x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

ORF Roma Podcast

ORF Radio Burgenland

Adaj laken tumen barikane reportaschtscha taj interesanti vakeriptscha fatreterenca la flogoskera grupnatar le Romendar andi burgenlanditiki Romani tschib. O redojengere Podcasts jek khetan kedipe la radijosendungatar Roma Sam hi, savi hetvinate kiratiske 20.50 orenge ando radijo Burgenland te schunel hi. Die folgenden Podcasts sind eine Zusammenfassung der Radiosendung Roma Sam, die jeweils Montagabend um 20.50 Uhr in Radio Burgenland zu hören ist.

society & culture documentary

All Episodes

10:24

Gondolipe upro Romengero atentato angle 30 berscha...

ORF Roma Podcast ·

2025/02/10

Andi rat usar o 4to upro 5to feberi 1995, schtar manuscha opfertscha jeke rasistischi motivirime atentatostar ule. O schtar flogoskere grupnakere dschene le Romendar, jeka bombaha murdarde ule. Telal o anav „Schoha te pobisterel“ adabersch, tranda berscha palo atentato, Erbate jek gondolipeskero mulatintschago tel likerdo ulo.

rom

14:28

Baro raschaj Franz Scharl | Selsorginipe le Romenge,...

ORF Roma Podcast ·

2025/02/03

Sajt bojd bisch berscha, o Franz Scharl o baro raschaj andi ercdiöcesa Betschi hi. I khangeri ov lek merescheder feschtimo taj mindenfelitiko dikel – Andi austritiki bare raschajengeri konferenca o Franz Scharl, o selsorginipe le Romenge, Sintijenge taj Jenischijenge kerel. Kaj buteder pedar o baro raschaj te dschanen, restscha le amaro kolega Adi Gussak ande leskero birovtschago Betschiste.

rom

16:01

25 berscha Roma VHS Burgenland

ORF Roma Podcast ·

2025/01/27

I Roma VHS ando decemberi lakero 25-berschengero jubilejum mulatintscha. Akardo ulo use jek mulatintschago ando Pradimo Kher Erba (OHO). Adaj jek paldikipe dija. I muschika uso jubilejumiskero mulatintschago kertscha o Ferry Janoska taj i Melinda Stoika.

rom

12:37

I naschadi Romengeri sidlung andar Gols

ORF Roma Podcast ·

2025/01/20

Amen papal upro jomakero rodipe palo naschade Romengere sidlungtscha le Burgenlandistar amen das. Akan Gols, ando becirk Neusiedl am See, kher rodijam. Andi gemajnde jek tikni Romengeri sidlung delahi, savi ando nacijonalsocijalismus pujsti tschiti uli. O Fritz Radlspäck andar Gols phukal ando vakeripe la duga na phukada historijatar le gavestar.

rom

16:58

Premijera le politischi-literarischi kvartetiske Erbate

ORF Roma Podcast ·

2025/01/13

O austritiko khetanipe le politischi sikadipeske (ÖGPB) butvar ando bersch o „politischi-literarischi kvartet“ kerel. Ando novemberi ada formato, erschtivar andi biblijoteka la AK-atar Erba le tematischi pharipeskere punktoha „Roma“ tel likerdo ulo. Roma taj Romnja khetan gadschenca pedar schtar politischi kenvi, save la flogoskera grupnatar vaj pedar i flogoskeri grupn pisim ule, vakerde.

rom

18:23

100to papruschengero nevipe le Romano Centrostar ari alo

ORF Roma Podcast ·

2025/01/06

O papruschengero nevipe le farajnistar Romano Centro ando decemberi ando 100to ardipe, ari alo. Ando juni 1993 i premijera sina: Ande oja cajt, erschtivar o papruschengero nevipe le duj berscha angloda kerde farajnistar, ari alo. Ando dschijakana 99 publikacijontscha, but pisimaschkiji taj pisimaschtscha, mindenfelitike tematschenge vidminde pumen.

rom

13:48

Genocid upro Roma taj Sinti | Bajder sikadipe...

ORF Roma Podcast ·

2024/12/30

Telal o anav „O genocid upro Roma taj Sinti maschkar o nacijonalsocijalismus“ o „Centrali seminar“ ando bersch 2024 ande Schlaining tel likerdo ulo. Andphandlo ando berschengero pharipeskero punkto la organisacijatar ERINNERN:AT taj khetan organisirim le farajniha Roma-Service taj la Pedagogischi Utscha Ischkolaha Burgenland, buteder sar 100 meschtertscha taj meschterkiji uso bajder sikadipe use sina.

rom

12:27

Tradicijoneli Roma advent ando Pradimo Kher Erba

ORF Roma Podcast ·

2024/12/23

O tradicijoneli Roma advent ando Pradimo Kher Erba, te ada bersch papal igen schukar sina. Le adventiskere mulatintschagoha, i kultura taj i tschib le Romendar upre likerdi taj le pradipeske sikadi te ol. Jek barikano than adaj i mindenfelitiki muschika, i literatura taj i kulinarik ande len, save le kherodaschtschenge adale kiratiske sikade ule.

rom

11:16

Ando boschitschano pekartschago la Irina Belliojatar...

ORF Roma Podcast ·

2024/12/16

Taj ada te le rumenitike Romengere khetanipeske andi Austrija genel. Obste pekiptscha vaj avre guliptscha – andi boschitschani cajt i kojnha oficijeli uso boschitschano pekartschago ol. Ando vodschikano hango taj but anglutna vojaha, la Romnjaha Irina Bellio, vanilejakere schinga palo koja le rumenitike Romendar taj Romnjendar pekas.

rom

12:53

I naschadi Romengeri sidlung Grunatar

ORF Roma Podcast ·

2024/12/09

Ande amari sendungakeri rik „Naschade Romengere sidlungtscha le Burgenlandistar“, akan le gaveha Gruna donde amen bescharas. Ando gav jek falato la gemajndejatar Mariasdorf hi. Adaj agun valami 200 Romnja taj Roma dschivnahi. O reporteri Adi Gussak upro jomakero rodipe pe kertscha te dikel, so andar odola manuscha ulo.

rom

12:13

RomaCajtung | Papruschengero nevipe la Roma VHS-atar...

ORF Roma Podcast ·

2024/12/02

I Roma redakcijona le ORF-istar Burgenland, ada bersch i serija „Romengere papruschengere neviptscha andi Austrija“ kesdintscha. Ando sikavipeskero redo, hatek o cile Romengere papruschengere neviptscha, save andi Austrija del, angle terdscharde on. Akan o reporteri Adi Gussak o papruschengero nevipe „RomaCajtung“ la Roma VHS-atar Burgenland, aun peske dikel.

rom

12:24

Gondolipe le Romenge taj Sintijenge ande Lackenbach

ORF Roma Podcast ·

2024/11/25

Ande Lackenbach ando maschkaripe le novemberistar o sako berschengero gondolipe le Romenge taj Sintijenge sina. But eseri manuscha maschkar o nacijengero rajipe ando afka akardo „Zigeunerengero uprelikeripeskero logeri“ Lackenbach ledschim ule. Butenge i lejcti schtacijona sina, angloda on ande avre logertscha ledschim taj murdarde ule. Fatretertscha taj fatreterkiji la politikatar taj Romengere organisacijendar uso gondolipeskero mulatintschago use sina.

rom

12:35

Kher le flogoskere grupnendar | Butja le...

ORF Roma Podcast ·

2024/11/18

Erbate, jek flogoskero grupnengero kher kerdo ol. O plantscha angle jek taj epasch berscha angle terdscharde ule. Akan o prikbescharipe naschel. Jek falato le agune foroskere internatistar imar bejg ispidim ulo. Pasche mindenfelitike khera le trin burgenlanditike flogoskere grupnenge – horvacke, Roma taj ungrike, te kesdipeskere khera taj kherodaschtschengere khera kerde on.

rom

15:09

„I loli dugi jupa“ – Tschavengeri kenva akan te ande...

ORF Roma Podcast ·

2024/11/11

Ando bersch 2024 o Burgenland „100 berscha thaneskero patron dschelno Martin“ mulatinel. Use ada jubilejum i kenva „I loli dugi jupa. I historija le dschelne Martinistar“ ando Romani prik beschardi uli. I kipengeri kenva le Heinz Janischistar, vodschikanipestar, pomoschagostar taj le hajojipestar phukal. I historija le dschelne Martinistar ando khetan hejnginipe le naschikeripeskere terdschijiptschendar andi adiveseskeri cajt anel.

rom

9:27

Romengeri-kojnha la familijaha Martin taj Kerstin...

ORF Roma Podcast ·

2024/11/04

O panonischi kulinarikakero redo le Burgenlanditike-Ungrike Kulturakere Farajnistar imar buteder sar 10 berscha del. O terno dschendeskero programo, akan ando keripe jeke workshopistar, le dschenenge o schajipe dija, khetan la familijaha Martin taj Kerstin Horvath, habiptscha le Romendar feder te prindscharel te siklol taj te koschtalinel.

rom

12:07

O austritiko ROMANES | Artschijipe ando thaneskero...

ORF Roma Podcast ·

2024/10/28

I tschib le Romendar, lakero ardschumintschago, lakere alava taj lakere mindenfelitike dijalektscha ando dikipe le artschijipestar „O austritiko Romanes“ terdschonahi, savo dschi angle harni cajt ando thaneskero kher Tikne Martonate te dikel sina. O aundefinipeskero koja sina o 30-berschengero jubilejum le aunprindscharipestar le Romendar ojs flogoskeri grupn andi Austrija.

rom

11:30

I naschadi Romengeri-sidlung ande Mönchhof

ORF Roma Podcast ·

2024/10/21

Ando nord le Burgenlandistar, afka sar ande but gava le becirkistar Neusiedl am See, anglo dujto themeskero haburi, jek tikni Romengeri-sidlung dija. Afka te ande Mönchhof. Adi, bojd nischta buter upri historija le Romendar taj Romnjendar ando gav pal na gondolinel – dschi upre jek than ando gaveskero museum Mönchhof. Amen le keraschi le museumistar, Josef Haubenwallner, uso vakeripe restscham.

rom

18:15

Fields of Resistance – Romani Archives of Tomorrow’s...

ORF Roma Podcast ·

2024/10/14

Sar le opferenge le nacijonalsocijalismusistar gondolim te ol? Buteder sar 80 berscha palo flogoskero murdaripe upro Roma taj Romnja, Sinti taj Sintize andi Austrija jek centrali gondolipeskero than na del. Ando keripe le Betschitike Kurkostar jek grupn kunstakere keraschtschendar upro jomi le opferendar pumen tschite taj upre odola historischi thana gele, save agun khetane thana la flogoskera grupnatar sina.

rom

16:55

Vodinipe uso internacijonali gondolipeskero di upro...

ORF Roma Podcast ·

2024/10/07

Ando erschti augustiskere divesa 1944, o cile Roma taj Romnja, Sinti taj Sintize murdarde ule, save dschijakana ando logeri Auschwitz-Birkenau prik dschivde. Ando uprebutschalinipe le NS-faphageriptschendar taj la palgondolipeskera kulturatar, butvar pobisterde le ule. Vasch o nacijonali gondolipeskero di, o organisatori Stefan Benedik maschkar o scheroskero artschijipe vodintscha taj dikipe andi anglutni- taj paloda kerdi faphageriptschengeri historija dija.

rom

15:40

Artschijipe | Ceija Stojka – Gondolipe: Ada sina so...

ORF Roma Podcast ·

2024/09/30

O museum.ebensee ando kesdipe le julistar leskere vudartscha la Ceija Stojkake pratscha. O multidisciplineri artschijipe la kinstlerkijatar o anav „Ceija Stojka – Gondolipe: Oda sina so amen soraljarlahi“ ledschel taj dikipe ande lakere dijeskere kenvi del, save o dikipe la kinstlerkijatar upri austritiki cajtakeri historija dokumentirinen taj lakere kipi sikal.

rom

119 results

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger