PODCAST

Suurchrut ond Praline

Lisa, Nadine ond Delia

Gschichte usem Läbe und vöu Seich garantiert.

comedy

All Episodes

77:08

#80 E haubi Midlife-Crisis ⌛

Suurchrut ond Praline ·

2026/03/30

Vode Midlife-Crisis redt mer jo scho lang, aber was esch eigentlech e Quarterlife-Crisis? Wär cha rächne merkt schnell, met üsne Johrgäng befende mer üs zmetzt ide Gfohrezone. I dere Folg rede mer öber Selbstzwifel, Ängst ond Drock, aber ou wie mer zo sech sälber Sorg het ond e allfälligi ersti Läbeskrise meisteret - ömu ide Theorie. Mer hend alli üsi Hörde, aber zäme semmer ✨perfekt✨.

de-ch

66:15

#79 Kaffichränzli am Nordkap ☕

Suurchrut ond Praline ·

2026/03/02

Normalerwiis froge mer eusi Gäst ah, be eus im Podcast z'erschiine. Ned so bem Tobi ond em Thomi. Die beide hend zäme ihre Roadtrip im 2025 vo Buttisholz as Nordkapp verfilmt. Aber ned öppe för es Youtubevideo, nei. Ganz oder gar ned esch ihres Motto, darum hend sie ihri Reis direkt gross is Kino brocht! Ihre Film "Nordwärts" hend sie bereits ah de Premiere döfe innere Masse vorstelle. Etz befinde sie sich of Promotour & de ersti Stopp hends be eus gmacht! Losid ine, wie sie eus de Prozäs...

de-ch

61:11

#78 Nordliechter am Arsch 🫎

Suurchrut ond Praline ·

2026/02/10

Ide hötige Födlifoug dräiht sech alles om Frostbüle, Schlettehönd ond Lappiwursti. D'Lisa ond d'Delia send froh, dass d'Nadine gnueg Material debi het, aber ou die zwöi hend nochli öpips döffe brechte. Jetzt entlömmer üch (ond üs) ad Fasnacht ond freued üs uf die nöchst Folg - vellecht sogar met Gäst!

de-ch

116:19

#77 Es viertel Johrhundert 👾

Suurchrut ond Praline ·

2026/01/20

Mer lönd 25 Johr Popkultur, Sportereignis, Weltgschicht, ond technischi Fortschritt lo revue passiere. Läck, wie schnell mer doch weder vergisst. Es viertel Johrhundert verzellt sech natürlech ned so gschwend, drom bechömed ehr höt grad die doppleti Dröhnig. Deför mönder nochli Gedold ha, üsi nöchst Folg chonnt de noch de Fasnacht. Vell Spass bim Lose ond uf die nöchste 25!

de-ch

67:02

#76 Wiehnachtsbrüch ond volli Büch

Suurchrut ond Praline ·

2025/12/22

Wie sechs ghört chond vo eus gägs Johresändi en wiehnachtsinspirierti Folg - för üch, met üch! 🫱🏻‍🫲🏿 Ehr hend eus verzellt, was euchi schlimmste Wiehnachtsgschänk gse send ond wie ehr euch musikalisch sowie kulinarisch ihstemmed. Wältwiit werd s'Fäst vo de Liebi anderst gfiired ond wenn esches öberall ergendwie chli ähnlech. Nämli met vell Ässe, Musig ond de Härzensmönsche! 🤍

de-ch

76:03

#75 Mama's best 👩‍🍼❤️

Suurchrut ond Praline ·

2025/11/24

I dere Folg hend mer zwöi Ehregästinne dörfe begrüesse. Nämlech de Delia und de Nadine ehri Mamis. Sie hend üs verzöut us ehrere Erfahrig us Mamis und was sie alles met üs dürläbt hend. Moderiert vo de Lisa chömed ehr e Iblick i zwöi Muetter-Tochter Gspann öber. Mer wönsched üch vöu Vergnüege!🫶🏼

de-ch

94:03

#74 Secheri Häfe & roti Fahne 🚩

Suurchrut ond Praline ·

2025/10/27

Ahoi allersiits! Mer brechted höt vo üsne eigete Relation-Ships ond gönd red ond green Flags ufe Grond. Secher ned ganz unbekannti Gwässer ond glich schwemme mer doch alli mängisch chli was s'Thema Liebi ahgod. Also schnapp der de Rettigsreng ond chom zo üs is Wasser, es esch super schön do! 🛟

de-ch

59:28

#73 Läbchueche-Nuggets

Suurchrut ond Praline ·

2025/09/29

Mer nähmed höt ned nor amene neue Ort uf, mer hend ou vöu neus z'brechte. Näb Momänt vode Dankbarkeit ond chline Alltagshörde hemmer ou einigi wechtigi Ahköndigonge: zom Bispel heisse mer euse Meme-Master weder härzlich willkomme zrogg in Action! Osserdem wärdid ehr üs in Zuekonft neu no einisch im Monet ghöre - deför recherchierter ond besser ufbout. 💡 Mer freued üs!

de-ch

64:39

#72 Ech bette nech 💁🏽‍♀️

Suurchrut ond Praline ·

2025/09/15

Es esch weder Mäntig-Obe…das heisst üchi drüü Chaotinne vom Dienst träffed sech einisch meh zum zäme öber die zwöi vergangene Woche plaudere. Höt gohds um fätzigi Fäscht, meditativi Mandalas und neu entfachti Nostalgie! E wöudi Kombi wo för Gspröchstoff sorgt. Losed ine i üsi neu Folg 🫱🏼‍🫲🏽

de-ch

58:32

#71 Huusverboot 🏠🚤

Suurchrut ond Praline ·

2025/09/01

Und zägg da semmer weder: aso ämu so haub. Nach ere chliine Pouse ufeme Huusboot und z’Amsti esch ou d‘Delia weder a Board. Natürlech hed sie vöu z‘verzöue öber ehri Karriere as Co-Kapitöse 🫱🏼‍🫲🏽 Ou d‘Lisa ond d‘Nadine hend wie emmer zueverlässig s‘Leid und d‘Fröid klagt und äbesoo hend mer no üchi WG No-Gos diskutiert. Drom losed ine!🥳

de-ch

55:14

#70 Ra(s)tlos 👣

Suurchrut ond Praline ·

2025/08/18

Zu zweit alleine melde mer eus höt weder einisch ohni eusi dritti Höufti d’Delia. Sie esch momentan of hohe Kanäl de Huusboot-Lifestyle am gniesse. Camping mal anders. Vom campe cha ou d’Lisa grad es Liedli singe. Sie hed die letschte 2 Woche of de Campingplätz vom Heitere ond Gampel verbrocht. Die guete Pralines hend ihre grad d’Sproch verschlage. Deför cha eus d’Nadine vell öbers WG-Läbe verzelle. Wie emmer geds so weder 1 stond lang öpis of euchi Ohre. 🙌🏻

de-ch

59:16

#69 Suurluut ond Praline

Suurchrut ond Praline ·

2025/08/04

S‘Thema vo höt: Luutstärchi! Ih de Nadine ihri vergangene Ferie hend nämlii en zöpftige Lärmpegel gha. Ou ih de Delia ehres Praline cha wenn nötig grossi Tön ahschloh. Ond d‘Lisa hed vell Lärm om Kopenhagen gmacht. För Details mosch etz ihnelose! 😎 Enjoy! 📣

de-ch

60:20

#68 David und Goalie-ath ⚽️

Suurchrut ond Praline ·

2025/07/21

Könnsch de Dave? D'Delia ou ned. Aber d'Nadine verzellt, womer ne WERLKLI fendt ond sie erklärt ändlech, wieso Livorno scheisse esch. Währenddesse esch d'Lisa verwirrt ond d'Delia im Züg. No Froge? In diesem Sinne - Kinder Pingui.

de-ch

56:28

#67 Rickebach 🛹 Barcelona

Suurchrut ond Praline ·

2025/07/07

Üsi hötige Gäst hend de wiiti Wäg vo Rickebach uf sech gnoh. Aber die zwei send sech vöu grösseri Gömp met vöu müehsamere Transportmittel gwöhnt: De Rian und de Luki send nämli metem Longboard uf Barcelona düset. Ond do hend mer natürlech ganz vell Froge gha. Sie hend üs ond üch vell Tipps chönne metgäh. Allne vorah: Gönd metem Velo. 🚴‍♀️

de-ch

59:37

#66 Freud & Leid

Suurchrut ond Praline ·

2025/06/23

Euse Podcast mäldet sich höt metere ganz neue Konstellation. Eusi Nadine verbringt nämli ihri verdiente Ferie grad of Büslireis dör Italie. 🇮🇹1 Drom hend Delia & Lisa d’Ufnahm höt ohni bewährti Tontechnikeri mösse öber Bühni brenge. Wenn ehr das do lesid, hed zom Glöck alles klapped & ehr chönd en neui Folg voller Ups & Downs us üsne Läbe gnüsse. Life is halt life, he. Na Na Na Na Na. ☀️🌧️

de-ch

64:12

#65 Hitzig & witzig 🌞

Suurchrut ond Praline ·

2025/06/10

Gugusali zäme! Mer mälde eus fast pönktlich zrogg met Gschichtene us üsne Läbe. So esch eusi Nadine ih de vergangene 2 Woche ih de Skiferie, of Safari ond ih de Wüesti gseh - glichzytig. Wie sie das gschafft hed, mönder sälber lose. Au d‘Lisa esch of Reise ond hed z‘Dütschland d’Festival Season eröffnet. D'Delia esch do es betzli lokaler blobe ond hed die schön Schwiiz nochli besser könne glehrt. Mr. Worldwide wär stolz!🤡

de-ch

67:24

#64 Gucci, Nails ond Prinze 💁🏼‍♀️

Suurchrut ond Praline ·

2025/05/26

Ändlech melde mer eus wieder einisch live us de big city Horw! Ih de Folg 64 esch aber nüd wie emmer. Delia esch neu als Djane onderwägs, während d‘Nadine för d‘Luutstärchi verantwortlich esch. Ah eusem Entertainment hemmer aber nüd gänderet. Au höt geds weder die wildeste Erläbnis us eusne Läbe. So hed Delia als Prinz Lozärn eroberet und d‘Lisa cha neu of verschiedensti Art ond Wiise de Mittelfinger zeige. Ganz nochem Motto: Let us entertain you! 🤌🏻

de-ch

71:39

#63 Bäck tu Büsenei 💻

Suurchrut ond Praline ·

2025/05/12

Together it’s better! Drom send mer meh als nor froh, semmer weder vereint ond Delia zrogg vo ihrere Reis! 🫶🏻 Sie verzellt eus vo de erläbte Suurchrut ond Praline’s in Japan und Südkorea ond natürli - es wär ned Delia wenn ned - vo gaanz vöu ässe! 🤤 Ou d‘Nadine ond d‘Lisa hend einigi ups and downs erläbt. Ganz vöu Spass bem zuelose!

de-ch

57:47

#62 Künstlech id Nägu zieh

Suurchrut ond Praline ·

2025/04/28

Es letschts mou semmer s’zwöite för üch vor d’Mikrofon ghöcklet. D’Delia hed wedermau met ihrne Reiseziel z’Japan und Südkorea gflexet, doch öber Ostere send üchi Hostie i drüü verschedene Länder gse. Dementsprechend hend ou d’Lisa und d’Nadine s'eint oder andere erläbt und z’verzöue gha. Vo de Sonderbar in Köln wo s’Tanzverbot am Karfriitig gekonnt ignoriert hed, öber s’Loch Ness wo z’Schottland d'Lisa ignoriert hed. Es esch weder mal alles debii…Mer wönsched üch vöu Spass ☺️

de-ch

65:49

#61 Oops i Rigi again ⛰️

Suurchrut ond Praline ·

2025/04/14

Höt hend d'Lisa und d'Nadine för üch weder mal alles gää. Näbst de Ussekorrespondänz us Japan vo de Delia esches nämmli weder eisch deep worde. Mer hend öber s'Läbe und wie mers sött Läbe philosophiert und dass es ou mau okay esch, wenn mer eifach macht, was mer wett. Was mer usserdem i dere Folg glehrt hend; Wenn er im Rigigebiet gönd go wandere: Nänd es Holzchugeli met und läsed die cheibe Wägwiiser. P.S.: Mer hend «d'Chugle gää» doch ned us guete Folgetitel erachtet 😅😉

de-ch

80 results

Suurchrut ond Praline

All Episodes

Similar Podcasts

射後不理＃爽就好了

咪咪 & 淳淳

Therapy Gecko

iHeartPodcasts

百靈果 News

Bailingguo News

Old Time Radio Comedy

solgoodmedia.com

The Hard Yarns Podcast

Cameron Branch and Daniel Delby