x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

奇情島

奇情島探索古今中外奇人、奇事、奇案。感謝大家支持。You may support the channel with a coffee :) ☕ https://buymeacoffee.com/mysticislandjc 📝你嘅奇情故：https://forms.gle/54924zaUXzquBbsg8 📱Telegram/ Instagram @mysticislandjc 🌳 https://linktr.ee/mysticislandjc

true crime

All Episodes

00:24:59

EP49 - [情殺] 荔景邨雙屍情殺案

奇情島 ·

2025/05/06

如果有人喺午夜聽到有高踭鞋不斷嘅踱步聲，咁究竟係代表嗰度冤魂不散定係佢本人心理作祟？一棟被封死嘅公屋凶宅，點解幾十年來仍然傳出詭異聲響？1984年嘅一個夜晚，點解會令到荔景邨樂景樓從此多咗個「鬼屋」嘅稱號？就等我地返到去1984年嘅葵涌荔景邨，重溫呢一單轟動全港嘅荔景邨雙屍情殺案。

zh-tw

00:24:04

EP48 - [謎案] 加州尤巴城五人雪夜謎案

奇情島 ·

2025/04/29

五個智力有缺陷嘅後生仔，點解會喺睇完波之後連人帶車消失得無影無蹤？佢哋架淺藍色私家車最後停喺荒山野嶺，車門大開，車匙唔見咗，但係車入面嘅零食包裝紙就整整齊齊咁擺咗喺度。最詭異嘅係，距離架車13公里外，竟然有個目擊者話聽到女人同BB嘅喊聲，但係轉個頭啲聲就消失得無影無蹤。究竟當晚發生咗啲乜野事？點解五個後生仔會棄車，走入冰天雪地？佢哋係咪見到咩唔應該見到嘅嘢？定係有人帶佢哋去咗一個永遠都返唔到轉頭嘅地方？就等我哋返到去1978年2月24日晚上，加州州立大學奇科分校，重溫呢一單「加州尤巴城五人雪夜謎案」。

zh-tw

00:23:11

EP47 - [滅門] 紐西蘭貝恩家庭滅門案

奇情島 ·

2025/04/22

今日要講嘅係紐西蘭嘅著名滅門奇案。1994年6月20號，朝早7點02分，紐西蘭達尼丁警局接到一通報警電話，電話中嘅男人一路喊，一路講：「佢哋都死晒呀，我返到屋企發現佢哋都死晒呀。」接報警員，以為只係男子屋企出咗啲咩意外，所以只係派咗4名警員過嚟睇下。但係出乎佢地嘅意料，呢一單係一單耐人尋味嘅滅門案。咁到底，事情嘅始末都底係點嘅呢？兇手又都底係邊個呢？就等我哋返到去1994年嘅紐西蘭，重溫事情發展嘅經過。

zh-tw

00:25:03

EP46 - [劫機] D.B.庫柏劫機之謎

奇情島 ·

2025/04/15

今日要講嘅，係美國一單傳奇劫機案。你有冇諗過，一個睇落斯斯文文嘅中年男人，可以喺飛機上單人匹馬劫機？仲要成功拎走20萬美金，然後消失得無影無蹤？究竟佢係天才罪犯定係純粹好運？點解FBI追查咗幾十年都捉唔到人？就等我哋返到去1971年美國波特蘭，重溫呢一單「D.B.庫柏劫機之謎」！

zh-tw

00:21:58

EP45 - [食人] 德國食人魔

奇情島 ·

2025/04/08

人食人，喺人類文化被視為最高嘅禁忌，呢樣嘢喺而家嘅任何國家，同現代文化，幾乎都係唔可以容忍嘅。但係，喺二十一世紀初嘅德國，就曾經出現過一個食人魔，佢唔單止食人，仲將成個肢解同食人過程拍落嚟，更令人匪夷所思嘅係，被佢食嘅人竟然係自願嘅。咁到底，呢個食人魔究竟係點樣招募願意被佢食嘅人嘅呢？而自願被食嘅人，佢嘅心理狀態又係點嘅呢？就等我哋返到去2001年嘅德國，重溫事情發展嘅經過。

zh-tw

00:24:17

EP44 - [失蹤] 澳洲博蒙特三姐弟失蹤案

奇情島 ·

2025/04/01

今日要講嘅，係一個令全澳洲心碎嘅案件：三個天真爛漫嘅小朋友，喺陽光燦爛嘅澳洲國慶日，竟然喺眾目睽睽之下消失得無影無蹤。有人話，佢哋被困喺某個陰暗嘅角落；甚至有人話，佢哋根本冇離開過海灘。咁究竟邊個先係真相呢？兇手又到底係邊個呢？以而家嘅科技，又能否解開呢個陳年懸案？就等我哋返到去1966年澳洲南部嘅阿德萊德，重溫事情發展嘅經過。

zh-tw

00:23:16

EP43 - [烹夫] 新加坡咖哩烹夫案

奇情島 ·

2025/03/25

殺人分屍案喺世界各地都曾經發生，其中1985年澳門八仙飯店滅門命案引來外界揣測一眾死者嘅遺體被製成人肉叉燒包出售，當時令港澳民眾一度對叉燒包心生恐懼，無獨有偶，新加坡80年代亦發生左一單奇案，一名對妻子家暴嘅男子突然人間蒸發，而當地就盛傳佢嘅屍體，被煮成人肉咖哩飯。咁到底，事件嘅來龍去脈究竟係點樣嘅呢？最後，凶手有冇被捉拿歸案？就等我哋返到去1984年嘅新加坡，重溫事情發展嘅經過。

zh-tw

00:24:34

EP42 - [碎屍] 銅鑼灣怡華大廈金山槓碎屍案

奇情島 ·

2025/03/18

今集要講嘅，係香港戰後首宗碎屍案。碎屍案，如今已經係屢見不鮮，但係上世紀60年代，殺人碎屍，係一件鮮有聽聞嘅事。今日要講嘅，係一單發生喺1965年嘅，銅鑼灣怡華大廈嘅碎屍案。有人被殺害碎屍之後，被裝入一個箱入面，並且喺鬧市之中來回運送，招搖過市，由於當時嘅香港，自開埠以來尚未發生過碎屍案件，呢單案一出，震驚全港。咁到底，死者究竟係邊個呢？兇手又點解碎屍嘅呢？就等我哋返到去，1965年嘅香港，重溫呢一單怡華大廈金山槓碎屍案。

zh-tw

00:23:38

EP41 - [人質] 瑞典劫案與斯德哥爾摩症候群

奇情島 ·

2025/03/11

可能好多聽眾都有聽過「斯德哥爾摩症候群」（Stockholm syndrome），呢個心理學現象。「斯德哥爾摩症候群」主要係指，人質喺壓力情況下，開始對劫持者產生情感共鳴。但大家又知唔知道，呢個心理學現象嘅命名，係源自上個世紀七十年代，喺瑞典首都斯德哥爾摩，發生嘅一單銀行綁架案嘅呢？到底呢單綁架案嘅來龍去脈係點樣㗎呢？銀行人質嘅心理變化又係點樣㗎呢？就等我哋返到1973年嘅瑞典斯德哥爾摩，重溫事情發展嘅經過。

zh-tw

00:25:32

EP40 - [失蹤] 瑪德琳失蹤事件

奇情島 ·

2025/03/04

今日要講嘅係21世紀，歐洲第一大失蹤案，就係2007年嘅，英國女童瑪德琳葡萄牙失蹤事件。自瑪德琳喺葡萄牙嘅度假村神秘失蹤之後，各國警方花費咗1300萬英鎊（折合港幣一億一千萬元），動用警力同私家偵探黎搵佢。呢單案件嘅報導數量，不下於戴安娜王妃嘅死訊。對於歐洲人嚟講，即使冇聽過呢單案，可能都曾經喺過尋人啟事嗰度，見過有關瑪德琳嘅相。咁到底，瑪德琳失蹤事件嘅來龍去脈究竟係點嘅呢？就等我哋返到去2007年嘅葡萄牙，重溫事情發展嘅經過。

zh-tw

00:23:02

EP39 - [姦殺] 日本光市母女殺害事件

奇情島 ·

2025/02/25

2006年4月，日本一所法院，對關於7年前嘅一宗強姦殺人案，進行再次審判，被害人家屬本村洋，手上捧住妻女嘅遺像，神情悲痛咁進入咗審判現場。另一邊嘅被告人，福田孝行，著住拖鞋，神態自若咁走出嚟。佢向本村洋報以一個蔑視嘅眼神，好似勝利者咁，高傲咁行到去被告席上。一切都多得，日本《少年法》對佢嘅保護。喺7年前，福田孝行行兇時仍未成年。咁到底，呢個福田孝行究竟係啲乜野人，點解要殺害本村洋嘅妻女呢？經歷多次審判之後，佢最後能唔能夠逍遙法外？就等我哋先返到去1981年嘅日本山口縣，重溫呢一單「光市母女殺害事件」。

zh-tw

00:21:04

EP38 - [情殺] 油塘高超道邨電梯情殺案

奇情島 ·

2025/02/18

喺驚悚恐怖片入面，空間狹小嘅升降機往往成為咗命案嘅場景，但由於升降機嘅複雜構造同埋密閉空間，呢類事件喺現實中比較罕見，但喺歷史上就的確發生過。早喺多年前嘅香港，就曾經發生過一宗「電梯情殺案」。而呢單案件，無論由犯罪動機，定係過程嚟睇，都非常曲折離奇，當中仲牽涉住兩男一女之間嘅關係。而呢單升降機情殺案嘅起因，竟然係因為一場偏執嘅「單戀」。究竟案件背後，有住點樣嘅離奇故事呢？就等我哋返到去1984年嘅油塘，重溫呢一單高超道邨電梯情殺案。

zh-tw

00:25:01

EP37 - [謎案] 藍可兒命案

奇情島 ·

2025/02/11

2024年3月9日，洛杉磯市中心黃金地段嘅，塞西爾酒店（Cecil Hotel），掛牌出售。自從塞西爾酒店建成之後，就同謀殺、自殺事件糾纏喺一齊，著名嘅「藍可兒命案」，成為塞西爾酒店嘅恐怖標籤。據統計，至少有16人喺塞西爾酒店喪命，而其中最詭異嘅案件，莫過於藍可兒命案。塞西爾酒店嘅出售，令呢單停滯咗10年之久嘅案件，再次進入大眾視野，好多人回顧藍可兒命案嘅，相關細節嘅時候，都認為塞西爾酒店可能受到詛咒。但近期，唔少藍可兒案件嘅細節披露，其中呈現嘅真相令人啞口無言。咁到底，藍可兒事件嘅來龍去脈，究竟係點嘅呢？就等我哋返到去2013年嘅洛杉磯，重溫事情發展嘅經過。

zh-tw

00:22:37

EP36 - [綁架] 申相玉及崔銀姬綁架事件

奇情島 ·

2025/02/04

上個世紀70年代，一個南韓女明星同佢嘅前夫被人綁架到外地，但綁架目的竟然唔係為錢，亦都同任何私人仇怨完全冇關係，而只係因為前夫嘅才華。喺佢地被綁期間，仲製作咗好多部電影，其中一啲仲得到過國際獎項。咁到底，係邊個綁架佢哋嘅呢？佢哋到底有乜嘢用心？最後兩個人嘅命運又會係點呢？就等我哋返到上世紀嘅南韓，重溫呢一單申相玉同崔銀姬嘅綁架事件。

zh-tw

00:21:58

EP35 - [求生] 亞馬遜四孩求生記

奇情島 ·

2025/01/28

今日我哋要講嘅係一個令人難以置信嘅奇蹟故事。喺一次發生喺亞馬遜森林嘅空難入面，只有4個小朋友幸存咗落嚟，一個生存考驗隨即開始。4個小朋友年紀最大嘅先至13歲，最細嘅只得11個月。孤獨嘅佢哋，需要面對人煙罕至、到處都係危險嘅熱帶雨林。咁到底，4個小朋友究竟經歷咗啲乜野嘅磨難呢？就等我哋先返到去2023年，重溫呢一單亞馬遜四孩求生記。

zh-tw

00:27:34

EP34 - [虐殺] 馬里蘭州瑜伽用品店謀殺案

奇情島 ·

2025/01/21

2011年3月12日，喺美國馬里蘭州貝塞斯達市嘅一間運動服裝同瑜伽品牌店鋪入面，兩名店員被發現雙雙倒臥喺店鋪不同位置，身上仲充滿血跡。而收銀櫃，入面嘅現金，就全部俾拎走，睇黎，就好似發生咗一單殺人同盜竊案。但警方深入調查後，發現事情冇想像中咁簡單，而一切起因竟然係黎自一條價值只係120蚊美金嘅瑜伽褲。咁到底，當中發生咗啲乜嘢事呢？就等我地返到去2011年3月嘅美國馬里蘭州，重溫事情發展嘅經過。

zh-tw

00:24:28

EP33 - [藏屍] 銅鑼灣花槽藏屍案

奇情島 ·

2025/01/14

喺20世紀80年代，香港發生咗轟動全城嘅，花槽雙屍案。案發嘅時候，警方努力調查，傳媒同市民都有各自嘅講法，但真依然尚未查明。事隔26年之後，又有一單離奇嘅死亡事件，睇黎同呢單案件有關，令呢個懸案再次引起大眾注意。究竟係乜嘢原因，令呢單命案難以破案？又有啲乜嘢陰謀，隱藏喺呢單命案背後嘅呢？就等我哋返到去1984年嘅銅鑼灣，重溫事件發展嘅經過。

zh-tw

00:28:41

EP32 - [戀屍] 倫敦戀屍癖連環殺手

奇情島 ·

2025/01/07

喺20世紀70年代，倫敦曾經出現過一個變態嘅連環殺手。佢常年犯案，但係屢次逃脫，最後竟然係自己送上門去到警局。警車上，探員問佢：案發嘅房間入面，其實一共有幾多位受害者？到底係一個，定係兩個？男人望住窗外，淡定嘅答：案發嘅房間有三個。剩低嘅，我放晒佢地喺我之前住嘅公寓。我諗大概15? 或者16?警員聽到呢個數字，當堂呆咗。咁到底，呢個英國其中一個最令人作嘔嘅連環殺手，究竟當年做咗啲乜嘢？就等我哋返返去1970年代嘅倫敦，重溫案件嘅細節。

zh-tw

00:26:01

EP31 - [求生] 安第斯空難奇蹟

奇情島 ·

2024/12/31

今日同大家講個劫後求生嘅奇蹟故事。2012年10月12日，喺智利首都聖地牙哥，正舉行緊一場, 遲咗足足40年嘅欖球友誼賽，據賽場上一位名烏拉圭老球員回憶：「喺40年前嘅呢個時候，飛機正在下墜。」 16名老球員喺聖地牙哥相聚，同之前嘅隊友打咗呢場遲咗40年嘅比賽。喺比賽中，佢哋痛哭流涕，老淚縱橫，而佢哋嘅經歷，同一場40年前嘅著名安第斯空難有關。當年空難，飛機墜毀喺寸草不生嘅安第斯雪山入面，政府搜救無望，最終放棄咗救援，但其實當時空難，仍然有幸存者生還，等候獲救。咁到底，呢場空難嘅詳情到底點樣？幸存者最後能唔能夠全部生還？佢哋又點樣試圖喺南美嘅安第斯山脈生存呢？就等我哋返到去1972年嘅烏拉圭，重溫事情發展嘅經過。

zh-tw

00:23:35

EP30 - [縱火] 加州平安夜滅門案

奇情島 ·

2024/12/24

聖誕節本應係一個同親朋好友相聚嘅時節。聖誕老人，亦都係呢個節日嘅標誌之一，佢親切嘅形象，深入民心。不過，冇人會諗到，聖誕老人有一日會變身成殺手，用子彈同烈火，殘忍咁奪取一家人嘅性命。喺某一個平安夜，美國有一家人，按照慣例，舉辦大型嘅聖誕派對。不過，一名扮成聖誕老人嘅男子，不請自來，攜帶武器同自製嘅噴火槍，將呢一家人嘅幸福生活，無情地燒成灰燼。咁究竟，嗰一晚發生咗乜嘢事呢？又係邊個會特意揀喺聖誕佳節，屠殺一個家族呢？就等我哋返到去2008年12月嘅美國加州，重溫事情發生嘅經過。

zh-tw

89 results

Similar Podcasts

Australian True Crime

Bravecasting

True Crime Podcast 2026 - Police Interrogations, 911 Calls and True Police Stories Podcast

True Crime Podcast 2025

Ontario Cold Cases - The Podcast

Jay Nicoll

The Conspiracy Files

Bloody FM

Crime at Bedtime

Jack Laurence