PODCAST

Suurchrut ond Praline

Lisa, Nadine ond Delia

Gschichte usem Läbe und vöu Seich garantiert.

comedy

All Episodes

58:52

#60 (S)uschi esch z'Japan 🍣

Suurchrut ond Praline ·

2025/03/31

Eusi Serie «Delia god of Reise ond lod eus ellei» Teil 1 esch dosse. Näbst de Langezyt noch de Delia, verarbeite mer ih de Folg 60 ou anderi gsondheitliche Wehwehli. Ond ou mer Zroggblibne hend echli öpis vo de Welt gseh. Während d’Nadine Arosa onsicher gmacht hed, esch d’Lisa en St. Moritz met de Schöne ond Riche live ah de Freestyle-WM met debi gseh. Das ond es chlises Update vo de Delia ghörid er etz öberall wo’s Podcasts ged. 🗺️

de-ch

63:02

#59 Sayonara Deddy 🧸

Suurchrut ond Praline ·

2025/03/17

Juhu, äntlech semmer zrogg! Nochere rüüdige Fasnachtspause mäude mer üs metere neue Folg, ganz velle Updates, Follow ups ond schöschtige Gschichte em Gepäck. 🧳 Apropos Gepäck, Delia hed nor es chorzes Comeback, sie verabschiedet sich för acht Woche ih die grossi, wiiti Wält. Zur Feier der Reise hemmer direkt en neui Rubrik is Läbe gruefe! 🥳 Aber keine Panik, d‘Nadine ond d‘Lisa sind wiiterhin för euch do, ih dem Sinn, Sayonara Hasta la vista und à tout à l‘heure. 👋🏻

de-ch

61:12

#58 Clevair haireinfrisiert 💨💇🏽‍♀️

Suurchrut ond Praline ·

2025/02/17

Hött kümmere mer üs weder mal um üsi Suurchrut und Pralines vo de vergangene Woche. Näbscht dem hemmer üsi Marketingkenntnis under Bewiis gstöut idem mer Slogans vo (meistens) bekannte Marke errate hend. Aber di eigentlechi Frog vo dere Folg esch ja: Wördsch das de Cro oder de Drake ou froge?

de-ch

102:38

#57 Burzelspass mit Hebamme Meli 🤱🏻

Suurchrut ond Praline ·

2025/02/03

Mer hend die Woche d'Meli z'Bsuech. Sie esch studierendi Hebamme und hed üs gaanz vöu Froge beantwortet und neui la ufp(l)oppe. hehe! Öppis för aui süesse Suurlüütli da osse wo sech wönd wiiterböude oder fortpflanze – oder beides.

de-ch

66:55

#56 z'Wänge esch no mänge ⛷️

Suurchrut ond Praline ·

2025/01/20

Salamander metenander!👋🏼Mer hend weder vöu z'verzelle. Mer brechtet direkt vom Lauberhorn, vode Vorfasnacht ond vo ned gläsne Büecher. Mer reded vom Trenke, vom Schmenke, ond vom usläre. Während die eint Kaffi perfektioniert, duet ne die ander pousiere.Chorzi Frog ah dech ah dere Stell; besch ou z‘Wänge gseh, wie so mänge?

de-ch

103:03

#55 Suurwasser

Suurchrut ond Praline ·

2025/01/06

Höt semmer weder einisch full force onderwägs. Zäme met üsem befröndete Podcast Sprudelwasser lüte mer s'neue Johr ih, in gewohnt chaotischer Manier met ennere ghörige Spur schlächte Wortspiel hemmer aber ou s‘eint oder andere ernste Thema behandlet. Drom möchids euch gmüetlich, schnappid euch es Pack Praline ond es guets Sprudelwasser & gnüssids. 🫶🏻

de-ch

72:06

#54 Vöu-Fäschter 🍾🎊

Suurchrut ond Praline ·

2025/01/01

Guets Neus metenand, so lang mer's no döf säge! Mer hend's üs höt rechtig gmüetlech gmacht ond schwelged zäme chli im alte Johr. Ond so originell wie mer send, hemmer no Wiehnachte ond Silvester dörekätschet. Same procedure as every year, i guess. Ond natürli freue mer üs uf alles wo s'2025 bietet. Hoch die Gläser!

de-ch

57:08

#53 Sorry, chasch du Dütsch? 😒

Suurchrut ond Praline ·

2024/12/09

Ih de hötige Folg werds gar ned so besinnlich wie mer ofgrond vo de Johresziit chönnt dänke. Denn mer hend einiges ah Frust zom loswärde! Delia ond d‘Lisa rächnid met ihre Gym-Feinde ab und d‘Nadine rekapituliert ehri Montreux Heifahrt. Tipps & Tricks wie mer met Hater cha omgoh, send ah dere Stell sehr willkomme! Osserdem gämmer euch no en chliine (wilde) Usblick ofs neue Johr. Mer danke üch för es wiiters grandioses Podcastjohr ond freuid eus ofs 2025! Bes gli - euchi Suure Hostie 😏

de-ch

70:31

#52 Pouse vo de Pouse ⏯️

Suurchrut ond Praline ·

2024/11/25

Helloou together 👋🏻 Noch enere gfühlte Ewigkeit mälde mer üs ändlech weder zrogg! Met im Gepäck hemmer vöu gsammleti Erinnerige ond Momänt vo de vergangene 6 Woche. Ou er hend ih dere Ziit einiges erläbt ond eus ih dere Folg met verschednigste Themene zum dänke agregt. Vo plumpe empirische Fachsimpeleie bes zu Diskussione öber s'Gfühl vom verlore si, mer bieted üch weder mou die ganz Palette a Emotione.

de-ch

53:22

#51 Chrono-logisch

Suurchrut ond Praline ·

2024/10/14

Heii ehr geile Üle 🦉! Wie hender's?Mer hend die letscht Woche s'Nachteulen-Festival unsicher gmacht ond ganz ungewohnt för eus, es paar Konzärtli glost. Zwinker. Euses Feedback zo dem Festival ond de vergangene zwöi Woche chönder etz ih euere neue Folg nochelose. Gu(hu)ets drii lose!

de-ch

65:06

#50 Psycho-logisch 💡💭

Suurchrut ond Praline ·

2024/09/30

Logischerwiis eschs ou i dere Foug weder wöud worde. Mer send nämlich weder einisch z'dritte vor de Mikrofon ghöcklet. Näbe autbekannte Theme wie Konzärt hemmer weder mau versuecht, üch öppis neus z'liefere. Öb mer meh glaferet hend aus glieferet, cha jede för sech säuber beurteile. Mer öbernähmed kei Haftig. Seelsorgendi ond sech sehr sorgendi Grüess – üches OK vo Suurchrut ond Praline.

de-ch

69:21

#49 Komplex Fausch! 🫠

Suurchrut ond Praline ·

2024/09/16

Hött send d'Lisa und d'Nadine s'zwöite för üch vors Mikrofon ghocket. Aber mönd ja ned meine es sie wäg dem weniger chaotisch gse! Öber en witeri Konzärtpanne und weder esch en Ufnahmepanne esch aues debii gse. D'Delia hed als die rasende Reporterin uf Kroatische Autobahne Frage för üs iigschickt und mer hend die meh oder weniger ou beantwortet. Id Folg gschafft heds leider ned alles wo mer besproche hend. Mer wünsched üch vell Spass met de Upps die Nadine & Lisa-Show. 🫠

de-ch

79:00

#48 Gipfelstürmer-Talk metem Jona ⛰️

Suurchrut ond Praline ·

2024/09/02

Noch sinere Via Alpina Tour hed euse Wander-Influencer de Jona no en Abstächer ih üse Podcast gmacht. Onder sim Insta Name @tschouna_ bringt de usbildet Sozialpädagog sine Follower d‘schwiizer Natur nöcher. Das macht är so erfolgriich, dass er das inzwösche sogar hauptbrueflech chan mache. Wöu är ih sinere Jugend wie mer ou de Jugendchor bsuecht hed, könnt är eusi Nadine. Ond wöu d‘Delia & d‘Lisa die cooli Socke Nadine könne, hend sie de Jona döffe könne lehre. Ond well er Suurchrut &...

de-ch

72:25

#47 Eifach Danke! 💕

Suurchrut ond Praline ·

2024/08/19

För ungloublechi Momänt wo mer weder erläbt hend! För so tolli Mönsche i üsem Läbe (ja ou DU wo das grad lesisch)! För cooli Gäscht i üsem Podcast bis hött ond die wo no chömed! För üsi Fröndschaft wo mer met üch all zwöi Woche chönnd zelebriere ond ehr mittlerwiile Teil devoo send! Ond natürlech för ungloublechi 10'000 Streams! Churz und Bündig: EIFACH DANKE! 💕

de-ch

61:23

#46 Schlächte Gschmack

Suurchrut ond Praline ·

2024/08/05

Bim Thema Partyoutfit, Serie oder Pickel uf üchem Piiip. Wie emmer semmer üche Service Public för schlächti Empfählige. Mer fröie üs wenn ehr ou i üsi Folg Nommere 46 losed.

de-ch

60:23

#45 Suche Weiher - Habe Pedalo ⚓

Suurchrut ond Praline ·

2024/07/22

D'Era vo üsere Taylor Swift Vorfreud esch etz beändet, wöu mer hend sie etz ändlech gseh. Ond ned nor sie hemmer gseh i de letschte zwöi Woche, sondern ou d'Jungs vo Sprudelwasser wie ehr hoffentlech scho ghört hend. D'Lisa esch froh weiss sie das no, es hed bi ehrem Churztrip nämmli ned nome Wasser gsprudlet. D'Delia esch deför ufem Wasser gsprudlet währends de Nadine a Wasser fählt. För Was? Losed ine ☺️

de-ch

97:52

#44 Sprudelchruut

Suurchrut ond Praline ·

2024/07/16

Weder einisch met männlicher Verstärchig mälde mer eus noch nor einer Woche scho weder zrogg. Zämme met em Darius ond em Mäx vo Sprudelwasser gömmer em wiibleche & männliche Gschlächt ofe Grond ond besitige debi ned nor Klisches, sondern schaffid sogar rechtigi Fröndschafte. För kompetänts Fachwösse schaltet wiiter, för Humor ond eh gueti Ziit losid etz ihne ih eusi neu Folg.

de-ch

56:02

#43 Zockerhuet und Rosmarin?

Suurchrut ond Praline ·

2024/07/08

Mer send's, üche Lieblingspodcast... Zockerhuet ond ...Rosmarin? Egal, Houptsach d'Chrüter send suur ond d'Praline chogurond!

de-ch

68:00

#42 Gynäkolleginne

Suurchrut ond Praline ·

2024/06/24

Mer hend abgmacht, das mer übere kommendi Festivalsommer reded (Spoiler: Hemmer ned gmacht). Deför hemmer aber gseit rede mer erst öbere Europa-Park wenn d'Nadine nöchst mal gse esch. De Europa-Park hemmer natürlech usdiskutiert. Ehr merked: Mer send guet i üs Sache vornää aber nachher ned halte. Wie z.B. Stüüre üsfülle -> WE SEE YOU und hend säuber es schlächts Gwösse. 👀

de-ch

64:49

#41 Jean-Rave 🧳

Suurchrut ond Praline ·

2024/06/10

I dere Folg gahds wiit wäg. Vo Holland öber Ägypte sogar id Länk. Mer drüü Reisefüdle hend das mau weder vöu z'verzöue gha. Mer hends dasmau vo verschissne Suurchrüter, onvergässleche Praline ond blotte Bröscht. Vöu Vergnüege bim inelose. Spezielle Dank gahd a alli wo das läsed. 🫶🏻

de-ch

80 results

Suurchrut ond Praline

All Episodes

Similar Podcasts

射後不理＃爽就好了

咪咪 & 淳淳

Therapy Gecko

iHeartPodcasts

百靈果 News

Bailingguo News

Old Time Radio Comedy

solgoodmedia.com

The Hard Yarns Podcast

Cameron Branch and Daniel Delby