin. Permi/ Kaytaaji newnanɗi sosiyeteeji oogirɗi jawle iriiɗe’ ɗuuɗuɗi jaɓaama. Ko ɓuri sosiyeteji 200 janani e Ginenaaji haɗaama gollude. E bi’ol hardiiɓe leydi ndii, ngal pellital maɓɓe ko fi hettugol e juuɗe sosiyeteeji ɗi teddinaali adoode sifaaɗe ɗen tumɓe ɗe ɓe jonnaa ɗen, ngam ɓe waawa gollidude e soosiyeteeji kesi oogirɗi jawle iriiɗe. Ko holno yiiruɗon janngo ɗii sosiyeteeji oogirɗi ɗi kayitaaji mun jaɓitaa ? Ko

ff

00:05:20

Koɗo men hannde no yewti alhaali ndee jonnde...

Koɗo men hannde ·

2025/05/29

Kaaldal ngenndi Sénégal fuɗɗike hanki. Gila ɗoo haa ñannde 4 lewru 6ɓuru, dawroyankooɓe, yimɓe sosiyete siwil, sinndikaaɓe e ardiiɓe diina e fina-tawaa hino renndi ngam taskagol peeje semmbinooje demokarasi. Ɗum ko ngam tabintingol deeƴere e teddingol hakkeeji neɗɗanke e nder wertaango leydi ndin. Pelle mawɗe Sénégal heewɗe tawtii ndee jonnde so wonaa fedde politik APR, nde hooreejo leydi kiɗɗo Macky Sall. Mbele waasde yimɓe Macky Sall taweede e ngal kaaldal ustan darnnde maggal ? Mbele ngal waawan

ff

00:04:54

Koɗo men hannde no yewti alhaali duuɓi 50 dental...

Koɗo men hannde ·

2025/05/28

Hannde Dental Leyɗe CEDEAO heɓii duuɓi 50. Ko e hitaande 1975 ndee walde sincaa. Ka fuɗɗoode faandaare mayre ko ɓamtal faggudu e faamondiral e nder diiwal ngal e dow newaare yaha ara yimɓe leyɗe maggal. Si tawii ɓamtaare dañaama e oo fannu, to banŋe politik e ndeenaagu ko haana waɗeede kon hino ɗuuɗi. E ɗii duuɓi sakkitiiɗi, kuliyankaaku ɓeydike e nder leyɗe goɗɗe CEDEAO, ciwle walla liɓe laamu jaalike. Ko ɓeydii ɗon ko yaltugul Mali, Burkina Faso e Niger e nder ndee fedde. Ɗum no holli ndee walde

ff

00:04:58

Hannde hiɗen njaɓɓii, hertorɗo Internet ko faati e...

Koɗo men hannde ·

2025/05/27

Suudu ñaawirdu CEDEAO taƴii ñaawoore e hoore Senegaal caggal nde hooreeɓe ndii leydi tonngi internet e hitaande 2023 saaha nde seppooji mawɗi waɗi ɓawto nanngugol Usmaan Sonko naadamo Kaso. Nduu ñaawridu hollii wonndema laamu Macky Sall lunndike sariya, bonnii hakkeeji ndimaagu konngol. Kono, wonaa e ngol laawol ɗoo nduu ñaawridu CEDEAO fuɗɗii fawugol leyɗe yagginanɗe sabu taƴugol internet. Hari ndu taƴii ñaawoore e hoore Togo e Gine. Kono ɗee ñaawooje accinaali ngol lunndaagol ndimaagu konngol

ff

00:05:09

Hannde hiɗen njaɓɓii Dokteer Abdu BA ko yowiti e...

Koɗo men hannde ·

2025/05/26

Kaaldigal gadanal hakkunde fedde leyɗe Sahel e imminaaɓe Cedeao, ɗum caggal nde leyɗeele AES yalti e nder fedde CEDEAO. Ko ñannde 22 nduu lewru yuɓɓinaa to Bamako, laamorde Mali. Holko firti walla no mbaawɗen faamirde fuɗɗoonde jokkondiral hakkunde ɗee pelle ɗiɗi Afriknaaje wonnooɓe e luural caggal ciwleel laamuuji teskaaɗi e nder leyɗe maɓɓe? Hol sifaaji gollondiral mbaaw-ɗen ɗaminaade hakkunde CEDEAO e AES ? Mbele ceergal ngal ina joofni? Eɗen njeewta heen e koɗo men, Dokteer Abdu BA hertorɗo

ff

00:04:57

Jonnde ko faati e garoojum jaayndeeji Guinee:...

Koɗo men hannde ·

2025/05/22

Batu njowitiingu e garoojum jaayndeeji, ngu fedde laamuyankoore toppitiinde jaayndeeji e jokkondiral wi'eteende HAC yuɓɓini joofii hanki alarba. E nder nguu batu ngu balɗe tati jaayndiyankooɓe ñaagike udditgol jaayɗe mawɗe uddanooɗe gila hitaande jooni. Senndikaaji jaayndeeji ɗii mbi'i kadi yo fedde toppitiinde ko fayti e hoore mum darnee, tawa ina jogii ñaawirde sehilaaɓe. Koolaaɗo kuuɓal senndikaa fedde jaayndeeji Guinee Amadou Oury Barry, ina noddi ardiiɓe laamuu faddewu nguu daroo no haaniri

ff

00:05:01

Hannde koɗo men no yewti ko faati e fuɗɗitugol ɗii...

Koɗo men hannde ·

2025/05/21

Israel ina tiiɗna hareeji mum to Gaza. Guwernema Benyamin Netanyahu hollitii e altine wonde faandaare maɓɓe ko heɓtude Gaza fof. E ɗum, ɓe werlii bommbooje mbaɗɗii hanki e talaata fotde cappanɗe nayi e ko fawi maayi heen, tawi sukaaɓe. Ko waawi heen wonde fof, Israel ina jokki e hare mum. Hol no mbaawirten faamude e faamninde ndeeɗoo hare hesre hakkunde Israel e Hamas? Hol batte ndee hare hakkunde maɓɓe waawi addude ? Doktoor Abdou B.A, karallo ko faati e dawrugol yeewtidii e Abdoulaye Diallo. Ko

ff

00:04:57

Koɗo men hannde no yewti alhaali mawningol duuɓi 53...

Koɗo men hannde ·

2025/05/20

Juulde leydi Cameroun hannde ɗo. Leydi ndii ɗoo waɗa juulde kawtal muuɗum 53ɓere. Ammaa kawtal ngal ɗo tawee ɓe e caɗeele daga hitaande 2025. Leydi ondii heɓindii ndimu muuɗum ndi ɗiɗi haa taariha. Arande laati haa 1re lewru arandeeru hitaande 1960 bee Cameroun wakeere France. Ɗiɗaɓum laatib haa 1re lewru 10ɓuru hitaande 1961 ngal Cameroun ingiliisi. Ammaa wakeere ragareere ɗo ɗaɓɓiti loortugo haa doosɗe arande ngam senndugo laamu. Ammaa ɗum jaañi mbar hoore e soynde kisal nder diiwe ɗee. Koɗo men

ff

00:05:00

Hannde eɗen njaɓɓii Aamadu bah, hooreejo fedde...

Koɗo men hannde ·

2025/05/19

Gine : e ɗee balɗe jawtuɗe, ardiiɓe laamu nguu gummaniima heɓtude kaayitaaji sosiyeteeji gasooji jawdi iriindi e nder leydi ndii. Ɓe ngopaani sosiyeteeji jeyaaɗi e nder Gine e ɗi leyɗe janane fof. Ko ina abboo e sosiyeteeji cappanɗe nayi kaayitaaji mum en keɓtaama. Ngal pellital ina nanndi e yiɗde fittude sekteer oogirɗe ɗee. Aaamadu bah, hooreejo fedde heertoriinde oogirɗe, wi’eteende "Action Mines Guinée" anndinii wonnde ɗum ko huunde haanunde. Sabu e bi’ol makko, kala leydi ina foti jogaade

ff

00:05:06

Hannde hiɗen njaɓɓii jaayndeyanke ko faati e e...

Koɗo men hannde ·

2025/05/15

Ɓe ƴettii ngal pellital saaha lurral mawngal tabiti hakkunde maɓɓe e lunndiiɓe laamu. Lunndiiɓe laamu holluɓe wonnde ɓe jaɓataa ngal pellital. Ɓe waɗan wullitannde to cuuɗi sariya. Mbele ñaawooɓe Mali firtan ngal pellital ɓee konunkooɓe ? Mbele seppooji ɗi malinaaɓe waɗi ñannde 3 nduu lewru waawan jokkude ngam hollugol salaare laamu njaggu? Koɗo men hannde ko Ibrahima Alaye Thiokary Mawɗo jaayndeyanke Mali. Himo jaaboo lamnde Ibrahima Timbi Bah.

ff

00:05:23

Hannde hiɗen njaɓɓii hertorɗo kisal ko faati e ɗee...

Koɗo men hannde ·

2025/05/14

Ko piyanɗe tiiɗuɗe ɗe meeɗaake yi'eede waɗi e nder leydi ndii. Ko e keewal, kuliyankooɓe ɓee yani e gure wonndude e daakorɗe heewɗe e lannoode ndee yontere. Bone on no mawni. Siwilɓe (yimɓe ɓe tooñaa) waraama, konunkooɓe waraama, ñaameteeji e koɗorle sunnaama. Fitinaaji tentuɗi e nder Djibo. Holko saabii ɓee kuliyankooɓe yani e hoore Djibo, saare wonunde e uddere waɗii ɗuuɓi ? Hol fiirti waɗannde ɗee piyanɗe saaha gooto e gure keewɗe ? Mbele kulol alanaa Ouagadougou, caggal ndee fiyannde wonnde waɗi

ff

00:04:41

Taariindi: daande maayo Nouakchott no yeebaade,...

Koɗo men hannde ·

2025/05/13

Mauritanie, hannde kulol no woodani hoɗuɓe Nouakchott, hedde daande mayoo ngoo, sabu hingo ɓeydoo tun naatude e nder laamorgo ngoo. Ko ɗum holli suudu adunaaru moftirndu kaalisi, no wi’ee banque mondiale e Faransiire. Ko woni saabaade oo bononnda ko asugol njaareendi hunnditundi maayo ngoo. Ko holɗum haana waɗeede ngam sakkagol o bone ?Mbele hoɗuɓe Nouakchott woɓɓe hino anndi wonndema ndenka no ŋakki e koɗorle maɓɓe? Koɗo men hannde ko Fatimata Kane, daraniiɗo kiwal taariindi. Himo jaaboo lamnde

ff

00:05:23

Hannde hiɗen yewti fii ndhettugol hakkeeji lorriiɓe...

Koɗo men hannde ·

2025/05/12

Ɓeynguureeji yimɓe waraaɓe, barminaaɓe e bonnanaaɓe saaha laamu Alpha Condé, waɗuno wullitannde to cuuɗi sariya. Nden wullitannde ko caggal Alpha Condé riiweede e laamu e hitaande 2021. Doggol tuumaaɓe saabagol ɗin fitinaaj timmuɓe 26 limtaama. Poliisiiɓe e sandarmaaɓe wiɗtotooɓe ɓen heɗike lorraaɓe woɓɓe. Kono, gila ɗum ngol piilol hino dartii. Kolko saabii ɗum ? Ko holɗum haana waɗeede ngam yo lorraaɓe ɓee heɓtu hakkeeji maɓɓe ? Koɗo men hannde ko Meetr Thierno Souleymane Baldé, awokaajo ɓee

ff

00:05:29

Hannde njaɓɓiɗen ko Abbe Bernard Demba Boiro,...

Koɗo men hannde ·

2025/05/09

Ko Robert Prevost suɓaa Pape keso. Oo mawɗo katolik en Ameriknaajo suɓike noddireede Pape Leon XIV (Leon sappo e nayaɓo). Konnguɗi makko arani ko juulugol, toranoo nasaarankooɓe jam e nder aduna on. Suɓagol Pape Leon XIV laatanike hooreeɓe eglisji Afrik weltaare. Ɓe kollii wonnde eɓe yaakaare wonnde, o jokkan golle ɗe Pape Francois fuɗɗinoo ngam jam e ɓamtaare tabita e adunaaru nduu. Koɗo men hannde ko Abbe Bernard Demba Boiro, gardiiɗo dental katolik en to Goudomp, nder Senegal.Himo jaaboo lamnde

ff

All Episodes

Similar Podcasts

The Majority Report

The Majority Report

Point Taken with Steve Scaffidi & Kristin Brey

620 WTMJ

English News - NHK WORLD RADIO JAPAN

NHK WORLD-JAPAN

Boletines RNE

RNE

Journal Afrique

RFI