x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

Ufgläse

Jede 2. mentig verzelle mer euch vo eme breite spektrum vo büecher mit abstächer id popkultur, alles uf schwiizerdüütsch met ganz vell anglizisme. Vell spass uf de reis. @ufglaese uf instagram und tiktok Und mer händ en Podcast-Playlist! Sie heisst passenderwiis „Ufghört“ und ehr finded sie doo: https://open.spotify.com/playlist/6TM93AVe1aVswAyLmZAIKj?si=_YYt6gCvSTGeofaWNaOgyg&pi=e-uBBaKW9DTeeq

arts books

All Episodes

01:36:56

Kapitel 37: Speli, Macht, Überläbe

Ufgläse ·

2025/08/25

Wer kennt no d Katniss Everdeen us de Jugend? För eus händ sie und die ganzi Tribute von Panem Buech- und Filmreihe emel ganz en spezielle Platz im Gedächtnis iignooh. Aber au hött sind die Büecher no relevant, und mer händ jetzt s neuschte Prequel usenandgnooh: Sunrise on the Reaping, oder düütsch Der Tag bricht an, vode Suzanne Collins. De Protagonischt isch de Haymitch Abernathy, wo jo sicher einige vo eus scho bekannt esch. Göhnd mit eus mit i nostalgischi Abschweifige, philosophischi Überlegige

de

00:49:34

Kapitel 36: Wassermelone, Vignette, Schriibe

Ufgläse ·

2025/06/23

Mer verbreite die Folg grad mol echli Summer-Vibes, falls die be euch nonig aachoo sind. Das mol rede mer öber „Fast nichts all inclusive“, s Debüt vom Schwiizer Schriftsteller Sagal Maj Čomafai, wo das Joohr im Verlag die brotsuppe erschine esch. Euses erschte Mol diskutiere öber Schwiizer Debütliteratur, yay! Das Buech nimmt eus mit inen Existenz, wo schaffe chlii- und Ferie grossgschribe wärde, wo Gränze und soziali Konventione hinderfrogt wärde und wo Ässe ganz fescht gnosse wird, allerdings

de

01:02:40

Kapitel 35: Muetter, Tochter, Hollywood

Ufgläse ·

2025/06/02

„I‘m Glad My Mom Died“ (aso: Ich be froh, das miis Mami gstorbe esch) esch wahrschiinlech ned en Satz, womer hüüfig ghöört. D Jennette McCurdy hett ihrem Memoir/Autobiografie aber gliich de Titel geeh. Mer - und vellech au du - kenne sie us iCarly, wo sie ide 2000er uf Nickelodeon d Rolle vode Sam verkörperet hett. 2022 hett sie denn das Buech veröffentlicht, womer das mol dröber rede. Und doo chöme ganz vell Sache vor, womer sech dazumols gar ned hätt chönne vorstelle. Sie verzellt vo ihrere

de

00:59:20

Kapitel 34: Wösseschaft, IQ, Muus

Ufgläse ·

2025/05/12

Was wär der wichtiger? Das diis Chind intelligänt isch, oder dases nätt esch? Das esch eini vode Frooge, wo eim im Myers-Briggs Persönlichkeitstescht gstellt wird. Und sie esch au relevant in Bezug uf de Roman, womer dasmol bespräche: „Flowers for Algernon“ vom US-amerikanische Schriftsteller Daniel Keyes. Das Buech hämmer im Änglisch ide Kanti damals gläse, und mer finde d Thematike bes hött relevant. Und ned nome mer, das Buech esch ned nome en Bestseller, sondern mittlerwiile au zumene moderne

de

01:05:00

Kapitel 33: Comic, Märli, Migration

Ufgläse ·

2025/04/21

Das mol bespräche mer zum allererschte Mol in voller Längi es Graphic Novel, aso en Comicroman! Und zwar „The Magic Fish“ vo Trung Le Nguyen. Das esch s erschte Wärch vo Trung Le Nguyen, wo sech au „Trungles“ nennt, und es esch 2020 usechoo. Es sind mehreri Gschichte i einere, wel s Buech verwäbt d Haupthandlig met verschidene Märli, wo d Hauptfigur, de 13-jährig Tiên, zäme met siinere Muetter, de Helen, list. Usserdem hett d Helen Migrationserfahrig, sie esch vor es paar Joohr us Vietnam

de

01:16:48

Kapitel 32: Lüge, Stalker, Brand

Ufgläse ·

2025/04/07

Wer isch A? Die wos au gluegt händ, wössed grad, um wases das mol gooht: Pretty Little Liars - en Serie, wo eusi Jugend massgeblich prägt hett. Die meischte kennes wahrschiinlech - wie au mer zersch - vor allem as Fernsehserie, aber es esch ebe au en Buechreihe. D Noelle hett sech die 18 Büecher vode Sara Shepard inezoge & verzellt jetzt de Jasmin und euch, was doo alles so für Sache passiere und wie sech das teilwiis sehr starch vo dene Handlige underscheidet, wo mer ide Serie kenne und liebe

de

01:01:09

Kapitel 31: Südamerika, Politik, Ziit

Ufgläse ·

2025/03/24

D Isabel Allende esch die spanisch-sprochigi Autorin met de meischte verchaufte Büecher (jetztige Stand). Sie chonnt us Chile, wohnt mittlerwiile ide USA, hett ihre erschti Roman met 39i gschribe, hett de magischi Realismus mitprägt, und flächtet immer weder Feminismus i ihri Wärch ii. Usserdem isch ihri Familiegschicht äng mit de chilenische Nationalgschicht verbunde. Ihres Wärch isch resig - im Umfang, ide Popularität und au ide Theme wos behandlet. Mer händ eus jetzt zum erschte Mol drinine

de

00:58:07

Kapitel 30: Winterschlof, Tablette, Videokassette

Ufgläse ·

2025/02/24

Händ ehr au schomol eifach gaaanz lang welle schloofe, zum euch nömm müesse met euchne Problem beschäftige? Öppe so goohts de Protagonischtin im Roman „My Year of Rest and Relaxation“ vode Ottessa Moshfegh. Andersch as die meischte Lüüt, wo so en Gedanke vellech mol händ und denn weder verwärfe, zieht sies denn aber wörklech dore. Mit de Hilf vo immer stärchere Schloofmittel und eme halbwägs durchdachte Plan chonnt die namelosi Protagonischtin a ihres Ziil. Aber met was för Näbewörkige? Es

de

00:59:42

Kapitel 29: Hirni, Emotione, Wachstum

Ufgläse ·

2025/02/10

Mer begäbe eus mol wieder literarisch ines neus Land, das mol isches Südkorea. Mer bespräche nämmlech de Bildigsroman „Mandel“ vode Won-Pyung Sohn. De Protagonischt isch de Yunjae, en Teenager wo es ussergwöhnlechs Hirni hett: Siini Amygdala, wo förd Emotione zueständig sind, sind sehr vill chliiner as be andere Lüüt. Dorom füehlt er weniger Emotione und cha sie weniger zueordne. En Tragödie i siim Umfeld und zwöi Bekanntschafte ide Schuel füehre aber dezue, das er immer meh Interesse draa hett,

de

00:53:09

Kapitel 28: Hong Kong, Englischunderricht, Zahbürschte

Ufgläse ·

2025/01/27

Yay, die erschti Ufgläse-Folg im 2025! Mer rede passend zum Johresaafang über uufregendi Ziite, nämmlech öber s Buech „Exciting Times“ vode Naoise Dolan. Sie isch en irischi Autorin und de Roman isch ihres literarische Debüt. Die 22-jöhrigi Ava us Dublin gooht uf Hong Kong, zum det änglisch underrichte. Einersiits, wel das no cool tönt, anderersiits aber au, wel sie eifach nüüt bessers ztue hett. Sie lehrt de Julian kenne, sie lehrt d Edith kenne, und am Schluss ergitts au Sinn, werom das ufem

de

01:01:52

Kapitel 27: Wiehnachte, Verbräche, Diamante

Ufgläse ·

2024/12/23

Ho, ho, ho! Hoffentlech sind ehr scho voll ide Wiehnachtsstimmig und händ Luscht uf en Gschicht, wo super zu dere Johresziit passt! Mer händ "Hercule Poirot's Christmas" vode Agatha Christie gläse, behandle aso das mol ganz en ikonischi Autorin und au eini vo dene ikonische Figure wo sie erschaffe hett, de Detektiv Hercule Poirot. Er wird au a Wiehnachte ned vo Verbräche verschont, sondern wird ines englisches Landhuus grüeft zum en Mord goh ermittle. Wenn ihr aso ned so Fans sind vo kitschige

de

00:55:05

Kapitel 26: Jubiläum, Reflexion, Zuekunft

Ufgläse ·

2024/11/18

Hallo ehr schnügis! Euses Podcast-Baby, aso Ufgläse, hett jetzt siin erschte Geburtstag gha. Dorom reflektiere mer doo chli öber die tolli Ziit womer bis jetzt scho met dem Podcast gha händ & wases no tolls ide Zuekunft wird geeh. Aber mer tüend ned nome öber euse Podcast rede, sondern natürlech au direkt öber Literatur. Mer stelle enand je es Buech vor, wo die ander Person noni gläse hett, aber no läse sött. Be de Noelle esch das „The Simple Wild“ vode K.A. Tucker, und bede Jasmin „Displacement“

de

00:51:56

Kapitel 25: Häsli, Zucker, Axt

Ufgläse ·

2024/10/21

2/2 vo eusere chliine „Dark Academia“ Reihe: Hmmm… komische Titel das mol, oder? Passe irgendwie ned zäme, die Wörter? Momol, passe alli perfekt zu de Mona Awad ihrem Roman „Bunny“. Das Buech esch ned ganz so typisch för Dark Academia wie s letschte womer doo besproche händ, aber es spilt ufeme Campus vonere elitäre Uni und es gooht teilwiis um dunkli Thematike… das sind scho gnueg Kriterie för eus. In „Bunny“ goohts ums Schriibe, um Fantasie wo sech is ächte Läbe iischliicht, um Verbräche, um

de

01:16:08

Kapitel 24: Theater, Mord, Intrige

Ufgläse ·

2024/10/07

De Herbscht esch doo! Eusi liebschti Johresziit. Dorom hämmer gfonde, tauche mer grad voll id Herbscht-Stimmig ine. Nämmlech met ere chliine Reihe zu „Dark Academia“. Dark Academia isch en Ästhetik und es Büecher-Genre, wo sech vor allem dur Tiktok manifestiert hett. Es isch mysteriös, dunkel (natürlech) und zieht eim voll ine. Meischtens spilts a Universitäte und es gooht um Studis wo öppis studiere wo sie Füür und Flamme deföör sind. Und hüüfig gitts en Kriminalfall, wo i die Gschichte verwobe

de

01:01:06

Kapitel 23: Chochi, Verlust, Verbindig

Ufgläse ·

2024/09/23

Das esch 2/2 vo eusere chliine Japan-Serie. Es gooht das mol um „Kitchen“ vode Banana Yoshimoto (und nei, sie heisst ned bürgerlech „Banana“ zum Vorname). D‘Jasmin hett das Buech gläse, während sie in Tokio gsii esch, wo s Buech au spilt. D‘Noelle hett i dere Ziit ide Schwiiz uusgharrt. Jetzt sind beidi weder vereint zum öber das churzwiilige, bittersüesse und faszinierende Buech z rede. In „Kitchen“ goohts natürlech sehr vell um deliziöses Ässe und über d Chochi as Ort vode Begägnig und em Zämesii,

de

01:05:05

Kapitel 22: Tokio, Depression, Substanze

Ufgläse ·

2024/09/09

Wel d‘Jasmin im August/September in Japan isch, hämmer gfonde, mer mache en chliini Japan-Reihe. S erschte Buech wo doo dezue ghört esch „No Longer Human“ vom Osamu Dazai. I dem churze Roman goohts ums Läbe vomene japanische Maa - vo siinere Chindheit bis is junge Erwachsenealter. Das Buech zeigt die herti Realität vom Läbe uf en rächt extremi Art. Vellech esch das keis Buech för dech wenn Theme wie psychischi Chrankheite, Missbruch vo Substanze, Suizid oder allgemein Gwalt schwerig för dech zum

de

00:48:47

Kapitel 21: Meer, Richtum, Drama

Ufgläse ·

2024/08/26

„We Were Liars“ vode E. Lockhart. Es Buech, wo eus scho sit eusere Kanti-Ziit begleitet und s zwöite Stück zu eusere chliine Sommer-Serie im Auguscht bildet. Es gooht um d Sinclair-Familie, sie send riich, privilegiert, wiss. Jede Sommer verbringe sie uf ihrere Privatinsle namens Beachwood. Wie die Sommer so usgsehnd wird in „We Were Liars“ vode Cadence Sinclair verzellt. Sie, ihre Cousin Johnny, ihri Cousine Mirren und de Gat, sind d „Liars“ wo im Titel vorchöme. Wieso sie so heisse? Los doch grad

de

00:54:45

Kapitel 20: Sommer, Surfe, Strand

Ufgläse ·

2024/08/11

Ehr händs wahrschiinlech au scho gmerkt: Es esch Sommer! Mer händ gfonde, mer nämme das zum Aalass, Büecher z diskutiere wo sehr guet zu dere Johresziit & de dezueghörige Stimmig passe. S erschte esch jetzt das mol „Malibu Rising“ vode Taylor Jenkins Reid. Joo, i dem Buech getts einersiits - wie be eus im Titel stooht - Sommer, Surfe und Strand, aber au Familiedrama, Celebrity-Intrige und eifach ganz vell Underhaltig. Inelose und ineläse loohnt sech also.

de

01:02:45

Kapitel 19: Satire, Verlagsinduschtrie, Plagiat

Ufgläse ·

2024/07/29

Mer läse grad chli Büecher wo uf Booktok ghypet wärde. Dorom getts jetzt en Besprächig zu „Yellowface“ vode Rebecca F. Kuang. Es gooht um zwöi Schriftstellerinne, um d Verlagsinduschtrie, um Rassismus, um toxischi Internetkultur, um Diebstahl i mehrere Forme… und ganz vell meh. Das alles verzellt us de Sicht vode June Hayward, wo gliichziitig d Protagonischtin vo dem Buech und en unglaublech unzueverlässigi Erzählerin isch. Ide Buechrezensione wird au gseit „June is a character you‘ll love to hate.“

de

01:20:07

Kapitel 18: Kommissar, Physiker, Verbrächer

Ufgläse ·

2024/07/15

De Friedrich Dürrenmatt: Es richtigs Urgestei vode Schwiizer Literaturszene. Wahrschiinlech kenne ihn fasch alli usem Düütschunderricht, womer siini Krimis und/oder Theaterstück gläse hett. Dorom send natürlech au mer ned dromome choo, mol öber ihn z rede. Mer diskutiere siini Krimis „Der Richter und sein Henker“ und siis Theaterstück „Die Physiker“. Usserdem rede mer nochli dröber, wie er so as Mönsch gsii esch.

de

38 results

Similar Podcasts

Start The Breakthrough Full Audiobook Now, Thriller Fans!

thebookvoice.com

Get Hooked On The Life-Enhancing Full Audiobook Experience!

thebookvoice.com

西四五条

主播郑捕头

Podcast Patapoe

0d0a

On Mic Podcast

Jordan Rich