PODCAST

粵講粵威水

本來，這個節目在設立之時，是因為看到了一些社會事件，有感而發。譬如：2010年，中國廣東省廣州市的捍衛粵語行動。 2018年，香港教育局小學中文網頁內的一篇文章，提到粵語並非「母語」。再加上近年，港澳愈來愈多學校在校內僅以普通話及英文授課。看著港澳的年輕一輩，居然普通話說得比粵語還流利，是有很大的感觸，也有很多的思考。危機越大，求生的意志就越強。總之，「撐粵語」的這股潮流在有心人士的深入探討後，的確「粵人」講「粵語」是愈講愈有理的。而有心的話，在網路上就可以找到很多很專門的粵語研學的心得。資料是有的，不過可惜，關注還不夠多，普及也不夠。以前總愛跟大隊嗌口號「講母語」，「撐粵語」。現在更想藉這個節目，這個公開的平台，尋找這個為什麼？為什麼粵語有趣？為什麼粵語歌比較好聽？為什麼說這些就是粵樂？？？對粵文化，到底我們有多少的認識呢？或者根本除了粵語識聽識講，日常生活中見慣見熟、習以為常之外，當中的道理跟涵意，根本是完全說不出來吧！

society & culture

All Episodes

國語翻粵語翻到一頭煙--專有名詞篇

粵講粵威水 ·

2021/10/13

喺台灣住耐左之後，就算母語係粵語嘅人，有陣時都忍唔住自己笑自己話：「國語已經講唔正，估唔到而家連粵語都講唔正。」最經常嘅情況就係，兩溝，講國語有粵語腔，講粵語又撈左國語音。笑一笑，自我解釋講返句：「好耐冇講粵語啦！好耐冇人同我講粵語呀！」喺台灣，其實真係冇咩機會講粵語。就算平時有人同你講，係會講得順啲，不過一開口，仲係自然會溝左好多國語化字詞，譬如：吐司、草莓、鳳梨、柳丁、烤肉、水果、老師、貸款......。尤其嗰啲名，無論係人名、地名、專有名詞......。平時講慣聽慣國語，霎時之間翻做粵語，仲唔識講添！就算?起心肝要翻，有陣時仲真係唔識翻。譬如：鳳梨啫菠蘿，呢個冇問題，咁鳳梨酥呢？仲有咩牛奶鳳梨、金鑽鳳梨、鳳梨產銷班，乜乜烤肉店。仲有柳丁，人地話柳丁啫係橙，但其實柳丁同橙唔係同一種品種，口味根本差好多呀！...已經係品種嘅名、舖頭名、公司名，標語、口號......翻左又係唔係同一個意思呢？

zh_TW

好多好用嘅粵語學習資源你又用慣邊幾個？

粵講粵威水 ·

2021/10/06

就算粵語係自己嘅母語，你覺得自己對粵語就好識？而家已經有越嚟越多人重視本土文化、注意到本土自己嘅語言。咁亦都好彩有網路，有好多嘅平台，無論係Facebook、Instagram、YouTube......。對於做呢啲網路平台，就藉喺Instagram已經擁有18萬多粉絲嘅「香港。字典」為例，佢嘅創辦人Char就以自己嘅經驗話俾大家聽，「有好嘅品質，堅持做落去，遲早俾人睇到，不過最重要有好嘅品質。」以粵語嚟講，而家網路上就已經有好多好實用嘅粵語學習資源，譬如：香港語言學學會粵語拼音方案 https://jyutping.org/jyutping/ 黃錫凌「粵音韻彙」電子版 https://humanum.arts.cuhk.edu.hk/Lexis/Canton/ 漢字→廣東話/粵語拼音轉換工具 https://hongkongvision.com/tool/cc_py_conv_zh 粵語<--->普通話翻譯器 https://shyyp.net/hant/translator?x=JUU0JUJEJUEwJUU1JTkwJTgzJUU5JUE

zh_TW

傳媒好似就係鐘意何文匯嘅音？！

粵講粵威水 ·

2021/09/29

香港中文系教授何文匯，從1980年代就一直好努力推動粵語嘅正音運動，佢出版過唔少書，亦都主持過好多電台同電視節目，講嘅都係粵語嘅正音。咁何文匯推嘅到底係唔係「正音」？老實講，支持同反對嘅人一直分成好唔同嘅兩派。咁總之，以香港嘅普遍使用度嚟講，都真係幾得意。一般市民，似乎對何氏發音唔係好受落。不過，喺香港傳媒，無論係電視、電台，抑或係辯論比賽、朗誦比賽，似乎何氏發音又好受到推崇。喺呢啲類似場合，就可以聽到何氏發音對粵語「正音」所帶嚟嘅「貢獻」。傳媒同公開場合比較鐘意何氏發音，係因為佢係中文系嘅大教授？定係經過研究比較之後得出嘅結論？以後咩字讀咩音，或者大家都可以多查字典，雖然有陣時越查會越莫衷一是，問題更多，但肯定會令到大家對粵語有更多認識。

zh_TW

喺香港，到底聽咩睇咩先至係貼地呢？

粵講粵威水 ·

2021/09/22

曾經，好多非粵語人接觸到粵語，學到幾句唔鹹唔淡嘅粵語，都係從流行文化開始。從聽粵語歌、睇粵語電影、仲有曾經風靡大江南北嘅好多港劇。香港，的確將粵語嘅流行文化推向極致，創造左好多大家嘅共同回憶。而家，雖然多左韓劇、陸劇、歐美劇嚟搶風頭搶地盤，不過以粵語嘅流行文化嚟講，香港依然都係喺領導地位，點都要講到香港。喺香港，到底而家最興係睇咩聽咩呢？聽咩睇咩先至係貼地呢？睇，係咪要睇「Viu TV」，睇「大叔的愛」、「超感應學員」...；追星，要追MIRROR、Error。聽，就要聽林家謙、陀地歌姬Serrini...；仲有YouTube頻道「試當真」...，係唔係呢？其他仲有呢？喺呢啲流行文化當中，粵語真係發揮得淋漓盡致、精彩多變，充滿左無限嘅生命力！對粵語有興趣嘅，又點可以唔關心呢啲流行文化呢！

zh_TW

粵語同普通話以後嘅音會唔會越嚟越接近呢？

粵講粵威水 ·

2021/09/15

由於普通話嘅普及，好多粵語詞語已經越嚟越普通話化。而讀音方面，驟耳一聽，似乎亦都多左一啲越嚟越接近普通話音，或者講越嚟越接近國語音嘅一啲音。譬如浪濤啲濤tou4，而家好多人讀tou1，聽多左，自己都搞唔清楚係tou4定係tou1。呢個時候就需要一啲習慣講法嚟捉返個音，譬如香港知名藝人鍾鎮濤tou4，咁就記得係濤tou4啦！仲有彌，呢個字更分歧啦！有人讀nei4，有人讀mei4，有字典話nei4係mei4嘅異讀音。不過記得以前讀書，Miss、阿Sir都係教nei4，而更多人係講lei4，n/l不分，好多人都係咁嘅啦！咁點解會有呢啲音呢？有人話，同普通話逐漸普及化有關；有人話，同香港學者何文匯有關，多得佢嘅落力正音，而佢嘅音，一向似乎係向普通話接近。呢啲越嚟越接近普通話音嘅粵語音，大家有冇注意到呢？

zh_TW

粵語嘅文白異讀學起嚟都幾頭暈

粵講粵威水 ·

2021/09/08

文白異讀係方塊字嘅一種特有現象。所謂文白異讀，就係同一個字有兩種讀音：文讀同白讀。文讀就係讀書、讀文章嘅音；白讀，就係講嘢嘅時候，口語化嘅音。有學者講，粵語文白異讀嘅字差唔多有三百幾個，相對閩南語嚟講，已經唔算多，亦都簡單好多。無論學者覺得：粵語嘅文白異讀幾咁相對簡單都好。有文白異讀，就係有啲變化、有啲複雜、有陣時亦都有啲模棱兩可。譬如，好經常會用到嘅「聽」，文讀係ting3 、白讀係teng1。基本上，當動詞，淨係一個字咁用嘅時候，會講teng 1；而成個詞語嘅時候，會講ting3。例如：聽眾、聽友、傾聽、聆聽......，呢啲都算好分，因為經常聽到。咁聽力呢！係teng

zh_TW

潮唔潮？開口就知囉！？

粵講粵威水 ·

2021/09/01

以前講三年一代溝，而家如果冇上網，冇上討論區冇玩社群冇睇片，會唔會一年就已經係一條溝呢？淨係講嗰啲潮語，潮語啫所謂潮流用語，每年都有新潮語，咩WFHF、siu4、粥、鏡粉、壞過凱婷、栗米六粒飯、見字飲水、世一、行山銀行、OP......有啲同時事有關，有啲係諧音、有啲係縮寫、有啲仲有典故添。跟唔上潮流嘅話，可能真係有啲聽唔明，或者以為自己聽明，其實未必完全係同一個意思。舉例嚟講吓，譬如「粥」，此「粥」非彼粥，「what a 粥」「you are a

zh_TW

「香港。字典」解釋抵死又有啲好笑

粵講粵威水 ·

2021/08/25

「搵食--唔少人掛住搵，卻連食都唔記得」「CD--以前係用黎聽，依家係用黎收藏」「分組活動--最快搵出班上邊緣人嘅方法」以上睇左之後，會令人忍唔住笑出黎嘅解釋，都係出自「香港。字典」。「香港。字典」解釋嘅唔係字面意思，而係嗰個狀態、嗰個感覺。如果唔係當地人，或者感覺狀況真係唔同。就好似搵食嚟講，講話「民以食為天」，香港人係識食嘅，好多好嘢食，不過經常唔得閒食。台灣食飯好準時嘅，好多舖頭淨係做中午同晩飯時間，做完午飯，晏晝2點要休到5點先再開舖，5點開始晩飯時間，8點執嘢收舖囉！香港夜晚8點，未開飯嘅人仲好多，擺酒去飲都要9點先開席啦！所以係唔係「搵食--唔少人掛住搵，卻連食都唔記得。」

zh_TW

台灣有本土語言課咁港澳同其他講粵語嘅地方照辦煮碗得唔得？

粵講粵威水 ·

2021/08/18

台灣從民國90學年起，啫2001年起，小學生喺學校就必須要揀一種本土語言嚟學（本嚟以前叫鄉土語言，後來改叫本土語言），呢啲本土語言包括有：閩南語、客家話、另外仲有十幾種嘅原住民語。實行左18年之後，喺兩年前，108新課綱上路，小學生可以揀嘅本土語言，除左本嚟將近嘅二十種語言之外，仲加多左越南、印尼、泰國、緬甸、柬埔寨、馬來西亞同菲律賓七種新住民語言可以揀嚟學。一開學嘅時候，每個小學生都會收到一份本土語言意願調查表，加加埋埋二十幾種語言，任小學生揀一樣嚟學。大家諗諗，一個小學雞，可能連調查表裡面嘅字都未識得晒，就可以有咁多種語言可以揀嚟學，真係眼花撩亂，好新奇、好得意。雖然，對於咁樣嘅本土語言課程，好多人係好有意見。因為係一個星期一堂課，有人覺得根本冇用；有人覺得嘥時間；有人覺得師資唔夠；有人覺得學好英文先講......反對嘅意見都好多好多。不過從實際嚟睇，小朋友一堂一堂咁學，日積月累，其實係有學到嘢。大家都知道，識講閩南語嘅人，未必識用閩南語讀書，睇住小朋友從唔識閩南語，到可以用閩南語讀有教到嘅嗰啲課文，身為家長，都覺得好有成就感㗎！講咁多到底想講咩呢？就係想講，以粵語為母語

zh_TW

粵文寫作比較通俗？？

粵講粵威水 ·

2021/08/11

以前，大概二、三十年前，仲有一個好刻板嘅印象，就係覺得通俗作品先會用粵語寫，可能係受到處買得到嘅八卦雜誌所影響，定係從細學校唔教，唔俾寫嘅影響？？總之，當年嘅八卦雜誌係學粵字最容易攞到嘅教材，唔睇都唔知原來好多粵音嘅字係咁樣寫㗎！粵文粵字真係比較通俗，比較市井？？粵語，喺日常生活中，係講咩都得，意思啫講，粵語係冇嘢唔可以講。粵語可以講政治、講學術、上堂、講功課、詩詞歌賦...甚至港澳特首嘅施政報告、議員質詢，通通粵語都係暢通無阻，生動自然，一聽就明。既然粵語可以講任何嘅話題，講任何嘅事情。粵文，用粵語嚟寫嘢，我手寫我口，咁又點會粗俗！又點會淨係可以寫通俗作品。或者最大嘅關鍵都係寫嘅人，寫嘅人嘅文學素養、寫作能力、作品嘅定位、粵文粵字嘅掌握能力；仲有，睇文嘅人嘅刻板印象...... 不過好彩，喺呢十幾年嚟，成個狀況已經變左好多。而家嘅粵語人，喺日常聯絡、廣告甚至文學創作，已經用粵語寫多左好多。係多左，不過仲唔夠多，仲係需要繼續努力同推廣。

zh_TW

粵文粵字越寫越有feel

粵講粵威水 ·

2021/08/04

粤語地區嘅人，講係講粤語。寫，經常都係寫書面語，尤其愈正式嘅文件、或者年齡比較大嘅人，愈寫書面語。咁都好多原因嘅！其中一個好重要嘅原因就係唔識寫。粵字，學校根本唔會教。而以前，大概二十幾年前，市面上亦都冇乜粤字詞典，冇人教、冇地方學。所以以前、甚至而家，就算寫粵語，仲係會英文字、同音字，咩都撈埋一齊寫。咁樣亂寫，係有人鐘意捉字虱。不過呢個其實係好有活力嘅展現，亦都可以講係過渡嘅寫法。語言、書寫，志在溝通。當一班人已經認同左呢個用法，習慣晒，一咁樣寫、一咁樣講，大家即刻就明嘅，呢個就已經係一個標準。呢個係由下而上慢慢凝聚共識，而得出嚟嘅規範，或者係標準。譬如，呢啲個「啲」字，而家大家都識寫，要輸入一打就有。以前，電子輸入根本冇呢個字，好多人都將佢寫成英文個「D」字。如果寫本字，呢個「啲」嘅本字，應該係水滴的「滴」，而家如果咁樣寫，肯定會令人好容易混淆、好陌生，而且亦都未必接近「啲」字嘅讀音，冇左一種好直觀嘅感覺。咁樣其實係增加左溝通上、表達上嘅阻礙，咁樣又係唔係好事呢？粵語嘅書寫環境，好彩喺呢十幾年嚟，真係好左好多。網路上多左好多粤語嘅學習資源、粵字字庫嘅建立，粵語寫嘅詩歌、文章作

zh_TW

香港粤語嘅前世今生

粵講粵威水 ·

2021/07/28

香港人講粤語，咁香港人而家講嘅呢種--大家聽慣嘅粵語口音，到底係從何而嚟？呢個真係要講吓歷史。首先，香港係開埠之前，原居民有四大族群，包括：香港圍村人，啫圍頭人，圍頭人講圍頭話；疍家人，啫水上人，水上人講疍家話；客家人，客家人講客家話；鶴佬人，啫閩南人，閩南人講鶴佬話，各講各嘅語言。咁係香港開埠之後，因為太平天國戰禍嘅影響，好多華南人湧入香港，呢個係香港粤語嘅雛形。到左1949年前後，再到50、60、70、80年代，因為政局因素、經濟發展、搵錢搵食，陸陸續續，好多上海人、江浙人、潮汕人、廣府人、寶安縣人、粤西人...，無論係偷渡，定係申請批准，一批批各地口音嘅人，或前或後去到香港，經過時間，經過自然演變，而揉合成而家嘅香港粤語。咁樣嚟睇，香港口音應該係好雜先啱，點解會出現而家愈嚟愈單純統一嘅狀況？呢個一定要多得60、70年代開始，香港勁到爆嘅流行歌影視文化同傳媒。香港嘅電視、電台、電影、流行歌...，係大肆傳播之下。聽住電台、睇住電視大嘅呢一輩輩嘅人，自然學晒傳媒所傳播嘅口音。再嚟，香港生活壓力大，大概都係原因之一。粤語係香港嘅生活語言。當年，大陸

zh_TW

冇粤語嘅生活環境廣州粤語早就危危乎！？

粵講粵威水 ·

2021/07/21

講到粤語，喺好多字典詞典裡面，經常有句就係講話：「粵語以廣州話作為代表音」。到底廣州音係點㗎！廣州音就準？！老實講，喺接觸當中，真係遇過有啲廣州人，字正腔圓，一開口就好似播音員一樣，咁樣嘅粤語都真係幾好聽。不過，同樣住廣州，粤語口音都有好大嘅落差。呢個狀況都好容易理解。首先，廣州都有唔同嘅口音，比較經常提到嘅口音就有東山口音、西關口音；仲有南海、番禺併入廣州之後，混撈嘅口音；同埋廣州向外延伸嘅其他講粤語嘅地方，譬如石歧、香山、順德、台山...互相影響之下，大家數吓，呢度已經有幾種口音？約定俗成，一般講作為粵語標準音嘅，大概都係指廣州老城區嘅口音。不過，而家廣州外省人愈嚟愈多；學校、正式場合都係講普通話，貪方便、大家遷就大家，講普通話講得比粤語仲多。就好似南寧，佢地叫粤語做白話，而家係老人家先識講，新一代，如果屋企唔講，根本都唔識啦！所以，長此落去，如果屋企唔堅持，其實再過一、兩代人，喺廣州，唔好講粤語「標準音」，就連粤語，識嘅人會有幾多？而呢句「粵語以廣州話作為代表音」大概亦都會成為以前，想當年嘅事囉！

zh_TW

粵語變調，開口就知係唔係本地人？！

粵講粵威水 ·

2021/07/14

咩係變調？變調就係喺特定語句嘅時候，會讀另一個調；但係單獨用嘅時候，又會讀返本調。變調喺有聲調嘅語言裡面，係經常有嘅情況。喺粤語，最經常睇到嘅變調有：一、變調之後，讀成第二聲。譬如：耳環--耳綰（ji5 waan4--waan2）男人--男忍（naam4 jan4--jan2）眼鏡 --眼頸（ngaan5 geng3--geng2）二、變調之後，讀成第一聲。譬如：今晚（gam1 maan5-- maan1）自己--自機（zi6 gei2--gei1）一個人--一個因（jat7 go3 jan4--jan1）工廠妹（gong1 cong2 mui6--mui1）三、仲有一類，就係疊字類，或者唔知點歸類嘅呢一類。譬如：爸爸（ba1--ba4 ba1）媽媽（ma1--ma4 ma1）哥哥（go1--go4 go1）家姐（ga1 ze2--ze1）細妹（sai3

zh_TW

三碗半牛腩飯394052 背熟口訣學粵語六聲

粵講粵威水 ·

2021/07/07

粵語嘅聲調，先生教落，只要背熟「三碗半牛腩飯」，或者「394052」，九聲就係「394052786」，背熟呢個旋律，一個個音套入去，搞掂。但係，好多人背左呢幾句，都係搞唔掂粵語聲調，到底點樣分呀？如果真係要講秘訣，首先，發音要發得清楚，仲要好誇張咁將細微嘅差異放大，差異出嚟，先至會對得上音。都係覺得難？係呀！有啲音聽落好似，都真係幾唔容易分。譬如講：寫se2信嘅寫，係從中間到最高；社se5會嘅社，係從最低到中間。兩個發音都係慢慢斜上去，一個起步點高啲，一個起步點低啲，分唔分得出呢？如果係粵語人，講粵語明明識講，套返入呢個旋律，居然搵唔返幾聲？唔奇?！冇學過少練習呀！而且當中亦都有可能係：一、本身細個學粵語嗰陣，就冇將聲調分得好清楚，將一啲聲調當作係一樣嘅發音。二、唔熟嘅字，音唔熟，聲調就容易搞錯。總之，粵語人又好，非粵語人又好，聲調要分得清楚，都係要音分得清。再嚟就係落功夫，一直重複將唔同嘅音套入「三碗半牛腩飯」，呢個旋律，慢慢就會愈嚟愈清楚。

zh_TW

非粵語人學粵語，幾耐學得識？

粵講粵威水 ·

2021/06/30

有啲速成班，話3日學識；有啲話7日；有語言中心推21日速成班；基本上推得比較多嘅都係8週，12週；甚至有啲係推初級班、中級班。粵語高級班都有嘅，不過以比例嚟睇，似乎速成同初級係最多，高級班唔知係唔係需求少嘅關係，開好少。其實都可以理解，好多人學粵語都係學識搭車、食飯、生活用語之後，夠用就唔會繼續學落去，好可能程度連中級都唔到，咁高級班梗係更唔需要啦！非粵語人學粵語，幾耐學得識？基本上要睇你想學到咩程度，淨係日常「必要」用語，3日都真係搞得掂。但係粵語拼音、口音、正唔正呢啲，可能就冇時間挑剔啦！如果真係有心學嘅話，固定學過半年，從粵語拼音學起，有用㗎！識粵語拼音就有自學能力，而且打好發音嘅基礎，後面就會學得快啲！學半年到一年，大概都可以識聽，講方面，就要慢慢累積詞彙啦！

zh_TW

粵語我手寫我口點會難！只不過平時少寫少練習啫

粵講粵威水 ·

2021/06/23

喺台灣，講台語識台語嘅人係好多，但只要一寫，即刻全部轉返做華文，無他，因為唔識寫，咁都係寫返華文簡單啲，容易啲！咁嘅情況，老實講，同粵語差唔多。可以?所欲言，講乜都寫得出嚟嘅人，唔知有幾成呢？3成？1成？應該係睇年齡層啦！而家港澳嘅後生仔女，寫粵語嘅能力好啲，中老年人就真係差啲。總之，完完全全可以我手寫我口，其實都唔係人人得㗎！好多人嘅情況都係，兩溝，寫吓粵語又溝啲書面語。就算寫純粵語都寫唔長，一長就要轉返書面語，好似寫得比較快，比較順？！其實，乜嘢都係練習啫！只要練習得多，就寫得出嚟。一開始，從一、兩百字開始寫，寫寫吓，好快就慣嘅！如果唔識寫嗰個標準嘅字，或者唔識嗰個本來嘅字，或者代表，本來嗰個字代表唔到嗰個詞語，呢個時候就可以諗一個新嘅寫法。如果冇一個新嘅寫法，表達唔到我地嘅意思，代表我地嘅書寫就跟唔上日常口語嘅發展。而睇粵語呢！好彩一直都有新詞新字嘅出現，呢個都係健康嘅表現。

zh_TW

本字正字有魔力？愈難寫愈覺得係啱？

粵講粵威水 ·

2021/06/16

近年，粵語有一股好凌厲嘅「正」字旋風。打個「正」字出嚟，梗有跟隨者，不過喺「正」過之後，硬係愈嚟愈有距離，愈「正」好似愈唔識。正字，唔知點解一講話係正字，就好似有魔力一樣，好似愈難寫嘅字就愈正確。有啲正字表，有人會講，喺192幾年，193幾年出版嘅考究粵語粵字嘅書裡面，係咁寫㗎，應該係正字啦！？古人寫嘅係唔係就一定啱？或者可以考慮吓，首先，而家現代字同古代字會唔會有差別？仲有，當時嘅知識同而家嘅知識會唔會有差別？譬如清代嘅人，係有心想整理粵語嘅字，佢地做左好多研究，但係始終當時嘅資料有限，佢地只能夠按照自己識嘅，去整理出一啲本字正字。有幾多啱幾多錯，其實已經有好多學者寫左唔少文章做討論。不過本字就係有咁嘅魔力，就算有人整理好邊個啱邊個唔啱，都冇人睇冇人理。本字，其實好危險，因為就算講明出處考究得清清楚楚，不過可惜睇嘅人唔一定全部睇晒，佢地根深蒂固嘅印象，就係覺得本字好難寫，根本唔識寫，唔識寫就唔寫，都係寫返書面語！咁樣對一種語言實在唔係一件好事。

zh_TW

一本通書睇到老？一本字典可唔可以睇到老呢？

粵講粵威水 ·

2021/06/09

一個字點寫點讀點用，喺台灣，以教育部公布嘅做標準，無得嗌！阿sir

zh_TW

咩係口音？口音應該就係成長嘅紀錄

粵講粵威水 ·

2021/06/02

口音到底係咩呢？當離開左自己成長嘅地方，無論去到邊度？講咩語言？一開口都係俾人問：「你邊度人？」、「你有個口音？」係呀！又唔係講自己母語，點會冇口音？咁當講到自己嘅母語，一班粵語人喺他鄉講自己講慣嘅粵語，仲係會俾人問：「你邊度人？」、「你有個口音？」口音到底點解釋？以前會覺得，咁樣俾人問法，肯定係自己講得同人唔同，唔同先至覺得有口音。但係，邊個冇口音，你香港口音、廣州口音、馬來西亞口音...都係口音呀！咁至於自己係點樣嘅口音，點樣分西關口音、東山口音、西村口音、番禺口音等...咩咩咩嘅呢啲口音嘅區別，留返以後再講。總之，你喺邊度大？你父母邊度人？學校老師邊度人？街坊鄰里同學又邊度人？自己對語言發音又係點樣嘅態度？咁樣，就係你嘅口音囉！所以，口音，應該係個人嘅發音特色，代表左一個人嘅成長紀錄。

zh_TW

381 results

粵講粵威水

All Episodes

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger