Koɗo men hannde

00:05:09

Keɗoɗen hertorɗo kisal ko faati e ɗee piyanɗe jokkuɗe...

Koɗo men hannde ·

2024/12/12

Ko ɓadii konunkooɓe teemedere waasii pittaali mun e piyanɗe kuliyankooɓe e nder departeman Tera diiwal Tilaberi. Ko timmi siwilɓe 50yo kadi maayi e nder fiyannde wootere nden. Nguu njaggu waɗii balɗe 5 tan ɓawto waɗungu e asawe yawtunde e nokkuure wootere nden, nde yimɓe 21 heddii e nder mun. Holko saabii piyanɗe no jokki waɗude e ndee nokkuure Tera? Ko holno ɓee kuliyankooɓe/jihadiyankooɓe woni e heɓude doole ngam fawude wano ɗii fitinaaji e dow konunkooɓe e siwilɓe. Ko Demba Ndongo hertorɗo

ff

00:05:24

Ghana: kolɗum waɗi haa gananaaɓe suɓitii John Mahama...

Koɗo men hannde ·

2024/12/11

Ɓawto duuɓi jeetati nde o iwi e laamu hooreyaaku, John Mahama, suɓitaama hooreejo leydi laawol ɗiɗaɓol. Oo hooreejo kiɗɗo leydi, kanndidaajo jeyaaɗo e lumndiiɓe laamu nguu fooli e ɗii suɓngooji hooreyaaku yuɓɓinaaɗi e asewe yawtunde. O foolii oo tiindondiraaɗo makko Mahamuudu Bawumiya, cukko hooreejo leydi ndin,wonɗo kadi kanndidaajo fedde laamuyankoore nden. Mahamuudu Bawumiya foolaaɗo oo e ɗee woote jaɓii poolgu John Mahama, o nooddii mo ngam weltanagol mo. Ghana jonni misal kadi e baŋŋe

ff

00:05:10

Ko holno ngal pellital sariya accitugol ɓee...

Koɗo men hannde ·

2024/12/10

Hooreeɓe 11 pelle dawro Mali sokanooɓe gila e lewru 6 ɓuru hitaande nde wonuɗen e mun, accitama e alkamisa yawtuɗo. Ɓee jaagorɓe hiɓɓe e dawroyankooɓe siifunooɓe ɓatakuru noddirteendu « Déclaration du 31 mars », jagganooɓe sabu hiɓe salii ɗoftaade laamu faddewu nguu, newnanaama yoppiteede tawo, caggal nde ɓe rewnaa yeeso ñaawowo to Bamako. Ngal pellital yoppitugolɓe ƴettaama e saayi nde tawata leydi ndii no e caɗeele dawro, hitooji goɗɗi kadi no noddude e kaaldal hakkunde ɓiɓɓe Mali. Hara ko holno

ff

00:05:00

Hannde yewtere men no fawii e liɓugol laamu Bashar...

Koɗo men hannde ·

2024/12/09

Ɓawto nde o ardii Siiri duuɓi 24 e nder hurmeede, Bashar El-Assad ɓortike laamu ngun o dogii o yaltii leydi ndin. Ɗum ko caggal nde pelle muurtuɓe liɓii laamu makko. Ca’e mawɗe Siiri keewɗe yananaaɗe bonnaama. Hay Damas laamorgo ngon waawaali dartaade njaggu ngun. Ngol yanugol hannde laamu Bashar El-Assad ngu Riisi e Iran tammbitii, ko waylitere taariikayankoore. Ko holɗum haanaa maandeede e yanugol laamu doole Bashar El-Assad ? Ko holɗum ɗum battinnta e leyɗe Sahel jikkinorɗe ballal Riisi. Dr

ff

00:23:00

Fewnde e ɗee balɗe hertananaaɗe haɓugol caɗeele...

Koɗo men hannde ·

2024/12/08

Taskaram Koɗo Mawɗo jaɓɓii hannde ko Halima Rama Balde jannginoowo, daraniiɗo hakkeji rewɓe to Gine. O winndii deftere wi'eteende "les martyres de la tradition" rewɓe lorliiɓee e aada. Hannde njeewtaten ko e luulnde balɗe 16 ɗe ONU lelni hitaande kala ngam jeertinde haɓugol fitinaaji pawateeɗi e rewɓe. Ndee luulnde non fuɗɗiima gila altine 25 lewru sappo e go'oɓuru maa nde huuɓu ñannde 10 lewru ndu ngonɗen nduu. Ko e yontere sakkitiinde daranagol fii hakkeeji rewɓe e ɗee balɗe 16 ɗe ONU lelni wona,

ff

00:05:21

Hannde yewtere men no fewtii e taariika Katedral «...

Koɗo men hannde ·

2024/12/05

Duuɓi jowi caggal nde juulirde mawnde Katolik’en noddirteende « Notre Dame de Paris » sumi, ɗun ko ñannde 2 lewru 4ɓuru hitaande 2019, udditugol nde ɓawto nde nde moƴƴintinaa laatooto e aset aroore. Wattitagol ndee juulirde mawnde no jeyanoo e faaleeji mawɗi hooreejo Faransi Emmaniyel Makron. Ngam yewtude fii taariika e kala ko fewti oo katedral « Notre Dame de Paris » Koɗo men on ko Joseph Mansare diinayankoojo kretiyen, imminaaɗo fii yottinngol lingilaa. Himo jaaboo lamnde Faatumata Si Saawane

ff

00:05:10

Mali: konu nguu warii hooreeɓe pelle muurtuɓe Azawaad...

Koɗo men hannde ·

2024/12/04

E alat yawtunde hooreeɓe pelle jogiiɗe kaɓirɗe to rewo Mali buy, jeyaaɓe kawtital kawtinoddirteengal "FLA", waraama bimmbi ñannde kawtital ngal joɗɗinaa. Ɗum waɗii caggal nde konu Mali werlii bommbooje e dow Tinsawaten sera keerol Aljeriya. FLA kawtital pelle wonuɗe e ƴamude yo Azawad hettu hoore mum, hollii wonnde ko konu Mali fawi ko’e e dow maɓɓe, e ko ɓe wari ɓee hooreeɓe maɓɓe, ko cembe tan okki ɓe. Taw ko holɗum saabii joɗɗinngol walla sincugol ngal kawtital FLA? Mammadu Umaar LIH hertorɗo

ff

00:05:24

Ko Mammadu Aadama JALLO ardiiɗo "Zaly FM" Nzerekore...

Koɗo men hannde ·

2024/12/03

E alat falfiinde ndee fitina mawɗo waɗii Nzerekore, worgo fuɗnaage Gine. Ɗum ko e saayinde timmal foolotiro fuku-koyngal fijetenoo hakkunde diɗɗal diiwal Nzerekore ngal Labe to estaad Nzerekore noddirteeɗo « etaad 3 ñayaɓuru ». Foolotiro innitiraango Jeneral Mamadi Dummbuya.Tippude e limoore nde guwerneman on holli, ko timmi yimɓe 56 waasi pittaali maɓɓe e oo estaad, buy kadi barmii. Ko sabu pellital ngal ñaawoowo fijindaaru ndun ƴetti, addi fitinaaji ɗin. Ko ɗon e ɗon piiji fuɗɗaa werleede,

ff

00:05:27

Hannde yewtere men no yowitii e cergal hakkunde Caad...

Koɗo men hannde ·

2024/12/02

Leydi sahel ka konu faransi tawata hino heddinoo holliti e yontere yawtunde wonnde ɓe dartinii gollidal maɓɓe e baŋŋe ndeenaagu e konu Faransi. E nder winndannde walla ɓatakuru ndu Abderaman Kulamallah, jaagorɗo halfinaanɗo huuwondiral hakkunde Caad e leyɗe janane siifii, guwerneman Caad anndinii wondema ɓe ƴettii ngal pellital caggal nde ɓe yurnitii fota e dow alhaaliiji Caad. E bi’ol maɓɓe, hewtii ka leydi ndin daranoo hoore mun fii ndimaaku mayri. Ko holɗum ngal pellital Caad firtugol aadodal

ff

00:04:42

Maanditaare duuɓi 80 warngo_Caaroy: ko honɗum waɗaa...

Koɗo men hannde ·

2024/11/28

Timmii duuɓi 80 gila warngo battinngo e taariika, waɗi nder Caaroy to Senegaal. Ɗum ko caggal nde konunkooɓe Faransi wari e ndee daakorde Caaroy, tirayeerɓe iwtunooɓe haɓangol Faransi e hare adunayankooje e hitaande 1939-1945 . Ɗum, saɓu hiɓe ƴami joɓdi maɓɓe. E bi’ol ardiiɓe konu Faransi, ko tirayerɓe 35 waranoo nden ñannde. Kono taariikayankooɓe keewɓe no holli wonnde limoore tirayeerɓe waraaɓe Caaroy no sowi laabi sappo ko ɓee hooreeɓe holli ko. ko holɗum tigi feƴƴi nden ñannde e nder daakorde

ff

00:05:07

Mali, ko holɗum haani wonde darnde jaaynirɗe ɗen ko...

Koɗo men hannde ·

2024/11/27

Mali, oo tele heeriiɗo Joliba TV accii gollude gila hanki. Ɗum ko caggal nde "HAC" on jaɓitii kaydi newnanndi Joliba TV woodeede walla gollude no wi’ee « licence ». Ngal pellital uddugol oo tele, ƴettaama ɓawto nde suudu toowundu halfinaandu kala ko yowitii e kompite (CSC) Burkina Faso wullitii e ɗow oo tele sabu yewtere nde Iisa Kawu Jiim waɗunoo e on tele heɓii jonte. Yewtere nde oo dawroyankeejo malinaajo yeddi e mum alhaali etannde ciwlere laamu nde ardiiɓe Burkina Faso hollunoo no sakkii e nder

ff

00:05:38

Hannde hiɗen jaɓɓii Muusa Yero Bah fii ɗee ñalaaɗe 16...

Koɗo men hannde ·

2024/11/26

Ɗee balɗe 16 hertinanaaɗe haɓugol fitinaaji faweteeɗi e ɗow rewɓe fampaama hanki e alat e nder adunaaru nduu. Cimtol ngol njuɓɓudi rewɓe Afrik noddirteendi e ɗemngal faransiire « Réseau des femmes élues locales d’Afrique » lollini e hitaande 2023, no holli wonndema e nder Afrik, ko fawi debbo gooto e nder ɗiɗo no faweede fitinaaji e nder ñallal. Tawa ɓurɗi ɗin e majji ko hiɓiiɓe ɓen rewɓe waɗɗata ɗi. Ko holɗum saaɓi ɗii fitinaaji faweteeɗi e dow rewɓe no jokki ? Ko holno oo alhaali haɓirtee? E bi’ol

ff

00:05:24

Hannde hiɗen jaɓɓii hertorɗo falnde Sahel e alhaali...

Koɗo men hannde ·

2024/11/25

Jeneral Abdullay Mayga fuɗɗino golle mun hooreejo jaagorɓe e aljuma, ɗum ko bimmbi ñannde hooreejo laamu faddewu nguu toɗɗiimo lomtoo Coggel Mayga, ɓortaaɗo laamu hooreyaaku jaagorɓe e alkamisa yawɗuɗo, ɓawto nde o ŋiñi komunkooɓe ardiiɓe Mali. Abdullay Mayga oo hooreejo keso tonnginaali joɗɗinngol guwermeman mo o gollidata on. Kono oo guwerneman waylitere mawnde taskaaka e mun. Sabu yoga e jaagorɓe hiɓɓe ɓen artiraama. Abdullay Mayga ardoto fayin jaagorgal fiyaakuuji leydi ndii ngal o halfinanoo e

ff

00:05:43

Emphrem Yalike, jogiinooɗo kabaaruuji Wagneer,...

Koɗo men hannde ·

2024/11/21

To Banngi ina tawee e nder kasooji merseneerɓe Riisi, jaggaaɓe ko gila lebbi 9 hannde walla maayɓe. Ko ina tolnoo e duuɓi tati, Ephrem Yalike wonii jogiiɗo kabaaruuji goomu wagner, haa nde o tuuma jamfa caahtugol bonanndaaji ɗi merseneerɓe mbaɗi. Kono o waawi yaltude leydi ndii e dow ballal njuɓundi noddiirteendi « plateforme des lanceurs d'alerte en Afrique » (PPLAAF).Kanko woni Koɗo François Mazet

ff

00:05:08

Mali: Ñiŋooje ɗe Coggel Mayga waɗi faade e laamu...

Koɗo men hannde ·

2024/11/20

To Mali haalullaaji no jokki caggal konnguɗi ɗi hooreejo jaagorɓe ɓee, Coggel Mayga, suuti e asaweere ƴaɓɓiinde ndee. E nder tumnbondiral e wonanɓe fedde makko noddirteende M5 RFP, oo hooreejo guwerneman ŋiñii sanne konunkooɓe ardiiɓe Mali gila e hitaande 2020. E bi’ol makko konunkooɓe ɓee alaa e tawnorde mo e pellite keewɗe ɗe ɓe ƴettata ko faati e alhaali leydi ndii, wano ko yowiti e happu laamu faddewu nguu. Ɗii konnguɗi Coggel Mayga liddiiɗi ardiiɓe laamu faddewu nguu addii mette ɗuuɗuɗe haa

ff

00:05:07

Senegaal: caggal poolgu yaajungu fedde Pastef e ɗii...

Koɗo men hannde ·

2024/11/19

Senegaal ko hannde ndii njaltudi suɓngooji sarɗinkooɓe yuɓɓinaaɗi e alat yawtuɗo ko hannde e talaata yaltintee. Kono njaltudi araniri feeñuɗi ɗii no holli wonnde ko PASTEF, fedd nde Usmaan Sonko woni hoore doggol mum fooli e keewal e ɗii suɓngooji. Tunaade e njuɓundi toppitiindi mooɓindirgol njaltuɗi no wi’ee « Vie-Publique.sn » Pastef, fedde laamuyankoore nden heɓii Julle 129 e nder 165 to suudu sarɗinkooru.E bi’ol Mammadu Albeer SI, hertorɗo dawro, nguu poolgu PASTEF, wonaa huund juhude mo . Jooni

ff

00:05:16

Hannde hiɗen yewti e alhaali lurral hakkunde hooreejo...

Koɗo men hannde ·

2024/11/18

Lurral mawngal no teskaa hakkunde hooreejo leydi ndin e lunndiiɓe laamu makko. Lurral waɗungal saaha nde caɗeele woodi e njuɓɓudiiji leydi ndin : Mbatu mawngu nguu fusanooma. Lurral no jaali e suudu ñaawirdu mawndu ndun, tawti kadi suɓngoojihooreyaaku haanuɗi waɗude ɗoo e lewru ɗiɗaɓuru hitaande aroore ndee no saatii ko naɓtiraa yeeso. Ɗee caɗeele addii lunndiiɓe laamu Umaru Sisoko Mbalo tuumude mo salaade laatinnde woote hooreyaaku leydi ndii saaha nde ɗe haani waɗude ɗon. Ko ɗun addi yo lunndiiɓe

ff

00:05:20

Ko holnde e ɗee pelle renndo heɓata ɓural e ɗii...

Koɗo men hannde ·

2024/11/14

Senegaalnaaɓe suɓoto e ndee alatiire depiteeɓe maɓɓe. Suɓngooji adintinaaɗi. Caggal lebbi 8 arugol Basiiru Jomaay Faay e laamu. Ɗii suɓngooji sarɗinkooji laatanto nguu laamu hesu ɓeto. Hino tawaa e majji pelle e kawtite lunndiiɗe laamu hewɗe. Ko ɓuri tentude e majje ko kawtital Makki Sall hooreejo leydi kiɗɗo Senegaal, ardiiɗo doggol woote. Caggal orngal musngal e nder leydi ndii, mbele PASTEF fedde politik laamuyankoore waawan dañude keewal e nduu suudu mbatu mawngu ? Taw si Makki Sall hooreejo

ff

00:06:04

Tiken Jah Fakoli jaɓɓiɗen hannde fii gimi makko ko...

Koɗo men hannde ·

2024/11/13

Ko Tiken Jah Fakoli regge-manjo iwarnaajo woni koɗo men hannde. Oo yimoowo mawɗo hino jogii hirde hannde kiikiiɗe e yamnɗe 19 silmaaji 40 to Paris, laamorgo Faransi. E yewtere nde Frederik Garat waɗidi e makko, ɓe kaaldii ko faati e politik e nder leyɗe sahel wonndude e gartol Donald Trump e hoore Dawlaaji Ndentuɗi Marik. Heɗoɗen Timmbi Bah e Umaar Sow firi yewtere nden

ff

00:05:03

Hannde hiɗen yewtida e dawriyankeejo Rafii'u Soh,...

Koɗo men hannde ·

2024/11/12

Faa hannde anndaaka ko honnde tuma laamu faddewu nguu lannata. Sariya mawɗo mo guwerneman fodii on ɗoo e lannoode ndee hitaande wotaaka haa jooni hayso tawii eɓɓoore makko no weeɓitaneede ginenaaɓe ɓen e wertaango leydi ndii fof. E oo saaha, imminaaɓe Dental Adunaaru ONU no e njillu e nder ndii leydi ngam taskagol ko holɗun Gine hanndi ngam laatingol suɓngooji ɗin. Ɓen imminaaɓe ONU yiidii e ardiiɓe pelle politik lunndiiɗe e ndee yontere faltiinde. Koɗo men hannde ko Rafii'u Soh, ardiiɗo fedde

ff

All Episodes

Similar Podcasts

The Majority Report

The Majority Report

Point Taken with Steve Scaffidi & Kristin Brey

620 WTMJ

English News - NHK WORLD RADIO JAPAN

NHK WORLD-JAPAN

Boletines RNE

RNE

Journal Afrique

RFI