x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

ORF Roma Podcast

ORF Radio Burgenland

Adaj laken tumen barikane reportaschtscha taj interesanti vakeriptscha fatreterenca la flogoskera grupnatar le Romendar andi burgenlanditiki Romani tschib. O redojengere Podcasts jek khetan kedipe la radijosendungatar Roma Sam hi, savi hetvinate kiratiske 20.50 orenge ando radijo Burgenland te schunel hi. Die folgenden Podcasts sind eine Zusammenfassung der Radiosendung Roma Sam, die jeweils Montagabend um 20.50 Uhr in Radio Burgenland zu hören ist.

society & culture documentary

All Episodes

13:44

Bundakeri ministerkija Raab le flogoskere grupn ando...

ORF Roma Podcast ·

2024/09/23

Ando 6to septemberi, i bundakeri ministerkija Susanne Raab (ÖVP), fatretertschen taj fatreterkiji le cile flogoskere grupnendar Betschiste ando Palais Porcia akartscha. I ministerkija le dschuvlenge, le familijenge, la integracijake taj le medijenge, anglo kisetinipe la legislaturperijodatar, o aktivitetscha le austritike flogoskere grupnendar, upre sikatscha.

rom

14:56

Groboskere tschoriptscha Betschiste | Mischa le...

ORF Roma Podcast ·

2024/09/16

Sajt buteder kurke ande mindenfelitike temetischtscha Betschiste, grobi upre phagle on. O tetertscha andar o grobi, somnak taj avre koji tschoren. Butvar Roma taj Romnja, Sinti taj Sintizze resle hi. O baro raschaj Franz Scharl usi mischa ando Stephansdom akartscha, solidariteta le opferengere dschenenca te sikal.

rom

16:35

2to august: Gondolipeskero di upro flogoskero...

ORF Roma Podcast ·

2024/09/09

Ando bersch 2015, o 2to august le europitike parlamentostar uso internacijonali di le gondolipeske upro genocid upro Roma taj Romnja, Sinti taj Sintize akardo ulo. Ando lejcti bersch, ada te andi Austria le nacijonakere rotistar ojs nacijonali gondolipeskero di aun prindschardo ulo. Sar sako bersch, te adabersch gondolipeskere mulatintschage upro Ceija-Stojka-Than kerde ule.

rom

12:07

Hans-Jürgen Horvath | 30-berschengero jubilejum...

ORF Roma Podcast ·

2024/09/02

Andi gastronomija but berscha prik te dschil, but keraschtschenge jek upredipe hi. Butvar neve tschatschiptscha taj i Corona-pandemija, but gastronomtschen use jek tschangalinipe mujsinde. Na afka le diskotekakere keraschi Hans-Jürgen Horvath. Ov leskera diskoha „Hallelujah“ Pinkafate imar o 30-berschengero jubilejum mulatinel. O reporteri Adi Gussak use ada jubilejumiskero mulatintschago use sina.

rom

14:43

O naschade Romengere-sidlungtscha Erbatar

ORF Roma Podcast ·

2024/08/26

Ande amaro sendungakero redo „Naschade Romengere-sidlungtscha le Burgenlandistar“ akan la foroskera gemajndejaha Erba donde amen bescharas. Imar ando bersch 1674 o erschti Roma adaj tel pumen mukle. La cajtaha, trin Romengere-sidlungtscha kerde ule. Amaro kolega Adi Gussak upro jomakero rodipe pe kertscha taj dikla, so le manuschenca ando sidlungtscha pasirintscha taj kitschi Roma adi meg Erbate dschin.

rom

16:19

30 berscha Romano Kipo

ORF Roma Podcast ·

2024/08/19

I Romengeri-redakcijona le ORF-istar Burgenland, jek nevi serija kerel. „Romengere-papruschengere neviptscha andi Austrija“ hi o anav adala serijatar, ande savi o cile Romengere-papruschengere neviptscha, save andi Austrija del, angle terdscharde on. Akan o reporteri Mario R. Czory o papruschengero nevipe Romano Kipo le Kulturakere Farajnistar le austritike Romendar aun peske dikel.

rom

15:45

O telpisinipe le Burgenland-Romanijistar

ORF Roma Podcast ·

2024/08/12

Dschi angle trin deschberschengere tschak tschulo peder o Burgenland-Romani prindschardo sina. Duach o asimilacijonakero dschumintschago o tschibtschakero naschajipe fogosim sina. Kaj ada upre likerdo te ol, upri Karl-Franzens-universiteta jek projekto uso kodificirinipe taj didaktisirinipe kesdim ol. Adi use jek le erschti varijantschendar genel, savi bulhi khetan kedim taj tel pisim hi.

rom

12:28

Wankostättn – I historija le Karl Stojkastar

ORF Roma Podcast ·

2024/08/05

Ando keripe le ERINNERN:AT berscheskere pharipeskere punktostar „O genocid upro Roma & Sinti“ o film „Wankostättn“ sikado ol. O dokumentacijonakero film upre vakeriptscha terdschol, save i Karin Berger 1997 le Karl Stojkaha kertscha. O Stojka pedar i „Wankostättn“ Betschiste phukal, kaj dschi 1941 jek baro nugodinipeskero than le Romendar taj Romnjendar, Sintijendar taj Sintizendar sina.

rom

16:25

Usnija Buligovic | THARA workshops uso digitali...

ORF Roma Podcast ·

2024/07/29

I Usnija Buligovic i vodaschkija le projektostar THARA hi, savo adi ando eftato gemajndakero becirk Betschiste hi. Sajt valami 18 berscha butschalinel oj usi Volkshilfe taj le Romengere taj Romnjengere, Sintijengere taj Sintizengere kojenge and pe bescharel. Lakeri buti la flogoskera grupnake imar andi Serbija kesdinel. Pal lakero ajipe andi Austrija, i Buligovic lakeri karijera ando NGO-than kesdintscha.

rom

12:51

Danijela Cicvaric | Vodaschkija le farajnistar Romano...

ORF Roma Podcast ·

2024/07/22

I botakeri vodaschkija le betschitike Romengere farajnistar Romano Centro, Danijela Cicvaric, anlge buteder sar 20 berscha andi Austrija ali. I adiveseskeri socijali butschaschkija dschanel so butschol, jeka duvjar diskriminacijake ar beschardo te ol. Afka te but avre Romenge taj Romnjenge dschal, saven migracijonakero koja hi. I Danijela Cicvaric imar sajt but berscha lenge and pe bescharel.

rom

15:52

Ischkolakero kisetinipeskero mulatintschago le...

ORF Roma Podcast ·

2024/07/15

Ischkolaschkiji taj ischkolaschtscha andar i flogoskeri grupn le Romendar ando ischkolakero di vodim on, aja hi i buti la Romengera-ischkolakera medijacijonatar le farajnistar Romano Centro. Aja aktiviteta imar buteder sar 20 berscha del. Adi, bojd 150 ischkolaschkijenge taj ischkolaschtschenge andar i flogoskeri grupn le Romendar ande 7 ischkoli Betschiste, pomoschim ol. Lenge akan jek kisetinipeskero mulatintschago dija.

rom

13:32

Roma-Butschu 2024 | Mulatintschago ando Pradimo Kher...

ORF Roma Podcast ·

2024/07/08

O Roma-Butschu jek mulatintschago hi, savo o Burgenland-Roma imar sajt buteder sar 30 berscha mulatinen. O tradicijoneli Roma-Butschu, savo adabersch erschtivar ando Pradimo Kher Erba sina, muschika le burgenlanditike flogoskere grupnendar taj o mindenfelitiko la Romengera-muschikatar sikal. Jek premijera uso adaberschengero Roma-Butschu mulatintscha i dschilaschkija Ivana Ferencova lakere dschuvlengere choriha.

rom

15:42

Romano-trijo ando kulturakero farajn le austritike...

ORF Roma Podcast ·

2024/07/01

Use jek barikano muschikakero kirati akartscha o kulturakero farajn le austritike Romendar andi Devrientgaslina, ando 19to betschitiko gemajndakero becirk. O Andreas Sarközi taj o Christian Klippl khetan le but berschengere pomoschagoschtschen le farajnistar use jek muschikakero barikanipe akarde.

rom

14:13

O austritiko ROMANES | Artschijipe ando gimnasijum Erba

ORF Roma Podcast ·

2024/06/24

Le aunprindscharipeha le Romendar ojs flogoskeri grupn ando bersch 1993, i republika Austrija uso arakipe taj uso uprelikeripe le Romanesistar ojs falato le kultureli mindenfelitikostar la Austrijatar, terdschol. Uso 30-berschengero jubilejum jek artschijipe kerdo ulo, savo akan meg ando duj tschibtschakero gimnasijum Erbate te dikel hi taj savo jek dikipe ando mindenfelitiko, ando telschtaminipe taj ando entviklinipe la tschibtschatar del.

rom

12:51

Projekto „Prado Drom“ | Diptscha le Romnjenge taj...

ORF Roma Podcast ·

2024/06/17

Romnjenge taj Romenge uso butjakero rodipe te pomoschinel – ada hi o cil le butjakere foroskere projektostar Prado Drom. Pasche berotinipeskere- taj kvalificirinipeskere diptscha te talaliniptscha del, save jek phurt maschkar o firmtscha, o sikadipeskere khera taj o Roma te kerel. Usi podijumakeri diskusija ando butschaschtschengero birovtschago Erba, Romengere-organisaciji jek dikipe pedar lengere butja dine.

rom

14:39

Gondolipeskero mulatintschago ando Baranka park

ORF Roma Podcast ·

2024/06/10

Sar sako bersch ando 20to maj, o farajn Voice of Diversity ando Baranka park akartscha, khetan odole Lovarajenge taj Sintijenge te gondolinel, save adatar ledschim taj murdarde ule. O gondolipeskero mulatintschago akan imar o 16to var kerdo ulo. Khetan le dschidovtschenca taj le betschitikenca, o mindenfelitike kulturtscha mulatim taj famitlim ule.

rom

9:47

I naschadi Romengeri-sidlung andar Pamhagen

ORF Roma Podcast ·

2024/06/03

Ande amari serija, „Upro jomi le naschade Romengere-sidlungtschendar“ ando Burgenland, papal upro rodipe pal Roma taj Romnja dschas, save anglo andlipe le nacijonalsocijalistschendar ando Burgenland ande sidlungtscha dschivnahi. Adi vakeras le Ludwig Zwickliha la „inicijativatar Erinnern Frauenkirchen“, savo pe la historijaha le Romendar ande Pamhagen ando norditiko Burgenland, donde beschartscha.

rom

16:04

Te murdarel amen kamna | Bombi gejng tschuliptscha...

ORF Roma Podcast ·

2024/05/27

O artschijipe la organisacijatar Initiative Minderheiten ando betschitiko Flogoskero Kundejakero Museum upri dar le rechtsekstremi teroristar, savo le austritike tschuliptschen schtar berscha vodintscha, pal gondolinel. Ov le tematschenge la lilengera bombakera-serijake pe vidminel, savi ando berscha 1993 dschi 1996 la Austrija andi diha likerlahi taj schtar mule taj but igen phare dukade dschene angle antscha.

rom

12:44

20-berschengero jubilejum le papruschengere...

ORF Roma Podcast ·

2024/05/20

I Roma-redakcijona le ORF-istar Burgenland jek nevi serija kerel. „Romengere-papruschengere neviptscha andi Austrija“ butschol o anav le serijakere redostar, kaj o cile Romengere-papruschengere neviptscha, save andi Austrija del, angle terdscharde on. Erschtivar, amaro reporteri Adi Gussak, o papruschengero nevipe dROMa le farajnistar Roma-Service eknaj feder aun peske dikel.

rom

15:27

Ružake gila | Koncertoskero kirati la Ruža...

ORF Roma Podcast ·

2024/05/13

Pal lakero mulipe ando bersch 2022, i dschilaschkija Ruža Nikolic-Lakatos jek baro muschikakero palmukipe pal mukla. Ada akan o Music and Minorities Research Center (MMRC) ande jek digitali artschijipe le pradipeske sikal. La muschikaschkijake jek aunpaschlojipe sina, hot lakere dschila bajder te dschin. Afka akan ar rodime Roma taj Romnja lengere versijontscha jekoschne dschilendar la Ružatar angle terdscharde.

rom

119 results

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger