PODCAST

粵講粵威水

本來，這個節目在設立之時，是因為看到了一些社會事件，有感而發。譬如：2010年，中國廣東省廣州市的捍衛粵語行動。 2018年，香港教育局小學中文網頁內的一篇文章，提到粵語並非「母語」。再加上近年，港澳愈來愈多學校在校內僅以普通話及英文授課。看著港澳的年輕一輩，居然普通話說得比粵語還流利，是有很大的感觸，也有很多的思考。危機越大，求生的意志就越強。總之，「撐粵語」的這股潮流在有心人士的深入探討後，的確「粵人」講「粵語」是愈講愈有理的。而有心的話，在網路上就可以找到很多很專門的粵語研學的心得。資料是有的，不過可惜，關注還不夠多，普及也不夠。以前總愛跟大隊嗌口號「講母語」，「撐粵語」。現在更想藉這個節目，這個公開的平台，尋找這個為什麼？為什麼粵語有趣？為什麼粵語歌比較好聽？為什麼說這些就是粵樂？？？對粵文化，到底我們有多少的認識呢？或者根本除了粵語識聽識講，日常生活中見慣見熟、習以為常之外，當中的道理跟涵意，根本是完全說不出來吧！

society & culture

All Episodes

n/l不分係唔係懶音？定係自然產物？

粵講粵威水 ·

2021/05/26

淨係呢個標題，大概就可以嗌餐死！基本上，識粵語有n/l之別嘅，從學者到粵語愛好者，對呢個問題都係好直接分兩派。一派認為當然係懶音，要改翻正。另一派嘅意見比較雜少少，佢地自己知道n/l嘅差別，要唔要分就睇人睇場合。正式場合正式發言就字正腔圓，n係n，l係l。平時日常生活，尤其對住嘅都係nl混用嘅人，咁就一齊l落去，平易近人。對一般人n/l分唔分亦都唔係好在意，或者就算在意都係希望做傳媒、做老師、做研究嘅人要講正啲。咁至於一般嘅粵語母語者，其實，有唔少粵語母語者可能一直都唔知有n/l嘅分別。真係唔怪得佢地，因為粵語有啲地區的確係唔分n/l，從細阿媽就係咁講，學校先生係咁教，周圍嘅人都係咁講，再加上又冇學過粵語拼音，冇拼過呀！點知有n/l之分？世界好大，講粵語嘅人仲有好多，有人分有人唔分。譬如好似港澳，大部分嘅人都唔分，仲有傳統嘅西關音亦都唔分。但係廣州舊城就好多人有分，甚至旅居海外嘅華人，都有人分得好清楚。不過，佢地會分，好可能都係從細聽阿爸阿媽街坊就係咁講，人地有分，佢就跟住分囉！所以n/l不分到底算唔算懶音呢？定係講，係為左好發音好講嘅時代轉變？定係算係有啲地區嘅特色發音

zh_TW

喺香港仲要推廣廣東話？叫大家重視廣東話？

粵講粵威水 ·

2021/05/19

香港大概有9成嘅人母語係粵語，9成5嘅人以粵語作為日常交流嘅語言。換句說話講，喺香港到處都係粵語嘅環境當中，仲要推廣粵語？或者更精準嘅講法，係令粵語母語者覺醒到，粵語嘅重要！其實真係幾得意，香港喺上個世紀90年代開始，已經有好多大師級學者帶頭，提出對粵語嘅關注，從正音、正字、教講教寫，教材教法，再加上傳媒嘅配合，呢個推廣都做左三十幾年了。不過，嗰陣時嘅重視，好似唔算普及到一般市民。直到近呢十幾年嚟，的確睇到一股，從上而下，自動自發，想為粵語做一啲事情嘅一股力量，有覺得好感動，但又覺得好似仲係唔夠。而家喺香港，聽講最搶手嘅幼稚園，係用英文或者普通話嚟教學嘅學校，而唔係幾乎全香港人講嘅第一語言廣東話。仲有，有啲「有能力」嘅父母，鐘意請賓妹湊細路，喺屋企同細路用英文對答。細路喺香港大，講粵語仲有口音嘅！本嚟用咩話講咩話，係自己嘅選擇自己嘅自由，呢個係好主觀嘅選擇，人地有咩好講。而一種語言，自己冇心學，人地點推都係冇用。咁就有心人只有繼續做繼續做，相信--繼續做落去，覺得粵語重要嘅人一定會愈嚟愈多。

zh_TW

粵語有音冇字？到底使唔使堅持寫粵語呢？

粵講粵威水 ·

2021/05/12

粵語，呢種語言都幾得意！有好多母語係粵語嘅人，講嘅係粵語，執筆寫嘢就係寫書面語。尤其好多中老年人，明明唔識普通話，唔識國語，執筆寫嘢依然係寫書面語。咁都有原因嘅，因為就算講粵語，以港澳為例，讀嘅睇嘅都係書面語寫嘅中文書。考試或者正式文件，都係寫書面語，習慣成自然，久而久之，想寫都唔識寫。但係，寫粵語其實只需要練習，大概練一、兩個星期，已經識講嘅語言，要將佢寫出嚟係唔會難嘅。而且，寫粵語，唔覺得更貼近自己嘅意思咩？咁當然，粵語有好多音都冇字，或者講好多人唔識寫嗰啲字。用漢字嘅地方，都有呢個問題。解決嘅辦法有兩個，一、借助拼音（呢個時候知道拼音嘅好用了！）二、造字（呢個對以正字為標準嘅人嚟講，可能未必認同。）總之，當你唔識寫嘅時候，一個受過教育嘅人都唔識寫，即係一大部分嘅人都唔識寫嘅字，呢啲就係作者、作家可以做嘅地方，創作一個好字，嚟代表呢個詞語。舉例嚟講，“?”起心肝呢個?字，呢個字應該好多人都唔知點寫。咁就有人諗，“?”係用手拎起嘅意思，的又係同音字，手字邊加個的，就成左呢個“?”，大家一睇，同音、同意思又一

zh_TW

以粵典為例--粵語教學資源似基建令生活變好但又唔覺得佢存在

粵講粵威水 ·

2021/05/05

除左字典，粵語係好少粵字嘅字典或者詞典。意思啫講，當你想學粵語，粵語口語所對應嘅嗰啲字，一向都係各有各寫，想查想學，以前真係冇咩工具、資料可以幫到手。咁想寫廣東字嘅時候，最多都係睇人寫，人地點寫自己點寫；未睇過嘅就試吓同音字加個口字邊，有陣時都可以估啱；又或者用英文搭夠。總之，用粵語寫嘢，就講十幾年前，都係一件有心先至可以堅持嘅事。再加上，近年嚟，喺香港實施普教中嘅學校愈嚟愈多。好多嘅事，令鐘意粵語嘅有心人就係想為粵語做啲事。所以，而家已經可以睇到，喺網路上，粵語嘅教學資源、粵字嘅使用都愈嚟愈多。譬如：粵典--廣東話詞典、Subanana--自動廣東話字幕生成工具、漢字翻廣東話嘅粵語拼音轉換工具、粵普對譯嘅網站、粵語拼音教學......。「粵典」創辦人劉擇明，佢都係過來人，佢好明，做粵語嘅教學資源就好似做基礎建設一樣，做左大家嘅生活會變好，但係大家又唔係好覺得你嘅存在。而無論字典、辭典做得幾咁好，冇教科書、冇學校、冇人嘅配合，對推廣粵語都唔會有好大嘅功效。因為推廣粵語需要嘅係母語者嘅鼓勵、需要有機會去用呢個語言、需要有足夠嘅教材、需要有足夠嘅學校去教佢地講粵語。而事實上，呢啲事，

zh_TW

難難難！粵語拼音裡面韻母最難

粵講粵威水 ·

2021/04/28

粵語拼音，主要係三個部分，聲母+韻母+聲調。聲調：背熟「三碗半牛腩飯」，聲調搞掂。聲母，同英文好似，識英文基本識左9成。韻母，就真係粵語拼音裡最難嘅部分。對非粵語母語者嚟講，韻母嘅難在於結構難，唔熟悉嘅嘢亦都多，又有啲音對佢地就係難發。舉例嚟講，國語係冇分邊個音長，邊個音短。但係喺粵語裡面，韻母分兩部分，一部分係真正發音嘅元音，另一部分係韻尾。元音係有長短之分，而且個個原音都有長有短。譬如a嘅發音，有短嘅a，有長嘅aa，長啲短啲，成個音就唔同晒。都係舉例好明白啲，譬如嘲，嘲笑嘅嘲zaau1，長嘅aa。短嘅a，就算前後一樣，zau1，發出嚟係周！識粵語嘅人，直接發出「周」「嘲」，唔會覺得複雜。如果試吓倒轉，「周」「嘲」點樣用粤語拼音拼出嚟，邊個音係邊個，您又分唔分得清楚呢？！一再同大家講粵語拼音，識粵語嘅人可能覺得好嘥氣，明明就已經識聽識講，拼音呢啲留俾唔識粵語嘅人去煩啦！係，您咁講都冇錯嘅。只不過既然係對粵語有興趣，就想俾你知吓粵語拼音係點樣嘅一回事，以後或者傾偈都可以多個話題呢！

zh_TW

粵拼港澳小學生係唔係都應該學吓呢？？

粵講粵威水 ·

2021/04/21

台灣小一生，國文課第一件事就先教注音，學識注音再開始學字；大陸小學係先學漢語拼音再學字。而港澳，以粵語為母語嘅地區，中小學從來唔教粵拼，直接學字，咁樣~~好似都冇咩問題呀！不過喺接觸左粵語拼音之後，多左好多新發現。首先，原來我地平時聽慣講慣嘅音，有啲唔係好正，而且仲係冚世界都唔正，人云亦云。再嚟，識左粤拼就可以自學，好似台灣小學生細細個，喺識左注音之後就可以自己睇書，幾好呀！仲有，執筆忘字經常有，呢個時候用粵拼輸入，就可以搵到想要嘅字。而且，廣東字學校根本冇教過，好多音都係識講唔講寫，用粵拼輸入想寫咩就簡單好多了。其實學粵拼，對粵語嘅使用係有幫助。咁點解，港澳喺中小學嘅課程裡面，從來都唔教粵拼？因為係母語，所以唔使教？定係學校嘅先生都冇學過，自己都唔識，又點教人？定係當時政府嘅定調，有人講話係語言嘅打壓？？？以前係殖民時期，或者真係本土語言唔受重視。咁而家呢？以後呢？大家估吓，粵拼，以後有冇可能安排喺港澳中小學嘅課程裡面？？？

zh_TW

廣東話邊度嘅音先係標準？？

粵講粵威水 ·

2021/04/14

廣東話，又叫廣州話、廣府話。約定俗成，廣州音被認定係粵語嘅代表音。但係因為受到傳媒、香港影視、流行音樂嘅影響，香港粵語係比較受落，或者講大家比較聽慣。聽慣係唔係就代表標準呢？呢個問題大家首先可以諗吓!！其實，都唔係話香港粵語唔標準，而係，廣州粵語同香港粵語係有啲唔同。嚴格嚟分嘅話，首先比較大嘅唔同，就係詞彙，香港粵語習慣就會夾雜好多潮語同英文；而廣州粵語，受到普通話嘅影響比較大。再落嚟，兩者嘅發音係有小小唔同，譬如：香港粵語普遍n/l不分，ngo讀成O音。仲有，香港可能真係節奏快，生活忙碌，香港人講嘢普遍都係比較快，快--自然好多音冇發得咁仔細認真，所以有啲人講嘢實在係一嚿嚿。而廣州粵語，講老城區嘅粵語，佢地語速慢啲，講嘢每個音發得好仔細，一聽就聽得出邊個字，好醒神㗎！廣州音係廣東話標準音，露字清楚；香港粵語普遍受落，咁啫點呀？學邊度嘅音先標準？！喺日常生活中，喺朋友面前，喺?脷嘅人面前，按字典嘅發音，人地會覺得你好怪，順便一定問句：「邊度嚟㗎！」咁喺對發音有要求嘅人面前，發音偷懶吓，又俾人話錯。或者，根本冇所謂標準？標準係睇所處嘅環境，對乜嘢人而言吧。

zh_TW

母語嘅經驗影響我地聽嘢、學嘢同埋諗嘢？！

粵講粵威水 ·

2021/04/07

廣東話難唔難學？如果係母語，根本就冇好唔好學嘅問題。對BB仔嚟講，從細同佢講咩話，佢就講咩話，咩話都學得識。如果唔係母語，咁就要睇您嘅母語，同廣東話似唔似啦。簡單嚟講，如果您嘅母語係廣東話，要學客家話、台語、或者國語，因為呢啲都係華人嘅語言，語法結構相似，又都係方塊字，至少感覺上面都比較熟悉，學起嚟就比較容易。講呢啲，主要係話俾大家知，母語唔止係一種溝通嘅語言，係其他方面亦都影響緊我地。譬如講：聽外鄉人講自己嘅母語，小小差別、小小唔準都聽得好清楚；而自己講人地嘅母語，人地就係話唔準，自己又點都聽唔出？呢個係因為我地受母語經驗嘅影響，我地對母語嘅聲音會比較容易區別，對外語聲音嘅差別就比較唔靈敏。換句說話講，我地對外語嘅語音敏感度，都係受到自己母語經驗嘅影響。仲有，唔同嘅語言甚至會影響我地對事情有唔同嘅觀感。呢個又係另一個值得慢慢討論嘅話題，有機會再講了。

zh_TW

廣東話係唔係古老嘅語言？？

粵講粵威水 ·

2021/03/31

對於呢個問題，係網路上隨便一查，睇標題真係會嚇死人。譬如：「廣東話係歷史最悠久的漢語」、「廣東話先係真正嘅中國漢語」、「唐詩宋詞大多用廣東話嚟寫」...，因為呢啲標題太聳動，就算唔係做研究嘅，都覺得好懷疑，係真唔係呀！再仔細查吓歷史，有人話：「廣東話被認為係起源於公元220年漢王朝覆滅之後，因為戰亂令北方的漢人向南方逃離，由此將他們嘅古老語言帶到南方...」又有講法話：「古粵語係楚人同百越人語言...」甚至又有人話：「廣東話最早可以追溯到秦朝」...咁啫點呀？邊個版本啱？簡單嚟講，喺漢族歷史上，經歷過嘅遷徙、戰爭、改朝換代、族群融合...，從有記載到冇記載，追到邊度先至算係源頭呢？而古老嘅語言，廣東話當然係一種語言，古老應該係形容詞，幾百年算古老？定係過千？定係要老過幾多種語言先算古老？或者呢個題目自己本身就冇諗清楚？或者又換另一個角度，廣東話夠唔夠古老，係唔係會影響你講嘅意願？定係一定要抬高自己，先至代表自己重要？最後就藉好多好努力推廣廣東話嘅有心人士所講嘅呢句話嚟結尾：「鐘意自己嘅母語，唔需要原因。」

zh_TW

粵語？廣東話？廣州話？香港話點叫就已經拗一餐

粵講粵威水 ·

2021/03/24

我地講緊嘅呢種話，到底應該叫粵語？廣東話？香港話？廣州話？廣府話？定係白話？咁係台灣講嘅台語？要叫台語？閩南語？河洛語？訂係台灣台語？淨係講點叫呢種語言，就係一個大學問，甚至有啲政治意識。當然有好多人都覺得，聽得明就得，拗呢啲冇咩意義。但係，以「央廣粵語」呢個標題嚟講，從過往直到而家，唔知已經接過幾多聽友嘅意見都係講話：「呢個係廣州話」、「呢個只係廣東地區常用嘅其中一種語言」、「粵語？廣府話點可以代表成個廣東地區？」老實講，點叫就係睇你點睇，從語言學、從地理、從歷史發展、從政治角度...各有睇法。語言主要都係為左溝通，總之，從語言學嘅觀點，唔理你咩地方，聽得明嘅就係同一種語言，聽唔明就係唔同語言。而語言之下，仲有方言之分，方言就係聽得明，但係字詞、用語、習慣可能係有啲差異嘅，就係方言。

zh_TW

廣東話好嘈？好似嗌交？？

粵講粵威水 ·

2021/03/17

聽過好多唔識廣東話嘅人講，覺得廣東話好嘈、講嘢好尖、好似嗌交？我地自己廣東人真係唔覺喎！淨係覺得廣東話好精神。如果真係要研究點解會有呢個感覺嘅話，最主要、最主要嘅原因應該係--你唔識廣東話，聽唔明先至覺得嘈，聽得明就聽人地講緊咩了！除此之外，覺得廣東話嘈嘅呢個狀況，好多人都鐘意從聲調嚟分析。廣東話嘅聲調，無論係傳統中國聲韻學講嘅廣東話九聲，定係將入聲列為單獨嘅聲調，講嘅廣東話六聲，廣東話嘅聲調都係高低音嘅差別。所以，為左要講清楚係屬於邊一個音階，當講嘢嘅時候，將低音壓低啲，高音又抬高啲嘅話，會比較容易分得清楚係邊個音。係唔係咁樣聲調嘅轉嚟轉去，令到聽唔明嘅人覺得嘈呢？定係因為廣東人講嘢快？講嘢直接？講嘢大聲？講嘢少左啲笑容？......？？？

zh_TW

香港嘅廣東話從中英夾雜到廣普夾雜到......

粵講粵威水 ·

2021/03/10

世界係度變，語言都係度變。以前香港人講嘢最大特色，就係中英夾雜，而家仲雜，除左撈左英文，仲溝埋普通話，從普通話嘅發音、語法、用語，撈到令人擔心，廣東話到底仲識唔識㗎？雖然好彩，直到而家，喺香港，上至特首、官員嘅談話、議員問政、學術交流（雖然大部分仲係用英文）、下至日常生活，去舖頭買嘢、問路...唔同層面、唔同場域，一開口好自然就係講粵語。粵語以廣州話作為代表音，但喺廣州，無論係開會、上堂、學術交流，只要係比較高、比較進階嘅場合，廣東話就完全消失。仲可以聽到廣東話，大概只剩買吓餸、鄰居傾吓偈，私底下好生活民生嘅時候。香港以後會唔會好似廣州一樣？十之八九真係好有可能。其實而家已經睇到普通話喺香港積極推廣嘅成效，大家有冇睇過學生哥用普通話嚟傾偈，背書？好多人都睇過，而且已經感受到香港語言環境嘅逐漸改變。其中，貢獻唔少嘅，當然要講到係近呢十幾年，香港教育當局推動嘅普通話教授中文科（簡稱普教中），令人感受好深。普教中，有人覺得好呀！我手寫我口，慳左廣東話諗嘢嘅時間、仲可以提升寫作能力。係咩？唔通講普通話就可以寫出好文章？唔知道香港知名填詞人黃霑、黎彼德、潘源良、林振強...；作家林

zh_TW

喺香港，最需要學識嘅語言係？？

粵講粵威水 ·

2021/03/03

你話，喺香港生活，最需要學識嘅語言係邊樣呢？英文？廣東話？定係普通話？香港係一個普遍講廣東話嘅地方。得意嘅就係，好多台灣人、外省人、外國人喺香港，無論係讀書定係做嘢，生活左幾年，居然廣東話仲係呀呀烏嘅？佢地話：「講英文得了，佢地都同我講英文。」「講國語得了，個個都聽得明。」所以，唔識廣東話喺香港生活、工作都完全冇問題？！唔想承認，但的確係咁。睇你係白人、黑人直接同你講英文，睇你係外省人直接講普通話。無他，香港人乜嘢都要快，就人地講人地嘅語言，反正講得明聽得明就得，以效率嚟睇咁都冇咩唔好。但係，你係想融入香港本地嘅生活？定係做一個離地嘅過客？唔識廣東話，唔同香港人交流相處，最大問題就係感受唔到呢個城市嘅脈搏，如果係咁樣嘅話，你又點會認識真正嘅香港？呢個就好似睇周星馳嘅電影，台灣人好鐘意星爺嘅電影，係電視上經常重播，但播嘅都係國語配音，台灣人話好好笑好好笑。對我地廣東人嚟講，睇星爺國語發音嘅電影，真係到喉唔到肺，睇劇情可以，睇精髓唔該都係睇廣東話版，先至真係叫好笑！

zh_TW

台灣人學廣東話寫死巨攰傻傻分不清

粵講粵威水 ·

2021/02/24

係台灣多唔多人想學廣東話？其實唔少㗎！您睇救國團嘅廣東話班，歷史悠久，多年嚟一直開完一班又一班，就知有市場。仲有市面上各語言中心開嘅廣東話班、一對一的家教補習、大專院校裡面嘅粵語社等等。講真，受香港大眾文化嘅影響，仲有香港歌影視紅星嘅受歡迎，台灣人對廣東話有好感，有熟悉度，又好願意學。所以係台灣，經常可以聽到幾句唔鹹唔淡嘅廣東話。以淨係靠睇廣東話連續劇、同聽廣東歌可以自學到唔鹹唔淡，當然已經算犀利。但真係講標準，或者要校音嗰陣，都幾攞命！台灣人學廣東話，有啲音對佢地嚟講真係好難。簡單嚟講，可以對應到注音嘅音，或者用注音可以拼到嘅音，對台灣人都冇問題；注音冇嘅音，或者拼唔出嚟嘅音，就好難教。譬如：（最zeoi ）會讀成（再zoi）、（巨geoi）講成（攰 gui）、（寫se）講成（死sei）、韻母係eoi嘅字，好似：銳、類、居...，講到佢地咬到條脷。仲有（張zoeng）講成（裝

zh_TW

一開口一句話就知道係澳門人？！

粵講粵威水 ·

2021/02/17

港澳港澳，香港同澳門經常俾外地媒體同外地人串埋一齊。的確，兩地接近、大環境大狀況類似、生活型態類似、市民互動往來頻繁、又都係講粵語寫繁體字......，驟眼一睇，兩個地方睇落好似，但仔細睇睇，其實又有好多唔似嘅地方。就以粵語為例，港澳都講粵語，尤其澳門人多年嚟都係睇香港嘅電視頻道居多，受大眾媒體嘅影響，港澳粵語大致冇咩唔同，但仔細一聽，都係有啲習慣上嘅差別。其中最明顯，可以講一開口就知道係澳門人嘅，就係講「澳門」、「南灣」、「西灣」、「媽閣」、「揞」...呢啲字嘅時候。澳門本地人，講「澳門」係「澳滿」，外地人講「澳瞞」。澳門人講「南灣」「西灣」係「南環」、「西環」，外地人講「南彎」、「西彎」。澳門人講「媽閣」係「馬閣」，外地人講「嗎閣」。澳門人「揞錢」、香港人「撳錢」。雖然點講都聽得明，而且好多人都唔在意，但就係有差別。而且澳門人並唔鐘意被歸類為香港人，或許係香港嗰邊，澳「滿」就係澳「滿」，澳「滿」人就係澳「滿」人。

zh_TW

背熟盞鬼廣東祝福說話幫你逗更多嘅利是

粵講粵威水 ·

2021/02/10

今日已經係年廿九，要過年了。台灣嘅春節連假從今日開始，連放七日，真係好正！一放假，成個人都覺得身心舒暢，尤其今日嘅天氣仲風和日麗、不冷不熱，實在係做咩都適合。前幾日趕住收工過年，屋企嘅野反而未做過，今日可以執執屋、打掃吓、貼吓揮春、順便背下過年幾時都用得到嘅祝福說話。過年，好話就要掛嘴邊，身壯力健、龍馬精神、萬事勝意、福星高照、步步高升、一帆風順、出入平安......呢啲都好經常講。想特別小小，可以背吓呢幾句：豬籠入水、四萬咁口、靚到爆鏡、健壯如牛、得心應手常賺常有、身壯力健撈乜都掂、掂過碌蔗、見牙唔見眼...... ，講呢啲盞鬼祝福嘅說話，唔知會唔會逗更多嘅利是呢！

zh_TW

正音正音？到底邊個先係正音？？

粵講粵威水 ·

2021/02/03

「機構--機扣定係機救？」「糾正--斗正定係狗正？」「柬埔寨--柬葡寨定係柬布寨？」「渥太華--握太華定係屋太華？」「烘焙--烘培定係烘貝？」「傍晚--旁晚定係磅晚？」上面嘅例子，您知唔知邊個係正音呢？？唔確定？跟大隊聽人讀，聽傳媒點讀。吓！點知咩音都有人讀，而且仲係你話我錯，我話你錯。咁查字典，有所依據，要查最完整、最厚嗰本，結果字典係將各個學者老師嘅讀音全部列晒出嚟，救命呀！到底邊個音先啱？？？唔好怪字典，亦都唔好怪嗰啲查粵音嘅網路平台。一切都係因為唔同學者有唔同嘅建議讀音。咩音都列晒出嚟，係容易令人莫衷一是；但係定於一尊，會唔會又太霸道？同義多音嘅字，到底點讀？建議大家可以憑自己去判斷??哈哈哈！呢個建議的確唔係咁好掌握。不過基本上，太奇怪嘅讀音，或者簡單講，完全冇咩點聽過，同自己認知習慣完全唔同嘅嗰個音，可以唔使考慮。至於一般多音字--有啲粵語字典、app、或者網路平台，佢有列舉用呢個音嘅用法同詞例，譬如樂，快樂、樂意、安樂就係讀lok6。音樂、樂器、樂府，就係讀ngok6，按照咁樣嘅原則，基本就唔會太錯。

zh_TW

一千個要有粵拼嘅理由

粵講粵威水 ·

2021/01/27

係！冇錯！以粵語作為母語嘅地區，學校課程從來都冇粵語拼音呢個事情。我地係學粵語嘅時候，唔係透過拼音嚟學，係聽先生讀，聽人地讀，大家就會記低嗰個字嘅發音，係唔係覺得不可思議？老實講，台灣人係知道我地係咁樣學粵語，咁樣學漢字嘅時候，都真係覺得不可思議，好奇怪乜咁樣都可以學得識？嘻嘻！我地學得係毫無問題，而且你睇文壇學界創作領域，出左幾多以粵語為母語嘅大作家、藝術家、漢學嘅專家學者。話雖如此，但係粵拼（粵語拼音）仲係有佢嘅需要。簡單嚟講，如果屋企講嘅母語係粵語，或者係以粵語接受教育嘅朋友，或者的確冇咁嘅衝動或者需求去學粵拼。但係如果唔係以粵語為主流嘅社會，例如台灣、北美洲，有一個工具幫忙學習粵語，係有一啲幫助嘅。另外，粵拼對咬字發音係有幫助嘅。多年嚟討論左好耐嘅懶音問題：「恆生銀行、痕身銀行」「朋友、貧友」「國家、角家」「光明、江明」「電腦、電老」「廣告、講告」「橙汁、產汁」「沈默、沈蜜」「黑色、乞色」.....，懶音係唔係問題，以後可以再討論。而有左粵拼，對記錄正確發音、學術需要、自學粵語都係有幫助嘅。

zh_TW

好似唱歌，又唔係咁容易讀好嘅--粵語九聲

粵講粵威水 ·

2021/01/20

您覺得自己廣東話好唔好呢？您覺得自己口齒清唔清呢？唔使斷估，讀吓落面廣東話嘅一字九聲就知了。一般都話粵語有九聲，但唔係每一個字音都可以調出九個聲調。大家就試吓呢？可以讀到清清楚楚，大概就真係口齒清晰了！詩史弒時市是識刺蝕因忍印人引刃壹～日分粉訓焚憤份忽～佛淹掩厭炎染焰～醃葉星醒勝成～剩色裼食就呢幾個字嘅練習，有冇咬到條脷？訂係愈讀愈覺得似唱歌？好多非廣東人聽廣東話，都覺得似唱歌。皆因國語的聲調，有平嘅、轉折嘅、轉上去嘅，有唔同形狀。而廣東話的九聲，基本係高低音之分，但都係平嘅。對好多非廣東人嚟講，就好似聽歌。廣東話嘅九聲，真係好蝦非廣東人。而廣東人自己，其實仲慚愧，無論九聲訂係粵語拼音都大把人唔識，甚至仲有好多人理直氣壯咁講：「我地唔識拼音，都可以將廣東話講得好好，點解我地要學拼音？」無他！如果你要向其他人介紹自己的語言，你最好有一啲方法，一啲工具可以令人地理解，拼音係咁樣嘅工具，而且要正確紀錄發音，亦都需要拼音。粵語九聲，好多人已經覺得好難，但係，呢個部分其實係最先學，亦都係最容易嘅。真正難嘅係韻母，呢個又係另一個問題了！

zh_TW

廣東人想教廣東話？唔該自己先學識粵語拼音

粵講粵威水 ·

2021/01/13

嚟到台灣嘅港澳人士或者僑生，想搵兼職賺啲零用嘅時候，好多人好多時候都諗到教廣東話。廣東人教廣東話，夠正宗了吧！偏偏十個廣東人當中，九點九九個都係識講唔識教。點解唔識教？因為我地廣東人係靠環境學識講廣東話，從細聽吓聽吓就學識講。但係當冇呢個語言環境，點教人呢？呢個時候就需要工具嘅協助。好似國語有注音，英文有字母拼母，廣東話都有粵語拼音，只不過無邊幾個識啫！自己都唔識粵拼，又點教人呢！所以係台灣做廣東話老師，第一個挑戰，就係自己先學識粵語拼音。係而家經常攞嚟做比較，或者比較經常提及的粵語拼音方案，分別有粵語拼音（粵拼）、廣州話拼音（廣拼）、教育學院拼音（教院）、耶魯拼音（耶魯）、劉錫祥拼音（劉錫祥），每種拼音各有特色、各有擁躉。咁根據目前以個人所接觸到嘅廣東話老師同廣東話愛好者嘅心得，粵拼嘅愛用程度係最高。粵拼，係由香港語言學學會係1993年製訂嘅粵語羅馬化拼音方案。點解鐘意呢套拼音，因為佢地覺得：呢套拼音比較啱廣東話嘅發音，信唔信，由你了。呢集節目訪問嘅就係，曾經係台灣校園獨領風騷嘅廣東話老師--William。係10年前，先至大二嘅William就係政大成立廣東話社、

zh_TW

381 results

粵講粵威水

All Episodes

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger