x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

牛哥講經丨廣東話哲學、書籍分享

讀物農莊 Anybooks Farm

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！期待你嘅加入！

arts books

All Episodes

00:29:45

《牛哥講經》月報＋節目預告（2025年七月號）——成功完成第一本書月（《最高學以致用法》）

牛哥講經丨廣東話哲學、書籍分享 ·

2025/08/05

為咗令大家更容易掌握牛某動向，所以將一次過整個月報＋節目預告，等大家可以好快咁用月報回顧上一個月，然後大約知道下個月我哋會做咩。大家記得珍惜八月嘅節目，因為九月牛某就會基本上停止更新。到最後我會同大家解釋。我喺文稿已經列出標題同link，大家可以即時重溫。喺七月我哋成功更新咗15集嘅內容，其中會員內容6集，公開內容9集。公開內容方面，我哋喺有文有路講咗兩集蔡瀾：蔡瀾忠告年青人：年青人唔好躺平，要玩盡呢個世界！蔡瀾最愛嘅菜色，竟然係呢道！？丨有文有路（14）丨《人生真的很好玩：是我玩這個世界，不是這個世界玩我》https://youtu.be/I1gRBozwqbk蔡瀾憶倪匡：外星人遇屍變，信上帝後毅然戒酒，八十歲再遇初戀——重溫倪匡最後一次公開演講（2019年書展）丨有文有路（15）丨《人生真的很好玩：是我玩這個世界，不是這個世界玩我》https://youtu.be/VcVqw7vMd7c兩次得閒讀書會，講咗《槍炮、病菌與鋼鐵》同《哲學與宗教全史》：《槍炮、病菌與鋼鐵》共讀（6）：從野生到馴化：點解達爾文嘅《物種起源》係從人類馴化動植物開始講起？成功馴化嘅植物，其實都係自然世界嘅「畸形」？丨得

zh-tw

02:38:14

《槍炮、病菌與鋼鐵》共讀（6）：從野生到馴化：點解達爾文嘅《物種起源》係從人類馴化動植物開始講起？成功馴化嘅植物...

牛哥講經丨廣東話哲學、書籍分享 ·

2025/08/01

原片：https://www.youtube.com/live/4Mcj1NulhSs香港出名山多，你行山有冇試過見到一啲五顏六色嘅野生植物，然後頭腦當中閃出一個念頭：唔知好唔好食呢？的確，有一啲嘅野生植物，生得好似我哋平時見到嘅士多啤梨同藍莓，唔單止味道幾好、仲食得落肚，只係佢哋通常會細隻少少。有啲野莓食得，但有啲嘢就唔食得，就好似野生蘑菇唔可以亂咁試，因為呢個世界上有好多種嘅野生蘑菇都會致命。仲有野杏仁，因為有幾十種嘅野杏仁含有致命嘅氰化物（當年納粹毒氣室所使用嘅化學毒品，就正正係氰化物）。既然呢個世界野生嘅食物咁危險，唔知你腦入邊會唔會有一個疑問：所有人類農作物嘅前身都係野生植物，咁野生植物係點樣變成作物嘅呢？呢一個係令人困惑嘅問題。上集我哋提到農業取代狩獵嘅好處，但係農業點解可以由差過狩獵，變成取代狩獵呢？啱啱提到，好多野生植物係有毒，其實野生植物仲可以難以入口、原本個樣非常奇怪（就好似野生粟米咁）。點解原始人能夠出咗「馴化」植物呢一條絕世好橋呢？佢哋又係點樣做到呢？我哋先定義一下「馴化」植物嘅意思：「栽種植物，（不管有意或無心）使它們發生遺傳變化，變得對人類消費者更有用。」但佢實際上係

zh-tw

00:24:56

蔡瀾憶倪匡：外星人遇屍變，信上帝後毅然戒酒，八十歲再遇初戀——重溫倪匡最後一次公開演講（2019年書展）丨有文有...

牛哥講經丨廣東話哲學、書籍分享 ·

2025/07/27

正所謂一醉解千愁，過去嘅文人愁情多，亦好鍾意飲酒，但係鍾意飲酒還鍾意飲酒，點解佢哋會嗜酒如命，甚至飲到就死都要繼續飲呢？一個狄龍同倪匡嘅故事，或者表明咗部分答案。有一次黃霑生日，搵埋啲老友搞咗場宴會，狄龍坐喺蔡瀾旁邊，倪匡就坐喺對面。倪匡同蔡瀾手上面已經各有一杯白蘭地，就問狄龍飲唔飲酒。狄龍點一點頭，指住酒杯，向侍應講：「嚟一杯殺蟲水。」侍應驚訝咁倒酒，問到：「點解要將酒叫做殺蟲水，殺嘅係咩蟲？」狄龍懶洋洋咁答到：「殺肚入面嘅酒蟲。」大家聽到，都拍晒手叫好。狄龍平時有着大俠嘅形象，大家都唔知道原來佢可以搞書生式嘅幽默。書生幽默同酒蟲有咩關係？倪匡就接住講酒蟲嘅故事：一個人飲酒飲到窮，決心戒酒，但係肚入面嘅酒蟲，就好似要伸出來捉住舌頭，令人不得不飲。有一日，佢叫人拎咗幾罈美酒放在面前，又將自己放喺一棵樹上面，幾個時辰之後，酒蟲忍唔住從佢嘅口中爬咗出嚟。呢一個人從此唔再飲酒，但係後來亦都窮死、餓死。至於點解會窮死、餓死？倪匡啊就話《聊齋》無記載到，但呢個係一個好題材，值得寫一寫。酒蟲、文人之間有咩關係呢？呢個係一個有趣問題。蔡瀾喺《人生真的很好玩：是我玩這個世界，不是這個世界玩我》記載咗好多同倪匡嘅

zh-tw

02:17:08

【一戰真相（上）】牛津大學史家：伊朗高原（波斯）衝突係第一次世界大戰嘅真正導火線——英俄兩國自十九世紀就為中亞明...

牛哥講經丨廣東話哲學、書籍分享 ·

2025/07/24

若然我哋打開歷史教科書，揭去講授第一次世界大戰起因嘅部份，我哋通常都會見到歐洲地圖，而戰爭嘅原因會係：歐洲各國長年以來嘅海軍競賽、德國皇帝同將軍盲目好戰，而當兩粒子彈從普林西普嘅白朗寧左輪手槍中飛出，擊殺奧匈帝國王儲斐迪南大公，導火線觸發，大戰突然發生。而英國同俄國就係歐洲嘅守護者，將德國野心殲滅。但係英國牛津大學，教授全球歷史（global history）嘅歷史學家彼德．梵科潘（Peter

zh-tw

02:32:26

《哲學與宗教全史》共讀（2）：產自伊朗高原嘅拜火教：歷史上第一個影響世界嘅宗教——潛藏喺猶太、佛教、波斯、先蘇哲...

牛哥講經丨廣東話哲學、書籍分享 ·

2025/07/17

原影片網址：https://youtube.com/live/yVsaQmSoHJA自從人類開始意識到超自然存在之後，就產生出咗對於太陽神、同大地母神嘅單純信仰，然後慢慢擴展到相信自然萬物都有神，步入到原始嘅多神教時代。其後，人類歷史上第一個、以及影響後世眾多宗教嘅世界宗教誕生咗，佢就係「瑣羅亞斯德教」（aka拜火教）。喺公元前1000年左右（誤差大約係300年），喺古代波斯，而家伊朗高原嘅東北部，有一個叫做「查拉圖斯特拉」（Zarathustra）嘅宗教家誕生咗。如果用英文嚟讀佢個名，咁就係瑣羅亞斯德（Zoroaster）。(sor ro

zh-tw

00:25:18

蔡瀾忠告年青人：年青人唔好躺平，要玩盡呢個世界！蔡瀾最愛嘅菜色，竟然係呢道！？丨有文有路（14）丨《人生真的很好...

牛哥講經丨廣東話哲學、書籍分享 ·

2025/07/10

原片：https://youtu.be/I1gRBozwqbk唔知你有無喺threads／ig之類見過呢個故事？有一次夜航嘅飛機，遇到氣流，成架飛機震得好犀利，個震一直持續。有個男人一路飲酒，旁邊有個澳洲大肥佬，肥佬好驚，望住飲酒嘅男人，問到：「You die before？」飲酒嘅男人話：「I lived before。」（我活過）呢個男人，就係蔡瀾。而呢個故事，記載喺蔡瀾2022年出版嘅《人生真的很好玩》。無論係從呢個故事，定還是書中嘅文章，我哋都可以見到蔡瀾任性嘅一面，呢度所講嘅任性，唔係細蚊仔嘅無理取鬧，而係好似小朋友咁任其情性而活。而喺2025年6月25日，呢位任性嘅老頑童離世。等我哋藉由呢本書仔（《人生真的很好玩：是我玩這個世界，不是這個世界玩我》）當中嘅自述同三個故事，回顧一下佢嘅思想。本集章節：00:00 開講01:28 蔡瀾自述10:09 人間好物15:30 人間好吃🐮 Follow IG：https://www.instagram.com/cowgortalk🐂

zh-tw

02:41:15

《哲學與宗教全史》共讀（1）：何謂哲學、何謂宗教？思考仲有咩現代意義？日本大學校長解釋時間、馴化同宗教嘅關係丨得...

牛哥講經丨廣東話哲學、書籍分享 ·

2025/07/09

有一個男人坐咗喺一塊岩石之上，右手手踭支撐喺左邊大髀，微微低着頭，右手手背抵住下巴。呢一個係羅丹好出名嘅雕刻作品《沉思者》。呢一個人到底喺度諗緊啲乜嘢呢？據講，羅單本人係將呢一座雕像命名為《詩人》，但係喺佢死咗之後，呢個作品就被稱為沉思者，因為重新鑄造呢一座雕像嘅工匠盧第耶認為一個雕像正喺度沉思。思考，係人類一個重要嘅特徵。法國哲學家巴斯卡就講過：「人類是會思考的蘆葦。」相比起好多動物，人類並唔高大，亦都冇尖牙利爪，唔擅長爬樹，跑得又唔快，更加唔可以喺水入邊生活。即使係咁樣，人類仍然能夠成為地球上面嘅霸主，正正係因為人懂得思考。思考，以致人類征服自然、創造文明、產生文化。但係，幸福同埋唔幸福亦都接踵而來——因為人可以思考真理，亦都可以思考虛無。無論人身處係邊一個時代，佢都總會思考。當中，有少數具有卓越思考能力嘅人，創造世界、人生、死後世界等等嘅抽象概念，並以此作為人生意義寄托。《哲學與宗教全史》嘅作者出口治明表示：「大致上來說，我認為這就是哲學與宗教逐漸形成的過程。」依家，我哋就從作者嘅人生經歷開始，睇下佢點睇哲學同宗教對佢個人嘅影響。本集章節：00:00 開講序言07:57

zh-tw

00:24:16

社會心理學家：「社群媒體對女孩的傷害大於男孩」，女性更容易沉迷社交平台！？原因在於天生嘅性別傾向丨有文有路（13...

牛哥講經丨廣東話哲學、書籍分享 ·

2025/07/04

上兩集，我哋提到社交平台令整體青少年更易陷入「內化型障礙」（internalizing disorders），亦即係焦慮、抑鬱，以及社交平台滿足唔到一個理想童年所需要嘅親身遊玩。其實，從更小嘅角度講，社交平台對兩性嘅影響各有不同，而社會心理學家喬納森・海特（Jonathan Haidt）喺《失控的焦慮世代》指出：「社群媒體對女孩的傷害大於男孩。」原因在於，雖然男女心理上喺好多方面上非常相似，但係有一啲事實上嘅性別差異「是跨文化與跨時代的普遍現象。」——人類內心普遍存在住兩套動機或目標，分別係自主性（agency）同共融性（communion），而研究發現，男性傾向專注喺自主性，而女性傾向專注喺共融性，呢個傾向嘅不同，導致社交平台對兩性嘅影響有所唔同。今集，係有文有路嘅第13集，有文有路，文化方見道，我哋會藉由了解共融性，理解社交平台對女性嘅損害。依家，我哋先由社交平台危害女性嘅數據開始入手。本集章節：00:00 開講01:44 社交媒體危害女性之證據07:50 自主與共融11:44 第一個負面影響🐮 Follow

zh-tw

01:55:47

《連結》共讀（1）：《人類大歷史》作者哈拉瑞最新作：AI係人類至今最危險嘅發明！？——「如果智人真係咁有智慧，點...

牛哥講經丨廣東話哲學、書籍分享 ·

2025/07/01

原片：https://youtube.com/live/R7-wvhTSIxA人類將自己呢個物種命名為智人（Homo

zh-tw

00:29:54

人類生而玩樂？Z世代童年大崩潰，就係因為玩樂不足，淪為免費「童工」——碌IG同捉伊人對童年成長有好大分別！丨有文...

牛哥講經丨廣東話哲學、書籍分享 ·

2025/06/28

上集，我哋提到《失控的焦慮世代》嘅作者，社會心理學家喬納森・海特（Jonathan Haidt）藉由研究數據得出Z世代嘅童年經歷2010－2015年間嘅「大重塑」期（智能電話同社交媒體大流行）之後，青年患上內化型障礙（焦慮同抑鬱）嘅比例大增。智能電話、社交媒體大流行同內化型障礙嘅關係到底係咩呢？好直覺嘅回答，就係令青年沉迷虛擬世界，唔鍾意同人講嘢。但係，社會心理學家得出一個更深刻嘅回答：虛擬世界嘅生活，違反人類童年嘅建立歷程——打機／玩社交平台違反童年需求，但係玩遊戲(例如捉伊人）就合乎童年需求。今集，係有文有路嘅第12集，有文有路，文化方見道。我哋一齊嚟了解下理想童年同現實之間嘅距離。我哋先嚟了解人類童年嘅特點所在先。本集章節：00:00 開講01:37 童年與遊戲 05:29 人生而玩樂 16:31 互動與集體24:25 總結🐮 Follow IG：https://www.instagram.com/cowgortalk🐂

zh-tw

01:30:52

《槍炮、病菌與鋼鐵》共讀（5）：農業挖起之路：休閒狩獵點解會被辛苦務農所取代？澄清農業誤解；狩獵採集比起古代農業...

牛哥講經丨廣東話哲學、書籍分享 ·

2025/06/24

原片：https://www.youtube.com/live/LOua2lihdUk?si=xg1d_CNL4h4tLk6y上集我哋講到農業優勢同起源地。但事實上，農業喺一開始嘅時候，並無之前所提到嘅優勢，之前所提到嘅優勢，更似係農業成熟之後嘅結果。今集，我哋要跟住作者去問。本來呢個地球上嘅所有人都過住狩獵採集嘅生活，但係點解有人擅自改變，變成生產糧食？相信咁樣做嘅人有佢嘅原因，咁我哋就可以問：喺新月沃土嘅居民組喺公元前8500百年就開始耕作，但係氣候、結構同樣屬於地中海嘅西南歐，要去到三千年之後先有農民耕作，點解佢哋時間差咁遠呢？本集章節：開講 00:00 第六章下田好，還是打獵好？農狩共存 08:10澄清農業誤解 11:22農業取代狩獵 27:57逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《槍炮、病菌與鋼鐵》🐮 Follow IG：https://www.instagram.com/cowgortalk🐂

zh-tw

00:26:04

Z世代點解焦慮抑鬱大增？社會心理學家：智能電話同社交媒體就係兇手！丨有文有路（11）丨《失控的焦慮世代》

牛哥講經丨廣東話哲學、書籍分享 ·

2025/06/16

每一個時代之間嘅人都有着代溝，但我哋同新世代嘅距離，唔係代溝咁簡單。對於童年並唔係活喺電話／互聯網時代嘅長輩嚟講，佢哋會覺得自己係地球人，而新一代就好似火星人咁。呢一班火星人會有好奇怪嘅習慣，成日機不離手，如果父母唔容許子女用電話嘅話，子女會威脅父母，嚴重嘅，仲會提出自殺。以往係笑話般嘅句式：「唔做乜乜，就會死咩」、「遲啲乜乜，就會死咩」，對於新世代嚟講唔再係戲言，漸漸化成現實，因為青少年精神疾病嘅比率，已經達到前所未有咁高。但係父母卻搵唔到解決方法，家長覺得子女被困喺電話入面，只係一時嘅唔懂事，所以，家長唔係用太嚴厲嘅規管，就係太過樂觀嘅放縱，期望之後會有所改善；殊不知，子女唔係唔懂事，佢哋正正係知道依家現實世界嘅運作方式就係依賴網絡世界嚟建構人際關係，而網絡世界已經成為咗佢哋人格成長嘅一大部分，反而係子女覺得父母唔理解呢個世界點運作，亦唔明白父母點解唔明白自己。父母同子女之間，成為地球人同火星人嘅交流，當火星人病咗嘅時候，地球人卻搵唔到方法去幫手。社會心理學家喬納森・海特（Jonathan

zh-tw

05:01:30

【特備節目】回顧四週年＋頻道公告；講講離別之情

牛哥講經丨廣東話哲學、書籍分享 ·

2025/06/13

各位：衷心感謝各位陪伴，今日迎嚟《牛哥講經》成立四週年。尋日（6月12日）同大家喺live度回顧一週年嗰陣嘅《五十集而自述》、藉由各位留言回憶以往集數，以及從各位投稿嚟講講離別之情。結果得出咗個破天荒嘅五個鐘直播，好開心同大家一齊經歷呢段時間。如果大家想重溫內容，可以到patreon、podcast（建議spotify）、youtube睇返重播，聽下牛某嘅真心說話。其中，我提到一個頻道公告，係一個唔容易嘅決定，希望大家明白。由於好多說話已經喺直播講咗，我喺度只係簡單講幾句。四年時間，世界變化之大，實在令人難以適從，希望呢個小小嘅podcast可以陪你從風高浪急嘅轉變，得到一絲喘息空間；為你喺資訊氾濫嘅世界，細細閱讀前人智慧、當今發現。而《牛哥講經》亦經歷咗好多變化，若然要強行搵出一個不變嘅地方，就係我依舊希望藉由用廣東話詮釋經典，為你，即便身在何處都好，都可以以廣東話聆聽、閱讀、思考。來年希望繼續得到你嘅支持。再次感謝你嘅陪伴，希望我可以繼續用廣東話詮釋經典，畀你聽。牛某2025.06.13本次章節：00:29 一齊聽返第50集01:13:51 正式開始回顧四週年1:40:19

zh-tw

01:50:35

《槍炮、病菌與鋼鐵》共讀（4）：略論農業優勢及其發源地：馴養動植物嘅文化，點解更具征服他人嘅本錢？五個農業發源地...

牛哥講經丨廣東話哲學、書籍分享 ·

2025/06/10

原片：https://www.youtube.com/live/HV62oa7RN4Y上次我哋講到西班牙殖民者同印加國王阿塔花普嘅故事，我哋會見到殖民者嘅優勢，大概可以講成《槍炮、病菌與鋼鐵》（雖然槍炮唔係主因），而我哋再上次講過，作者其實唔係最著意於呢啲近因，而係想搵出個終極因，今次，我哋就了解一下作者所關懷嘅終極因嘅背景知識，亦即係農業嘅背景知識。逢星期三夜晚九點直播（如有字幕，字幕由ai生成，我無時間檢查，如有需要，自行取用）本集章節：開講 00:00 第四章農業與征服 10:22一，卡路里與人口二，務農與定居三，作物與儲糧四，原料複製五，騎乘萬物六，與病同存第五章如何在歷史上領先群倫 51:55講講方法五個農源發源地閱讀材料：《槍炮、病菌與鋼鐵》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】【聽Podcast】🎧 Apple

zh-tw

00:31:35

【廣東話字幕】關稅戰之後：全球化時代即將結束、美國係自由貿易嘅最大「輸家」？《人類大歷史》作者哈拉瑞一早預言製造...

牛哥講經丨廣東話哲學、書籍分享 ·

2025/06/08

上集提到冷戰呢個緊張時期，以美國為首同以蘇聯為首嘅政治聯盟互不相讓，結果係盟友之間嘅內部關係變得堅壯，而美國同歐盟似乎成為咗穩固嘅政治、經濟隊友，共同提倡民主政治、自由貿易（當然，呢種自由貿易主要係開放畀西方內部）。不過，蘇聯解體以後，自由貿易開始出現較為明顯嘅反對呼聲。美國對於關稅嘅態度，亦有暗湧。即使民主黨嘅克林頓、奧巴馬喺在任期間有推動全球貿易，例如奧巴馬推動咗《跨太平洋夥伴關係協定》（TPP）。但係，民主黨內部有唔少聲音反對自由貿易，特別係嚟自工會同銹帶（Rust Belt）嘅議員。因而，民主黨並唔係一面倒反對關稅，呢點我哋睇拜登在任期間對關稅嘅手段就可以知道，佢實際上係無全面取消到2016－2020特朗普時期嘅關稅，甚至喺某啲行業加關稅到100％，例如係電動車。我哋可以問嘅問題係：反全球化係咪勢在必行？既然係咁，我哋就要先了解全球化嘅好處同壞處到底係咩。今次，係有文有路嘅第10集，我哋會一齊繼續睇下《貿易大歷史》嘅作者點樣分析全球化嘅好與壞，最後會補充歷史學家哈拉瑞嘅睇法。依家，先由西雅圖戰役講起。本集章節：00:00 開講02:10 西雅圖戰役03:14 保護主義嘅真相12:30

zh-tw

01:48:55

《槍炮、病菌與鋼鐵》共讀（3）：印加沒落：史上最大宗綁架案，168個西班牙征服者俘虜印加國王阿塔花普。「可以說，...

牛哥講經丨廣東話哲學、書籍分享 ·

2025/06/02

逢星期三夜晚九點直播（如有字幕，字幕由ai生成，我無時間檢查，如有需要，自行取用）本集章節：00:00 開講12:06 背景知識24:20 阿塔花普落難記50:21 分析落敗閱讀材料：《槍炮、病菌與鋼鐵》

zh-tw

00:02:20

【學識合作網上課程推廣】「從巫師走到儒家——上古中國文化史」課程簡介：解構孔子所隱藏嘅不言之道，認識中國文化根源...

牛哥講經丨廣東話哲學、書籍分享 ·

2025/06/01

中國文化將講出嚟嘅哲學稱之為道。但中國文化唔係始於哲學。春秋戰國嘅諸子都知道，喺文字仲未發達嘅過去，有一個「不言之道」嘅時代。道，就係言說（概念），而不言之道就係言說之先嘅時代。唐君毅喺《中國哲學原論・原道篇》就指出，孔子雖然言道，但係佢依然「知有一不言之道在」。但係，不言之道嘅內容係咩呢？點解我哋依家對呢個不言之道如此陌生呢？因為孔子編寫《六經》，正正係將過去嘅不言之道隱藏，引導中國文化走上有言之道。佢要呈現一套唔講

zh-tw

02:06:42

《槍炮、病菌與鋼鐵》共讀（2）：人類演化簡史：從直立人到建船嘅玻里尼西亞人，藉由千姿百態嘅南太平洋諸島地理，解釋...

牛哥講經丨廣東話哲學、書籍分享 ·

2025/05/26

原片：https://youtube.com/live/nS5Xl-7HQ9I上次我哋講到作者認為人類族群之間嘅差異係源自於地理（環境），而終極因實際上就係有無可以畜養嘅動物。今次，我哋就要由史前嘅人類演化講起，好快咁睇下人由非洲到全球嘅傳播路線，然後你會發現美洲同澳洲無可以畜養嘅動物並唔一定係偶然。而南太平洋諸島嘅特殊地理（千姿百態），令作者賈德・戴蒙認為係一個好好嘅地點作觀察。本集章節： 00:00 開講 06:30 第一章從伊甸園到印加帝國更新世下之人類演化 10:00 三猿 21:14 五十萬年前之直立人嘅兩個重要分支 30:19 五萬年前之智人「大躍進」 48:26 大躍進後第一次擴張——澳洲 1:09:11 何謂起點優勢？ 1:15:16 第二章，歷史的自然實驗閱讀材料：《槍炮、病菌與鋼鐵》

zh-tw

00:22:15

關稅只係前哨戰——全球化令港口成為「戰略資源」、新航道預告大國之爭！丨有文有路（9）丨《貿易大歷史》

牛哥講經丨廣東話哲學、書籍分享 ·

2025/05/22

藉由前兩集嘅內容，我哋可以見到貿易發展史實際上就係邁向現代全球化嘅過程。全球化明面上帶嚟好多好處（尤其對消費者而言），但佢同時都埋藏咗好多國與國嘅衡突。二十世紀，甚至到今時今日，都仲有唔少衝突嘅實際原因係基於全球化。而當中一個衝突之處，就係港口。今集係有文有路嘅第九集，我會同你睇睇全球化底下，港口點解會變得越嚟越重要；從歷史當中，我哋會見到港口往往係「危險地帶」——無論係戰亂定日常，佢都緊緊扼住全球貿易嘅咽喉。而未來將會出現嘅新航道，將會預告國與國之間嘅談判同衝突……依家，我哋先總結一下全球化嘅過程先。

zh-tw

01:52:42

《槍炮、病菌與鋼鐵》共讀（1）：點解係白人殖民黑人，而唔係黑人殖民白人？用地理解構文明踏上唔同路向嘅終極原因丨得...

牛哥講經丨廣東話哲學、書籍分享 ·

2025/05/15

逢星期三夜晚九點直播（如有字幕，字幕由ai生成，我無時間檢查，如有需要，自行取用）每一本好書都想解決一個或多個問題，《槍炮、病菌與鋼鐵》要解決嘅問題係源自於一個新幾內亞（New Guinea）政治人物亞力（Yali）嘅問題：「為什麼是白人製造出這麼多貨物，再運來這裡？為什麼我們黑人沒搞出過什麼名堂？」{點解係白人整嘢、運過嚟賣，但黑人無整到啲咩出嚟？｝｛點解係白人殖民黑人，而唔係黑人殖民白人？｝呢個問題令作者賈德・戴蒙印象深刻，因為問題雖然簡單，但的確對於亞力嚟講係最基本嘅事實。明眼人都會見到，一般嘅新幾內亞人同歐洲人／美國人仲有好大差異——當時嘅新幾內亞仲係由澳洲治理，但努力爭取獨立。（今日，新幾內亞已經成為巴布亞紐幾內亞（Papua New

zh-tw

220 results

Similar Podcasts

Start The Breakthrough Full Audiobook Now, Thriller Fans!

thebookvoice.com

Get Hooked On The Life-Enhancing Full Audiobook Experience!

thebookvoice.com

西四五条

主播郑捕头

Podcast Patapoe

0d0a

On Mic Podcast

Jordan Rich