x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

奇情島

奇情島探索古今中外奇人、奇事、奇案。感謝大家支持。You may support the channel with a coffee :) ☕ https://buymeacoffee.com/mysticislandjc 📝你嘅奇情故：https://forms.gle/54924zaUXzquBbsg8 📱Telegram/ Instagram @mysticislandjc 🌳 https://linktr.ee/mysticislandjc

true crime

All Episodes

00:25:25

EP29 - [醃頭] 臺灣醃頭案

奇情島 ·

2024/12/17

2013 年，臺灣新北市一間警局收到一封神秘信件，指示警方喺一個距離警局３個鐘車程嘅一個公廁尋找一具屍體，及後竟然發現一個被人用鹽醃住既頭顱，事件震驚全台灣。案件經過調查後，竟然發現兇手同死者關係非常密切。咁到底，兇手同死者有啲乜野關係呢？兇手嘅犯案動機又係乜野呢？就等我地返到去 2013 年臺灣新北市，重溫事情發展嘅經過。

zh-tw

00:21:01

EP28 - [姦殺] 土瓜灣明月大廈姦殺案

奇情島 ·

2024/12/10

1974 年嘅初夏，一名就讀中學嘅 17 歲少女，放學後獨自留喺位於九龍土瓜灣明月大廈嘅屋企，但之後就離奇發現先被搶劫、然後被強姦同殺害。雖然當年曾經有疑兇被拘捕，但喺法庭上，佢能夠成功洗脫罪名，令姦殺事件一度成為懸案，令死者死不暝目。直到 2004 年，兇手不堪折磨忽然現身，先得以令懸案有新進展。到底兇手當年行兇情況點樣？當中發生咗乜嘢事，令案情於多年後有新進展？就等我哋返到去1974 年 5 月嘅土瓜灣，重溫事情發展嘅經過。

zh-tw

00:25:13

EP27 - [毒殺] 奧地利蘭茲死亡四天使

奇情島 ·

2024/12/03

由南丁格爾開創現代護理學開始，護士呢個職業成為咗民眾眼中嘅“白衣天使”，維護住患者嘅健康同生命。護士係我哋遭遇傷病、喺醫院治療時最依賴嘅對象。然而樹大有枯枝，總有個別嘅人會做出完全違背職業道德嘅事情，由“白衣天使”墮落成“死亡天使”…… 今日我哋要講嘅，就係奧地利嘅四名女子。佢哋本應該係我哋眼中嘅白衣天使，但佢地竟然組成咗所謂嘅「死亡組合」，喺醫院蓄意犯案，持續6年竟然無人察覺，最終幾百人喺醫院遇害。咁究竟當年發生咗啲乜嘢事呢？就等我哋返到去1983年嘅奧地利首都維也納，重溫事情發展嘅經過。

zh-tw

00:25:00

EP26 - [殺嬰] 澳洲艾爾斯巨石殺嬰案

奇情島 ·

2024/11/26

澳洲北部嘅艾爾斯巨石，每年都吸引咗數以萬計，嚟自世界各地嘅遊客。因為太陽光嘅關係，喺唔同嘅時間，艾爾斯巨石都可以展現唔同嘅色彩，土著相信佢可以反映人嘅靈魂，稱佢為「烏魯魯」，亦即係大地之母。1980年8月17日，一個澳洲家庭，帶住三個仔黎到呢個聖地玩。冇人可以諗到，呢次旅程，竟然奪去一個小生命，令母親被判終身監禁，仲成為全家人喺30 多年嚟嘅噩夢。咁到底發生咗啲乜野事，影響到一個失去個女嘅母親？而呢名母親又點解終身入獄？事情最後嘅結局又點樣？就等我哋返到去1980年6月嘅澳洲，重溫呢單澳洲艾爾斯巨石殺嬰案。

zh-tw

00:21:31

EP25 - [雙屍] 薄扶林龍虎山雙屍案

奇情島 ·

2024/11/20

1970年一個晚上，一間報社接獲神秘電話，留下一段一名男子伏屍龍虎山叢林嘅消息，然後掛斷電話。警方即刻派員去龍虎山附近搜索。令人震驚嘅係，隨後搵到嘅，竟然唔單止一具屍體，而係兩具，而且死狀慘不忍睹。究竟，呢兩具屍體生前有咩關係呢？兇手又係邊個，點解要將佢哋送上絕路呢？就讓我哋返到1970年，香港薄扶林龍虎山，重溫事情發展嘅經過。

zh-tw

00:21:11

EP24 - [投毒] 芝加哥泰諾膠囊投毒案

奇情島 ·

2024/11/13

現今喺藥房買返黎嘅藥品都有安全封口，對於「請勿服食封膜開啟或破損之產品」嘅呢類標語大家都習以為常。除咗擔心過期同保存問題，其實，而家對於食物同藥品嘅包裝安全，會制訂咁嚴格嘅檢驗標準，都源於一宗發生喺1982年美國嘅「泰諾膠囊藥丸投毒事件」。1982年9月29日同30日，喺芝加哥發生咗好單因為服用含有氰化物嘅“泰諾”藥丸而中毒死亡嘅意外，而呢件事竟然引致之後一連串嘅其他事件，包括勒索信息、全民舉報，甚至殺人案等。咁到底，投毒者係邊個呢？投毒事件嘅漣漪效應又有幾大？就等我哋返到1975年，重溫事情發展嘅經過。

zh-tw

00:29:33

EP23 - [謎殺] 芬蘭博頓湖三重謀殺案

奇情島 ·

2024/11/06

今日要講嘅係芬蘭第一大奇案。1960年，三名青少年喺芬蘭博頓湖岸邊慘遭殺害，呢件事喺平靜嘅芬蘭掀起咗轟動，之後嘅60年入面，警方一直冇放棄調查，真相撲朔迷離，百轉千回，最終呢單案件亦成為芬蘭民眾記憶中揮之不去嘅夢魘。咁究竟，當年喺湖邊發生咗啲乜嘢事呢？兇手究竟係邊個？就等我哋返到1960年6月嘅芬蘭博頓湖畔，重溫事情發展嘅經過。

zh-tw

00:21:19

EP22 - [活埋] 華盛頓州美婦遭活埋案

奇情島 ·

2024/10/30

喺2022年10月17日，對美國華盛頓州萊西市嘅呢戶人家嚟講，真係驚險萬分，最後仲氣憤填膺。凌晨時分，呢家人被突如其來嘅敲門聲嘈醒咗。佢哋喺窗同防盜眼嗰度，見到門外有一個滿身傷痕同泥濘、而冇著鞋嘅亞裔女人瘋狂咁敲佢哋嘅門。佢有試圖叫喊，但聲音唔算大聲，好以有種個咀俾人捂住嘅感覺。究竟，呢名女子到底係乜野人？佢經歷咗啲乜野恐怖事件？佢最終既下場又係點既呢？就等我哋返到去2022年10月既萊西市，重溫整個事情發生既經過。

zh-tw

00:21:47

EP21 - [盜竊] 藍鑽事件

奇情島 ·

2024/10/23

喺上個世紀80年代尾，沙特阿拉伯王室嘅一批珠寶被一個泰國工人偷竊返國，其中包括一粒價值連城嘅藍鑽。但輾轉之下，呢單事件變成唔係簡單嘅失竊案，而引發咗一連串神秘嘅命案同謀殺案，最終導致沙特阿拉伯同泰國斷交咗35年，各個領域嘅交流基本停滯，影響持續至今。咁究竟，當中發生咗啲乜野事，導致偷竊一事觸動兩國關係，仲涉及多名人命呢？就等我哋返到去1989年嘅沙特阿拉伯，重溫呢件曾經轟動沙特同泰國一時嘅「藍鑽事件」。

zh-tw

00:25:06

EP20 - [圓謊] 法國假醫生殺親案

奇情島 ·

2024/10/16

喺1993年嘅法國一個小鎮度，有一個男人殺晒佢自己全家，只為咗掩飾佢嘅謊言。而呢個謊言嘅起源，竟然係嚟自18年前佢無意間講嘅一個大話。咁究竟佢講左個乜野既大話，可以令佢不惜殺妻、殺子、殺父母？就等我哋返到1954年，重新整理呢單案件嘅前因後果。

zh-tw

00:21:17

EP19 - [分屍] 東京井之頭公園分屍案

奇情島 ·

2024/10/09

提起東京嘅打卡熱點，井之頭公園係一個唔錯嘅選擇，全因佢風景優美。之不過，呢一個風景咁怡人嘅地方，竟然係 1994年一單分屍案發生嘅地方。而呢一單案件，為呢個公園蒙上一層濃厚嘅傳說。咁呢單案件係點俾人發現嘅呢？而兇手行兇動機又係啲乜嘢呢？就等我地返到去1994年4月，重溫呢單東京井之頭公園分屍案。

zh-tw

00:22:41

EP18 - [滅門] 葵涌警察宿舍四屍案

奇情島 ·

2024/10/02

喺80年代，香港葵涌警署隔離嘅警察宿舍發生咗一宗駭人聽聞嘅慘案。住喺B座五樓嘅警員鄭炳和、妻子李鳳鳴同埋佢地嘅仔女，一家四口慘遭滅門，四人全部身中多刀，死狀恐怖！雖然80年代嘅香港，江湖氣息好重，但係，無論黑白兩道嘅人士，都遵守禍不及妻兒嘅原則，所以案件發生之後，都紛紛推測警員鄭炳和全家慘遭滅門，係嚟自犯人尋仇，但係現場留低嘅物證，就推翻呢一個猜想。咁到底，死者一家同乜嘢人扯上咗危險關係，導致咁嘅下場呢？就等我哋返到去1987年，重溫事情發展嘅經過。

zh-tw

00:22:02

EP17 - [核災] 巴西戈亞尼亞事故

奇情島 ·

2024/09/25

提起1987年嘅秋天，好多巴西戈亞尼亞嘅居民仍然有好深刻印象，因為佢地都記得，嗰一年發生咗一場幾乎毀滅戈亞尼亞城嘅災難。當時有兩個愚蠢嘅小偷，因為一時貪念偷走廢棄醫院嘅一樣嘢，之後將佢當成爛銅爛鐵賣去廢物回收站，導致喺短短幾日嘅時間入面，有超過240人受到唔同程度嘅健康影響，而4人更因此死亡。巴西政府為咗處理呢啲污染源，出動咗大量嘅人力物力，花費幾億美金。而戈亞尼亞亦因為呢次事故被其他地區嘅人歧視，大家都唔願意購買嚟自戈亞尼亞嘅任何物品，導致戈亞尼亞經濟下滑百分之40。咁到底，戈亞尼亞當年發生咗啲咩事？嗰兩個小偷究竟偷咗啲乜野，而闖下咗彌天大禍？

zh-tw

00:26:33

EP16 - [墮樓] 沙田翠華花園離奇墮樓案

奇情島 ·

2024/09/18

喺90年代嘅某一日，沙田翠華花園發生咗一單幼稚園學童喺返學時間墮樓嘅事件。起初以為校方疏忽，導致小朋友走失，誤闖樓層而墮樓身亡。但經過警方調查，竟然另有內情。咁到底，小朋友係點樣會喺返學時間走到上去大廈，然後墮樓嘅呢？當中究竟牽涉到啲乜野人同事？就等我地返到去1993年8月嘅沙田翠華花園，重溫事情發生嘅經過。

zh-tw

00:23:05

EP15 - [謀殺] O.J. 辛普森案 (下)

奇情島 ·

2024/09/11

上回提到，美國民眾一齊睇辛普森逃亡嘅直播，超過9500萬人觀看，比睇超級碗仲要多。有人喺路邊為佢加油，最尾佢自首，引發全球關注。喺今集，我哋會解構辛普森正式被捕後嘅一場世紀審判。究竟，喺重重證據包圍之下，辛普森同佢嘅團隊點樣應對？最後嘅結局又係點嘅呢? 就等我哋返到去1994年6月23日，重溫當年審判嘅過程。

zh-tw

00:22:30

EP14 - [謀殺] O.J. 辛普森案 (上)

奇情島 ·

2024/09/05

O.J. 辛普森案 (The case of O.J. Simpson)，相信各位應該有聽過。佢被稱為美國歷史上最複雜嘅謀殺案審判，亦都被後世稱為人類史上最經典嘅司法大案。規模之大，影響力之遠，世間少有。所以有「世紀審判」嘅稱號。佢改變咗美國嘅刑事偵緝制度，令法庭科學地位提升，亦進一步確立咗美國司法制度，對程序公義同確鑿證據嘅重視程度，已經遠遠超過咗尋求真相同將兇手定罪。當然呢單案件亦充滿咗爭議，直到而家依然有好多美國民眾喺度討論呢單案件。咁，呢單世界著名嘅案件究竟係點樣嘅一回事呢？奇情島將會一連兩集，同大家闡述呢單案件嘅來龍去脈。喺今集，我哋先返到去上世紀90年代嘅洛杉磯，重溫呢單曲折離奇命案嘅發展經過。

zh-tw

00:22:50

EP13 - [剖腹] 美國肯塔基州剖腹偷取胎兒案

奇情島 ·

2024/08/29

一個新生命嘅誕生，喺絕大多數人嘅心入面，肯定係值得開心同祝福嘅事情。但係喺2011年4月喺美國，隨住一名男嬰嚟到呢個世界上，一場慘絕人寰嘅血案亦同時發生咗。究竟當中發生咗乜嘢事？一個嬰兒嘅誕生，點解會導致一單殘忍而血腥嘅兇案出現？就等我哋返到去2011年4月13日嘅美國肯塔基州，重溫事情發展嘅經過。

zh-tw

00:20:43

EP12 - [偷渡] 英國多佛爾港死亡貨車

奇情島 ·

2024/08/23

2000年6月，58名中國偷渡者，由福建出發，穿越俄羅斯、東歐，進入荷蘭，然後擠進蛇頭嘅冷藏貨車偷渡到英國。喺路上，為咗避免車內嘅聲音被聽到，司機關閉咗貨櫃通風管，之後一直冇打開，咁究竟，呢58名中國偷渡者當時喺貨車上嘅情況係點呢？而最後佢哋嘅下場又係點呢？

zh-tw

00:21:02

EP11 - [失蹤] 澳洲女童神秘失蹤半世紀

奇情島 ·

2024/08/15

1970年1月12日，一名3歲嘅澳洲細路女，喺靠近新南威爾士州臥龍崗嘅仙女海灘同屋企人玩水時突然失蹤，一失蹤就係50年。正當大家都以為細路女嘅失蹤真相永遠都唔會被解開嘅時候，一名探員偶然發現嘅線索竟然將事情嘅來龍去脈一一破解，但最終結局卻峰迴路轉，令呢位辦案探員憤而辭職。到底呢個細路女係點樣失蹤嘅呢？細路女嘅下落到底係點樣呢？又係因為乜嘢事，令到呢位本身對案件鍥而不捨嘅探員憤而辭職呢？

zh-tw

00:20:04

EP10 - [屠殺] 巴達維亞號慘案

奇情島 ·

2024/08/07

喺17世紀，有一艘新型豪華商船搭載住341個人出海，但航程都未到一半，船上已有人心生惡念，企圖劫船。結果船觸礁擱淺喺海上，迫使幾百人流落荒島，為咗生存一同奪取資源，發生咗一連串慘絕人寰嘅血腥屠殺，幸運存活嘅女性都被囚禁，最後只有122個人生還。究竟當年喺呢條船上發生咗乜嘢事呢？今集就帶大家返到去1628年，一齊重溫呢單慘案嘅細節。

zh-tw

89 results

Similar Podcasts

Australian True Crime

Bravecasting

True Crime Podcast 2026 - Police Interrogations, 911 Calls and True Police Stories Podcast

True Crime Podcast 2025

Ontario Cold Cases - The Podcast

Jay Nicoll

The Conspiracy Files

Bloody FM

Crime at Bedtime

Jack Laurence