x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

半夜微醺Drunkirk

加入天文學會，你唔會後悔。⬇️ Youtube會員：https://bit.ly/3u85q1L Podcast會員：https://apple.co/3AVfRqD 一週工作尾聲，讓我們微醺一點。眾人皆醉我更醉，微醺中更清楚面對自己、看見世界。逢星期三、五晚上，使我們在死前多一點品味。節目類型：一個坦誠尖酸的社會觀察、文化研究過程主持：陳四、VVN 支援小平台，敬希打賞，少少無拘：https://bit.ly/Drunkirk_tipping_page 半夜微醺Drunkirk Youtube： https://bit.ly/3zzZ6PE Discord：https://discord.gg/N24SpkP8m4 _ Youtube視像版及各大Podcast ： Apple Podcast • Google Podcast • KKBOX • Firstory • Spotify Linktree：https://linktr.ee/drunkirk 業務查詢： team@drunkirk.com Powered by Firstory Hosting

comedy comedy interviews

All Episodes

136:18

Ep.176｜共濟會｜同舟共濟會

半夜微醺Drunkirk ·

2023/07/05

【直播】Ep.176｜共濟會｜同舟共濟會｜一班富可敵國嘅社會菁英，定期聚會，唔畀人話係幕後統治地球、對抗外星人、成立新世界秩序，都講唔過｜#神秘微醺｜半夜微醺 Drunkirk #陰謀論影片連結：https://youtube.com/live/79HsIHdAGnc 由遠古時代一班職安真漢子搞公會開始，至今日變成精英雲集嘅組織，更被外間視為一個可以凌駕政府，真正統治世界嘅秘密組織。香港據說都有二千會員，潛伏各大城鎮。共濟會就係同舟共濟嘅組織，而一班富可敵國嘅社會菁英，定期聚會，唔畀人話係幕後統治地球、對抗外星人、成立新世界秩序，都講唔過。共濟會神唔神秘？佢愈開放你越覺得佢有陰謀，但背後可能真係乜都無，不過你乜都無，又可以令咁多上流人士結社聚賢，又可以齊齊保守秘密，會費平過健身房，但又大做慈善，但又不是法定慈善組織，但喺香港又有專屬嘅法例第1034章《共濟會慈善基金法團條例》去免稅，你班男人（近年先有女人）成班定期出去，話淨係飲酒食飯喎，唔好話雲海，你屋企個女人都信有陰謀啦！傾密計去Discord～：https://discord.gg/N24SpkP8m4 _

zh-Hant

107:35

Ep.175｜放閃攻略之必要｜#戀戀Drunkirk

半夜微醺Drunkirk ·

2023/07/01

【直播】Ep.175｜放閃攻略之必要｜#戀戀Drunkirk｜半夜微醺 Drunkirk #放閃 #愛情影片連結：https://youtube.com/live/PtmL_W8JP1Q 這是一個金星火星都在獅子座的時分，是一個戀愛的季節，空氣裡都是情侶的味道，孤獨的人是可恥的。不過我們的聽眾萬一（真係萬一）找到幸福，有另一半，那種興奮猶如John Wick在沙漠找到水、楊千嬅著啱衫上台，或劉浩龍有新歌一樣，罕有而矜貴，畢竟我們不是黑人Nono，遇到拍拖這個奇蹟一定要開心share，你可能問我高調可以幹什麼，就算轟動幾秒有用麼，但我話你知有拖拍就爽，話知你唔爽。放閃，不只是公告天下的事情，不只是宣示主權的行為，不只是公佈脫單的傳播過程，更要讓大家妒恨，但仍要強裝溫馨的面容來恭喜你，就爽。如果你真心恭喜我，不夠爽。放閃有藝術、有技巧，要「濕途」，要「D神」，你可能嫌情侶裝老派，家樂坊啲木刻牌MK，Tiffany戒指太貴，我們還有甚麼爽爽的有品味放閃手段？我們積極探討，可能你沒有放閃之必要。生命像鮮花一樣綻開，我們不能讓自己枯萎，沒有選擇，我們必須戀愛。

zh-Hant

136:59

Ep.174｜金字塔未去解之迷｜突發！神秘組織干擾揭秘金字塔的秘密？

半夜微醺Drunkirk ·

2023/06/28

【直播】Ep.174｜金字塔未去解之迷｜#神秘微醺｜半夜微醺 Drunkirk #神秘學 #金字塔 #世界謎團影片連結：https://youtube.com/live/fIv-LpzKKUg 金字塔可說是神秘學的入門，涉及古文明、喪葬死人、外星人等等共冶一爐，當中祭司、神殿、征戰、弓箭，都可能成為碑文中的字眼讓你凝視，幾千年的神秘傳說變成永垂不朽的詩篇。你想親歷其中一探究竟，觀覽底格里斯河般的漫延，或幼發拉底河的痰涎，在美索不達米亞平原中，清晰可見的可能是給遊客的警告路牌，還是簡體字的。金字塔建築一直令世人驚嘆，比Adam Lai更加大膽，石棺直情四面落床，雖然不知道主力牆有否受損，但即使古埃及文明被壓碎，金字塔數千年甚至更久仍然歷久不衰。這幾座大四方錐體，是法老之墓，還是儲電裝置，還是外星人降落地標，還是當年埃及文明的旅遊地標(即係Hello Egypt嗰啲)，至今仍是不解之迷，但埃及的旅遊收入，的確由此而起，這會否成為金字塔之迷一直隱於秘密之中的密謀？傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️

zh-Hant

167:21

Ep.173｜全民做雞！《一舞傾城》創出時代虛無嘅夜總會世界｜半夜微醺 Drunkirk

半夜微醺Drunkirk ·

2023/06/24

【直播】Ep.173｜全民做雞！一舞傾城創出時代虛無嘅夜總會世界｜半夜微醺 Drunkirk #TVB #一舞傾城 #劇評影片連結：https://youtube.com/live/PRF9IQzCaRA 文：TVB為對抗ViuTV的《全民造星》，其中一手就是王晶有份參與的重頭劇《一舞傾城》，實行全民做雞！可是觀眾不太受落，無食宵夜無買full鐘無拎手袋出街，收視僅過20點；連大陸客都唾棄，豆瓣評分得5.6，應為港劇最低，畀個參考你，《黑暗榮耀》8.9分，《華燈初上》8.1分。以八九十年代的夜總會作時代背景（其實「八九十年代」咁橫跨二十年都好求其下），再加古惑仔黑幫橋段，仲有警察臥底元素，建立做雞職人劇，可以話係王晶多年拿手素材，可是結果不倫不類，老土、淺薄、跨張、不合理，難怪觀眾出戲，除咗電視機同電話，其實懷舊元素都唔多了，一如既往嘅恩怨情仇、父子反目、爭風呷醋、姐妹離合，仲要開口埋口賣處⋯你隱若見到當年王晶高峰時的電影片段，但好似一碟擺入雪櫃拎出嚟翻熱食剩又再擺入雪櫃又拎出嚟翻熱又食剩又擺入雪櫃又拎出嚟再加啲水加啲料再翻熱的菜，無味、食過、悶、難入口。

zh-Hant

140:37

Ep.172｜台灣都有核彈了！黃子佼攬炒台灣

半夜微醺Drunkirk ·

2023/06/21

【直播】Ep.172｜台灣都有核彈了！黃子佼攬炒台灣｜台灣惹起me too風潮，但燃燒速度極快，在加速師黃子佼助燃下，me too變成you too再變成we all are。｜#台灣MeToo｜半夜微醺 Drunkirk #黃子佼 #地圖炮 #攬炒影片連結：https://youtube.com/live/dmkNvb262oM 台灣惹起me too風潮，但燃燒速度極快，在加速師黃子佼助燃下，me too變成you too再變成we all are。佼佼頭上沒有美麗的鯊魚夾和髮片，但腳踢著高貴的藍白拖，脖子扭扭屁股扭扭，就引爆了核彈。連薩德反飛彈系統也擋不住的娛樂核彈，韓國同樣受波及。大叫SOS也來不及，想模仿本能用冰挫還擊嗎？挫紅豆芋頭還可以，殺人就趕不上了。想掩口嗎？其實從來不是靠速度，是倚仗哥兒們同舟共濟的一份情誼義氣，有難同當的精神，才能像康熙來了小S的小本本一般，保守到最後。

zh-Hant

102:54

Ep.171｜的士判官

半夜微醺Drunkirk ·

2023/06/16

【直播】Ep.171｜的士判官｜到有一日的士司機找埋毫子，上車講早晨，落車講唔該，世界應已在沉淪邊緣了。｜#時事評論｜半夜微醺 Drunkirk #的士服務質素 #香港的士業議會 #的士影片連結：https://youtube.com/live/Xfp8FjOgxyc 香港的士業議會公布「的士服務質素」，評分不高，而且分數比往年大跌。因此的士問題又再一次被談論，但其實重點是討論度開始不高了，反映的士需求其實似有下跌。不過的士的服務，面對香港不少變化，仍然是香港歷久不衰，地契50年不變，的士問題可以留得更長遠。好境時，的士求過於供，揀客拒載兜路濫收車資；現在巿況向壞，司機搵食艱難，揀客拒載兜路濫收車資。現時將服務質素不佳歸咎Uber搶巿場、鐵路擴展等原因，不過的士判官套Cult片都30年前啦，嗰陣無Uber喇卦，鐵路唔蓬勃喇卦，20年前LMF都唱的士司機啦，控訴某D的士大佬會充當導遊帶你遊下街道，兜下呢度，兜下個度，跳多幾表，先至Call台問路，落車、找數、佢加到齊頭數。到有一日的士司機找埋毫子，上車講早晨，落車講唔該，世界應已在沉淪邊緣了。

zh-Hant

142:34

Ep.170｜十八區叱咤勁爆十優AI金曲頒獎典禮

半夜微醺Drunkirk ·

2023/06/15

【直播】Ep.170｜十八區叱咤勁爆十優AI金曲頒獎典禮｜在人工智能與現實難以分辨的一天，我們就真的要面對後現代進入現代的時候，讓我們永遠徘徊在真實和現實之間。｜#文化研究｜半夜微醺 Drunkirk #人工智能影片連結：https://youtube.com/live/ag70FnEbzaY AI人工智能絕對係近年最流行用語，連雪櫃、洗衣機都講人工智能，雖然不少人工智能服務都封了中國及中國香港地區，但我們亦能窺探些少，最近AI唱歌就可見一斑。以香港來說，最大熱當然是尹光腔口的一人之境(原唱：林家謙)、可惜我是水瓶座(原唱：楊千嬋)和側田幾首金曲，以及黃家駒風格的單車(原唱：陳奕迅)和到底發生過甚麼事(原唱：Dear Jane)。而台灣最多人談論就是AI孫燕姿翻唱不少周杰倫作品，連孫燕姿本人都有多少唏噓。不少討論都在說AI會取代甚麼工作職位，而AI唱歌盛行，是取代了歌手，還是取代了模仿歌手的諧星？我們想聽AI還是撻成一塊的掃墓？李思捷會否被AI取代？(還是李思捷已經無乜要唔要被取代的討論空間？)

zh-Hant

101:31

Ep.169｜專家家家酒

半夜微醺Drunkirk ·

2023/06/10

【直播】Ep.169｜專家家家酒｜過往你識過幾多專家？邊個叫你天氣轉冷要著衫？青姐賣過快餐廣告，喊完後，有無叫你斬倉咪慢？｜#文化研究｜半夜微醺 Drunkirk #專家話影片連結：https://youtube.com/live/1w-Z2o3vhTY 我哋一般都係靠綜合性媒體去認識世界同吸收資訊，不論電視台、雜誌或網站網台。而遇著專門知識時，媒體就會搵專家去補充大家嘅知識，而媒體搵專家最緊要就手、talk得，久而久之有一批專家就紅起嚟，早幾日講過林超英，但講科學就有前輩曹宏威，講政治有馬嶽、蔡子強、劉紹佳，講命理有麥玲玲、李居明、蘇民峰，台灣仲有唐綺陽，去泰國有胡慧沖，講外星人有雲海，變態搵顧修全，驗樓有詹Sir，小背心穿搭有李彩華。專家紅咗又會發現其他業務，有名又自然有利，睇嚟大家想靠做網做媒體做KOL出頭，做專家可能係一條幾十年來高門檻但高回報嘅Career path。過往你識過幾多專家？邊個叫你天氣轉冷要著衫？青姐賣過快餐廣告，喊完後，有無叫你斬倉咪慢？傾密計去Discord～：https://discord.gg/N24SpkP8m4 _

zh-Hant

112:33

Ep.168｜熄了冷氣對住林超英即刻想搵粒冰塞喺根莖

半夜微醺Drunkirk ·

2023/06/08

【直播】Ep.168｜熄了冷氣對住林超英即刻想搵粒冰塞喺根莖｜你諗下，要林超英每夜陪住你，即使有USB風扇，幾把火都只降到把幾火｜半夜微醺 Drunkirk #林超英 #小林退熱法 #高溫入睡影片連結：https://youtube.com/live/P6U84LxcE_Q 喺媒體眼中，夏天係一個檔期，有偶像劇、暑假檔電影、太陽計劃等等，沙灘、泳衣、動畫、明星剪tee等，係夏天必定見到嘅事物。而近年就多咗個林超英，堪稱香港最強電器鋪大敵、熄冷氣軍師，開利、珍寶、三菱、美的等冷氣製造商一定對佢恨之入骨，李莉莉都難以抵擋。你諗下，要林超英每夜陪住你，熱得就似猛火燒滾你心窩，即使有USB風扇，幾把火都只降到把幾火，真係諗起都扯扯地⋯火。講電視見到嘅專家，古有曹宏威、顧修全、曾近榮、蔡子強、李居明、劉紹佳，今有震撼聲、火博士，仲有林超英。以前起三跑搵佢，今日開唔開冷氣搵佢，前天文台台長叫你唔開冷氣瞓唔到覺，可以聽台長節目，抵消返睡意。傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️

zh-Hant

115:15

Ep.167｜淺談月亮星座(下) ：忍不住一直看下去的了解不可思議真實自我影片

半夜微醺Drunkirk ·

2023/06/02

【直播】Ep.167｜淺談月亮星座(下) ：忍不住一直看下去的了解不可思議真實自我影片｜#星座分析｜半夜微醺 Drunkirk 影片連結：https://youtube.com/live/7MlOtF6XflA #月亮星座 ▶️ 本集將會提到：月天蠍、月金牛、月處女、月山羊、月天秤、月巨蟹月亮星座可帶你尋找真實的自我，撥開上升星座的外裝，揭開太陽星座掩蓋的自己，找到屬於自己的遠方。世界亂得一塌糊塗可是能怎樣，偶爾抬起頭來還好有顆月亮可賞，離地球最近的星體，就是看穿了你。即使外在的你將真實的你擱在所謂雲端，但月亮沒有忘掉你的孤單，不要怕望見月亮星座中的你。沒有人要代替月亮懲罰你，真實的你就是自己，可能無人了解，又無人知道，若與你的太陽星座有衝突，你就要面對它、接受它、處理它、放下它，愛上月亮星座的自己，才是愛自己。今集星座小天后帶大家認識月亮星座的天蠍、金牛、處女、山羊、天秤、巨蟹，大家先翻一翻自己的星盤，再開展一個尋找自己的不可思議旅程。 ▶️ 唐綺陽官方專屬星盤：https://astrolabe.astroinfo.com.tw/

zh-Hant

122:33

Ep.166｜BLACKPINK被出征我們有不被辱華的可能嗎？

半夜微醺Drunkirk ·

2023/05/31

【直播】Ep.166｜BLACKPINK被出征我們有不被辱華的可能嗎？｜#時事評論｜半夜微醺 Drunkirk 影片連結：https://youtube.com/live/lXb9wQXLuvs 韓團BLACKPINK降臨澳門開演唱會，出咗條微博，用英文多謝Macanese，都無問你要唔要毛氈，無話你係咪狗，無轉貼尊子漫畫，無睇吳靄儀嘅書，都被出征，辱華了，應叫Chinese喎。「辱華」已是網上常用語，由一個字詞變成一個現象，意即「哎呀又講錯嘢喇Diu」。今天，要不辱華，彷彿比食飯唔得罪奶奶還要難，地圖領土少咗、地圖無九斷線、播錯國歌、鍾意台灣、用細眼模特兒、鬼佬揸筷子、文本無中文、文本只有中文，都是辱華，Haiyaa niece and nephew，連早年為中國刪片嘅Uncle Roger都被下架了，看來只有肥媽和李國麟不會辱華，還有楊明（飲醉時唔知）。問奇異博士，有否一個宇宙沒有辱華，不知道。如果有，Hit you with that ddu-du! 傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️

zh-Hant

78:29

Ep.165｜「小紅書」成中國遊客訪港指南

半夜微醺Drunkirk ·

2023/05/26

【直播】Ep.165｜「小紅書」成中國遊客訪港指南｜#時事評論｜半夜微醺 Drunkirk 影片連結：https://youtube.com/live/BxYLNb8pDjY 疫後通關，大陸遊客又來港遊玩，香港政府搞完Hello Hong Kong又搞Happy Hong Kong，啲英文咁淺唔歧視喇卦，但都係唔見得有咩效力，遊客食完立食兩餸飯，係咪全部去廣東道買包包，挽救香港零售業呢？未見得，新興的同胞旅遊方法出現，小紅書成為遊玩香港的旅遊指南。好比京阪神吃喝玩樂閃閃旅遊書咁，小紅書嘅網紅推介，變成中國人遊港必到景點：去舊油麻地警署打咭、去麥當勞道拎住老麥影相、去鴨寮街度買CCD舊數碼相機、買杯富豪雪糕，仲去樂華南邨基樂小學、社區中心咁，仲有愛回家景點。疫情相隔，不見三年，如隔三秋(！)，由喪買名牌包包名錶朱古力，霎眼間變成沉浸式深度文化遊，難怪政府要快啲去殖改路牌，小心文化反攻。

zh-Hant

104:29

Ep.164｜看大老人時代—趁我趕返工時，一百位長者在我下車前一個站落車｜今集我哋無畏歧視老人，大數長者不是！

半夜微醺Drunkirk ·

2023/05/24

【直播】Ep.164｜看大老人時代—趁我趕返工時，一百位長者在我下車前一個站落車｜今集我哋無畏歧視老人，大數長者不是！｜#時事評論｜半夜微醺 Drunkirk 影片連結：https://youtube.com/live/zy9mHlgyJ5g 官永遠都係離任先多嘢講嘅，總不會安靜的走開。前運房局局長張炳良離任後就鬧鬼自己前上司，好去將長者乘車優惠降至60歲，咁樣兩蚊搭車法，好快就食晒政府儲備。轉頭特首李家超就無跟住鬧上手老闆，唔係唔想鬧，咁政策無理由喺自己手上縮，唯有將個熱門話題推走—唔係太多人獲得優惠，係太多人濫用優惠，藉此收緊福利，都算係補鍋法，大家都係唔好笑警察讀得書少，李宗吾的厚黑學總有揭下。巿民梗係唔多理政府啲錢啦，雖然福利愈多愈好，但長者搭車，巿民又真係覺得濫用，迫住rush hour，阻住打工仔搵食，你要知，巿民最大訴求係返工，颱風都攔唔住，偏偏揸住助行架、眼矇耳聾嘅阿毛，同當年退休前阻住你升職一樣，阻9住你。喺人口老化嘅香港，後baby

zh-Hant

84:17

Ep.163｜看完馬上想開Party 秒懂星座排宴會嘉賓座位的寶藏級超強技巧

半夜微醺Drunkirk ·

2023/05/20

【直播】Ep.163｜看完馬上想開Party 秒懂星座排宴會嘉賓座位的寶藏級超強技巧｜#星座分析｜半夜微醺 Drunkirk 影片連結：https://youtube.com/live/IuKLBX0E9Ag 星座對生活可以話係無孔不入，如果你搞個宴會、Party、聚會，都仗賴星座，避免五腥級盛宴，萬事都可能順暢得多，客人賓至如歸。萬事都可以由Seating Plan開始，除咗將相熟或同群組嘅人安排埋一齊，星座都係一個好嘅劃分方法。有時先天配搭不停調錯，係咪中間有個山羊座？有人喺宴會噴火，係咪獅子配錯水瓶座？而雙子山羊同天蠍，又係咪冤冤氣氣一排坐？好啦，林珊珊嘅歌詞，應該連林海峰都唔記得。可能素未謀面嘅賓客會一見如故，但某啲星座又未必適合聚舊，有啲星座好煩膠淨係話自己靚仔，有啲星座又怕生保又社恐，但手上賓客名單長，咩人都有，擺個豪門夜宴，點先最滿意到大家呢？就等星座小天后幫大家排櫈仔。 ▶️ 唐綺陽官方專屬星盤：https://astrolabe.astroinfo.com.tw/ 傾密計去Discord～：https://discord.gg/N24SpkP8m4 _

zh-Hant

124:39

Ep.162｜那日我要在電子落單屏幕前按不用加配

半夜微醺Drunkirk ·

2023/05/17

【直播】Ep.162｜那日我要在電子落單屏幕前按不用加配｜#時事評論｜半夜微醺 Drunkirk 影片連結：https://youtube.com/live/bJrno38L1H0 疫情禁令後食肆大致復常，而疫後食肆出現了一大堆科技，大改大家的飲食消費體驗，除了外賣app，堂食都很科技化，有QR code落單、點餐屏幕，UX又差又複雜，又要問我有無儲分，又唔知有無得走青少甜免烘底扣底後上碎上，但好多時都有「不用加配」，唔㩒就無下一步，㩒漏餐飲又無得畀錢，你就要好似考試check卷咁睇有無填漏選擇題，你唔識用唔適應唔奇，我估要Karen、Lok Cheung、Edwin、國仁先識操弄。再要問的是，其實社會上有無人唔識用，而科技令人們生活改善，但有無人是受害者，或被淘汰？傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️ Youtube會員：https://bit.ly/3u85q1L Podcast會員：https://apple.co/3AVfRqD 一週工作尾聲，讓我們微醺一點。

zh-Hant

159:48

Ep.161｜點解你係咁？月亮代表你的心，淺談月亮星座 Part 1

半夜微醺Drunkirk ·

2023/05/12

【直播】Ep.161｜點解你係咁？月亮代表你的心，淺談月亮星座 Part 1｜#星座分析｜半夜微醺 Drunkirk #月亮星座影片連結：https://youtube.com/live/GpRb2X_21ww ▶️ 本集將會提到：月雙魚、月水瓶、月雙子、月白羊、月獅子、月人馬我哋又嚟上堂喇！如果要簡單劃分，太陽星座是你的本質、你的現在；上昇星座是你的人格面具、你的未來；那麼月亮星座代表的就是你的過去，你天生的行為模式，你的內心深深處。月亮星座主宰你的情緒、感覺和執著，還有你的安全感，那個你累了受傷了會想躲回去靜靜處理的地方。所以都說，想要知道你身邊最親密的、那個跟你生活的人的內心世界，找出大家都舒服的相處模式，看月亮星座就對了！不像太陽星座的「你很想成為」、也不像上昇星座的「被訓練成為」，月亮星座是一個人與生俱來，本能就是這樣運作的特質。月亮星座象徵的是一個人需要被照料的地方，他脆弱、依賴的那一面。

zh-Hant

169:32

Ep.160｜SoChing退團 Collar 八減一 MakerVille等於零

半夜微醺Drunkirk ·

2023/05/11

【直播】Ep.160｜SoChing退團 Collar 八減一 MakerVille等於零｜#香港樂壇｜半夜微醺 Drunkirk #SoChing #Collar #MakerVille 影片連結：https://youtube.com/live/GpRb2X_21ww MakerVille今天突然開記者招待會，宣佈SoChing退出Collar。有人覺得大件事，有人覺得娛樂圈小事一則，但從官方中英夾雜嘅所謂聲明去睇，MakerVille就唔覺得係大件事喇，最好大家不聞不問當無事就算，笪日單嚟講，係唔尊重，好似唔知，或唔想畀人聯想起成件事，幕後責任最大。8-1最終發生，等於幾多，可大可小，但今天的MakerVille應該係負數了。傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️ Youtube會員：https://bit.ly/3u85q1L Podcast會員：https://apple.co/3AVfRqD 一週工作尾聲，讓我們微醺一點。眾人皆醉我更醉，微醺中更清楚面對自己、看見世界。

zh-Hant

122:50

Ep.159｜MIRO續會三百蚊買咗啲乜？

半夜微醺Drunkirk ·

2023/05/05

【直播】Ep.159｜MIRO續會三百蚊買咗啲乜？｜全部都係機會！｜半夜微醺 Drunkirk #MIRO #MIRROR 影片連結：https://youtube.com/live/eHaDbc0LCAQ MIRROR官方歌迷會成立一周年，各位鏡粉要續會繼續成為Miro喇，會費由去年$440減至$300。不過做得迷妹，錢唔係問題，Yah！It’s the name of the game！要闊綽就要闊到最尾，計嗰一百幾十，就折扣志氣。做得Miro最緊要係有咩比平民百姓更優越同更有福利。原來Miro會有珍藏相冊一本、買嘢有折，仲有網上獨有專區和影音。仲有預訂MIRROR及MIRROR個別成員演唱會門票、周年活動門票、MIRO專屬歌迷會活動門票、MIRO專屬電影優先場、MIRROR及個別成員相關音樂會或活動、參加線上粉絲見面會、購買MIRO獨家限定商品......的機會，即係十樣有八樣都只有抽籤條籤，樣樣亦太一般，即係畀$300，係買一堆投注機會。真係現實未能預料，咁薄嘅福利，係咪要鏡粉最尾要照等候、最尾要照忍受？

zh-Hant

137:44

Ep.158｜垃圾徵費政府連膠袋都入唔到貨

半夜微醺Drunkirk ·

2023/05/04

【直播】Ep.158｜垃圾徵費政府連膠袋都入唔到貨｜#時事評論｜半夜微醺 Drunkirk #垃圾徵費影片連結：https://youtube.com/live/RrehnXlIC84 垃圾徵費事在必行，計劃在2023年下半年實施，屆時巿民只可使用指定的垃圾袋，才可將垃圾遺棄、活埋，而購買垃圾袋的費用就是徵費。想少付費，就要少製造垃圾，從而達致源頭減廢和環保，屆時不論你是半紙廢紙，還是空罐子，沒有入在指定垃圾袋，就只能長留戀在家、結疤、發芽，然後在庭園開滿花，若然你家中有庭園。政策實行不可怕，買不到垃圾袋有時還可怕。2023年都到了年中了，問題是，政府迄今都未成功招標，去年有收到廿多張標，但嫌太貴而告吹。然後政府將條件放寬再從新招標，放寬條件包括不指定本地生產、再生塑膠物料比例要求下降三成等。這已經對環保這個概念有所矛盾，但條件放寬，都仍然難搜購。因為不知為了與環保概念相近還是有命理學家建議，政府有關當局鐵了心，指明一定要綠色，而這就難到了製造商，因為綠色袋要幾乎要用新膠料製造，大量製造再生綠色膠袋接近不可能。

zh-Hant

162:57

Ep.157｜沒有人告訴你，人生必須要知的上升星座

半夜微醺Drunkirk ·

2023/04/28

【直播】Ep.157｜沒有人告訴你，人生必須要知的上升星座｜#星座分析｜半夜微醺 Drunkirk #上升星座影片連結：https://youtube.com/live/gipRO0SlZDg 星座小天后的星座課程又開班喇！今日講上升星座，即係你外顯的態度或氣質，有人會認為上升星座只係你呈現出來的面具，但其實上升星座的另一個意義在於，每個人對於自我獨特性的感受方式，也代表了自發的行動與覺知，所以上升星座是很內化繼而外顯的。所以人係會由太陽星座慢慢走向上升星座，隨著社教化、人浮於事、人頭落地或出人頭地，你上升星座嘅特性就更顯見。而太多上升星座，太陽星座係咪無掟企？咁兩者又如何模塑出今日嘅你呢？聽小天后同大家講解。傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️ Youtube會員：https://bit.ly/3u85q1L Podcast會員：https://apple.co/3AVfRqD 一週工作尾聲，讓我們微醺一點。眾人皆醉我更醉，微醺中更清楚面對自己、看見世界。

zh-Hant

742 results

Similar Podcasts

射後不理＃爽就好了

咪咪 & 淳淳

Therapy Gecko

iHeartPodcasts

百靈果 News

Bailingguo News

Old Time Radio Comedy

solgoodmedia.com

The Hard Yarns Podcast

Cameron Branch and Daniel Delby