x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

បទយកការណ៍

RFI ខេមរភាសា / Khmer

គឺជាការចាប់អារម្មណ៍ និងការក្រឡេកមើល ទៅលើបញ្ហានយោបាយ សង្គម ឬសេដ្ឋកិច្ច នៃប្រទេសកម្ពុជាបច្ចុប្បន្ន។ កម្មវិធីនេះ រៀបចំដោយអ្នកឆ្លើយឆ្លងព័ត៌មានរបស់យើង នៅភ្នំពេញ ហើយនឹងត្រូវចាក់ផ្សាយ ជារៀងរាល់ថ្ងៃ ពីថ្ងៃចន្ទដល់ថ្ងៃអាទិត្យ។

news & politics

All Episodes

00:09:47

មហោស្រពរូបថតភ្នំពេញជាឱកាសសម្រាប់អ្នកចង់ចាប់យកអាជីពជាអ្នក...

បទយកការណ៍ ·

2025/11/20

មហោស្រពរូបថតភ្នំពេញលើកទី១៦ ក្នុងឆ្នាំ២០២៥ បានរៀបចំឡើងជាមួយនឹងទស្សនីយភាពថ្មីនៃការដាក់តាំងស្នាដៃរូបថត និងភាពយន្តឯកសាររបស់ក្រុមអ្នកជំនាញផ្នែកថតរូបទាំងជាតិ និងអន្តរជាតិ។ ក្នុងរយៈពេលមួយខែនៃការដាក់តាំងបង្ហាញនេះ មហាស្រពរូបថតភ្នំពេញក្លាយជាវេទិកាដែលអនុញ្ញាតឲ្យអ្នកចង់ចាប់អាជីពថតរូប និងអ្នកស្រលាញ់រូបថតអាចជួបក្រុមអ្នកជំនាញដើម្បីសិក្សាស្វែងយល់ពីការថតរូប។

km

00:11:10

សាលារៀនតាមព្រំដែនបើកទ្វារឡើងវិញជាមួយការណែនាំពីគ្រោះថ្នាក...

បទយកការណ៍ ·

2025/11/18

វិទ្យាល័យស្រអែមជាសាលារៀនមួយក្នុងចំណោមសាលារៀនជាង ៦០០ផ្សេងទៀតដែលស្ថិតនៅក្នុងតំបន់ក្តៅនៃបន្ទាត់ព្រំដែនខ្មែរ ថៃក្នុងភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ។ វិទ្យាល័យស្រអែមត្រូវបានបិទទ្វារតាំងពីថ្ងៃផ្ទុះសង្គ្រាមជាមួយថៃក្នុងថ្ងៃទី២៤ ខែកក្កដា ឆ្នាំ២០២៥។ សម្រាប់បវេសនកាលឆ្នាំថ្មី ២០២៥-២០២៦ វិទ្យាល័យស្រអែមបានបើកទ្វារឡើងវិញជាមួយនឹងការណែនាំដល់សិស្សានុសិស្សអំពីគ្រោះថ្នាក់នៃសំណល់ជាតិផ្ទុះ និងគ្រោះថ្នាក់ផ្សេងៗនៃសង្គ្រាមដែលអាចកើតមានជាថ្មីម្តងទៀត។

km

00:09:15

ជ្រលងដំរីខេត្តមណ្ឌលគិរី ក្លាយជាកន្លែងទេសចរណ៍ដ៏ទាក់ទាញ

បទយកការណ៍ ·

2025/11/17

កម្ពុជាមានដំរីស្រុកប្រមាណជាង ៧០ ក្បាល និងមានដំរីព្រៃចន្លោះពី ៦០០ ទៅ ៨០០ ក្បាលដែលកំពុងរស់នៅក្នុងព្រៃធម្មជាតិនៃភូមិភាគឦសាន តំបន់ជួរភ្នំក្រវាញ និងតំបន់ព្រៃឡង់។ ដើម្បីជួយសង្គ្រោះ និងអនុញ្ញាតឲ្យដំរីស្រុកអាចរស់នៅបែបធម្មជាតិក្នុងព្រៃសហគមន៍បាន ជ្រលងដំរីមួយត្រូវបានបង្កើតឡើងក្នុងឆ្នាំ២០០៦ ដោយមានដាក់ដំរីស្រុកចំនួន ៧ក្បាល។ បច្ចុប្បន្ន ជ្រលងដំរីមួយនេះកំពុងក្លាយជាទីកន្លែងទេសចរណ៍ដ៏ទាក់ទាញ ហើយបានចូលរួមការពារធនធានធម្មជាតិ និងវប្បធម៌របស់ជនជាតិដើមភាគតិច៕

km

00:09:30

ពលរដ្ឋតំបន់រុនតាឯកស្នើឲ្យអាជ្ញាធរខេត្តរៀបចំតំបន់នេះឡើងវិ...

បទយកការណ៍ ·

2025/11/16

ពលរដ្ឋរស់នៅតំបន់រុនតាឯកលើកឡើងពីការលំបាកដោយសារតែទីនោះពុំមានដង្ហើមសេដ្ឋកិច្ច។ ភាពស្ងាត់ជ្រងំ និងផ្ទះទុកចោលមិនមានមនុស្សនៅ គឺជាបញ្ហាពិបាកក្នុងការប្រកបរបរចិញ្ចឹមជីវភាពប្រចាំថ្ងៃរបស់ពួកគេ។ អ្វីដែលពួកគេចង់បាន គឺការរៀបចំតំបន់រុនតាឯកឲ្យមានដង្ហើមសេដ្ឋកិច្ច ដូចជាការសាងសង់រោងចក្រ ជាដើម។ ចំណែក អាជ្ញាធរខេត្តសៀមរាបបានបញ្ជាក់ថាកំពុងគិតគូរដោះស្រាយបញ្ហានេះជូនពលរដ្ឋនៅតំបន់រុនតាឯកហើយ។

km

00:09:43

អាវុធគីមីនិងផ្សែងពុលថៃនៅតែជាក្តីបារម្ភរបស់ពលរដ្ឋជាយដែន

បទយកការណ៍ ·

2025/11/15

នៅក្នុងរយៈពេលប្រាំថ្ងៃនៃការកើតមានចម្បាំងរាំងជលនៅតាមព្រំដែន កម្ពុជា-ថៃ យោធាថៃបានប្រើប្រាស់អាវុធយុទ្ធភណ្ឌជាច្រើនប្រភេទ រួមទាំងអាវុធធុនធ្ងន់ គ្រាប់បែកចង្កោម យន្តហោះប្រតិកម្ម ដ្រូនអត្តឃាត ព្រមទាំងផ្សែងពុលមានបង្កប់សារធាតុគីមីជាច្រើនទៀត ដែលបង្កទាំងផលប៉ះពាល់ផ្ទាល់ភ្លាមៗ និងយូរអង្វែង។ ជាអ្នករស់នៅតាមខ្សែបន្ទាត់ព្រំដែន ពលរដ្ឋអ្នកជាយដែនដែលជាជនរងគ្រោះផ្ទាល់នៅទីនោះ នៅតែមិនអស់ចិត្តនិងនៅតែបារម្ភចំពោះគ្រោះថ្នាក់នៃសារធាតុគីមី និងផ្សែងបំពុលរបស់ថៃ ដែលអាចបង្កទៅលើសុខភាពមនុស្ស និងបរិស្ថាន ជាពិសេសលើប្រភពទឹក

km

00:08:46

អ្នកភូមិធម្មជាតិក្បែរប្រាសាទព្រះវិហារនៅតែបារម្ភពីសុវត្ថិ...

បទយកការណ៍ ·

2025/11/14

ស្ថិតនៅក្នុងទីតាំងមួយ ក្នុងភូមិធម្មជាតិ ក្នុងឃុំស្រអែម ស្រុកជាំក្សាន្ត ចំងាយជាង ១០គីឡូម៉ែត្រ ពីព្រំដែនខ្មែរ-ថៃ នៅក្បែរប្រាសាទព្រះវិហារ និងសមរភូមិភ្នំទ្រព្យ ប្រជាជនជនភៀសសឹកប្រមាណជាង ៨០% បានវិលត្រឡប់ចូលលំនៅដ្ឋានរបស់ខ្លួនវិញនៅដើមខែវិច្ឆិកា ឆ្នាំ២០២៥នេះ។ ការវិលត្រឡប់ចូលលំនៅដ្ឋានរបស់ជនភៀសសឹកនេះ គឺនៅក្រោយការចុះហត្ថលេខាកិច្ចព្រមព្រៀងសន្តិភាពរវាងកម្ពុជា-ថៃ ដែលបានធ្វើឡើងកាលពីថ្ងៃទី២៦ ខែតុលា ឆ្នំា២០២៥។ ប៉ុន្តែស្ថានភាពព្រំដែនហាក់មានសភាពរំជើបរំជួល និងតានតឹងឡើងវិញ

km

00:07:41

ផ្សារជនជាតិដើមភាគតិចក្នុងខេត្តមណ្ឌលគិរី...

បទយកការណ៍ ·

2025/11/13

ផ្សារជនជាតិដើមភាគតិចក្នុងខេត្តមណ្ឌលគិរី គឺជាផ្សារលក់បន្លែ ផ្លែឈើធម្មជាតិ និងបន្លែព្រៃរបស់ជនជាតិដើមភាគតិចពូនង។ អាជីវករលក់បន្លែនៅផ្សារជនជាតិដើមភាគតិចបានសង្កេតឃើញថា បន្លែធម្មជាតិរបស់ពលរដ្ឋជនជាតិដើមភាគតិចនេះហាក់ទាក់ទាញការចាប់អារម្មណ៍ និងគាំទ្រច្រើនពីអតិថិជនក្នុងតំបន់ និងអតិថិជនដែលជាភ្ញៀវទេសចរមកពីខេត្ត ក្រុងផ្សេង ពិសេសក្រុងភ្នំពេញ។

km

00:11:28

កូនខ្មែរទាមទារឲ្យសាលាក្រុងប៉ារីសជួសជុលចេតិយទាហានខ្មែ...

បទយកការណ៍ ·

2025/11/11

ចេតិយ ស្តូបរំលឹកវិញ្ញាណក្ខន្ធរបស់ទាហានបរទេស ក្នុងនោះមួយចំនួនមកពីកម្ពុជាកំពុងត្រូវគេបោះបង់ចោលឲ្យសឹករិចរិល នៅសួនឧទ្យានគ្រប់គ្រងដោយសាលាក្រុងប៉ារីស។ នេះជាការសង្កេតរបស់សមាគម Fragment Vitae Asia។ នៅថ្ងៃអង្គារទី១១វិច្ឆិកានេះ ថ្ងៃដែលបារាំងរំលឹកខួបលើកទី១០៧ នៃការបិទបញ្ចប់សង្រ្គាមលោកលើកទី១ សមាគមប្រមូលផ្តុំដោយកូនខ្មែរកើតធំដឹងក្តីនៅប្រទេសបារាំងបានដាក់ញត្តិទាមទារឲ្យចៅហ្វាយក្រុងប៉ារីសយកចិត្តទុកដាក់

km

00:11:22

ពលរដ្ឋភៀសសឹកចាកចេញពីជំរំសុវត្ថិភាព...

បទយកការណ៍ ·

2025/11/10

នៅទីបំផុត នៅក្រោយការចុះហត្ថលេខាសន្តិភាព ដែលធ្វើឡើងនៅក្នុងកិច្ចប្រជុំកំពូលអាស៊ាន លើកទី៤៧ នៅប្រទេសម៉ាឡេស៊ី កាលពីថ្ងៃទី២៦ ខែតុលា ឆ្នាំ២០២៥ ប្រជាពលរដ្ឋភៀសសឹកទាំងអស់ត្រូវចាកចេញពីមណ្ឌលសុវត្ថិភាព និងវិលត្រឡប់ទៅកាន់ទីលំនៅដ្ឋានវិញរៀងៗខ្លួន។ ការចុះហត្ថលេខាសន្តិភាពនេះធ្វើអោយពលរដ្ឋភៀសសឹកមួយចំនួនធំសប្បាយចិត្ត ប៉ុន្តែក៏មានពលរដ្ឋភៀសសឹកមួយចំនួនតូចផ្សេងទៀត នៅបន្ត ព្រួយបារម្ភចំពោះសុវត្ថិភាព ការបាត់បង់ផ្ទះសម្បែង និងការប្រឈមទៅនឹងបញ្ហាជីវភាពខ្វះខាតជាក់ស្តែង។

km

00:04:48

ប្រជានេសាទត្រៀមខ្លួនសម្រាប់ការនេសាទនៅរដូវត្រីត្រូវ

បទយកការណ៍ ·

2025/11/09

ទឹកជន់មិនទាន់ស្រក ជាបញ្ហាដែលអ្នកប្រកបរបរនេសាទត្រីកំពុងប្រឈម ហើយមិនអាចចាប់ត្រីបានច្រើនតាមការពេញចិត្តរបស់ពួកគេ។ ប្រជានេសាទនៅកណ្តាលទីក្រុងភ្នំពេញ ហាក់ចម្លែកចិត្ត ដោយសាររាល់ឆ្នាំកន្លងទៅ ទឹកចាប់ផ្តើមស្រកតាំងពីដើមខែវិច្ឆិកានេះមកម្ល៉េះ។ ក៏ប៉ុន្តែមកដល់ពេលនេះ កម្រិតទឹកនៅខ្ពស់គួរសមនៅឡើយ។ ទោះយ៉ាងណាពួកគេបានត្រៀមខ្លួនសម្រាប់ការប្រមូលផលត្រីនៅក្នុងពេលឆាប់ៗខាងមុខនេះ។

km

00:07:10

ការ៉ូថ្មភ្នំជញ្ជាំង...

បទយកការណ៍ ·

2025/11/08

សិប្បកម្មកែច្នៃថ្មធ្វើជាគ្រឿងតុបតែងលម្អផ្ទះ គឺជារបរប្រពៃណីដ៏ពេញនិយមមួយរបស់ពលរដ្ឋនៅភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។ សិប្បករអាចកែច្នៃថ្មភ្នំទៅជាការ៉ូ ឬគ្រឿងតុបតែងលម្អយ៉ាងល្អប្រណិត ព្រោះតែសាច់ថ្មនោះអំណោយផលពីធម្មជាតិ ដែលមើលទៅដូចជាគំនូរ និងមានសណ្ឋានដូចឈើបេងដ៏មានតម្លៃ។ បច្ចុប្បន្ននេះ ថ្មភ្នំស្រុកព្រះនេត្រព្រះ ត្រូវបានគេកែច្នៃធ្វើជាការ៉ូក្រាល ឬការ៉ូបិទជញ្ជាំង ដែលមានតម្លៃខ្ពស់។

km

00:11:55

កូនខ្មែរប្រមូលគ្នារត់ម៉ារ៉ាតុងនៅប៉ារីស...

បទយកការណ៍ ·

2025/11/06

កាលពីថ្ងៃសៅរ៍ទី ២វិច្ឆិកា ប្រជាជនខ្មែរ ដែលមួយចំនួនជាកូនកាត់បារាំងខ្មែរបានចូលរួមគ្នារត់ ក្នុងព្រឹត្តិការណ៍ ម៉ារ៉ាតុង Ekiden de Paris រៀបចំឡើងដោយក្រុមហ៊ុនធានារ៉ាប់រងបារាំង Maif។ ក្រោមគំនិតផ្តួចផ្តើម និងការជំរុញលើកទឹកចិត្តពីលោកស្រី លី ណារី ប្រជាជនខ្មែរបានលើកបង្ហាញទង់ជាតិកម្ពុជានៅ ក្នុងព្រឹត្តិការណ៍ប្រកួតកីឡានៅទីក្រុងប៉ារីស។

km

00:08:46

កម្មវិធីប្រណាំងទូកមិត្តភាពខ្នាតតូច...

បទយកការណ៍ ·

2025/11/06

ទោះបីជាកម្ពុជាបានប្រកាសផ្អាកការប្រារព្ធពិធីបុណ្យអុំទូក បណ្តែតប្រទីប និងសំពះព្រះខែ ថ្នាក់ជាតិ ដែលត្រូវប្រព្រឹត្តធ្វើឡើងនៅថ្ងៃទី៤ ដល់ថ្ងៃទី៦ ខែវិច្ឆិកាឆ្នាំ២០២៥នេះ ដោយបញ្ហាជម្លោះព្រំដែនកម្ពុជា-ថៃ ប៉ុន្តែការប្រារព្ធពិធីបុណ្យអុំទូកនៅតាមបណ្តាខេត្តមួយចំនួននៅបន្តធ្វើឡើងជាទ្រង់ទ្រាយតូចដើម្បីរក្សាភ្ជាប់វប្បធម៌ និងអរិយធម៌វ័យចំណាស់មួយនេះ។ នៅក្នុងខេត្តសៀមរាប កម្មវិធីនៃការប្រណាំងទូកមិត្តភាពខ្នាតតូចបានទាក់ទាញភ្ញៀវទេសចរជាតិ និងអន្តរជាតិយ៉ាងច្រើនកុះករ។

km

00:09:35

ពិព័រណ៍ការងារឆ្នាំ២០២៥៖...

បទយកការណ៍ ·

2025/11/03

ក្នុងរយៈពេល២ថ្ងៃ គឺនៅថ្ងៃទី១ និងទី២ ខែវិច្ឆិកា ឆ្នាំ២០២៥ ស្តង់ក្រុមហ៊ុនឯកជនជាច្រើនបានចូលរួមក្នុងពិព័រណ៍ការងារ ដែលរៀបចំដោយក្រសួងការងារ និងបណ្តុះបណ្តាលវិជ្ជាជីវៈ។ យុវជនជាច្រើនបានចាប់អារម្មណ៍ចូលរួមកម្មវិធីមួយនេះ ក្នុងគោលបំណងស្វែងរកការងារធ្វើ ទៅតាមក្តីស្រមៃ និងតាមជំនាញរបស់ខ្លួន។ ដើម្បីអាចសម្រេចទៅបាន ពួកគេចង់ឱ្យមានសិក្ខាសាលាតម្រង់ទិសសិស្សនិស្សិតនៅតាមសកលវិទ្យាល័យ៕

km

00:11:02

ល្ខោនពោលស្រីប្រឹងរស់ទាំងត្រដាបត្រដួស

បទយកការណ៍ ·

2025/11/02

ល្ខោនពោលស្រី គឺជាល្ខោនមួយនៃភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល ដែលអ្នកសម្ដែងសុទ្ធតែស្រី។បន្ទាប់ពីឈប់សម្ដែងអស់រយៈពេលជាង ៤០ឆ្នាំ ល្ខោនពោលស្រី ស្ទើរតែគ្មានអ្នកស្គាល់។មរតកមនុស្សរស់ លោកស្រី គិន យិន និងព្រឹទ្ធាចារ្យលោកស្រី ជា មុត បានលះបង់កម្លាំងកាយចិត្តស្ទើរតែពេញមួយជីវិត ដើម្បីអភិរក្ស និងផ្ទេរចំណេះដឹងល្ខោនពោលស្រីដល់យុវជនជំនាន់ក្រោយ៕

km

00:08:52

លោក យ៉ូន មុនដែត៖...

បទយកការណ៍ ·

2025/11/02

នៅក្នុងវ័យ២៧ឆ្នាំ សិល្បករ យ៉ូន មុនដែត គឺជាអ្នកចម្រៀងរ៉េប ជនជាតិព្រៅ ដំបូងគេម្នាក់ ដែលតំណាងឲ្យសំឡេងជនជាតិដើមភាគតិចនៅកម្ពុជា។ សិល្បកររូបនេះបានចាប់អារម្មណ៍ទៅលើការផលិតនិងការតែងនិពន្ធបទភ្លេង និងបទចម្រៀងដែលមានទំនាក់ទំនងនឹងជនជាតិដើមភាគតិច ជាពិសេសនៅក្នុងសម័យទំនើបនេះ ក្នុងគោលបំណងនៃការអភិរក្សភាសា និងអត្តសញ្ញាណជនជាតិដើមភាគតិចកុំឲ្យបាត់បង់ ហើយក៏ដើម្បីផ្សព្វផ្សាយទៅដល់ពិភពលោកឲ្យស្គាល់ពីជនជាតិដើមភាគតិចតាមរយៈវិស័យសិល្បៈផងដែរ។

km

00:14:59

នៅពេលមនុស្សជំនាន់ក្រោយស្នងបន្តវេនចលនាតស៊ូនៅក្រៅប្រទេស

បទយកការណ៍ ·

2025/10/31

កាលពីថ្ងៃសៅរ៍កន្លងទៅ លោកសមរង្ស៊ីបានប្រកាសបង្កើតជាផ្លូវការរដ្ឋាភិបាលកម្ពុជាឯករាជ្យ២៣តុលា។ ក្នុងចំណោមមនុស្សប្រមាណ៥០០នាក់ដែលមានវត្តមាននៅក្នុងសាលប្រជុំរៀបចំក្នុងទីក្រុងប៉ារីស មានអ្នកចូលរួមជិត១០០នាក់ដែលបានធ្វើដំណើរមកពីបរទេស ដូចជា ស៊ុយអែត ស្វ៊ីស អាល្លឺម៉ង់ សហរដ្ឋអាមេរិក កាណាដា នូវែលសេឡង់ ជប៉ុន និងកូរ៉េខាងត្បូង។ នៅមុនធ្វើដំណើរត្រលប់ទៅប្រទេសដែលខ្លួនរស់នៅ ក្រុមប្រតិភូខ្មែរដែលមួយចំនួនជាសមាជិករបស់រដ្ឋាភិបាលក្រៅប្រទេសបានធ្វើដំណើរទៅធ្វើទស្សនកិច្ចនៅវត្តពោធិ៍វង្ស

km

00:11:09

ពលរដ្ឋតំបន់អង្គរមិនដាច់ចិត្តផ្លាស់ប្តូរទីលំនៅ...

បទយកការណ៍ ·

2025/10/31

ពលរដ្ឋរស់នៅក្នុងតំបន់អង្គរជាច្រើនគ្រួសារនៅពុំទាន់ទទួលយកការដោះដូរដីដោយស្ម័គ្រចិត្ត ដែលអាជ្ញាធរបានរៀបចំឲ្យនៅឡើយទេ។ ការមិនដាច់ចិត្តរើទៅទីតាំងថ្មីដោយពួកគេយល់ថា ទីតាំងបច្ចុប្បន្នអាចឱ្យពួកគេប្រកបរបរចិញ្ចឹមជីវិតបានល្អប្រសើរ បើធៀបនឹងតំបន់រុនតាឯកដែលអាជ្ញាធរផ្តល់ជូន។ ពលរដ្ឋមិនព្រមចាកចេញមើលឃើញថា តំបន់រុនតាឯកគ្មានដង្ហើមសេដ្ឋកិច្ចទេ។ តែទន្ទឹមគ្នានេះ ពួកគេក៏មិនហ៊ានជំទាស់នឹងសំណើរបស់អាជ្ញាធរក្នុងការរុះរើផ្ទះ ដោយត្រឹមហ៊ានលើកពីកង្វល់ផ្លូវច្បាប់។

km

00:05:01

ក្រដាសកាសែតត្រូវបានសិប្បកម្ម«ចាយ៉ាវ អាត»...

បទយកការណ៍ ·

2025/10/31

«ចាយ៉ាវ អាត» ជាសិប្បកម្មមួយដែលប្រើក្រដាសកាសែតដើម្បីកែច្នៃជារូបចម្លាក់បុរាណ និងសម័យយ៉ាងស្រស់ស្អាតសម្រាប់តាំងលម្អ។ លោក ស៊ាប រតនៈ ម្ចាស់សិប្បកម្ម «ចាយ៉ាវ អាត» បានចាប់ផ្តើមសិប្បកម្មមួយនេះនៅឆ្នាំ២០១៧ ដោយបានប្រើក្រដាសកាសែតដែលគេបោះចោល។ សម្រាប់លោក ស៊ាប រតនៈ ការប្រើក្រដាសកាសែតធ្វើជារូបចម្លាក់មិនត្រឹមតែជាការការពារបរិស្ថានប៉ុណ្ណោះទេ តែវាក៏បានចូលរួមជួយរក្សាទម្រង់ចម្លាក់សិល្បៈខ្មែរ និងផ្សព្វផ្សាយទៅកាន់បរទេសដែរ។

km

00:09:53

ក្រុមនិស្សិតកែច្នៃសំរាមបា្លស្ទីកដើម្បីផ្សព្វផ្សាយពីការបំ...

បទយកការណ៍ ·

2025/10/28

សំណល់ប្លាស្ទីកដែលបង្កឲ្យមានសារធាតុគីមីពុលនៅក្នុងបរិស្ថាន នៅតែជាក្តីកង្វល់មួយដ៏ធំនៅឡើយ សម្រាប់ជីវិតសត្វ រុក្ខជាតិ និងសុខភាពមនុស្ស។ ប៉ុន្តែរហូតមកដល់ពេលសព្វថ្ងៃនេះ ការប្រើប្រាស់ប្លាស្ទីកនៅក្នុងជីវភាពប្រចាំថ្ងៃ នៅតែបន្តកើនឡើងជារៀងរាល់ឆ្នាំ។ ដោយសារមើលឃើញនូវហានិភ័យមួយនេះសម្រាប់ថ្ងៃអនាគត និស្សិតជំនាន់ក្រោយមួយក្រុមបានផ្តួចផ្តើមបង្កើតកម្មវិធីផ្សព្វផ្សាយ និងកែច្នៃសំរាមប្លាស្ទីក ដើម្បីបង្កើនការយល់ដឹង និងការអប់រំពីផលប៉ះពាល់នៃការប្រើប្រាស់ប្លាស្ទីក ទៅដល់យុវជននិងប្រជាពលរដ្ឋផ្សេងៗទៀត៕

km

629 results

Similar Podcasts

Boletines RNE

RNE

BBC News

BBC World Service

برامج

مونت كارلو الدولية / MCD

Journal Afrique

RFI

要闻解说

RFI - 法国国际广播电台