PODCAST

Kultur

radio 100,7

Interviewen, Kriticken, Commentairen a Reaktiounen zu der kultureller Aktualitéit

news

All Episodes

15:50

Nei am Kino

Kultur ·

2025/09/16

10:03

Film vun der Woch: "Sirât" vum Oliver Laxe

Kultur ·

2025/09/15

D’Palm Dog fir déi bescht schauspilleresch Leeschtung vun engem Hond, ee Präis fir dem Kangding Ray säi geniale Soundtrack an de Prix du Jury ex aequo mat der Mascha Schilinski: Am Oliver Laxe sengem "Sirât" geet et em ee Papp, dee sech zesumme mat sengem Bouf op d’Sich no senger Duechter mécht, déi vermësst gëtt – an dobäi an der marokkanescher Wüst wärend enger Rave-Party mat enger Gesellschaft vu Marginaliséierter ee radikale Roadtrip ënnerhëlt. D'Valerija Berdi an de Jeff Schinker

9:32

Keng Affaire: Déi nei Spillzäit am TNL

Kultur ·

2025/09/15

Mëtt September verkënnegen och déi kleng Theateren hir nei Saison. Dee gréisste vun deene klengen – oder dee klengste vun deene gréissten – ass den TNL, deem seng Saison dëst Joer ganz ënnert dem Thema vun den Affaire steet. Dat no dräi Spillzäiten, déi sech plus ou moins mat dem Weltënnergank befaasst hunn. Wisou een net ëmmer just vun der Apokalypse schwätze kann, a wisou de Sujet manner bouleverdesk ass, wéi e kléngt, wollt de Jeff Schinker vum TNL-Direkter Frank Hoffmann wëssen.

30:00

20 Joer Rockal: Am Gespréich mam Olivier Toth

Kultur ·

2025/09/15

20 Joer Rockhal, 20 Joer, dass Lëtzebuerg sech eng grouss Musekshal geleescht huet, 20 Joer, déi och vun Ännerungen an de Musekindustrie gepräägt waren, 20 Joer, an deenen de Musicssecteur ënnert anerem vun engem Attentat an enger Pandemie markéiert gouf. Mam Olivier Toth, Direkter vun der Rockhal, mécht de Jeff Schinker haut eng kleng Rees an d’Vergaangenheet - a vläicht och an d’Zukunft.

10:26

D’Marie Capesius an de fil bleu

Kultur ·

2025/09/12

Bis de fënneften Oktober sinn di renomméiert Rencontres internationales de la photo d‘Arles, an duerch den Asaz vun der Lët’z-Arles-ASBL ass Lëtzebuerg scho fir di aachte Kéier mat dobäi. Bedeit, datt di Lëtzebuerger Multimedia-Kënschtlerin Carine Krecké am Zentrum vun Arles hire konzeptuelle Projet “Perdre le Nord” presentéiert, bedeit awer och, datt d’Marie Capesius d’Zouso fir eng Arles-Kënschtlerinneresidenz vu véier Méint krut. An net nëmmen dat: si dierf nächst Fréijoer nach emol hannescht a

3:41

Mostra di Venezia: Den Documentaire "Holofiction"

Kultur ·

2025/09/12

Iwwert dem Spielberg seng Duerstellung vum Holocaust war de Claude Lanzmann deemools schockéiert - hien huet gemengt verschidde Saachen wieren einfach irrepresentabel. Den Documentaire "Holofiction" vum Michal Kosakowski beliicht grad, wéi d'Shoah an der Fiktioun duergestallt gouf - a misst, esou de Marc Trappendreher, an all Schoulprogramm opgeholl ginn.

19:17

Kulturjournalismus aus Telefonskabinnen

Kultur ·

2025/09/11

Den Numm Marie-Anne Lorgé ass an der Lëtzebuerger Kulturzeen e Begrëff. No éischte Präisser am art dramatique zu Bréissel an zu Lëtzebuerg, plus Literatur-a-Geschichtstudien zu Leuven, ass d’Marie-Anne Lorgé feste Bestanddeel vun Theater- a Poesiekreeser ginn. Si ass selwer Bünekënschtlerin an Autorin; haaptberufflech ass si Kulturjournalistin, aktuell erfollegräich mat eegenem Blog. An engem Summer viru gutt 30 Joer ass si, quasi ongeplangt, mat hirer Bréisseler Theatrupp, matzen an der Nuecht,

5:16

Neie Wand an der CeCiL's Box

Kultur ·

2025/09/11

"Deep Veil" ass den Titel vum Wierk, wat d'Suzan Noesen speziell fir d'CeCiL's Box an der Paschtoueschgaass konzipéiert huet. Et ass eng Reproduktioun vun engem handentwéckelte 16mm Film, deen op e semi-transparente Stoff gedréckt gouf. Drop ze gesinn ass eng stättesch Fassade, iwwert där een intensive rosa Faarfschleier läit. An dat Ganzt kennt mat enger Iwwerraschung: Geet een Owes laanscht d'Wierk, gesäit een en zweet Bild, dat duerch dat éischt duerchschéngt. Ee Spill

6:56

Rentrée littéraire: "La collision" vum Paul Gasnier

Kultur ·

2025/09/10

An eiser neier Serie iwwer d’Rentrée littéraire rezenséiert d’Kulturredaktioun reegelméisseg Romaner an Essaien, déi et op déi divers Long- a Shortliste vun de sëllege Literaturpräisser a Frankräich gepackt hunn. Den Ufank mécht dem Paul Gasnier seng Autofiktioun "La collision", an där hien iwwer den déidlechen Accident investigéiert huet, an deem seng Mamm hiert Liewe verluer huet. "La collision", an der éischter Selektioun vum prestigiéise Prix Goncourt, setzt sech als Zil, datt

13:02

Nei Plack vun hei: Gregario - Assembly Unit

Kultur ·

2025/09/10

Ganz am Solo a mat opwenneger Sample-Batterie realiséiert, gëtt den Titel d'Aarbechtsweis vun "Assembly Unit" erëm: zesummegesat. Net awer de Sound, dee flësseg an iwwerraschend iwwereneen an anenee leeft. Am Kontrast zu deem éischten, méi minimal gehalene Gregario-Album ass "Assembly Unit" nach méi komplex a villschichteg ginn.

10:32

Das Radial um Eurosonic 2026

Kultur ·

2025/09/09

D’Museksredaktioun vum Radio 100,7 huet Das Radial erausgesicht, fir um Eurosonic Festival 2026 zu Groningen deen all Joer dezernéierte Showcase-Spot ze besetzen. Een däitschsproochege Projet vu Lëtzebuerg waert deemno am Januar do z'erliewe sinn. De Marc Clement aus der Musekredaktioun erzielt eis, wien hannert Das Radial stëcht a wat de Projet auszeechent.

5:56

Kolla-Festival am Hollerecher Schluechthaus

Kultur ·

2025/09/09

D'Lori Dauphin war op der Plaz an huet mat den Organisateuren an de Kënschtler geschwat. D'Offer u Bands, artisanale Stänn an Aktivitéite war grouss. Mee fir e Sonndegnomëtteg mat guddem Wieder war et entgéint Erwaardung relativ roueg.

8:11

Nei am Kino

Kultur ·

2025/09/09

Fir all déi, déi kuerz virun der Rentrée nach eemol ofschalte wëllen, lount sech en Tëschestopp am Kino. Dës Woch lafen ënner anerem "Sirât" vum Óliver Laxe, "Miroirs No. 3" vum Kultregisseur Christian Petzold an "Downton Abbey: The Grand Finale" vum Simon Curtis un. Et kann ee sech op Wüsteraven, Familljendrama, Dämonen an d'brittesch Aristokratie astellen. D'Lori Dauphin erzielt méi iwwer déi nei Produktiounen, déi an de Kino kommen.

10:25

Film vun der Woch: "Alpha" vun der Julia Ducournau

Kultur ·

2025/09/08

No der Palme d'Or fir hire Film "Titane" war d'Julia Ducournau zeréck zu Cannes mat "Alpha" - ee poetesche Film iwwer ee Virus, deen d'Leit lues a lues verstengert. Zu Cannes ass de Film eidel ausgaangen, an d'franséisch Kritik huet de Film gréisstendeels verrass. Zu onrecht, fannen d'Vesna Andonovic, d'Kerstin Thalau an de Jeff Schinker an hirer Kritik.

6:52

Mostra di Venezia: De Palmarès

Kultur ·

2025/09/08

No der Palme d'Or fir dem Jafar Panahi seng Lëtzebuerger Koproduktioun "Un simple accident" ass 2025 ee seelent Glécksjoer fir de Lëtzebuerger Kino: Zu Venedeg geet de Gëllene Léif un deen neie Film vum Jim Jarmusch - an am Starcast vu "Mother Father Sister Brother" spillt ënner anerem d'Vicky Krieps mat. De Marc Trappendreher analyséiert de Palmarès - an erkläert, wisou de Präis fir den Jarmusch engersäits kohärent ass - an anerersäits nawell iwwerrascht.

5:31

Mostra di Venezia: D'Filmer an der Competitioun

Kultur ·

2025/09/05

Vu politeschen Analyse vun eiser Welt bis zu engem minimalistische Familljen-Triptychon: De Marc Trappendreher ass weider fir eis zu Venedeg a verréit, wéi sech déi nei Filmer vum Olivier Assayas, der Kathryn Bigelow a vum Jim Jarmusch an der Competitioun schloen. Am Jarmusch sengem "Father Mother Sister Brother" spillt ënner anerem och d'Vicky Krieps mat.

9:45

D‘Famill De Luppé tëschent Arles a Lëtzebuerg

Kultur ·

2025/09/05

An eiser Summerserie vun de renomméierte Rencontres de la photo d’Arles hu mir Iech e puermol mat an de Palais de Luppé geholl. Do haten nämlech eng Partie Lëtzebuerger Fotokënschtler:innen Geleeënheet, hir Aarbechten invitéierte Konschtexperten a Konschtexpertinne bei labbere Portfolio-Reviews ze presentéieren. Firwat an engem Palais aus dem 18. Joerhonnert, dee géint 1900 vum franséische Vicomte Gaston de Luppé opkaf an op neo-florentinesch renovéiert gi war? Well et do e Bezuch zu Lëtzebuerg

4:07

Kënschtlech Intelligenz an der Fuerschung

Kultur ·

2025/09/04

Fir Historiker ass Kënschtlech Intelligenz dacks eng Gefor, well se et relativ liicht erlaabt, d’Wouerecht ze deforméieren. Mee an enger ganzer Rei Beräicher ka KI och eng Hëllef sinn - ënnert der Bedéngung, datt den Historiker duerno kontrolléiert, wat d’KI als Virlag ginn huet. D’Marie Billon huet sech ëmfrot, wou Kënschtlech Intelligenz kann an der Recherche-Aarbecht vun Historiker nëtzlech agesat ginn resp. Zäit ka spueren - a wéi ee se am beschte benotzt.

10:15

ça colle? Nee: ça kolla!

Kultur ·

2025/09/04

Kee Summer ouni Kolla? Den alternative Musek- a Konschtfestival war 10 Joer laang, als Openair, am Stengeforter Bësch, dunn am Park zu Miersch ... 2025 war laang net gewosst, op de Kolla-Kollektiv eng adaptéiert Plaz fir d'Evenement fannen an accordéiert kréie géif. Mee dach: dëse Weekend, also vum 5. bis de 7. September, ass de Kolla am Hollerecher Schluechthaus! Dir kennt eisen 100,7-Soundatlas? An dëser Rubrik presentéiere mir Iech eenzel Geräischer, huele se ausenaner, hannerfroen se. Wat

3:55

Prix Goncourt: Déi éischt Selektioun ass eraus

Kultur ·

2025/09/03

De Prix Goncourt ass dee wichtegste Literaturpräis a Frankräich, haut huet d’Académie Goncourt déi 15 Bicher annoncéiert, déi dëst Joer an d’Course ginn. De Gewënner wäert de 4. November feststoen. Wien ass nominéiert a ginn et Iwwerraschungen? Dozou eise Korrespondent vu Paräis, de Max Tholl

1,306 results

Kultur

All Episodes

Similar Podcasts

DW Noticias

DW

JIJI English News-時事通信英語ニュース-

時事通信社

Legal AF by MeidasTouch

MeidasTouch Network

Mark Levin Podcast

Cumulus Podcast Network

朝日新聞AJW 英語ニュース（The Asahi Shimbun Asia & Japan Watch）

朝日新聞ポッドキャスト