PODCAST

粵講粵威水

本來，這個節目在設立之時，是因為看到了一些社會事件，有感而發。譬如：2010年，中國廣東省廣州市的捍衛粵語行動。 2018年，香港教育局小學中文網頁內的一篇文章，提到粵語並非「母語」。再加上近年，港澳愈來愈多學校在校內僅以普通話及英文授課。看著港澳的年輕一輩，居然普通話說得比粵語還流利，是有很大的感觸，也有很多的思考。危機越大，求生的意志就越強。總之，「撐粵語」的這股潮流在有心人士的深入探討後，的確「粵人」講「粵語」是愈講愈有理的。而有心的話，在網路上就可以找到很多很專門的粵語研學的心得。資料是有的，不過可惜，關注還不夠多，普及也不夠。以前總愛跟大隊嗌口號「講母語」，「撐粵語」。現在更想藉這個節目，這個公開的平台，尋找這個為什麼？為什麼粵語有趣？為什麼粵語歌比較好聽？為什麼說這些就是粵樂？？？對粵文化，到底我們有多少的認識呢？或者根本除了粵語識聽識講，日常生活中見慣見熟、習以為常之外，當中的道理跟涵意，根本是完全說不出來吧！

society & culture

All Episodes

紅噹噹、青咇咇記住佢攞嚟用

粵講粵威水 ·

2022/12/07

疊字形容詞分很多種，今日主要講，ABB式。譬如：好紅--紅噹噹/紅卜卜、好黑--烏卒卒/黑猛猛、好青--青咇咇、好黃--黃黚黚、好白--白雪雪/白曬曬、好甜--甜椰椰、好淡--淡茂茂、好脆--脆卜卜、好油--油淋淋、好軟--軟腍腍、好矮--矮突突、好肥--肥腯腯......。呢啲疊字，聽都聽得明，但係要講，好多人就已經唔識講啦！至於點解就係搭呢啲疊字，多得好多專家嘅考究，研究古籍，好似有啲係搵得到出處，再經過變化。不過對好多粵語人呀，講都就嚟唔識講，寫就各有各嘅寫法，至於用啊！唔識出處都要記住佢，攞嚟用！咁樣呢啲嘅講法先會代代流傳！聽粵語老師William的講解!

zh_TW

肥胖腯肥腯腯好文言嘅粵語

粵講粵威水 ·

2022/11/30

粵語講嘅肥腯腯，腯腯，呢兩個字，可能好多人識講都唔識寫！亦都有好多人以為呢個詞係好粵語嘅詞，係粵語先咁講?? 香港中文大學中國語言及文學系博士黎智豐就話，喺古籍當中，好明確有記載，喺左傳當中，就有肥腯嘅使用。腯，係指豬肥胖嘅用語；牛羊用肥；人就用胖嚟形容。隨住時代進步，為咗書寫嘅方便，做咗好多嘅新字，令我哋唔記得咗以前好多字。而喺古代嘅時候，對比較重視啲事情，就會將佢分得比較細。譬如：人嘅胖；牛羊嘅肥；豬嘅腯。可能呢個喺畜牧盛行嘅年代係好重要嘅。但係對現代嘅人，已經變得唔重要。肥嘅概念，擺係豬羊都可以理解，都可以接受，咁就唔需要分得咁仔細。又好似馬嘅種類、穀物嘅種類，呢啲字眼以前都係分得好仔細、好複雜。咁現代亦都唔係只有簡化，現代亦都有一啲字詞比古代分得更仔細，例如職業嘅分類、科技、唔同國家嘅名、唔同風俗嘅形容，呢啲好多新詞進入到我哋嘅語言當中，而唔係咁常用嘅字詞就會被淘汰。

zh_TW

茶餐廳嘅餐牌最日常嘅粵語

粵講粵威水 ·

2022/11/23

茶餐廳嘅餐牌，粵語人從細睇大，睇慣睇熟，自然就明。到咗台灣，同樣嘅餐牌，對台灣人就像有字天書一樣，原來好多嘢都睇唔明。西多、油多、花生多，係花生好多？碟頭飯？煲仔飯？講到料理方式更加係蝦人啦，咩沙丹豬扒飯？嚤囉雞？非洲雞？茄汁？例湯？一個餐牌，就可以學到好多日常粵語。聽粵語老師William嘅講解。

zh_TW

語言識得越多學得越快

粵講粵威水 ·

2022/11/16

馬來西亞多語通達人黃啟灏，精通閩南語、海南話、粵語、華語、英語、馬來語、法語、韓語等八種語言，目前還持續學習越南語、捷克語、格魯吉亞語等其他語言中。對學習語言，他就是很有興趣。他說：「街市上那是甚麼菜？甚麼魚？我都不知道。但那種語言怎麼說，我就記得住。」而語言，在接觸得越多學得越多以後，會學得更快，有時更有一些讓人很開心的小確幸！啟灝說：「越南話，我覺得好似客家話同廣東話嗌交，好多字眼，如果識廣東話、客家話、同閩南話，學越南話真係好快！如果識中文嘅話，會比越南人更有本事理解佢哋語言嘅精髓。」就算是完全不同背景的語言，在學會了語言之間的共通點之後，可以有兩大好處。一、記單字的能力會增加。二、發現語言的共通點之後，會看到一些其他不會這種語言的人看不到的東西，那種優越感會很開心。例如：韓文當中有很多漢字，像韓國的大樓，譬如英成大廈，大廈是用韓文寫的，一般韓國人對漢字，如果深一點的話，一眼可能沒辦法馬上認出來，會漢字的人就會比韓國人認得更快。

zh_TW

想學好一種語言煲綜藝節目好過煲劇

粵講粵威水 ·

2022/11/09

從小就覺得自己肯定會當明星的多語通黃啟灏，成長在上世紀的80年代，當年在馬來西亞就讀華校的孩子，沒人不是看著香港的TVB連續劇長大的。既然要當明星，當然要到香港拍劇發展。啟灏的母語是閩南語，而基於想當明星的心，粵語完全是自學，卻學得非常的港腔港調，一開口，經常被認為是：「香港人呀！」。啟灏說：「一直睇一直睇，連對白都背咗落嚟，佢講完自己又講一次。」這是以前年少學習語言的方式。到現在，多了很多的學習經驗以後，啟灏覺得學語言，更好的做法是：一、多接觸語言學習者。母語者跟語言學習者是不同的，母語者識講識聽識用，但問佢點解，經常係講唔出。語言學習者先可以講出點解，不過語言學習者亦都會將事情複雜化，一句說話，經佢解構完之後，好可能連識聽識講的母語者都聽唔明。二、煲綜藝節目比煲劇仲有用。好多人都講學語言煲劇最有用，但係，劇集的對白，是美化以後的語句，在生活當中，日常用語是沒有那麼優美的。所以想實用，煲綜藝有用些，裡面的用詞語句最實用、最真實自然。

zh_TW

粵語好文雅！？粵語又好通俗！？

粵講粵威水 ·

2022/11/02

一個語言，會覺得佢係通俗定文雅？當然有個人主觀嘅成份，除此之外，仲有其他可能會影響嘅因素。香港中文大學中國語言及文學系博士黎智豐就話，譬如：一、語言係溝通嘅工具，喺咩場合使用就決定咗佢係通俗定文雅。例如：日常同屋企人傾偈先講粵語，正式會議係講英文，呢個狀況，就會覺得英文比較正式。但係對英文地區嚟講，又唔係咁一樣。所以可以咁睇，就算喺正式場合用粵語，例如演講同屋企用嘅粵語，或許用詞表達會有啲唔同，就係語言係分好多層次。二、比較書面語好似會覺得比較文雅！因為正式嘅公文同文章流傳咗落嚟，睇到嘅文字，古代同書面往往係結合埋一齊，所以會覺得書面比較正式、書面係比較典雅一啲，有咁樣嘅歷史原因。三、距離官方嘅語言越遠，就會覺得越通俗。好似普通話，係中國大陸嘅國定語言，中國其他嘅方言，就會覺得比較通俗。語言，雖然會受到呢啲因素影響，而令人對嗰種語言會有主觀上嘅感覺。但其實，咩都唔影響呢個語言，語言表達有好多層次，文雅定同俗，睇你識唔識用！

zh_TW

粵語嘅量詞好得意睇你識幾多？

粵講粵威水 ·

2022/10/26

一嚿西瓜、一圍酒、一碌木、飲啖湯、食餐飯、打鋪麻雀、成竇雀仔.....粵語嘅量詞，好多、有啲量詞仲好得意。而喺功能上，亦都唔止單純係指數量咁簡單。譬如：間屋好大！個袋係邊個㗎！枝筆好靚喎！...呢啲，喺名詞前面加嘅量詞，指嘅係書面語「這」或者「那」嘅意思。呢個對粵語初學者可能比較難，因為喺國語/普通話裡面係冇咁嘅用法。有時，就算一樣嘅名詞，用唔同嘅量詞，指嘅係唔同人唔同意思。譬如：我細佬條女（我弟弟的女朋友）我細佬個女（我弟弟的女兒）嗰條友仔（那個小夥子）嗰班友仔（那群小夥子）而粵語嘅量詞，除咗表示單位之外，亦都可以用嚟形容狀態。譬如：一條電線、一紥電線、一嚿電線、一餅電線，從用嘅量詞，就可以知道物件嘅狀態。粵語老師William用例子同大家慢慢講。

zh_TW

粵語入聲 ptk口型逐個講

粵講粵威水 ·

2022/10/19

粵語入聲，以前有人曾經咁樣形容：「入聲直而促」；「入聲短促急收藏」。好多人覺得入聲就係急、促、短。粵語老師William就話:「入聲嘅字，其實可以拖長嚟讀。」既然可以拖長嚟讀，所以用長短嚟講就唔係咁精準。與其話短促，不如講發音發到半路中途就要切斷呢個發音，要有呢個--聽得出切斷個位置就係入聲。舉兩個字做對比，一個係「家庭」個家，一個係「心急」個急。「家」一路咁讀拖幾長都好，完咗呢個音，個口都係擘大。而「急」字，即使拖長到最終結尾嘅時候，啱啱好嘴唇一合埋嗰一下，就切斷個發音。入聲對非粵語人嚟講，比較要注意嘅係--喺粵語裡面，無論係用粵拼定係其他拼音都好，講到入聲嘅時候，都會用p、t、k呢三個字母嚟做結尾，如果用開其他西方語言嘅話，p、t、k三個字母好多時候會多咗一個送氣嘅音，例如「國家」嘅國，一見到「國」（gwok3）字嘅拼音，佢哋可能會多咗一個k嘅送氣音，而粵語係冇呢啲臨尾嘅送氣嘅音！入聲，淨係會喺p、t、k結尾嘅字先至出現，其他字就唔會有入聲。至於p、t、k結尾嘅發音，大家可以特別注意吓個口型。先講p，佢個口型就係合埋嘴唇嗰一刻，就要切斷個發音。譬如「心急」個急、「樹葉」個葉，

zh_TW

純口語廣東歌係許冠傑先唱得紅？！

粵講粵威水 ·

2022/10/12

三及第，係一種夾雜文言文、書面語同埋廣東話嘅一種書寫文體。以粵語流行曲發展咗呢70年嚟講，三及第形式嘅歌詞，算係最主流。不過真係好得意，以前嘅廣東歌，如果用純口語嚟唱，就等同低俗。到咗許冠傑時代，只有許冠傑唱純口語嘅廣東歌先可以接受。許冠傑之後，就算係大學生、又係年輕歌手，唱呢種歌詞，大家好似都係唔能夠接受。除非係比較另類嘅歌。主流嚟說，就係除咗許冠傑之外，有其他歌手唱呢種純廣東話嘅口語流行曲，大家都唔係好可以接受。點解咁得意呢？

zh_TW

專輯，唔係都係嘔心瀝血嘅創作？居然有行貨？？

粵講粵威水 ·

2022/10/05

唔係呀！一張專輯最多就十幾首歌，又演藝紅人、作曲人、作詞人、唱片公司、企劃、行銷......咁樣一關又一關，又個個都係專業人士，作品會有行貨咩？引述吓香港已故知名音樂人黃霑，喺1997年，喺嶺南學院所舉行嘅「粵語流行曲的歌詞創作」講座當中講到：「不少論者，批評香港的粵語流行曲歌詞不通順，這是事實，不容否認。......」不過不過，香港資深樂評人黃志華老師就平心而論講：「任何年代嘅流行曲，都一定有好行貨嘅，亦都一定會有寫得好好，或者係滄海遺珠嘅--唔係主打歌，好容易畀大眾遺忘嘅好作品。」點解有行貨？因為大量生產，上百貨應百客，冇辦法，呢個係流行曲生產嘅一個弊端。就好似黃霑都講：「市場要求也促使了這現象出現。買唱片的既是靑少年佔大部分，其中還不乏七八歲的小孩子，他們對文字的鑑賞カ不高，對文字水平沒有要求。甚至可以說，根本甚麼是通，甚麼是不通都不大知道。而且，通不通，他們也不理會。只要歌曲聽得開心舒服，通與不通，全不成問題。 …市埸實際情況是這樣，有時也雖怪詞人的創作要求，越來越寬鬆。」

zh_TW

50、60年代嘅粵語歌文學性低？？

粵講粵威水 ·

2022/09/28

黑白粵語長片，而家仲有冇人睇呀？50、60年代嘅粵語長片，鼎盛就鼎盛、亦都捧紅咗好多大明星、產量又多，幾乎每日都有一部粵語片誕生。不過又得意，當時粵語片咁搵錢、亦都有好多好片，當時嘅粵語歌，居然被認為文學性唔高？點解呢？呢個真係要識香港嘅發展情況先會知。主要係因為當時嘅粵語歌地位。50、60年代，當時好少年輕人、學生、知識分子會注意粵語歌詞。即係當時聽粵語歌曲嘅，可能都係工廠工人、普通打工仔，淺白直接，對佢哋可能仲有共鳴、仲有感染力。所以當時嘅歌詞，就唔會要求歌詞有咩文學性。但係唔要求唔等於冇。有啲填詞人偶然會自我欣賞、或者係想自我展現，好嘅作品，係一定有嘅。不過因為當時粵語歌定位唔高，又冇咩知識份子、年輕人去聽，會流行嘅歌，往往好俗嘅歌就會好流行；文雅啲嘅、比較文學性嘅反而唔紅，甚至被埋沒。除非有人特別去考古，否則呢啲好嘅歌詞，可能根本唔會被睇到。

zh_TW

廣東歌先詞後曲點解咁難？

粵講粵威水 ·

2022/09/21

廣東歌先詞後曲點解難？因為一、先詞後曲，旋律受到限制，會影響旋律嘅優美度。二、改詞比改曲容易。三、中文字常用三千多個字，可以斷句、倒裝、換字...變化多。四、先詞後曲，速度不如先曲後詞。五、詞人聽到歌曲旋律會更有靈感。 .......... 廣東歌先詞後曲，香港資深樂評人黃志華老師認為，只能夠講「跌得好睇」。「跌得好睇」，就係巴斯光年喺「反斗奇兵」第一集所講嘅名言。點解用「跌得好睇」嚟形容廣東話嘅先詞後曲？因為廣東話嘅先詞後曲有很多困難要克服。而最大嘅困難係--粵字九聲，限制咗旋律去向同發展。一般嚟講，廣東話嘅文本如果就咁樣一啲都唔處理就攞去譜曲，就一定好難譜得好，好難譜得成功，最主要係身體結構就唔適合作曲家去譜。所以隨便攞一首唐詩宋詞譜曲，因為身體結構嘅問題，唔適合作曲家去『飛』，最多只能夠『跌得好睇』。如果文本短啲，仲可以就吓就吓；如果文本好長，就真係難啦！

zh_TW

點用「多謝」同「唔該」？原來有咁多嘅唔同

粵講粵威水 ·

2022/09/14

對非粵語母語者嚟講，粵語有啲詞語真係好容易混淆，譬如「多謝」同「唔該」。點解釋好呢! 粵語老師William以佢嘅教學經驗，佢會先講一般解釋。一般嘅解釋都講，有攞到實質嘅物質嘅，就講「多謝」；冇攞到實質物質嘅就係「唔該」。譬如：「多謝你嘅禮物。」有人幫你開門，就會講「唔該」。咁樣講，已經涵蓋咗好多情況，不過仲係有例外。譬如有時，多謝，代表嘅心意比較重；唔該比較係舉手之勞。譬如：「多謝大家幫我慶祝生日。」而叫人順手攞樣嘢，就會講「唔該遞樽水嚟。」仲有，當嗰件事已經完成咗，先講多謝。譬如「多謝合作」，「多謝參加」。未做嘅嗰件事，就會講唔該，譬如「唔該兜埋我返屋企」。講咗好多，順便考吓大家。如果中午，同事順便幫你買飯返嚟，呢個時候，係講「唔該」定「多謝」呢？兩個意思好唔同啊？

zh_TW

平上去入、九聲六調一次過嚟講清楚！

粵講粵威水 ·

2022/09/07

粵語聲調嘅補習，主講人係粵語老師William！都話粵語有九聲六調，九聲所代表嘅就係--陰平、陰上、陰去、陰入、陽平、陽上、陽去、陽入、中入聲。換個講法，就係平上去入，平聲分陰陽，上聲分陰陽，去聲分陰陽，入聲分三個類別。而所謂陰陽嘅特色，可以講陰嘅聲調比較偏高，而陽嘅聲調比較偏低。舉例嚟講，就用394052786嚟講。 394就係陰平、陰上、陰去。 052就係陽平、陽上、陽去。 786就係陰入、中入、陽入。粵語嘅聲調，只有兩個形狀，一個係斜上去，一個就係平嘅。平上去入講嘅四個形狀，基本上係對唔上。如果想用陰平、陽平呢啲字眼嘗試還原聲調係點樣發音，咁樣對學粵語係冇咩幫助。單純學粵語嘅話，只要知道1到6聲就已經夠用。但係如果想做研究，甚至係唔同語言做對比，知道平上去入，就會比較有共同語言、比較容易溝通。

zh_TW

跟住旋律嚟唱嚟填呢個填詞法最簡單

粵講粵威水 ·

2022/08/31

前幾集講咗好多0243填詞法，大家而家識未？定係覺得越聽越難？如果你係聽咗旋律，喺填0243數字嘅時候，仲要諗邊度填2，邊度填3嘅話，唔使灰心，今集，香港資深樂評人黃志華老師，要教大家一個最簡單嘅填詞法，唔使識樂理，唔使識粵語聲調，好簡單，只要打開隻耳仔，聽住音樂旋律，跟住旋律嚟唱就得啦！好簡單𠺢，就好似有啲好聽嘅旋律，識旋律又唔記得歌詞嘅時候，好多人都會「啦」過去，唔用「啦」，淨係用「因」、「印」、「刃」、「人」呢四個相當於「三四二O」嘅代表字，跟住旋律嚟唱，唱完再諗返頭先唱咗咩字音，對應返粵語嘅幾層音高，再喺嗰層音高當中搵啱意思嘅字，咁就可以填詞啦！

zh_TW

一兩個字可以唱成首歌廣東字音嘅變化就係有咁大

粵講粵威水 ·

2022/08/24

由香港資深樂評人黃志華老師跟粵語老師William嘅對話，繼續嚟講0243填詞法喺實際應用上嘅好多變化。講真，音感真係好重要，音感好，咩樂理、聲調唔識都唔緊要，總之填到啱音又啱意思嘅字，就可以填詞。如果音感唔夠好，就需要一啲方法--譬如0243填詞法咁樣嘅方法，佢可以講話係幫唔識樂理、粵語聲調嘅人，理解粵語填詞係咩事！甚至可以幫人快速掌握粵語填詞嘅一套方法。咁雖然一直講0243，不過0243係代表字、代表音咋，想用其他字、或者其化音嚟代表都得𠺢。而0243呢四層音高，譬如3嘅音高，係3種聲調嘅組合體，包括陰平聲、陰上聲、陰入聲。4亦都係3種聲調嘅合體，包括陰去聲、陽上聲、中入聲。2係兩種聲調嘅合體，包括陽去聲同陽入聲。只有0得陽平聲自己一個，呢個亦都係0點解會用得特別少嘅原因之一。有人比較講究，會用02493，多個9，呢個係另外嘅一個派系。其實唔只9，仲有5，都會用到。如果夠犀利嘅話，394052786用九聲嚟填詞都可以，而且呈現仲會比較豐富，但係要搵到啱嘅字呀，搵唔到字填唔到詞，咁就冇辦法。廣東字音嘅變化真係好大，一兩個字都可以唱到音域超過8度。0243，將粵語九聲分成四

zh_TW

一般粵語歌嘅歌詞點解0音高字通常用得最少？

粵講粵威水 ·

2022/08/17

呢集節目，繼續由香港資深樂評人黃志華老師，同大家講解粵語歌嘅填詞。 0243四層音高嘅填詞法，雖然講將所有音分成四層音高--即係0243四層類音階，但係喺一首歌裡面，四層音高嘅使用量絕對唔係平均嘅。一般情況係--3音高字用好多，4音高字亦都好多，2音高字開始少，0音高字通常係最少嘅。睇例子就可以證明，譬如：許冠傑嘅「半斤八兩」，歌詞有兩百幾字，0音高字淨係用咗6個。仲有王傑嘅「誰明浪子心」，成首歌0音高字只有兩個。仲有達明一派嘅「皇后大盜」，0音高字只用咗一個，only

zh_TW

林子祥嘅「數字人生」歌詞嘅數字有咩意思？！

粵講粵威水 ·

2022/08/10

林子祥「數字人生」呢首歌，大家有冇聽過？裡面填嘅數字有意思呀！裡面歌詞寫「３０６２４７００３０６２４７７０.........明明刨正２３為何彈出４１誰人能夠預知４點３４價位暴升變左１００４」，裡面嘅4，都係4，不過音就差好多，後面「1004」嘅4飄到好高，連林子祥都要用假音嚟唱，咁又啱唔啱音㗎？首先，廣東話嘅字音音高，同音樂上嘅音階嘅音高配合，係一定要兩個音先有意思，先至能夠對比得出嚟係唔係啱音。一個字，其實係冇咩意思嘅，討論唔到。例如do，要填0243嘅邊一個，例如填4，me可能係3，ti可能係3，再高都係3，全部都係3，咁樣係冇意思嘅。一定要兩個字對兩個音，先可以對比到咁樣填係唔係啱音。再嚟，廣東歌要研究啱唔啱音，最基本就係要識晒相鄰嘅類音階，總共有10種。10種可以點配啲音程，就已經完全明白幾時會比較啱音？幾時比較唔啱音。喺呢10種組合，組合就係唔計次序，其中有04、23或者03，都係屬於跳進嘅組合，就係佢至少跳過咗一個類音階，譬如04跳咗2

zh_TW

0243四層音高，就夠填詞了？！

粵講粵威水 ·

2022/08/03

呢集節目由香港資深樂評人黃志華老師同粵語老師William嘅對話，帶大家嚟認識0243點填詞!! 粵語九聲六調，喺填歌詞嘅時候，用四層音高，就夠填詞了？！呢四層音高，就係0243。0243有一個學名，叫類音階，就係類似音階，但絕對唔係音階，佢有一啲啲音階嘅性質，但又完全唔係音樂上嘅音階嗰回事。類音階特點係可以漂移嘅、有彈性嘅。總括嘅一個性質就係--0243係外張內斂，0同3，一個係最低，一個係最高，2同4喺中間，畀3同0包圍，0同3因為喺外面，3無論再點樣向高音唱，都唔會走音、唔拗音。相反0，無論點樣向低音唱，都唔會走音、唔拗音。以比喻嚟講，0喺地，3喺天，天空任鳥飛，0喺地，想再往下就只有挖地道先至可以落去，係比較容易跑音。0同3都有一啲外張嘅性質，3一定比0自由好多，好用很多。3同0嘅外張能力比較強，可以唱嘅音比較多。

zh_TW

從聲調出發學識粤語歌曲嘅填詞？！

粵講粵威水 ·

2022/07/27

學粵語研究粵語，越研究越有新發現啊！粵語老師William研究粵語嘅聲調，發現粵語聲調同音階嘅⟨Do Re Mi Fa So ⟩好似。舉例嚟講，國語嘅聲調，分陰平、陽平、上聲、去聲。以「風調雨順」呢四個字嚟講，「風」係最高平過去；「調」係斜斜哋上去，由中間去到高音；「雨」係先落到最低再拉返上嚟；「順」係由最高一下落到最低。由此可以睇得出，聲調嘅高低走向係唔同，有形狀可以識別。粵語就唔係啦！無論係「三碗半牛腩飯」定係「394052」。3，由頭到尾最高；9，中間拉到最高；4，中間平過去；0，最低；5，由最低拉到中間；2，唔係最低、都唔喺中間，係次低音。咁樣就睇得出，粵語聲調嘅形狀唔係咁多，就只有平嘅，同斜嘅兩種，就好似樂譜上面嘅DoReMiFaSo。如果將最低音嘅聲調同最高音嘅聲調，順住排過去，就會排到02493，聽起嚟就好似DoReMiFaSo。其實，廣東話嘅數字，1到9聲，數晒出來，完全可以將數字擺晒入去：394052786，有辦法將數字填入去而又啱音嘅，就可以搵得到適當嘅字，填到詞囉！

zh_TW

381 results

粵講粵威水

All Episodes

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger