Koɗo men hannde

00:05:09

Ibrahima Alaye Thiokary Mawɗo jaayndeyanke Mali ina...

Koɗo men hannde ·

2025/05/08

Mali, konunkooɓe ardiiɓe leydi ndin ɓamii pellital yowde golle pelle politik ɗee. E bi’ol maɓɓe ko ngam haɗugol fitinaaji e nder leydi ndin. Ɓe ƴetti ngal pellital ko e sahaa luural mawngal hakkunde maɓɓe e luulndiiɓe laamu nguu, waɗuɓe seppo e lannoode yontere faltiinde. E ngon seppo, ɓe nantinii salaare maɓɓe fusugol pelle politik e ɓooyugol laamu faddewu e jappeere ndee haa poomaa (Transition a duree indeterminee). Wurin hiɓe noddi seppooji goɗɗi e ndee aljumaare. Mbele ngal pellital yowde golle

ff

00:05:07

Hannde hiɗen njaɓɓii Père Abbé Bernard Demba Boiro ko...

Koɗo men hannde ·

2025/05/07

Vatican, ko hannde suɓagol lontotooɗo Pape François fuɗɗotoo. Ko kardinalɓe 133 iwruɓe e aduna on fof renndata e nder chapelle Sixtine e nder gunndoo walla sirri ngam suɓagol oo Papjo keso. Haa ka fewndiɗen ɗoo hay gooto anndaa ko hommbo laatoto hooreejo diina nasaaraaɓe. Ngam anndugol no ngoo suɓo yaarata e kardinaalɓe tijjaaɓe hino waawi foolude, koɗo men hannde ko père Abbé Bernard Demba Boiro. Himo jaaboo lamnde Ibrahima Timbi Bah.

ff

00:04:42

Alhaali seppooji Bamako e yontere faltiinde ndee:...

Koɗo men hannde ·

2025/05/06

Koko wayri waɗude waɗi Mali e lannoode ndee yontere. Ko ujune malinaaɓe yalti e hoore laawi ngam hollugol metti maɓɓe faade e eɓɓoore ardiiɓe Mali fusugol, dartina golle pelle politik. E jaabagol noddaandu dawroyankooɓe, malinaaɓe yaltuɓe ɓee, hollii wonndema ko maa konunkooɓe ardiiɓe leydi ndii artira laamu potal. Kono hay gooto habbanooki ɗii seppooji e oo saaha ɗoo, e bi’ol hertorɓe dawro heewɓe. Hol saabi yimɓe nootii ngoo diiño (Sit-in) e keewal ? Ko haa honto ɗee dille saatii yahude? Koɗo men

ff

00:05:35

Anngal teddingol ndimaaku jaayndeeji: jaɓɓoɗen...

Koɗo men hannde ·

2025/05/05

Ndimaaku jaayndeyankooɓe e jaayndeeji no yaarude caggal e nder leyɗe ɗuuɗuɗe Afrik. Ko ɗum holli RSF, fedde daraniinde ndiimaaku konngol, e nder ciimtol yaltinaangol e aljuma feƴƴuɗo. Hooreeɓe leyɗe ɗee hino ɓittude jaayndeyankooɓe e jaayndeeji. Ɓittanɗe fawiiɗe e faggudu, lepte e naadirgol jaayndeyankooɓe konunkaaku doole. Hono diiwal Sahel wonndude e Gine ɗee ɓittanɗe hino tiiɗi, e bi'ol Abdoul Malick Diallo, hooreejo fedde "Presse Solidaire". Ko kanko woni koɗo men hannde. Himo jaaboo lamnde

ff

00:04:59

Ñallal hertanaangal gollooɓe: woni koɗo men...

Koɗo men hannde ·

2025/05/01

Hannde ko go’o lewru 5ɓuru. Ngal ñallal ko hertanaangal gollooɓe ngam taskagol no ngurndam maɓɓe newoara. E oo saaha ɗoo, ngurndam ɓee gollooɓe hino ɓeydoo tan sattude, ko ɗum holli Hadja Mariama Penda Diallo, sinndikaajo, jaagorɗo Guinée kiɗɗo. E bi'ol makko, hooreeɓe leyɗe Afrik hino haani ɓeydude wakkilaare ngam newingol ngurndam golloooɓe, teddina hakkeeji maɓɓe. Ko kanko woni koɗo men hannde. Himo jaaboo lamnde Ibrahima Timbi Bah

ff

00:05:09

Balɗe 100 laamu Donald Trump: mbele ɗii lebbi tati...

Koɗo men hannde ·

2025/04/30

Etats-Unis, hannde timmi balɗe 100 gila Donald Trump arti e jullere laamu. E nder ɗii lebbi tati arani e laamu, oo hooreejo Amerique ɓamii peeje lunndiiɗe laamuuji Dawlaaji Ndentuɗi Amerik faltiiɗi. Ɗen pellitte makko no faatii : e hare ngeygu, raɗagol ɗanniiɓe, dartingol balle Ameriknaaje hedde yaasi wonnude e yaltingol leydi makko e pelle winndereyankooje. O siifii ko ɓuri dekereeji 100. Mbele ɗee eɓɓooje makko battinii e Afrique ? Mbele ɗii lebbi tati makko arani hollii no politik makko banŋe

ff

00:05:33

Koɗo men hannde ko Aliou Dembo, heertorɗo pelle...

Koɗo men hannde ·

2025/04/29

Benin, ko konunkooɓe 54 woni ko kuliyankooɓe ɓee mbari ñannde 17 nduu lewru 4ɓuru to keerol hakkunde maɓɓe Burkina Faso e Niger. Ɗum waɗi ko e njanngu ɓurngu mawnude, waɗngu e nder leydi ndii, gila kuliyaŋkooɓe ɓee fuɗɗii waɗde ɗii fitinaaji e nder Bénin. Ka fuɗɗoode hitannde ndee, ko ina abboo e konuŋkooɓe cappanɗe (30) mbaraama e ngal diiwal. Ko fedde kuliyankoore GNIM, jokkondirɓe e Al-Qaida innitii waɗde ɗee piyanɗe fof.Holko saabi peeje ɗe hooreeɓe Benin ɓami waawaali dartinde ɗii fitinaaji

ff

00:04:59

Hannde njeewtitten ko e Doktoor Kabiru Danladi...

Koɗo men hannde ·

2025/04/28

Nigeria, ko ɓuri 156 waraama e kareeli nder jonte ɗiɗi arane nduu lewru 4ɓuru. Ɓe mbaraa ko e nder diiwe Benue e Plateau. Ɗee limooje ina kolla ɗuuɗugol/keewugol maayɗeele ɗee sabu kareeli hakkunde leñi/leƴƴi. Hitaande kala ko ujune e ujune durooɓe e remooɓe waretee e ɗiin fitinaaji. Holko saabiiɗi? Ko holɗum haana waɗeede ngam dartingol ɗii fitinaaji? Koɗo men hannde ko Doktoor Kabiru Danladi Lawanti, jannginoowo to duɗal toowngal Ahmadu Bello University, Zaria ngal Nigeria. Himo jaaboo lamnde

ff

00:05:36

Hannde njaɓɓiɗen ko Abdurahmaan Bari, heertorɗo...

Koɗo men hannde ·

2025/04/24

Côte d’ivoire, Suudu ñaawooru Abidjan salanike Tijjaani Caam tawugol e suɓngooji saatiiɗi e lewru 10ɓuru arooru. Ñaawooɓe ɓee yamirii yo oo ardiiɗo fedde politik PDCI yaltine e doggol woote ngol. Sabu e bi’ol maɓɓe, sahaa mo oo kandidaajo PDCI winnditii e ngol doggol tawo hayrii e ɓii leydaaku makko Koddiwaar. Kono Tijjaani Caam yeddii ndee ñaawoore. O hollii wonnde ko hooreeɓe ndii leydi faala yaltindeme e ɗii suɓngooji sabu ko kanko ɓuri jogaade fartaŋŋe foolugol ɗi.Mbele oo dawroyankeejo no jogii

ff

00:05:36

Duuɓi cappanɗe joyi CEDEAO: doktoor Abdu BAH,...

Koɗo men hannde ·

2025/04/23

Dental leyɗe hirnaange Afrik mawninat, ñannde 28 lewru 5ɓuru daratoondu, duuɓi mum 50. Ndee maanditaare waɗata ko e sahaa mo ngal dental CEDEAO wonndi e caɗeele mawɗe. Ɗeen caɗeele hino tiiɗi teeŋtini e fannu Politik e Kisal. CEDEAO waasi e ndeeɗo hitaande tati e terɗe mum. Leyɗe goɗɗe kadi tawteeɗe e ngal dental ina nguuri njannguuji kuliyaŋkooɓe e tiiɗallaaji politik. E oon sahaa, ɓiɓɓe leyɗe hirnaange Afrik heewɓe hino ŋiña golle CEDEAO ɗee. Eɓe tuuma ngal dental bammbugol hooreeɓe leyɗe

ff

00:05:28

Hannde hiɗen jaɓɓii Dr Daniel Dama, hertorɗo...

Koɗo men hannde ·

2025/04/22

Pape François ko Diinayankeejo yiɗnooɗo Afrik, wallunooɗo leñi tosookii, daraniiɗo kaaldal hakkunde diinaaji. Ko ɗum holli Dr Daniel Dama, hertorɗo jokkondiral hakkunde Pine, caggal mayde Pape François. E bi’ol Dr Daniel Dama, oo hooreejo Nasaarankooɓe waɗii waylo-waylooji mawɗi e nder oo église. Ko kanko woni koɗo men hannde. Himo jaaboo lamnde Ibrahima Timbi Bah.

ff

00:04:52

Mali: Siidi Umaar Jallo, dawroyanke tawateeɗo e fedde...

Koɗo men hannde ·

2025/04/21

To Mali, hooreeɓe leydi ndii eɓɓii jeewte ngam haaldude e alhaali sariya pelle politik ɗee. E wiide laamu nguu pelle nguurɗe e nder diiwe Mali, hollitii wonnde pelle politik leydi ndii koko haana wayleede : goɗɗe fusee, golle goɗɗe dartinee, limoore majje uytee. Ɗee njeewte joofan ñannde 29 nduu lewru nayaɓuru. Kono dawroyankooɓe Mali heewɓe hino tuumii ardiiɓe leydi ndii gollirgol ngal kaaldal ngam fusugol pelle politik maɓɓe. Koɗo men hannde ko Siidi Umaar Jallo, tawaaɗo e waalde politik KODEM

ff

00:04:32

Kamerun: dillere nde jooma-ganndalɓe e tere pelle...

Koɗo men hannde ·

2025/04/17

Kamerun, yimɓe ɗuuɗuɓe jeyaaɓe e nder diiwe rewo leydi ndii waɗii noddaandu ngam waylugol hooreejo leydi e suɓngooji saatiiɗi e timmoode ndee hitaande. Ko jooma gannalɓe e yimɓe sosiyete siwil waɗi nduu noddaandu. E bi’ol maɓɓe, fii yo ɓamtaare heɓo Cameroun ko maa hooreejo keso daraniiɗo mbaylal suɓee. Meeter Abdoulaye Harissou, hooreejo suudu noteerɓe, Cameroun e Afrik kiɗɗo, no tawaa joɗɗinɓe ndee eɓɓoore. Ko kanko woni koɗo men hannde. Himo Jaaboo lamnde Ibrahima Timbi Bah.

ff

00:05:45

Gine: caggal nde leydi ndii dimmbii Saanoya, men...

Koɗo men hannde ·

2025/04/16

Gine, leydi ndin dimmbike Saanoyah leegal ngal woɗɗaaki Conakry. Ndee dimmbannde ko talata no weetude alarba feƴƴuɗo nde waɗi. Tiiɗeendi mayre feccii leydi ndin wonndude e maadi cuuɗi timmuɗi noogay. Woɓɓe e hoɗuɓe e majji eggii. Holko saabii ndee dimmbannde ? E bi’ol Ibrahima Sory Idrissa Diallo jooloogjo, ko asugol kaaƴe ŋaaño walla granit e nder ndeenokkuure saabii dillugol ɗii leydi. O waɗiino wiɗto e hoore aso granit Sanoyah. Ko kanko woni koɗo men hannde. Himo jaaboo lamnde Ibrahima Timbi

ff

00:05:33

Sudan: timmii duuɓi ɗiɗi gila hare ɗee fuɗɗi, lomto...

Koɗo men hannde ·

2025/04/15

Sudan, hannde heɓii duuɓi ɗiɗi gila hare fuɗɗii e ndii leydi. Ko Jeneral Abdel Fatah al Burhan ardiiɗo konu leydi ndii e jeneral Muhammad Hamdan Daglo, anndiraaɗo Hemeti, ardiiɗo ngoomu konu yaawungu no wi’ee FSR woni e haɓude ngam ardagol Sudan. Ndee, ko hare ɓurnde e muusude e nder nduu adunaaru. Yimɓe ujune maayi, miliyon 13 eggii. Ɓee egguɓe hino wuuri ngurɗam musɗam. Ɓadagol setto tawti pellital Dawlaaje Ndentuɗi Amerik dartinngal balle winndereyankooje, no laatanii HCR, salndu adunaaru

ff

00:05:56

Hannde, koɗo men ko Alfa Usmaan JALLO,...

Koɗo men hannde ·

2025/04/14

Mbele demokarasi no yaarude caggal e nder Afrik ? Hay so tawii o alaa e yaarude ɓaama, awa o alaa kadi e yaarude yeeso, ko ɗum holli Alfa Usmaan JALLO, jannginoowo taariika politik Afrik, to duɗal toowngal Sonfonia ngal Conakry e nder Gine. E misaal, e nder hirnaange Afrik, e oo sahaa ɗoo, konunkooɓe no ardii leyɗe 4 caggal ciwlagol laamu. Ka fewndiiɗoo, gooto e maɓɓe hollaani annuye jonnitugol nguu laamu siwilɓe ɓee. Ngol jattugol laamu hino andina laamuuji njaggu arani caggal nde leyɗe Afrik heɓi

ff

00:05:13

Sherif Abdallah no artana e oo alhaali ɓeydugol...

Koɗo men hannde ·

2025/04/10

Hooreejo Dawlaaji Ndentuɗi Amerik ɓeydanii Shiin Saggale timmuɗe 125 % e nder teemederewel kala ko faati e yeeyeteeɗi maɓɓe naatooji Amerik. Ɗum ko caggal nde Pékin ɓamii peeje yoɓtorɗe, saggale Amerik ɓeydaaɗe arane. Ndee hare ngeygu hino hulɓini faggudu winndere nden. Haysi tawii ɗee saggale ɓeydaaɗe meemii Afrik, kono tiiɗeendi majje hino hakindii. Holko saabii ɗum? Mbele kulol no woodani faggudu Afrik hayso tawii ngeygu hakkunde ndee duunde e Dawlaaji Ndentuɗi Amerik wonaa ko tiiɗi ? Koɗo men

ff

00:04:12

Ceerno Ahmed Tijjan Bah, khalif Bambilor cosuɗo...

Koɗo men hannde ·

2025/04/09

Kawrital winndereyankowal faatiingal e diplomasi diinayankooɓe waɗii Dakar e ɗee balɗe ɗiɗi faltiiɗe. Ngal kawrital renndinii ardiiɓe julɓe e nasaarankooɓe e diplomatɓe wonndude e wiɗtotooɓe e iniwersiteeji. Faandaare nden, ko gollirgol diinayankooɓe ngam ñippugol kareeli jaaliiɗi e nduu adunaaru. Ko Ceerno Ahmed Tijjan Bah, khalif Bambilor e nder Senegaal, nodditi ngal Kawrital winndereyankowal. Ko kanko woni koɗo men hannde. E faandu haala Ibrahiima Timmbi Bah, o anndinii wonndema ardiiɓe diina

ff

00:05:36

Demmba NDONGO no arta e ngal lurral diplomatisi...

Koɗo men hannde ·

2025/04/08

Lurral naati hakkunde Aljeriya e Leyɗe AES. Ko saabii ɗum ko nde Aljeriya fellude drone malinaajo e ndee yontere faltiinde. E bi’ol hooreeɓe Bamako ko e nder Mali woni ko konu Aljeri felli drone maɓɓe oo. Huunde nde Alje yeddi sabu ɓe hollii wonde kamɓe ko e nder leydi maɓɓe ɓe bonni oo drone. Caggal ngal lurral, Mali e wonndiiɓe mum Niijeer e Burkina Faso, nodditii ambasadeerɓe maɓɓe joodiiɓe Alje. Hooreeɓe Aljeriya ƴettii wano ngal pellital nodditungal ambasadeerɓe maɓɓe jooɗiiɓe e nder ɗee Leyɗe

ff

00:05:54

Hammadun Dikko hooreejo sagataaɓe tabital pulaaku...

Koɗo men hannde ·

2025/04/07

Koɗo men hannde ko Hammadum Dikko, hooreejo sukaaɓe tabital pulaaku winndere. Oo neɗɗo daraniiɗo hakkeeji neɗɗanke, nanngano, jogaa ko timmi lebbi tati e nder leydi Mali. Ko humpitooɓe laamu nanngunoomo jogii. Caggal yaltugolmo kaso, doga leydi makko Mali, Ibrahiima Timmbi Bah, yewtidii e makko. Hammadum Dikko feññinii ko holno o jogoranoo, tuume fawanooɗe e makko, eko nanndi hen. Heɗoɗen yewtere maɓɓe. Heɗoɗen…

ff

All Episodes

Similar Podcasts

The Majority Report

The Majority Report

Point Taken with Steve Scaffidi & Kristin Brey

620 WTMJ

English News - NHK WORLD RADIO JAPAN

NHK WORLD-JAPAN

Boletines RNE

RNE

Journal Afrique

RFI