PODCAST

粵講粵威水

本來，這個節目在設立之時，是因為看到了一些社會事件，有感而發。譬如：2010年，中國廣東省廣州市的捍衛粵語行動。 2018年，香港教育局小學中文網頁內的一篇文章，提到粵語並非「母語」。再加上近年，港澳愈來愈多學校在校內僅以普通話及英文授課。看著港澳的年輕一輩，居然普通話說得比粵語還流利，是有很大的感觸，也有很多的思考。危機越大，求生的意志就越強。總之，「撐粵語」的這股潮流在有心人士的深入探討後，的確「粵人」講「粵語」是愈講愈有理的。而有心的話，在網路上就可以找到很多很專門的粵語研學的心得。資料是有的，不過可惜，關注還不夠多，普及也不夠。以前總愛跟大隊嗌口號「講母語」，「撐粵語」。現在更想藉這個節目，這個公開的平台，尋找這個為什麼？為什麼粵語有趣？為什麼粵語歌比較好聽？為什麼說這些就是粵樂？？？對粵文化，到底我們有多少的認識呢？或者根本除了粵語識聽識講，日常生活中見慣見熟、習以為常之外，當中的道理跟涵意，根本是完全說不出來吧！

society & culture

All Episodes

華粵學院嘅香港人信念：唔係睇到希望先走出嚟，係走出嚟先會有希望

粵講粵威水 ·

2022/03/02

喺2022年1月1號，喺美國先成立嘅「華粵學院」，成立到而家，啱啱先滿2個月。不過聲勢真係好勁，佢哋嘅創辦人--蘇貴珠老師，加埋我哋央廣粵語，已經接受過4個媒體嘅訪問；Facebook社群上嘅成員，第一個月就即刻破千。蘇貴珠老師講：「香港人都有一個信念：就係唔係睇到希望先走出嚟，而係走出嚟先會有希望。有好多人早就想做，不過唔知點做，有人帶頭走出嚟，好多人會願意跟住你一齊走嘅。」喺香港從事兩文三語教育工作已經有30幾年經驗嘅蘇貴珠老師，對推廣粵語同正體中文，一直都有強大嘅信心。蘇貴珠老師講：「我唔大貪㗎！一個人影響到10個人，10個人就可以影響到100個人。就算愚公移山，都唔一定要喺呢個年代完成我哋嘅使命。」喺「華粵學院」成立之後，從義工人數、回響、會員、互動...，甚至網友嘅留言、支持、鼓勵、建議，都可以睇到水到渠成嘅一股力量。蘇貴珠老師好感動、好開心，亦都有好多嘅收獲。蘇老師講：「我覺得我哋粵語人，就係有呢個責任。就算你冇時間、你好忙，你只要郁一郁手指，㩒like㩒share，就已經係幫手啦！」

zh_TW

粵語好多倒裝？！

粵講粵威水 ·

2022/02/23

好多粵語嘅學習者都覺得，粵語真係好多倒裝。詞語倒裝、語句倒裝、順序倒裝…咩都可以倒裝！！不過，對粵語人嚟講，真係一啲都唔覺，甚至將呢個所謂「倒裝」現象點咗出嚟之後，大家先恍然大悟，原來呢啲叫倒裝呀！因為，呢啲習慣嘅講法，已經自自然然融入講嘢當中，習慣晒，唔覺得特別喎。到底粵語係唔係真係好多裝倒？譬如：主詞嘅倒裝，「食飯未呀！你」「去咗邊呀！你」「有問題，我覺得」係喎！真係好經常會咁講。重有，語句倒裝，「你食飯先」、「食得飽得滯」、「送嘢畀佢」、「畀枝筆我」語法上、文法上，粵語嘅呢啲講法，基本上同書面語就係唔同。另外，重有詞語倒裝，宵夜—夜宵、地道—道地、力氣—氣力、隱私—私隱、質素—素質、韆鞦—鞦韆......同樣都係呢兩個字，不過就係同國語習慣嘅用法返過嚟，真係越講越得意啦！

zh_TW

教你點揀好用啱用嘅粵語字典

粵講粵威水 ·

2022/02/16

粵語字典，你有冇買過？喺以前，如果要學粵語，係應該要有本字典。咁而家呢！因為網路上面已經有好多粵字粵音嘅查詢網站，所以，如果淨係要查字查音基本功能嘅話，真係可以慳返！不過，紙本字典同網路字典嘅功能畢竟唔一樣，想學得就手、學得方便，實體字典都係有佢嘅需要！咁如果真係要買本粵語字典，要點揀呢？唔想買咗唔啱用，揀字典係有學問嘅！首先第一要睇字量，買嘅字典係要查常用字定係要查冷僻字？一般細細本、差唔多手掌大細嘅字典，收錄嘅字差唔多係5千到8千字左右；大本啲，有萬幾字。字典好多人都嫌重，鐘意買細本啲。但係，字典細本字量就少，查唔到要查嘅字，其實都麻煩。再嚟，字典裡面到底係用邊一種嘅粵語拼音！而家比較經常會講到嘅粵語拼音有好幾種，雖然而家有一種聲勢係越嚟越大，不過使用情況，基本上都係各有習慣各有喜愛。買自己睇慣睇熟嘅拼音方法嘅字典，用起嚟當然會比較方便。不過買自己冇用開嘅拼音方式嘅字典，順便可以學多種拼音方式。點揀，就睇你點睇啦！再落嚟，買字典嘅主要功用係咩呢？係一般嘅查字？定係重要攞嚟學嘢呢？呢個差別就會大啲。有好多俚語、俗語、歇後語、潮語字典……，有咗呢啲整理

zh_TW

聽讀稿就知邊度人？

粵講粵威水 ·

2022/02/09

台灣、大陸、香港，三個地方嘅新聞播報，以同樣都係報國語嚟講，闔埋眼，唔使知係邊個台，就用聽嘅，就可以聽得出係邊度嘅播報。好明顯𠺢！而家台灣嘅新聞播報，普遍都係鐘意將個key拉高小小，講嘢好快，快到好似機關槍，成個節奏感覺好快。而香港嘅播報，聲線鐘意低key啲，比較生活化啲嘅播報方式，講嘢都係快，香港節奏呀！咁當中有一派嘅播報員，每句說話嘅尾音都鐘意略略偏高小小，可能覺得比較入耳。有另一派嘅播報員，就鐘意將每句說話最後嗰個字嘅音加重，喺廣播上面，明顯可以聽到呢啲唔同派別、唔同風格。可能讀書嗰陣，傳理系嘅老師就係咁教，總之都真係幾得意。咁至於大陸嘅播報，真係一聽就覺得官腔官調，好有發言人---啫一開口就有好正式嘅感覺。你話係唔係呢？

zh_TW

壬寅虎年轉機現！？

粵講粵威水 ·

2022/02/02

經過沉悶，又不太容易的牛年，進入壬寅虎年，新的一年，讓人興奮的，看到轉機了！從運程預測來看，似乎困擾了世界兩年多的疫情，終於看到了「轉機」。如同專家們所說，與病毒共存，是我們必須面對的新生活型態。另外，經過兩年多的忍耐，新的一年，也進入一個爆發期、變動期、轉變期。轉變當然會帶來機會，不過大環境變數多，處事仍然謹慎為宜。虎年，想百無禁忌，運氣培增，也有一些小技巧，請聽命理老師紀馬鏞的講解啦！記得準備指南針或者羅盤，看清楚家裡的風水位置囉！

zh_TW

粵語，有音就應該要寫得出漢字？

粵講粵威水 ·

2022/01/26

打開字典，其實即刻就可以否定呢句説話。因為喺粵語字典裡面，喺粵拼之後，講話九聲，裡面好多都係得個圈，字典都冇寫漢字。咁唔睇字典睇應用，日常用語，基本上講得出都有辦法寫得出，不過未必都寫得出漢字啫。譬如喺網路論壇、社群平台，好多後生仔，夾雜咗符號、拼音、英文，嚟寫粵語。呢種夾雜咗符號、拼音、英文嘅表達，如果唔講係唔係正字，只要大家睇得明，其實亦都係一種標記，一種共識。粵語，有音就要寫出漢字，對一般人係難嘅。咁當然，正字流，而家都係好多人朝聖嚮往嘅一派。不過，就要睇大家嘅功力，亦都要睇一般人嘅功力，否則寫咗人哋都唔明，咁都冇意思啦！

zh_TW

「仲有」定係「重有」？邊個啱啲？

粵講粵威水 ·

2022/01/19

喺粵語裡面，經常講嘅「仲有」，好多人都習慣寫呢個「仲」字。不過，到底係「仲有」、定係「重有」？好多人都討論過，好多學者都寫過相關文章討論過添。有學者認為「重」有啱啲，以古詩十九首嘅「行行重行行」為例，裡面嘅「重」，大家係讀（誦）zung6，定係（松）cung4？讀（誦）zung6意思就係我哋行咗一段路，再行多一段路。如果讀（松）cung4嘅意思，就係我哋行完一段路，返轉頭又要再行一次。如果唔識粵語，可能就會用咗一個重覆嘅意思，咁樣翻譯得就冇咁好。呢啲都係粵語喺古文字詞上面，可以幫到我哋嘅地方。呢個您又知唔知呢？！

zh_TW

聽講粵語學習者會學到喊嘅謂語詞尾

粵講粵威水 ·

2022/01/12

咩係謂語詞尾？謂語（謂詞），可以想像成動詞同形容詞；詞尾，就係跟喺呢啲謂語後面，代表咗呢個動詞或者形容詞嘅一個狀態。英文講時態，喺華文裡面，無論係國語定係粵語，淨係睇動詞係睇唔出「時」嘅概念。譬如：讀書，無論而家「讀」，以後「讀」，以前「讀」，都係「讀」，呢個「讀」字係唔會變嘅。想表示時間，要喺句子裡面直接話畀人知幾時發生。但係狀態，係有差別，呢個時候，就會用詞尾嚟表達呢個狀態。舉例嚟講：講緊嘢、講完未？講返呢樣！食晒未？食咗飯、嚇親、搞掂......呢啲緊、完、返、晒、咗、親、掂.....就係謂語詞尾啦！粵語嘅謂語詞尾，簡單嘅就係，幾乎百搭，搭咩動詞或者形容詞幾乎都得都通嘅！譬如：食緊、做緊、拉緊、寫緊、煮緊、打緊.....係咪好百搭？難嘅地方呀！就係應用上面變化好多。而且同一個字，做詞尾係咁嘅意思，單獨用又係另一個意思，搭唔同字又有其他意思。對非粵語人，總之就係要慢慢記，慢慢累積啦！

zh_TW

李白蘇軾既然唔講粵語點解作詩會有粵語嘅口語用字？？

粵講粵威水 ·

2022/01/05

粵語淵遠流長，古人嘅詩作當中，就用咗好多粵語日常用字？？？到底係唔係呀？？舉例嚟講，杜甫：「朱門酒肉臭，路有凍死骨」嘅「凍死」。蘇軾：「寧可食無肉，不可居無竹，無肉令人瘦，無竹令人俗，人瘦尚可肥，士俗不可醫」嘅「食」字同「肥」字。仲有，李白：「人生得意需盡歡，莫使金樽空對月」嘅「樽」字，呢啲字，都係粵語口語先會用嘅日常用字。另外，仲有好多好多詩詞嘅例子呀！聽過網路上係有咁嘅流傳。不過其實，所謂粵語用語嘅呢種分嘅方法，係用而家嘅方法嚟分。如果追溯以前，例如「肥」呢個字，「肥」字喺以前係解釋為好多肉嘅動物，比較少用嚟形容人，後來先從動物用到人嘅身上。而普通話而家比較常用「胖」呢個字，「胖」呢個字以前係指半邊嘅肉，本來嘅意思係半邊祭祀用嘅肉，後來先慢慢變成形為一個人嘅體型比較大。「肥」、「胖」兩個字嘅源頭係唔一樣嘅。如果以比較學術嘅講法，同一個時代係唔應該有兩個字係一模一樣嘅意思。因為如果係一樣嘅意思，就唔使做第二個字出嚟。講咁多，重點就係，無論係粵語定係普通話，或者叫國語，好多好多字從好耐好耐以前就有嘅啦！有啲字可能係唐代用嘅，有啲字係喺宋代用嘅，但係到咗而家現代，通通都有通通都

zh_TW

用母語學習永遠係最好嘅

粵講粵威水 ·

2021/12/29

普教中好啲？定係粵教中好啲？好多人睇到呢個標題就火滾......，冷靜冷靜。對呢個問題，好多人鬧又鬧過，辯論又辯論過，社會上呢？依然係信者恆信，不信者恆不信。總而言之，無論教育政策係決定點樣？基本上，大家一定要知道嘅係：語言係冇好同唔好之分。而用係教育上，從學理同學術上，亦都無辦法判斷邊種語言好啲，邊種語言冇咁好。咁至於用咩語言學習係最好？根據第一線的中文系老師的經驗認為：用母語係最好，因為熟悉容易記憶，容易理解，好溝通。其實，喺香港中文大學嘅中文系，從學士到博士，除咗普通話呢一科係一定要用普通話之外，其他所有領域、所有學科，所有研討發表，冇科目係唔可以用粵語嚟學嘅。人哋高等教育都冇呢個語言使用嘅障礙同限制，點解初等教育、中等教育就有其他嘅諗法呢？因為講到教育政策已經唔係學術嘅問題，係......大家都明白嘅問題。

zh_TW

台港陸嘅譯名你鐘意邊個多啲？？

粵講粵威水 ·

2021/12/22

台灣、大陸同香港，所用嘅語言同文字，雖然同源同宗，不過因為歷史文化背景嘅不同，再加上發音嘅影響，令到兩岸三地係好多譯名上面，有好多嘅唔同。有陣時一比之下，仲會覺得好得意。譬如：美國前總統Trump，台灣譯川普，香港同大陸都譯特朗普，其實喺社群同論壇上面，香港人鐘意叫佢侵侵。咁Hillary，大陸譯希拉里，台灣譯希拉蕊，至於香港，有傳媒用希拉里，亦都有傳媒用希拉莉。地名方面，譬如加拿大魁北克省嘅Montréal，大陸譯蒙特利爾，香港原本譯滿地可，不過而家好多傳媒都跟住叫蒙特利爾，台灣嘅譯名叫蒙特婁，係唔係差好多？喺譯人名嘅時候，台灣傾向用漢族嘅姓嚟翻譯外國人，台灣譯嘅人名，儘量頭一個字都會攞返個漢姓。而香港譯名，受粵語發音嘅影響好大。另外，喺音節嘅取捨，台灣譯名一般唔會譯太長，兩、三個字；而大陸譯名就鐘意將每個輕重音節都儘可能表現出嚟。

zh_TW

田僑仔閩南語譯粵語一樣成頭煙

粵講粵威水 ·

2021/12/15

喺台灣生活，台語點樣都唔少得。就算唔係好識，生活中自自然然都會接觸到。譬如：去街市買餸、同老人家傾偈、日常對話、甚至睇新聞...，越生活嘅地方、年紀越大嘅人、基本上越南部，台語嘅比例都會越高。就連國語頻道、國語新聞、國語稿，有啲生活中習慣用開嘅台語字詞，就係會夾雜其中。呢個當然係台灣特色，台灣本地人聽起嚟應該係更親切。不過對外地人，或者做翻譯嗰陣，有冇更粵語嘅講法呢？舉例嚟講，譬如：「田僑仔」，意思就係擁有好多田地，靠地價暴漲而致富嘅土財主。粵語譯做土豪、暴發戶、定係土財主？但係呢三個詞似乎都唔係粵語本嚟有嘅講法。仲有「吃人夠夠」、「打拚」、「鬥陣」、「踹共」、「抬槓」、「開講」、「俗辣」、「白目」、「一卡皮箱」......，呢啲台語，要譯做粵語書面語都唔難，網路上查都查到。但係，對於有啲似乎係嚟自大陸嘅詞句，有啲粵語人係反感嘅。因為佢地覺得應該用粵語自己本身有嘅講法。如果要譯到好有粵語口語特色，兼夾字數又要差唔多，咁就有啲頭暈啦！！

zh_TW

到底粵語韻母嘅元音有冇長短之分？

粵講粵威水 ·

2021/12/08

粵語韻母嘅元音，到底有冇長短音之分，定係根本唔同音呢？呢個的確係比較大嘅爭議點。譬如：啱aam1同庵am1，啱嘅aa發音好長；庵，a嘅發音部分，發咗少少，個嘴唇已經即刻合起嚟。用呢個方式就可以分得出嚟，邊個元音係長！邊個係短！呢個係一派嘅睇法。另有一派嘅學者認為：所謂長短嘅元音，譬如aa同a音，其實係開口大細嘅差別，嘴唇拉開嘅寬度嘅差別，拉大啲就好似長啲，其實口型根本唔係咁一樣。對粵語拼音比較熟嘅人，您又係邊一派呢？總之，以實際學粵語嚟講，口型唔做足發音就會受影響。咁如果真係想搞清楚元音，無論話佢係長短音、定係唔同口型，可以將啲音拖長嚟發。譬如：啱aam1、am1庵、靴hoe1、鋸goe3、中zung1、莊zong1、咬ngaau5、勾ngau1......，拖長嚟發，差異會放大。如果已經識拼音，耳仔又比較靈嘅話，就已經聽得出差別。拖長嚟發音，拖長嘅係元音嘅部分，就表示呢個元音可以長，如果拖長係韻尾嘅部分，就代表呢個元音只能短，呢個係一個分辨嘅方式。聽到嚟呢度，係唔係已經頭暈？代表粵語可以學嘅，仲有好多囉！

zh_TW

粵語人點樣先可以寫出靚嘅文字表達？學普通話不如多睇書

粵講粵威水 ·

2021/12/01

粵語人點樣先可以寫出好文章？有人話學普通話，識講就識寫！？？首先即刻要討論嘅問題就係--普通話到底等唔等於書面語？其實都唔完全等於，因為有好多普通話嘅口語使用，如果直接寫入文章，都會唔夠靚或者唔夠優雅。粵語人想寫好書面語，最有用嘅方法都係睇書，既然寫喺書面上，睇書最直接。講，無論講咩語言，都係口講，兩種未必一樣嘅！再落嚟，一個好重要嘅觀念就係--粵文寫作，係粵語人最能夠表現我哋日常情感嘅表達。我哋係咁樣講嘢，我哋有呢個語氣，書面語點樣都轉咗一重，有啲嘢真係表達唔到嘅。而寫文章，最重要嘅就係表達到情感，表達到想傳遞嘅訊息。無論係書面語定係粵文寫作，要探討嘅應該係--到底點樣寫先係靚嘅表達，一寫出嚟就令人好有感覺、好有畫面。書面語嘅創作，以數量嚟講畢竟比粵文多。就算係粵語社會，由細到大，從學校到社會，書面語嘅使用都比較多。書面語點樣係靚嘅文字，靚嘅表達，一般人比較有概念。而粵文靚嘅表達，仲需要更多粵文作家嘅創作貢獻、出版傳播嘅推廣、大眾嘅使用.....

zh_TW

唔好再講李白杜甫係用粵語作詩啦！係粵語保留比較多古漢語特徵

粵講粵威水 ·

2021/11/24

古代詩人係用粵語作詩，呢個講法可能好多人喺網路上都聽過，但經過好多學者研究之後嘅結論係：古代詩人用粵語係不當嘅講法、不當嘅講法、不當嘅講法，所以唔好再咁講啦！不過，講粵語保留比較多中古漢語嘅特點就係可以嘅。喺漢語演變當中，有好多特徵會散落喺各種方言，保留或演變有好多原因，南北都可以存古，但南方往往遠離政治核心，語言改變就冇咁容易受影響，所以存古嘅部份會比較多。另外，因為一般南方語言，譬如粵語、湖南話、江浙話等都有入聲。而北方話沒有入聲。所以南方人學詩係唔係真係比較容易上手？粵音讀詩真係比較好聽？好唔好聽呢個講法，其實係主觀感受，但比較仔細嘅聲調區分可以令詩歌起伏韻律更明顯，就係事實。至於學詩比較易，單論入聲已經係極大差異，非南方母語者即使識粵語，亦都對入聲冇咁敏感，所以喺格律上，係可以咁講嘅。

zh_TW

自學粵語123！望粵語成為台灣主要語種之一

粵講粵威水 ·

2021/11/17

2019年，108新課綱上路，小學生可以揀嘅本土語言，除左本嚟將近嘅二十種語言之外，仲加多左越南、印尼、泰國、緬甸、柬埔寨、馬來西亞同菲律賓七種新住民語言可以揀嚟學。粵語，有冇可能都成為台灣新住民語言嘅一種呢？或者人數夠多就有可能啦！所以，就算喺台灣都要用粵語，而非粵語人，都鼓勵大家學粵語。自學粵語係可以，不過想學得好係有方法嘅！首先，雖然好多人嫌煩，不過想學好粵語，粵拼仲係要學。學粵拼，一開始可能覺得有啲無聊，ee呀呀，冇對話，覺得好冇成就感。不過學左粵拼，後面學起嚟會快好多。另外，請諗盡辦法打開隻耳仔，聽清楚粵音嘅發音，係咩音，點樣發出嚟㗎！呢個......其實唔容易，而點解學語言有老師帶住會學得比較好，就喺呢度！有經驗嘅傳授，會慳返好多摸索時間。仲有，學發音嗰陣，口型可以誇張一啲。誇張嘅口形，可以幫助自己嘅記憶；誇張嘅口型，亦都會令字同字之間發音嘅差異拉開，咁就會比較清楚，音係點樣發出嚟㗎啦！最後，至關重要嘅一點，就係一定要有對話練習嘅機會同環境，呢個真係好重要！語言就係要講要用，講得多聽得多就識啦！希望有朝一日，粵語都可以成為台灣校園本土語言嘅選修語之一。

zh_TW

加個「口」字邊就係粵字？你係公廁？定係你喺公廁？

粵講粵威水 ·

2021/11/10

有人覺得，加個「口」字邊就係廣東字？喺、咗、咩、㗎、嗰、嘢、嘥、嗌、呃、噉、咁、啲、嚟.......！咁樣數起嚟，粵語真係好多「口」字邊啲字！點解會咁多「口」字邊嘅字？有人講，因為文字嘅演變，唔好用嘅本字逐漸被遺忘改良。亦都有人講，粵語裡面本嚟好多字都係有音冇字。總之為咗補返呢啲窿，就需要造字。咁粵語裡面有好多表達語氣、表情嘅字，所以就用類似嘅音，再加個「口」字邊，就變成粵字。有「口」字邊同冇「口」字邊，意思係唔係一樣？「係、喺」「架、㗎」「左、咗」「野、嘢」「黎、嚟」「地、哋」...？咁樣講唔明顯，舉例嚟講，譬如：你係公廁？定係你喺公廁？呢個例子，可以講非常明顯講出差別。有冇「口」字邊，其實有啲意思差好多，有啲算係通用。咁點先知啱唔啱！無他，睇多啲就識。寫多啲，真係唔啱，自然有人會指正你嘅啦！老實講，就算係粵語人從細都冇咩機會學寫呢啲粵字，學校亦都冇教過，大家就寬容啲、再加小小好奇，睇多啲寫多啲，就識㗎啦！

zh_TW

口音可以變可以改！精益求精令人聽唔出唔係本地人

粵講粵威水 ·

2021/11/03

喺台灣住得越嚟越耐，有陣時喺心裡面會自己咁樣玩。就係開口同唔識嘅人講嘢，講幾句先俾人問：「你不是台灣人啊？」「那裡來的？」......，如果講到人地聽唔出自己係外地人，都會有小小開心！哈哈哈！（可惜國語仲未講到咁嘅境界！）其實呀！非本地人，或者非母語者要講到同母語者一模一樣，聽唔出口音真係唔容易。雖然唔容易，仲係有方法，而且係可以做到嘅！想改口音嘅人，以漢語系語言嚟講，想學咩口音，呢啲方法都可以參考啊！首先，口型要做足，捲舌音有冇捲舌，有冇鼻音......，要冇口音，口型絕對要做足。再嚟，以粵語、國語、閩南語或者客家話呢啲漢語系嚟講，聲調係容易學但又好容易亂嘅部分。明明已經背熟聲調，點解自己嘅調硬係同人唔同？呢個時候可以學多樣嘢叫「調值」，啫聲調嘅高低、升降、曲直、長短嘅形式。調值最高標示為5，最低標示為1。國語一聲，調值是55，由頭到尾都最高，第三聲變成214，一開頭低再低再高返上去。知道咗調值之後，再跟住調整自己聲調嘅變化。再落嚟，從一二三四五六七八九十呢十個音，比較出自己啲音，同你想模仿嘅口音之間嘅差別，再按住同樣嘅規律嚟慢慢練。想變口音，簡單講係呢3個技巧，不過真係要

zh_TW

粵語到底有冇文法？

粵講粵威水 ·

2021/10/27

有人覺得粵語語法好簡單，甚至簡單到冇文法！？譬如有粵語人會講，從細未學過咩文法就咁講㗎啦！有文法咩？亦都有人講，粵語唔似英文，英文有時態，時態就已經好麻煩。仲有，粵語更唔似好多其他語言，要分「性」，又或者唔同人稱、單眾數動詞又要跟住唔同。粵語冇咁複雜嘅呢啲嘢嘅！首先，有語言會冇文法或者冇規則咩？譬如：「我食左飯！」「飯食左我！」「左我食飯！」同樣四個字，唔同嘅排列組合，係有唔同意思，所以證明粵語係有規則嘅！硬啲嘅規則就係文法，冇咁硬嘅規則就係習慣。咁至於時態，粵語淨係睇動詞係睇唔出「時」，要表示時間，粵語好單純會直接加時間。而「態」，係有嘅！動詞後面嘅「緊」、「晒」、「完」、「左」...呢啲，就表示左動詞嘅狀態。另外，粵語喺講嘢嘅時候，語音本身亦都有特定的規則而語音學係語法嘅其中一個部分。總之，講嚟講去，粵語梗係有文法，尤其粵語嘅口語，係有自己一套規則嘅語言，乜嘢都從普通話直接譯過嚟，係唔得嘅！

zh_TW

聽粵曲學粵語嘅「露字」技巧

粵講粵威水 ·

2021/10/20

有冇覺得識得唱粵曲嘅人，一開口真係零舍唔同。因為至少，粵語講得就特別正、特別清楚；而且講嘢都好有聲！？唔覺！去網路上面搵啲粵曲粵劇嚟聽吓啦！唱粵曲講求字正腔圓，所以「露字」就好重要。「露字」，就係演員喺說白或者唱曲嘅時候，聽眾可以清楚聽到每一個字。簡單嚟講，就係咬字發音清晰。再配合詞曲嘅韻調拍子，粵曲要露字，比起講嘢可以講係仲難。不過，當中好多技巧又係類似嘅！譬如講，要咬字發音清晰，一開始練習嘅時候，除左發音需要郁到嘅嘴型變化之外，唔好有太多嘅表情。（真係㗎！表情係會影響發音，不過等熟到成為習慣就唔會有影響㗎啦！）另外，要放鬆，唇牙舌齒喉一概放鬆，除左發音需要用到嘅部位郁之外，其他都唔好多事，唔好亂郁！尤其上唇、唇啄、兩顎，好多人都有一啲長年養成嘅習慣，一發音，嗰嘴周圍成日亂郁，一亂郁，或者唔夠放鬆，都會影響發音。仲有，想講嘢清楚，黐脷、縮脷、?脷、嘴型，呢啲問題都要注意。點注意？真係個個人問題唔同。總括嚟講，就係先講嘢慢啲，認真講每個字，一開始可能會亂用力，嘴型跨張左啲，慢慢練熟就要收，收力、收嘴型，啫除左有聲有氣字咬得準之後，仲要樣靚！講咁多，明唔明呢？唔明就睇多啲聽多啲

zh_TW

381 results

粵講粵威水

All Episodes

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger