Koɗo men hannde

00:05:27

Mbele fedde RN, foolunde e daawal aranal suɓngooji...

Koɗo men hannde ·

2024/07/02

Faransi ko kawtital pelle fantiyankooje ñaamo no wi’ee "Rassemblement national RN",woni ko fooli daawal gadanal suɓngooji sarɗiyankooɓe ɗii. Ndee fedde añunde hoɓɓe heɓii daaɗe 34,2 %. Ko hikkii e mayre ko pelle ooñorɗe nano, ɗun ko "Nouveau Front populaire", heɓuɗe daaɗe 29,1 %. Fedde politik hooreejo leydi ndii laatii tataɓere. Nde heɓii daaɗe 21,5 %. Ko yimɓe honɓe ɓuri wotannde ndee fedde fantiyankoore RN ? Mbele hinde waawi heɓude ɓural e daawal ɗiɗaɓal ɗii suɓngooji e ndee alatiire ? Mamadou

ff

00:07:34

Mbele ñaawoore warngo 28 septembre udditan laawol no...

Koɗo men hannde ·

2024/07/01

Ñaawoore warngooji 28_settambur, joofan ko ɓooya. Yimɓe tawaaɓe e nder mayre gayni yewtereeji maɓɓe ɗin e yontere faltiinde ndee. Prokireerɓe ɓen ƴamii yo Muusa Dadis Kamara, konunkoojo ardinooɗo Gine saaha nde ngoo warngo waɗi, kanko e tuumidaaɓe makko 6 yo ɓe soke kattudi ngurndam maɓɓe. Ɓee, ko tuumira ko saabagol mayde ko ɓuri yimɓe 157, mutina woɓɓe, doola rewɓe cappanɗe e hitaande 2009. Warngooji hewɗi waɗaama e nder Gine, kono hay wooto ñaawaaka. Mbele, ndee ñaawoore warngo 28 septembre

ff

00:05:09

Ko Demmba Ndongo "Baaboy" no taskoo no orngal woteeji...

Koɗo men hannde ·

2024/06/27

Moritani, orngal wote ɗee joofan hannde jemma. Ngal orngal waɗii e nder deeƴere e nder ɗee jonte ɗiɗi faltiiɗe hay so tawii lurral taskaama e nder saare Nowaajibu, baŋŋe rewo leydi ndii. Ɓee kanndidaaɓe 7 yiilike e nder leydi ndii fof ngam hollugol eɓɓooje walla porogramji maɓɓe faatiiɗi e ɗalle, faggudu, jannde wonnude e haɓugol maccangaaku. E baŋŋe fewnugol ɗii suɓngooji, ardiiɓe CENI suudu toppitiindu woote holli wonnde pehe fof renndinaama ngam laɓɓingol ɗee woote. Ɗum non, ko caggal linndiiɓe

ff

00:04:24

Mali: dawroyankooɓe 10 nanngaama alkamisa, ko woni...

Koɗo men hannde ·

2024/06/26

Mali, dawroyankooɓe 10 hino sokaa e kaso gila e alkamisa faltiinde. Ɓee, hino tuumaa waɗugol mbatu haɗaangu ngam bonnugol laamu leydi ndii. Ko e nder galle neɗɗo maɓɓe gooto ɓe nanngaa e nder Bamako, laamrogo leydi ndii. Banndiraaɓe maɓɓe lunndiiɓe laamu hino yeddi tuume fawaaɗe e maɓɓe ɗee. Ko Seeku Ñaamey Baccili, ƴettoowo konngol e innde fedde politik RPM woni koɗo men hannde. Himo jaaboo lamnde Ibrahiima Timmbi Bah.

ff

00:05:00

Ko holɗum ɗee piyanɗe pelle FPL e FPJ waawi battinnde...

Koɗo men hannde ·

2024/06/25

Niijeer, perefeejo Bilma e komandanjo sandarmeri e gollidiiɓe mun siwlaama e aljuma faltiiɗo o nder Dirku, wuro wontirngo rewo naayaade fuɗnaange leydi ndii. Ado oo bone, ko pipeline, naɓirɗo karbiran Niijeer yaade Benin woni ko bonnaa. Ko pelle ɗiɗi murtuɓe noddirteeɗe FPJ e FPL woni ko saabii ɗee piyanɗe. Ardiiɓe ɗee pelle hino lanndii yo Mohamed Bazoum hooreejo leydi kiɗɗo oo, accite. Hannde namɗe hewɗe hino woodi e dow ɗee pelle. Ko homɓe woni caggal majje ? Holko saabii ko fewndo ɗoo ɗe fuɗɗii

ff

00:05:21

Senegaal: alhaali ndee ñamaande milyarji 40 kaalisi...

Koɗo men hannde ·

2024/06/24

Lurral no teskaa hakkunde mejaaji ɗii e laamu leydi ndii. Ko saabii ɗun ko ñamaande ɗi joganii laamu nguu. E bi’ol Usmaan Sonko hooreejo jaagorɓe Senegaal, meejaaji ɗii no jawlii sagalle walla limpoo fawɗo miliyarji 40, CFA, fii kala Makki Saal, hooreejo kiɗɗo leydi ndii holluno ɗi yaafanaama ndee ñamaande. Usmaan Sonko yamirii yo kaalisiiji majji wonuɗi ka bankiiji yo joge. Holko saabii mejaaji Senegaal alaa e waawude yoɓude sagalle ? Ko salaare walla ko ŋakkere kaalisi ? koɗo men hannde ko Mammadu

ff

00:05:05

Marke: ko ɓuri miliyaar dolar gooto fodaama e jonnde...

Koɗo men hannde ·

2024/06/21

Ko holno Afrik waawirta moƴƴinnde marke ngam hiwgol e reenugol ɓiɓɓe duunde ndee ? Jonnde mawnde waɗii hanki Paris laamorgo Faransi e hoore ndee toɓɓere. Leyɗe tawaaaɗe e nguu mbatu foodii leyɗe Afrik ko ɓuri miliyaar gooto dolaar. Kaalisiiji wallirɗi Afrik waawugol moƴƴinde ko yaata 60 e nder teemerewel kala ko faatii e marke gollirteeɗe Afrik ɗoo e hitaande 2050.Ko Faransi wonndude e Dental leyɗe Afrik UA e GAVI, ngoomu adunayankowu daraniingu marke noddi e nguu mbatu. Hooreeɓe Afrik hono, Basiiru

ff

00:04:56

Senegaal-Faransi: Basiiru Jomaay FAAY no e njillu, o...

Koɗo men hannde ·

2024/06/20

Hooreejo Senegaal no e njillu Faransi. Basiiru Jomaay Faay yottike Paris ngam tawtoregol e mbatu faatiingu e newinngol moƴƴingol marke (pesorɗe). Kono e nder nguu njillu hooreejo Senegaal waɗidan e hooreejo Faransi jonnde. Ko ngol ɗoo woni laawol aranol ɓee hooreeɓe leydi ɗiɗo hino yiidaa. Ado, o heɓude laamu, Basiiru Jomaay Faay e fedde makko politik hari hino ŋiñi sanne jokkondiral hakkunde Faransi e Senegaal. Ko toɓɓe honɗe ɓee yewtata e ndee jonnde maɓɓe? Ebi’ol Mammadu Albert SIH hertorɗo

ff

00:05:05

Mammadu Omaar Lih, hertorɗo Sahel no arta e alhaali...

Koɗo men hannde ·

2024/06/19

Burkina Faso, ko timmi konunkooɓe 100 waraama e ndee yontere faltiinde e nder leygal Mansila, nokkuure nde woɗɗaa keereol Niijeer. Siwilɓe kadi waraama e nder ndee hawande nde fedde kuliyankooɓe JNIM holli wonnde ko kamɓe saabii. Yontere caggal oo fitina, alaa ko hooreeɓe Burkina Faso haali. Alhaali leydi ndii no jiiɓii gila alarba faltiinde ɗum ko caggal nde pellanɗe nanaa sera galle Ibrahiima Tarawore Hooreejo leydi ndii. Holko ko saabii ndee deƴƴere ardiiɓe Burkina Faso? Mbele eɓɓoore maɓɓe

ff

00:05:43

Moritani: Mammadu Kaalidu Ba, winndiyankeejo...

Koɗo men hannde ·

2024/06/18

Moritaninaaɓe suɓoto hooreejo leydi maɓɓe ñannde 29 nduu lewru 6ɓuru. Ɓee wootooɓe ɓadiiɓe miliyonji ɗiɗi suɓoto hakkunde kandidaaɓe 7. E ɓen no tawaa Mohammed Wuld El Ghazwaani hooreejo leydi ndin. Ko ɓeydii ɗon ko Mammadu Bokaar Bah mo fedde dawro AJD/MR e Biram Dah Abeyd daraniiɗo hakkeeji ɓaleeɓe Moritani e Hammadi Wuuld Sid’ El Moktaar, mo fedde politik diineyankooɓe "Tawassoul". Kono hino woodi waasɓe taweede e ɗii suɓngooji, ɓen ko hono Mohammed Wuuld Abdel Aziz hooreejo kiɗɗo leydi ndii

ff

00:03:41

Burkina Faso: Hannde hiɗen yewtida e seedeejo fii...

Koɗo men hannde ·

2024/06/17

Hannde koɗo men ko gooto e tawaaɓe e njanngu waɗngu to Mansila, funnaange naayaade rewo Burkina Faso. Hayso tawi laamu ɓanginaani limoore maayɓe e barmuuɓe kono no sikka konunkooɓe e siwilɓe heewɓe mbaraama e nguu njanngu waɗngu e nder ngoo wuuro ñannde talata 11 lewru 6ɓuru. Keɗoɗen ɗoo gooto e daɗɗo e nguu njanngu e nder wuuro Mansila. O yewtidii e Muusa Umaar BariSiftinnde: Ngam ndenka makko, ko een wayluɓe daande nden

ff

00:05:27

Senegaal fuɗɗike yaltingol baril mum petrol arano,...

Koɗo men hannde ·

2024/06/13

Gila e ndee talaataare 11 lewru 6ɓuru 2024 Senegaal tawaama e leyɗe yaltinooje Petrol. Ñallal kala, ko barilji petrol 100 000 woni ko oo sosiyete "Sangomar" yaltintaa Rifisk, nokkuure woɗɗornde Dakar km 90. Mbaa gesa petrol jogiimba baril miliyaarji 630 , addanan Senegaal kaalisi miliyaarji cappanɗe e nder ɗii duuɓi cappantati ngaarooji. Kaalisiiji ɗi hooreeɓe leydi ndii hoolori ngam ɓamtugol Senegaal. Koɗo men hannde ko Demmba Seydi ardiiɗo fedde sosiyete siwil haɓoore ngeenaari bonndi, no wi’ee,

ff

00:05:29

Gine: laamu ngun toŋii ɗii nokkeeli ɗo kaŋŋe asirtee...

Koɗo men hannde ·

2024/06/12

Gine gila 1 lewru jeegaɓuru hooreeɓe leydi ndii ƴettuno pellital toɲugol jasirgol kaŋɲe e jaaman e nder leydi fow. Ngal pellital ko ñannde 26 lewru jowaɓuru ngal ɓannginaa. Kono ko pellital sattungall ɗoftaade. Mammadou Lamaraana Jallo tawaaɗo e hooreeɓe ndee mojobere hertornde oogirde e nder Gine woni koɗo men hannde. Himo jaaboo laamnde nultindiraaɗo men Mammadu Jongaasi BAH.

ff

00:08:38

Mbele woodan ko waylii e nder jokkondiral hakkunde...

Koɗo men hannde ·

2024/06/11

Erop, e ɗii suɓngooji sarɗiyankooɓe laatiiɗi e ndee lannoode yontere ko pelle politique naayorɗe ñaamu ɓuri heɓude polgu. Ɗee pelle politik ko holluɗe kanje hiɗe daranii hakkeeji leyɗe majje. Ɓee dipiteeɓe suɓaaɓe e ɗee woote, ko kanɓe laatotoo sarɗiyankooɓe dental leyɗe Erop, UE. Golle maɓɓe ko fewnugol kala eɓɓoore laatotoonde e nder wertaango UE. Holko saabii yo Eropnaaɓe wotan ɗee pelle politik? Holko garal maɓɓe battinta e yimɓe ɗanniiɓe? Mbele woodan ko waylii e nder jokkondiral hakkunde Afrik

ff

00:04:46

Doktoor Hadiza Dawuda, jannginoowo e duɗal Adamawa...

Koɗo men hannde ·

2024/06/10

Koɗo men hannde woni Dokteer Hadiza Dawuda Janginoowo e Janngirde mawnde nde anndal kimiyaaku e karalaagal ha Ƴola Adamawa anndiraande Adamawa state Polytechnic Ƴola . O haalidi e Yaa'u Ciwto Gemmbu dow ko raarani haala hewtude Ardiiɗo Najeriya Bola Ahmed Tinubu hitaande wootere gila ko o jaɓi laamu lesdi ndin . Doktoor Hadiza wolwi dow gollegoɗɗe gaɗaaɗe e caɗeele giideteeɗe e ma ko haani waee ngam hoyeende heɓe e ko nanndi muuɗum

ff

00:05:05

Pr. Mammadu Dinnde Jallo, taariikayankoojo, cukko...

Koɗo men hannde ·

2024/06/06

Faransi, hannde heɓii duuɓi 80 gila leyɗe noddirteeɗe hawtuɗe waɗi "débarquement de Normandie". Ko ɗum woni jippagol konunkooɓe leyɗe 15 arunooɓe wallitagol Faransi saaha mo Almaañ yanunoo e leydi maɓɓe e nder hare adunayankoore ɗiɗaɓere. E ɓen konunkooɓe jippiiɓe e saare Normandi, e nder jemma 6 lewru 6ɓuru hitaande 1944, no tawanoo Ameriknaaɓe e Beretaninaaɓe. E ɓen kadi, no tawanoo Afriknaaɓe noddiraaɓe « Tirailleurs sénégalais ». Ko ballal maɓɓe walli Faransi e wonndiiɓe mum foolugol e ndee

ff

00:04:30

Mammadu Faalilu JALLO fagguduyankeejo, ana artana en...

Koɗo men hannde ·

2024/06/05

Koore di Siid e duunde Afrik no e jonnde gila hanki to Sewul. Ko ndee laatii jonnde aranere hakkunde ndii leydi e duunde Afrik. Hooreejo Koore di Siid oo waɗii fodooje mawɗe faade e Afrik. Yoon Suk Yeol hollii wonnde o walliran leyɗe afriknaaje miliyaarji 10 dolar e nder duuɓi 6 arooji ɗii sabu tabintingol ɓamtaare majje. O ñawlan sosiyeteeji Koore di Siid wonuɗi Afrik miliyaarji 14 dolar. Ɗii kaalisiiji nafan Afrik e fannuuji hewɗi wano baŋŋe teknoloji e mbaylaaje. Banŋe ɗe Afrik hatonngini mbawka

ff

00:05:06

Afrik di Siid: fedde dawro ANC hayrii ɓural mayre ka...

Koɗo men hannde ·

2024/06/04

E suɓngooji sarɗiyankooɓe naatuɗi e taariika Afrik di Siid, fedde dawro ANC ndee wasii ɓural maɓɓe ka parleman, e tee ɗum ko go'o gila duuɓi 30. E nder sarɗinkooɓe 400 wootanaaɓe, fedde ndee ko 159 pet. Holko woni sabu yo fedde dawro ANC ndee foole? Holko addani yo fedde Zakob Zuma, hooreejo kiɗɗo Afrik di Siid, wonu 3ɓere e ɗii suɓngooji? Holko foti wonde darnde ANC ngam hedaade e laamu? Ko ɗee naamne e namne goɗe koɗo men hannde, Dr Faabilu jaabotoo.

ff

00:05:06

Keɗoɗen Bangali JALLO, fii njillu Basiiru Jomaay Faay...

Koɗo men hannde ·

2024/06/03

Ko holno leyɗe Mali, Burkina Faso e Niijer artirta e nder CEDEAO? Ndee, ko annde BasiiruJomaay Faay hooreejo Senegal, wonunooɗo e njillu e nder Bamako e Wagadugu e lannoode ndee yontere saaliinde. Faandaare makko, ko yo konunkooɓe ardiiɓe ɗee leyɗe jaɓu artude e nder CEDEAO. Caggal yiidigal makko e Kolonel Asimi Goyta mo Mali, o hollii golle ɗee sattan kono hiɗe waawa laataade. Ko Holno Mali, Burkina Faso e Niijer, cincuɗe fedde hayre noddiraande. Fedde Leyɗe Sahel AES artirta CEDEAO? Koɗo men

ff

00:04:55

Gine: Jaaray JALLO, hooreejo fedde jaayndeyankaagal...

Koɗo men hannde ·

2024/05/30

Gine, hooreeɓe leydi ndii uddii mejaaje ɗuuɗuɗe. Ɗin ko FIM FM, Espace TV e Djoma TV. Ɗee mejaaje fow ko heeriiɗe (ɗe wonaa-luaamuyankooje). Guwerneman Gine no tuumi ɗe wasde teddinnde sariyaaji jaayndeyankaagal wonndude e yaɓɓitugol golle laamu e nder leydi ndii.Kono senndika jaayndeyankooɓe no yeddi ɗee tuume. Ngal pellital ɓamaama caggal lebbi ɗi laamu Gine toŋi ndimaagu konngol e nder leydi ndin. Koɗo men hannde ko Jaaray Jallo, ardiiɗo fedde daraniinde hakkeeji mejaaje no wi'ee APAC. Himo

ff

All Episodes

Similar Podcasts

BBC News

BBC World Service

NHKラジオニュース

NHK (Japan Broadcasting Corporation)

Kunnafoniw

RFI Mandenkan

Cadena SER Navarra

Cadena SER

Chinese News - NHK WORLD RADIO JAPAN

NHK WORLD-JAPAN