x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

NASA 逐工一幅天文圖 APOD Taigi

NASA 逐工一幅天文圖 APOD Taigi

「逐工一幅天文圖 APOD Taigi」Podcast 是 NASA Astronomy Picture of the Day 台語版的有聲頻道。逐工會揀一幅無仝款 ê 影像抑是相片，𤆬你熟似咱這个迷人 ê 宇宙，閣有專業天文學者為你解說。 https://apod.tw/ Powered by Firstory Hosting

science astronomy

All Episodes

1:46

687. IC 1396 內底無四常 ê 雲球 ft. 阿錕 (20221212)

NASA 逐工一幅天文圖 APOD Taigi ·

2023/01/03

IC 1396 內底是毋是有一个怪物？有一寡人 kā 叫做象管星雲，伊是恆星形成區內底 ê 一部份氣體塗粉雲。伊 ê 外形看起來敢若足奇怪--ê，有 ê 親像是人類。是講，這內底真正 ê 怪物是一粒足光 ê 少年恆星。毋閣伊傷遠矣，袂傷害著 tī 地球 ê 咱。這粒恆星發--出 ê 高能光會 kā 這張相片頂懸 ê 暗色彗星形雲球 ê 塗粉食食去。Ùi 恆星發--出 ê 噴流 kah 粒子風嘛會 kā 週邊 ê 氣體 kah 塗粉捒--出去。較暗 ê IC 1396 星雲複合體離咱有 3000 光年遠。伊 ê 範圍，是一个比這張相片閣較大 ê 區域。伊 tī 天頂 ê 視闊度，有超過 10 粒月娘。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221212/ 影像：Bernard Miller 音樂：P!SCO - 鼎鼎

en

1:46

686. 獵戶座太空船 kah 月球 ê 風暴洋 ft. 阿錕 (20221208)

NASA 逐工一幅天文圖 APOD Taigi ·

2023/01/02

無載人 ê 獵戶座太空船頂懸彼台 kha-mé-lah，佇 12 月 5 號翕著這个景色。這个時陣獵戶座太空船當咧倚近月球，時到會利用飛過月球提著動力，才飛轉來地球。佇獵戶座太空船其中一片太陽能枋下底，是風暴洋西爿邊緣暗暗平平 ê 地形。風暴洋是過去月球頂懸上大 ê 岩漿海，伊佇月球倚咱地球這爿面是足明顯--ê。月球 ê 晨昏線就佇相片 ê 倒爿，這是月球日時佮暗暝交界 ê 烏影線。相片頂懸中央彼个是直徑 41 公里闊 ê 深色 Marius 隕石坑。相片正爿邊仔彼个有輻射紋 ê Kepler 隕石坑，就佇太陽能枋 ê 正爿。Kepler 隕石坑 ê 淺色輻射紋，湠到北爿 kah 西爿，去拄著深色 ê Marius 隕石坑。是講，獵戶座太空船按算欲佇 12 月 11 彼工轉來，伊會降落佇地球 ê 太平洋。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

1:46

685. NGC 7293：捲螺星雲 ft. 阿錕 (20221207)

NASA 逐工一幅天文圖 APOD Taigi ·

2023/01/01

有一粒離地球干焦 700 光年遠爾爾、佇寶瓶座方向、太陽質量 ê 恆星，當咧死亡。這粒欲死 ê 恆星佇這个階段持續幾若千年，製造出這个捲螺星雲 (NGC 7293)。伊是一个咱研究足濟 ê 厝邊行星形星雲，是恆星演化尾期 ê 形態。這張狹頻影像是 kā 紅色 ê 水素原子發射線 kah 藍色 ê 酸素原子發射線疊出來 ê 結果。咱會當看著捲螺星雲足精彩 ê 細節，嘛包括內底 3 光年闊較光 ê 區域。捲螺星雲中心彼个白點，是佇行星形星雲中央 ê 高溫恆星。拄開始影--著 ê 時陣，叫是講這是一个簡單 ê 星雲。毋過這馬咱知影講，這个捲螺星雲有一个足複雜 ê 幾何結構。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221207/ 影像：Tommaso Stella 音樂：P!SCO - 鼎鼎聲優：阿錕翻譯：An-Li Tsai (NCU)

en

1:46

684. M16：Webb 太空望遠鏡翕--ê 恆星形成雲柱 ft. 阿錕 (20221206)

NASA 逐工一幅天文圖 APOD Taigi ·

2022/12/31

星際雲山內底是發生啥物代誌？是有恆星當咧形成啦！雲山實際上是鴟鴞星雲 (M16) 內底 ê 氣體佮塗粉。這款雲柱是較低密度--ê，你真簡單就會當飛過去。伊看起來親像是固體，這是因為內底有足濟塗粉，嘛足深--ê。這个發光區是去予新形成 ê 恆星 kā 照予光--ê。這區是發紅光佮紅外光，因為藍光去予中央 ê 星際塗粉散射去矣。這張頭一擺翕甲遮爾清楚 ê 影像，是舊年尾發射 ê James Webb 太空望遠鏡 (JWST) 翕--ê 近紅外線影像。高能光、侵蝕風、kah 少年恆星演化尾期 ê 超新星，會佇紲落來 10 萬年內，沓沓仔 kā 會生出新恆星 ê 雲柱吹予散去。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221206/ 影像：NASA, ESA, CSA, STScI, Processing &

en

2:08

683. 昴宿星團：七姊妹仔星團 ft. 阿錕 (20221205)

NASA 逐工一幅天文圖 APOD Taigi ·

2022/12/30

你敢捌看過七姊妹仔星團？就算你捌看過，你可能嘛毋捌看過像這个遮爾大閣清楚--ê。這个遮爾光 ê 昴宿星團，應該是天頂上有名 ê 星團。就算是佇光害足嚴重 ê 城市，咱嘛會當直接用目睭看著。咱若有法度佇暗-bin-bong ê 所在做長時間 ê 感光，箍佇昴宿星團邊仔 ê 塗粉雲就會變做足明顯--ê。這張是佇澳洲 ê Siding Spring 天文台，開 11 點鐘 ê 感光時間翕--ê。相片翕著 ê 天區，有幾若粒月娘遐爾闊。昴宿星團嘛叫做七姊妹仔星團抑是 M45，離咱有 400 光年遠，就佇金牛座遐。一个較普遍接受 ê 現代觀點是講，星團號名了後，這寡較光 ê 恆星 ê 其中一粒就變暗去矣，所以就賰六姊妹仔是咱猶有法度用目睭直接看著--ê。實際上昴宿星團內底看會著 ê 恆星數量，有可能較濟嘛有可能較少，愛看彼工 ê 天色是偌暗、觀測者 ê 目睭有偌好。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/

en

2:44

682. 雷神 Thor ê 頭盔 ft. 阿錕 (20221220)

NASA 逐工一幅天文圖 APOD Taigi ·

2022/12/29

雷神 Thor 毋若有專屬 ê 日子（拜四），嘛是天堂 ê 頭盔。咱一般攏 kā NGC 2359 叫做雷神 Thor ê 頭盔。伊是一个帽仔形 ê 宇宙雲，閣有兩支翼股。雷神 Thor ê 頭盔有 30 光年闊，tùi 北歐神來講嘛是有夠大 ê。實際上，這个宇宙崁蓋較成是一个星際氣泡，是去予氣泡中心一粒明亮、大質量恆星 ê 高速恆星風吹出來 ê。中心恆星是 Wolf-Rayet 星，伊是足燒 ê 巨恆星，是超新星前期足短 ê 演化階段。NGC 2359 離咱有 15000 光年遠，to̍h tī 大犬座 ê 方向。這張遮爾清楚 ê 影像是濫幾若款無仝 ê 觀測資料，有闊頻 kah 狹頻濾片 ê 資料。內底毋若有一般看著 ê 影像，嘛有星雲雲絲 ê 清楚結構。雷神 Thor ê 頭盔中心 ê 恆星，閣紲落來幾若千年了後，應該會爆炸，變做壯觀 ê 超新星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/

en

1:46

681. Artemis 1 號：第 13 工飛行日 ft. 阿錕 (20221201)

NASA 逐工一幅天文圖 APOD Taigi ·

2022/12/28

11 月 28 是獵戶座太空船載 Artemis 1 號任務飛出去 ê 第 13 工。這工是伊飛到離地球上遠 ê 所在。實際上，這个上遠 ê 地點離地球有超過 43 萬公里。伊 ê 遠逆行軌道，是共獵戶座太空船囥佇離月球 7 萬公里遠 ê 所在。佇這支第 13 工飛行日 ê 影片內底，ùi 無載人 ê 太空船方向來看，咱 ê 地球就佮月球欲平大粒。今仔日 (12 月 1 號) 應該會當看著獵戶座太空船離開伊 ê 遠逆行軌道。伊轉來地球 ê 路--lih 會閣第二擺利用月球進行動力飛行。伊按算欲佇 12 月 11 飛轉來咱 ê 地球，降落佇海面上。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221201/ 影像：NASA, Artemis 1 音樂：P!SCO - 鼎鼎聲優：阿錕翻譯：An-Li Tsai (NCU)

en

1:46

680. New Jersey 天頂 ê 多重虹 ft. 阿錕 (20221127)

NASA 逐工一幅天文圖 APOD Taigi ·

2022/12/27

是哩！毋知你捌看過這款虹無？2018 年 tī 美國 New Jersey 州 ê Jersey 海岸，去予 Florence 風颱尾掃過了後，日頭 tī 天頂出現，毋過另外彼爿煞出現一大陣虹。紲落來這半點鐘，因為多重虹 tī 天頂足活潑--ê，一時仔光一時仔暗，所以攝影師佮 in chău 囝歡喜甲上無有翕著五張孤張感光 ê 相片。多重虹干焦會 tī 天頂落落來 ê 水滴攏平大粒、而且比毫米較細 ê 時陣，才會出現。了後，日光毋但會 ùi 雨水內部反射，而且閣會產生繞射。繞射波 ê 形態，就佮 tī 水窟仔內底擲一粒石頭產生 ê 水波仝款。實際上，多重虹干焦會當用波來解說，而且 tī 1800 年代早期就捌去 hŏng 認為講，這是光有波 ê 性質 ê 早期證據。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221127/ 影像：John

en

1:46

679. 合併星系組 IIZw096 ft. 阿錕 (20221202)

NASA 逐工一幅天文圖 APOD Taigi ·

2022/12/26

這組合併星系佇紅外線波段是足光--ê，伊離咱有 5 億光年遠，佇海豬仔座 ê 方向。這張相片內底，有這組宇宙天體，有背景 ê 遙遠星系，閣有前景閃閃爍爍 ê 天星。這張深空影像是 ùi James Webb 太空望遠鏡來--ê。這个星系合併有 10 億光年遐爾闊。這張影像 ê 資料是 ùi Webb 太空望遠鏡 ê 近紅外線相機 (NIRCam) 佮中紅外線儀器 (MIRI) 來--ê。這張清楚 ê 紅外線合成影像內底有 kā 規个星系尺度攏翕起來。內底有厚塗粉 ê 合併星系 ê 重組結構，包括有強烈形成恆星 ê 形成區佮去予搝甲變形 ê 捲螺仔手骨。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221202/ 影像：ESA/Webb, NASA & CSA, L. Armus, A. Evans 音樂：P!SCO - 鼎鼎聲優：阿錕

en

1:46

678. 光--ê、暗--ê、佮厚塗粉--ê ft. 阿錕 (20221130)

NASA 逐工一幅天文圖 APOD Taigi ·

2022/12/25

這張彩色夜景有 4 粒月娘闊，是一个厚天星 ê 星雲。伊佇銀河盤頂懸附近，北天 ê 皇家星座仙王座遐。相片中央是發紅光 ê 發射區 Sharpless 155 (Sh 155)，嘛叫做洞窟星雲。伊就佇 2400 光年遠 ê 大質量分子雲區邊仔附近。這个宇宙洞窟 ê 氣體壁有 10 光年闊，去予邊仔高溫少年恆星 ê 紫外光 kā 電離去。像正爿 ê vdB 155，是一个厚塗粉 ê 反射星雲，伊佮實密閘光 ê 雲，佇這張星際畫布頂懸是滿四界。天文研究已經知影其他恆星形成活動會產生戲劇性 ê 信號，包括咧發紅光 ê Herbig-Haro 168 (HH 168)。中央正爿下跤--ê，是 Herbig-Haro 天體，伊 ê 發射源是新形成 ê 恆星噴出來 ê 高能噴流。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221130/

en

2:08

677. Gum 星雲 ê 超新星殘骸 ft. 阿錕 (20221129)

NASA 逐工一幅天文圖 APOD Taigi ·

2022/12/24

Gum 星雲是離咱上倚 ê 超新星殘骸，因為伊傷倚矣，所以伊真歹得看著。因為這个暗暗 ê 星雲佇天頂有 40 度遐爾闊，所以佮較光較複雜 ê 背景相比，伊就較會去 hŏng 無注意著。這張 5 月底翕 ê 孤張感光闊幅相片內底，上明顯 ê 就是正爿彼个發出紅光發射線 ê Gum 星雲。咱 tī 相片內底有看著前景 ê 智利 Atacama 沙漠，tī 咱銀河盤、ùi 倒爿頂懸行 tùi 對角去 ê 船底座星雲，kah 厝邊星系大麥哲輪星雲。Gum 星雲足近 ê，所以咱會當量著伊頭前這爿 kah 咱 ê 距離是 450 光年遠，後壁彼爿 kah 咱 ê 距離是 1500 光年遠。這个複雜 ê 星雲就 tī 船尾座 kah 船帆座遐。較奇怪 ê 是，Gum 星雲猶有足濟咱毋知影 ê 代誌，比論講是當時？有偌濟超新星爆炸？才會形成這个星雲。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

2:08

676. 飛過獵戶座 ê 獅仔座流星雨 ft. 阿錕 (20221128)

NASA 逐工一幅天文圖 APOD Taigi ·

2022/12/23

後一粒流星會佇當時出現？就算是拄著流星雨 ê 時陣，咱嘛無一定會知。所以，享受流星雨上好 ê 方式，是揣一个四序 ê 所在好好仔坐咧，觀賞這个夜空電影。而且你會當 kah 朋友分享這个經驗，逐家攏會足歡喜--ê。這張相片是佇中國海南島看 tùi 南中國海，內底 ê 流星雨是 2022 年 ê 獅仔座流星雨。流星出現上濟 ê 時陣，就是佇這個月。相片內底 ê 流星軌跡是連紲翕幾若點鐘了後，才疊佇較早進前翕 ê 背景影像頂懸。佇這个地點佮時間，咱會當 ùi 獅仔座流星雨 ê 流星軌跡，揣出 in 是 ùi 獅仔座來--ê。毋過咱嘛會當看著這寡軌跡嘛迒過其他星座，嘛包括獵戶座。相片頂懸彼粒紅紅上光 ê 行星是火星。相片內底這兩位流星雨愛好者，因為對天文 ê 愛結婚矣。In 佇這個月慶祝 in ê 仝一工生日。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

2:08

675. 土星 ê 暗暝 ft. 阿錕 (20221126)

NASA 逐工一幅天文圖 APOD Taigi ·

2022/12/22

土星佇咱地球 ê 暗暝猶是遮爾光。這粒遙遠 ê 氣態巨行星佮美麗 ê 土星環，予伊佇望遠鏡景色下底，成做天星宴會 ê 焦點。這个予人讚嘆 ê 土星環佮土星暗暝，是無可能出現佇倚太陽這爿 ê 望遠鏡景色內底，愛到外行星彼爿才有法度。望遠鏡干焦會當看著土星 ê 日時。實際上，這張相片是 Cassini 太空船翕--ê。有翕著去予日光照著 ê 月眉相 ê 土星，嘛有翕著土星暗暝這爿 ê 烏影，投影佇複雜 ê 土星環系統頂懸。Ùi 地球出去 ê 機器人太空船 Cassini，以土星為家，已經踅土星 13 冬矣。伊佇 2017 年 9 月 15 彼工，飛入去這粒氣態巨行星 ê 大氣層內底。這張壯麗 ê 拼鬥影像是 Cassini 太空船 ê 闊幅 kha-mé-lah 翕--ê，時間點是伊欲進行上尾一擺飛入去土星軌道內底 ê 任務 ê 2 工前。咱無法度閣看著土星 ê 暗暝，除非地球閣送另外一台太空船--過來。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

en

1:46

674. 英仙座內底 ê 雙星團 ft. 阿錕 (20221122)

NASA 逐工一幅天文圖 APOD Taigi ·

2022/12/21

真少星團會 chhāi 遮爾倚。這是咱 tī 夜空用目睭就有通直接看著 ê 天體，tī 西元前 130 年彼陣去予希臘天文學家 Hipparchus 編 tī 星表內底。這組開放星團離咱有 7000 光年遠，嘛是用雙筒千里鏡就有通看著 ê 目標。In 是希臘神話內底 ê 英雄星座，tī 北天一个引人注目 ê 星場，英仙座內底。這兩个星團咱這馬 kā 叫做英仙座 h kah χ，嘛會當叫做 NGC 869（正爿頂懸彼个） kah NGC 884。In 兩个 ê 距離干焦幾若百光年遠，內底有足濟比太陽閣較少年、閣較燒 ê 恆星。這兩个星團 ê 年歲，照 in ê 成員星來估算，嘛差不多老。毋但按呢，in 兩个 ê 距離嘛有相倚。這表示講，這兩个星團應該是 ùi 仝一个恆星形成區生出來--ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

2:08

673. Ùi 獵戶座太空船看著 ê 地落 ft. 阿錕 (20221123)

NASA 逐工一幅天文圖 APOD Taigi ·

2022/12/20

這張太空速翕相片內底，有 80 億人 giōng 欲無去矣！這是 11 月 21 翕--ê，是 Artemis 1 號任務 ê 第 6 工。這張相片是獵戶座太空船飛出去 ê 時陣，伊 ê 外部 kha-mé-lah 翕 ê，咱會當看著地球 tī 月娘外沿遐。獵戶座太空船這馬欲進行動力飛行，飛過月球表面 130 公里懸 ê 所在。動力飛行 ê 過程會增加飛行速度，按呢會當飛到離月球較遠 ê 逆行軌道去。這个軌道較遠，因為伊離月球有 9 萬 2000 公里遠，而且是逆行軌道。這是因為太空船 ê 軌道方向會 kah 月球踅地球 ê 方向倒反。獵戶座太空船會 tī 11 月 25 拜五 ê 時陣，飛到這个較遠 ê 逆行軌道。獵戶座太空船 tī 月球附近幌來幌去，落尾會 tī 11 月 28 拜一 ê 時陣飛到離地球上遠 ê 距離（40 萬公里）。這个距離超過進前設計欲載人做太空探險 ê 阿波羅 13 號任務 ê 記錄。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

en

2:08

672. 踮智利翕--ê 透早星 ft. 阿錕 (20220617)

NASA 逐工一幅天文圖 APOD Taigi ·

2022/12/19

6 月 15 這工，太陽系上內底 ê 行星，水星，佇地球天頂行到離太陽上遠 ê 所在。這張速翕相片，是天欲光進前踮智利 Rio Hurtado 山谷翕--ê。佇日頭欲 peh--起來進前，水星出現佇東爿地平線附近彼个遙遠 ê Andes 山脈面頂。佇 6 月，別粒透早星攏會排踮比水星較懸 ê 所在。這寡會當用目睭直接看著 ê 太陽系行星，會踮黃道面排排做一逝，按呢一張闊幅相片就會當 kā 這个行星連珠 ê 現象翕入去。踮南半球，太陽系 ê 黃道面崎崎迒過天頂，趨 tùi 北方去。毋閣踮北半球，這寡佇黃道面排好勢 ê 透早星 peh 起來了後，會用較淺 ê 角度趨 tùi 南方去。毋管是踮北半球抑是南半球，佇 6 月美麗 ê 早起時，攏會當看著這寡透早星，會照 in 到太陽距離 ê 順序，踮天頂排做一逝。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

2:08

671. 市區 ê 月食 ft. 阿錕 (20221112)

NASA 逐工一幅天文圖 APOD Taigi ·

2022/12/18

Tī 曼哈頓 ê 暗暝，天頂 ê 月娘欲落去矣。這是 kā 11 月 8 號紀錄月全食 ê 16 張連紲感光組合出來 ê 相片。這支縮時攝影相片內底，恆星 tī 城市天頂拖出一條短短 ê 光跡，這个時陣月娘猶 tī lih 地球 ê 烏影下底。國際太空站嘛才 ùi 烏影下底出現，飛到低軌道較光 ê 所在。Ùi Niú-iok 市來看，天頂 ê ISS 光跡 ùi 金牛座 ê 恆星邊仔開始，ùi 正爿追蹤到倒爿，經過獵戶座皮帶、天狼星、kah 大犬座 α 星。咧高速運動 ê 軌道光跡中央 ê 空縫，kah tī 地平線附近咧飛 ê 飛龍機光跡 ê 空縫，予咱 ùi 這張系列相片內底感受著時間 ê 變化。火星 ê 光跡就 tī 影像頂懸遐。昴宿星團 ê 光跡 tī 食月 kah 帝國大廈頂懸較懸 ê 所在。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

2:08

670. NGC 6744：河外星系 ê 特寫 ft. 阿錕 (20221125)

NASA 逐工一幅天文圖 APOD Taigi ·

2022/12/17

美麗 ê 捲螺仔星系 NGC 6744 差不多有 17 萬 7000 光年闊。比咱銀河系閣較大。伊就 tī 3000 萬光年遠 ê 所在，tī 南方星座孔雀座遐。Ùi 咱 ê 視線方向看，伊 ê 星系盤是趨趨 ê。這張厝邊島宇宙 ê Hubble 特寫翕著 NGC 6744 中心區域差不多 2 萬 4000 光年闊 ê 範圍。這張 Hubble 影像是 kā 可見光資料 kah 紫外光資料敆起來 ê 結果。這个大星系中央 ê 黃色星系核主要是 tī 可見光看著--ê，是 ùi 較老、較冷 ê 恆星發出來 ê 光。Tī 星系核外口 ê 內捲螺仔手骨遐，四界攏有恆星形成區 kah 少年星團。NGC 6744 ê 少年星團 tī 紫外光波段較光，是相片內底藍色 kah 粉紅仔色遐。相片內底彼寡十字形 ê 恆星是前景星，in 攏 tī 咱 ê 銀河系內底。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

1:46

669. Lynds 暗星雲 1251 ft. 阿錕 (20221124)

NASA 逐工一幅天文圖 APOD Taigi ·

2022/12/16

Lynds 暗星雲 1251 (LDN 1251) 內底當咧形成恆星。這个厚塗粉 ê 分子雲離咱有 1000 光年遠，就浮佇咱 ê 銀河盤面頂，是仙王座爆發區內底，暗星雲複合體 ê 一部份。這个閘光 ê 星際雲佇規个電磁波頻譜 ê 天文探索展示出 ùi 新恆星發出 ê 高能震波佮大角度噴流。這嘛包括藏佇影像內底去予散射、發紅光 ê Herbig-Haro 天體。遙遠 ê 背景星系嘛藏佇這幅影像內底，差不多是佇這个湠開 ê 厚塗粉星雲後壁。這張迷人 ê 影像佇天頂有超過四粒月娘 ê 闊度。照 LDN 1251 ê 距離來推算，這差不多有 35 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20221124/ 影像：Stefano Attalienti 音樂：P!SCO - 鼎鼎聲優：阿錕翻譯：An-Li Tsai (NCU)

en

2:08

668. Hubble 翕 ê 蝶仔星雲 ft. 阿錕 (20221121)

NASA 逐工一幅天文圖 APOD Taigi ·

2022/12/15

恆星老矣了後，會產生美麗 ê 圖樣。有當時仔親像花，有當時仔親像蟲豸。蝶仔星雲 NGC 6302 就是一个有名 ê 例。這个氣體做--ê 翼有 3 光年闊，表面溫度超過 20 萬度 C。相片內底 ê 行星形星雲是 NGC 6302。伊中央彼粒較老 ê 恆星，已經變甲燒燙燙，tī 可見光 kah 紫外光咧發光。毋過伊藏 tī 實密 ê 塗粉後壁，咱是看袂著。這張 Hubble 太空望遠鏡 ê 特寫相片是紀錄甲遮爾清楚。資料處理好矣了後，咱就看會著複雜 ê 行星形星雲內底精彩 ê 細節。其中，藍色是酸素，青色是水素，紅色是窒素。NGC 6302 離咱有 3500 光年遠，經過考古校正，伊應該是 tī 天蠍座遐。行星形星雲是 ùi 像咱太陽這款恆星 ê 外層大氣演化來--ê。毋過一般講來，伊會 tī 2 萬年左右就變暗去矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

en

1,434 results

Similar Podcasts

Classic Radio Science Fiction

solgoodmedia.com

Mission to Mars

Inception Point Ai

The 365 Days of Astronomy

365DaysOfAstronomy.org

Creek Devil

william Jevning

UFO Chronicles Podcast

Nik Hunter