伊轉來矣！日頭頂懸彼个有名 ê 太陽活跳區 AR 3664，會 tī 地球產生 咱看會著 ê 極光。伊 這個月初 踅到日頭後壁去，這馬閣踅轉來矣，猶閣活跳跳。太陽活跳區 AR 3664 昨昏拄踅轉來地球這爿，而且閣一擺爆發 能量足強 ê X 級 太陽爍光。這支影片主要是欲翕 ùi 倒爿下跤踅轉來 ê 太陽活跳區。這是 NASA 踅地球 ê 太陽動力學衛星天文台 昨昏 tī 紫外線波段 翕--ê。這支影片是 太陽自轉 24 點鐘 ê 縮時攝影影片。咱注意看影片 2 秒 ê 時陣，倒爿下跤 煏出 足強 ê 太陽爍光。這寡 ùi 太陽爍光 kah 日冕物質噴射 (CME) 來--ê 高能粒子，袂直接挵著地球產生極光。毋過科學家會 tī 紲落來 2 禮拜 繼續觀察 這个 面對地球、無四常 ê 太陽活跳區，看伊會按怎發展。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

咱 ê 日頭是發生啥物代誌？無啥物代誌啦！伊只是 擲一條太陽絲出來 爾爾。2012 年中，雄雄有一條 日珥 噴到太空中，產生能量足懸 ê 日冕物質噴射 (CME)。太陽磁場一直咧變化，予這條 日珥 擋 幾若工。嘛因為太陽 磁場 一直咧變化，所以日珥噴出來 ê 時間 誠歹臆。咱會當 tī 踅地球行 ê 太陽動力學衛星天文台 翕 ê 特寫 相片內底，看著太陽表面 ê 爆炸。這个爆炸會 kā 電子 kah 離子 送入去 太陽系內底。其中有一寡 3 工前才拄到地球，kah 地球 磁層 相挵，產生咱看會著 ê 極光。咱會當 ùi 紫外光 影像 看著 日珥 爆發。這寡噴出來 ê 日珥 頂懸，是 出現 tī 太陽活跳區 週邊 ê 電漿箍仔。太陽活動是 11 年一个週期。伊這馬是愈來愈倚伊 活動力上強 ê 時期，所以會產生足濟 日冕洞，予帶電粒子通噴去太空中。就 kah 咱進前講過 ê 仝款，這寡帶電粒子會 產生極光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

天頂彼个光點是啥物？這可能是咱定定會問 ê 問題。這个問題會當 ùi 幾若个簡單 ê 觀察揣著答案。比論講，伊敢有 leh 振動？抑是 leh 爍咧爍咧？若是有，而且若是你蹛 tī 市區，按呢彼个可能是飛龍機。因為飛龍機實在是濟到有賰，市區 ê 光線 嘛傷光矣，kah in 比起來，恆星 kah 衛星 傷暗，看無。若是無，而且若是你蹛 ê 所在離市區較遠，按呢彼个光點可能是 金星 抑是 火星。若是金星，伊會 tī 日出進前抑是日頭落山了後，出現 tī 地平線附近。有當時仔 tī 地平線附近，拄著 leh 飛 ê、較遠 ê 飛龍機，是有較困難講伊是飛龍機抑是 較光 ê 行星。毋閣就算是按呢，咱觀察伊 ê 動作幾分鐘仔了後，to̍h 會知影伊是毋是飛龍機矣。按呢若是猶無清楚欲按怎？這張圖表 雖然講有淡薄仔笑詼，毋閣嘛是會當予你袂䆀 ê 建議。一寡較細膩 ê 天文愛好者可能會有意見，咱嘛 鼓勵 in 提供 溫柔 ê 建議。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

這幅深空視野拼鬥圖 leh 展示一个 hŏng 足讚嘆 ê 景色，這是 James Webb 太空望遠鏡 ê NIRCam 紀錄 loài ê 星系團 Abell 2744。Abell 2744 嘛叫做 Pandora 星系團，伊敢若是 3 个無仝 ê 大質量星系團合併 ê 結果。伊就 tī 玉夫座方向 35 億光年遠 ê 所在。這个大型星系團 因為 內底攏是烏暗物質，所以伊就 kā 時空扭曲去，這个 重力透鏡 效應嘛 影響著 閣較遠方 ê 天體。比 Pandora 星系團閣較紅 ê 天體，有足濟攏是受著透鏡效應 ê 影響，in 大部份攏是早期宇宙 ê 遙遠星系。受著透鏡效應扭曲 ê 影響，in ê 影像 去予搝長、拗彎，變做弧形。是講影像內底這寡 特別 ê 繞射光針，是銀河內 ê 前景星。照目前估計 ê Pandora 星系團 距離來看，這个宇宙盒仔差不多有 600 萬 光年大。毋過免驚！你閣會當看 這支 2 分鐘 ê 影片，來探索這个迷人 ê 天區。 ——— 這是 NASA Astronomy Picture of the Day ê 台語文 podcast

My Catalina Sky Survey teammate Rose Matheny had no way of knowing that the fast moving point of light that she had just discovered would create such a stir. Rose sent in her discovery and followup observations to the Minor Planet Center where astronomers calculated that her discovery would make a very close approach to Earth about two days later and gave it the name 2016 RB1. More than two dozen observatories around the world tracked 2016 RB1 as it came towards us.

這个宇宙氣波去予大質量恆星 ê 高溫、高速恆星風吹 kah 遮爾大。伊去予編做 Sharpless 2-308，tī 大隻狗（大犬座）方向 5000 光年遠 ê 所在，比一粒月娘 tī 天頂 ê 寸尺閣較闊。按照這个距離來推算，這个直徑 差不多是 60 光年長。產生這个氣波 ê 大質量恆星是 Wolf-Rayet 星，to̍h 是星雲 中央附近 上光彼粒。Wolf-Rayet 星 ê 質量比太陽閣跤大 20 倍，伊應該是大質量恆星演化過程中，變做超新星進前 一个較短 ê 階段。Wolf-Rayet 星 ê 高速恆星風 tī 演化早期，會掃過行較慢 ê 物質，製造氣波形體 ê 星雲。這个 去予風歕出來 ê 星雲差不多有 7 萬歲 矣。這幅 深空影像 ê 狹頻濾鏡有翕著較暗 ê 發射線。影像內底上主要 ê 部份是發光 ê 離子化 酸素原子，tī 遮 kā 標做 藍色 ê。SH2-308 看起來 真古錐 ，伊嘛叫做海豬仔頭星雲。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

華麗 ê 捲螺仔星系 NGC 4565 ùi 咱地球 kā 看是側向--ê。因為伊狹狹--ê，所以伊嘛叫做 繡針星系。這个光-iàⁿ-iàⁿ ê NGC 4565 tùi 天文觀測團 ê 群眾來講，是北天關注 ê 目標，伊就 tī 暗暗毋閣整齊 ê 后鬃座 遐。這个清楚閣多彩 ê 影像，看會著星系中心有一个 盒仔形、脹脹 ê 星系核。有一條 閘光 ê 塗粉帶，就迒 tī NGC 4565 薄薄 ê 星系盤遐。NGC 4565 離咱有 4000 萬 光年 遠，伊 ê 闊度有 10 萬光年闊。因為咱用細台天文望遠鏡就揣會著 NGC 4565 矣，所以 天文愛好者 認為講，這个遮爾出眾 ê 天體無 tī Messier 星表內底，應該是 伊編星表 ê 時陣 kā 落勾去矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240606/ 影像：Lóránd Fényes

這幅望遠鏡南天景色內底有 烏-mih-mà ê 烏雲 kah 光-iàⁿ-iàⁿ ê 星雲。這表示講遮有足濟少年恆星，恆星形成 ê 活動嘛 真鬧熱。In chhāi tī 干焦 650 光年遠 ê 所在爾爾，踮 變色杜定分子雲複合體 kah 本地波 ê 邊界。Tī 1946 年編 ê Cederblad 目錄內底，有少年恆星 ê 恆星形成區 去予當做是厚塗粉 ê 反射星雲。這个目錄內底閣有 C-形 ê Cederblad 110，to̍h tī 相片倒爿中央。藍色 ê Cederblad 111 to̍h tī 伊 ê 下跤。這張相片內底閣有一个足顯目 ê 部份，是 柑仔色、V-形 ê 變色杜定紅外線星雲 (Cha IRN)。彼是去予新形成 ê 低質量恆星 ê 物質流 kā 雕出來 ê 形體。這幅構圖袂䆀 ê 影像 有 1.5 度闊。用附近 ê 變色杜定分子雲 I ê 距離來推算，這差不多是 17 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/

捲螺仔星系 NGC 3169 看起來就敢若是一蜷宇宙膨紗當咧散--開。伊離咱有 7000 萬光年遠，就 tī 光光 ê 軒轅十四 南方、暗暗 ê 六分儀座 遐。倒爿 ê NGC 3169 kah 伊邊仔 ê NGC 3166 發生 重力交互作用，所以 in ê 捲螺仔手骨就去予搝出來，變做潮汐尾溜。落尾這寡星系會合併做一个，這是 本地宇宙 內底較光 ê 星系 ê 共同運命。Tī 這張深空 ê 彩色 星系團體相片 內底，搝長 ê 恆星流 表示講，遮當咧進行重力交互作用。照研究小組估算 ê 距離 40 萬光年來算，這个 望遠鏡視野 差不多有 20 角分遐爾大。這張相片正爿閣有一个較細、較藍 ê NGC 3165。咱知影 NGC 3169 ê 光譜範圍是 ùi 電波 到 X 光。伊 ê 核心有一个活跳星系核，內底有 一粒超大質量烏洞。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

In an astonishing rebirth, the Mayall 4-m telescope has jumped to the forefront of astronomy once again because it is sturdy and precise enough to carry the massive Dark Energy Spectroscopic Instrument which routinely obtains the spectra of 5,000 galaxies simultaneously.

When a star dies what is left behind is called a stellar remnant. The type of stellar remnant is dependent upon the star’s mass.

Do you enjoy being goofy and silly? Some of us do all the time, and some will let loose when in a comfortable setting. But did you know there are benefits to acting and being silly and goofy? Listen to this episode of the Motivation in Minutes to learn more.

有一个明亮 ê 青色極光迒過規个天頂。這个極光景色是 2016 年 tī 瑞典 Östersund ê 庄跤翕--ê。攝影師 kā 6 張相片合併做這張欲 180 度 ê 全景圖。這个 極光 上引人注意 ê 部份就是伊 ê 外形就親像是虹。前景是 Storsjön 湖，極光後壁 ê 天頂有幾若个咱熟似 ê 星座 kah 北極星。是講誠拄仔，極光 無閘著 倒爿下跤 ê 月娘。極光出現了後 隔轉工，太陽日冕 頂懸出現 一大空，予能量特別懸 ê 粒子流入去 太陽系 內底。青色極光 是 地球頂層大氣 內底 ê 酸素 原子 kah 電子 重新結合產生--ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240522/ 影像：Göran Strand 音樂：P!SCO - 鼎鼎 聲優：阿錕 翻譯：An-Li Tsai (NSYSU)

氣體雲敢會 kā 星系食去？按呢問 to̍h 毋著矣！這張相片 內底奇怪「生物」ê「跤爪」是一个叫做 彗星雲球 ê 氣體雲。毋閣這个雲球 已經破去 矣。彗星 雲球 ê 特徵是有 厚塗粉 ê 頭部 kah 搝長 ê 尾溜。這个特徵予彗星 雲球 tī 視覺上看起來敢若親像是 彗星，毋閣實際上 in 兩个差足濟 ê。雲球 較捷是恆星誕生 ê 所在，頭部彼搭有足濟少年 ê 恆星。這款天體 ê 頭部會破去 ê 原因，到今猶毋知。雲球倒爿 ê 星系 足大、足遠 ê，伊只是 拄仔好疊 tī CG4 附近爾爾。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240521/ 影像來源：CTIO, NOIRLab, DOE, NSF, AURA 資料處理：T. A. Rector (U. Alaska Anchorage/NSF’s NOIRLab), D. de Martin

這看起來敢若是暗暝 ê 景色，毋過天頂有一部份是茄仔色 ê 光。其實這是 2024 年 5 月 10 號暗暝，這工 tī 世界無仝所在 ê 人攏報講，天頂出現美麗 ê 極光。這張相片是今仔日翻點了後 tī 美國 Wisconsin 州 Arlington 翕--ê。這張全景圖是 kā 幾若張 感光 6 秒 ê 相片疊出來--ê，相片以 北方 為中心，佔天頂 三分二 ê 範圍。資料有做一寡處理，包括加強色水，kah kā 電線刣掉。 前景 ê 攝影師報講，極光 敢若是 ùi 頭頂某一點發出來--ê，毋過干焦 kā 北方 天頂照予光爾爾。極光 ê 高能粒子是幾若工前 ùi 有足濟太陽烏子 ê 太陽活跳區 AR 3664 噴出來 ê 日冕物質噴射 來--ê。這个 大型太陽活跳區，頂禮拜踅到 太陽後壁，毋過 可能會活到 後禮拜 閣踅倒轉來 地球 這爿。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章：

More than 400 years ago Galileo Galilei expanded human vision using a telescope to view the cosmos. Since then humans have extended their senses to view the Universe in x-rays, ultraviolet, infrared, radio, and other portions of the electromagnetic spectrum not accessible to our senses. In a pioneering effort, Ekaterina Smirnova has employed the spectroscopy, magnetometry, and molecular data collected by the Rosetta spacecraft to create watercolor paintings, sculptures, a musical collaboration, and

這是一个飛入去太陽系上大粒 ê 氣態巨行星，木星，ê 頂層大氣 ê 模擬動畫。這段精彩 ê 動畫 是利用 踅木星 ê Juno 太空船 頂懸 ê JunoCam kah 微波輻射儀 ê 影像資料做出來--ê。影片會 ùi 木星南半球 ê 木星雲 頂懸 3000 公里 ê 所在開始，而且倒爿邊仔有進度條 kā 你講，你這馬已經飛到佗位矣。海拔愈低，表示你飛入去木星 ê 大紅斑 愈深，木星 ê 溫度就愈懸。Juno 太空船 ê 資料 kā 咱講，大紅斑這个太陽系上大 ê 風暴系統，其實佔木星大氣層 300 公里遐爾深。Kah 這比起來，地球海洋上深 才 11 公里爾爾。毋過 免煩惱 你 tī 木星飛傷深，因為 你會閣飛轉來。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240519/ 影像：NASA, JPL-Caltech, SwRI, MSSS, Gerald

Tī 這个彩色夜景內底，這寡 恆星軌跡 ê 優雅弧線，反映 ê 是地球逐工 ê 自轉。為著欲製造這張 縮時攝影 合成相片，攝影師 tī 5 月 12 這工 tiàm 美國 紐約 Catskills 區 ê Ashokan 水庫 水岸，kā kha-mé-lah 固定 tī 三跤馬頂懸，連紲翕幾若張相片。北極星 就 tī 恆星軌跡弧線 ê 中心附近。倒爿較大箍 ê 恆星軌跡 是頂月眉，投影 tī 水庫頂懸，產生強烈 ê 倒影。因為 強烈 ê 太陽活動 引起 最近 ê 地磁風暴，所以 真罕得看著 ê 彩色北極光，嘛 tī 有 北極星 kah 北天極 ê 夜空中閃閃爍爍。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240518/ 影像：Chirag Upreti 音樂：P!SCO - 鼎鼎 聲優：阿錕 翻譯：An-Li Tsai (NSYSU)

這幅 構圖袂䆀 ê 組合影像 是 tī 紐西蘭南島 附近 ê Banks 半島向南方看過去 ê 景色。前景是 底部去予海水侵蝕去 ê 尖塔岩石，天頂有南十字星群，中央是地球南天極附近。這張南半球 ê 夜空相片是 5 月 11 翕--ê，tī 這个有天星 kah 海洋 ê 景色內底，上顯目 ê 是活潑 ê 南極極光。閃閃爍爍 ê 南極 極光表演 是強烈 ê 地磁風暴引起 ê 現象，予北半球 kah 南半球 ê 觀星者歡喜甲。這款極端 ê 太空天氣 是 太陽活跳區 AR 3664 ê 日冕物質噴射 (CME) 引起--ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240517/ 影像：Kavan Chay 音樂：P!SCO - 鼎鼎 聲優：阿錕 翻譯：An-Li Tsai (NSYSU)

恆星形成過程可能足混亂--ê。為著欲了解到底有偌亂，ESA 有一台新 ê 踅太陽 ê Euclid 太空望遠鏡，最近才拄翕著 到今為止 上清楚 ê 恆星形成區 M78。影像中央 ê M78 kah 咱 ê 距離才差 1300 光年，而且有一个 5 光年大 ê 主要發光核心。這張相片 是用 可見光 kah 紅外光 翕--ê。M78 中央 ê 茄仔色色調 是 烏暗 塗粉 反射 高溫少年恆星 ê 藍光造成--ê。透過這个 華麗閣顯目 ê 天景，咱會當追蹤複雜 ê 塗粉帶 kah 雲絲。倒爿頂懸是 kah 伊相連 ê 恆星形成區 NGC 2071，正爿下跤是第 3 个 恆星形成區。這寡星雲攏是 獵戶座分子雲複合體 ê 一部份，咱會當用細台望遠鏡 tī 獵戶座皮帶 ê 北爿 揣著伊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20240524/ 影像來源 kah