x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

diesundas.

https://www.instagram.com/diesundas_podcast?igsh=ODQxN3ZweWxlcGJi&utm_source=qr Es bizli dies, es bizli das, versüesst mit Humor. Zwüsche Schoggigipfel und Tal, alles was üs bewegt.

society & culture personal journals

All Episodes

00:50:08

024 | Fangirl Moment und Veränderungen

diesundas. ·

2025/10/13

D’Lisa het en Fangirl Moment gha und d’Michèle e lustigi Begegnig im Alnatura. Bald packt d’Michèle ihri sibe(zg) Sache und gaht die wiiti Welt go entdecke. Drum hemer denkt, mir reded mal über Veränderige. Mir liebed Veränderige, also solang si selber gwählt sind, aber si chönd au Angst mache. Weli hend eus prägt, weli Frage chamer sich stelle bi unerwartete Veränderige und was chan helfe, mit Veränderige umzgah? Mir erkläred Luminalität und de Heraclitus git sin Senf au no dezue. Guete Wuchestart

de-ch

00:54:00

023 | Glasentsorgigsproblem und Stress

diesundas. ·

2025/09/29

Also hä wie etz? Scho wieder diesundas? Jaaa ihr ghöred richtig, mir hends doch nach zwei Wuche wieder gschafft mitere neue Folg (ob das in Zuekunft so blibt staht no i de Sterne). Probiers mal mit Gemütlichkeit, mit Ruhe und Gemütlichkeit… De Balu weiss uf jede Fall wies funktioniert. D’Michèle chas au zimli guet, d’Lisa ischs no am üebe; wie mit Stress umgah. Weli Situatione stressed eus am meiste und i was für Symptom üsseret sich das. Mir reded usserdem über die verschidene Arte vo Stress und

de-ch

00:49:49

022 | Öffentlichs telefoniere und Lebenspläne

diesundas. ·

2025/09/15

D’Michèle dropt zerst mal News zu eusem Podcast und denn gaht’s los. Was ghört alles uf d’30-er-Checkliste? Hürate, Chind, Job, Huus. Wie stabil sind mir als Fraue um die 30gi ume? Mir reded vorallem über s’Hürate, Chind ha und Wohneigetum. Und da scho mal en chline Spoiler: Mir chömed nöd so vil 30er Pünkt über. Am Schluss machemer no e chlini Imaginationsreis und stelled eus vor, wie euses Lebe jetzt anderst wär, wäremer mit eusne Expartner

de-ch

00:41:25

021 | Angst vor em Herbst und Entscheidungen treffen

diesundas. ·

2025/09/01

Wie guet sind mir im Entscheidige treffe, wer vo eus isch maximiser und wer satisficer und weles sind eusi schwierigste Entscheid gsi? Und gits falschi Entscheidige? De Kierkegaard het gseit, egal wiemer eus entscheidet, ironischerwiis entscheidet mir eus für all Optione, will die womer nöd wähled, verfolged eus als Geist oder Echo dur s’Lebe. Mir reded drüber, wie mir Entscheidige agönd, was eus hilft und weli Tipps mir i Zuekunft werded usprobiere (d’Recherche dezue isch ergibig gsi). Egal wiemer

de-ch

00:38:43

020 | Harry potterisch und Perfektionismus

diesundas. ·

2025/08/18

Mir schwelged i de Vergangeheit; was hemer hüt voreme Jahr gmacht? Spoiler: gloffe. Lang! D’Lisa weiss nöd mal meh was si und d’Michèle vorere Wuche gmacht het. Spoiler: tanzt. Nöd so lang. Hüt gahts um s’Thema Perfektionismus. Unrealistischi Erwartige, kritischi Selbstischätzig, Prokrastination. Wer kennts? Mir reded über d’Ursache, d’Folge und was mer chan mache, zum de Perfektionismus in Schach z’halte. Und was isch maladaptive und adaptive Perfektionismus? D’News us de Sportszene chömed dasmal

de-ch

01:04:22

019 | Emojivibe und Essstörungen

diesundas. ·

2025/08/04

Wer vo eus fangt bald wieder a Fuessball spiele und wär wür immer nur foule? Anstatt Highs und Lows het d’Schelmi mal paar Frage mitbracht zum Start, will euses Lebe so durchschnittlich isch und weder Highs no Lows beinhaltet (Scheeerz!). Was isch eusi letzt Gönnig gsi, weli Trends nerved langsam und was isch euse aktuelli Emojivibe? Mir reded i dere Folg über Essstörige und verzelled eusi persönliche Erfahrige demit. Was verbindet all Essstörige mitenand, was sind Unterschied und wie vil Lüt sind

de-ch

00:55:42

018 | Kilometer abspuele und würdest du eher dies...

diesundas. ·

2025/07/21

Mir sind i de Berge viel Kilometer gradlet und grennt. D’Lisa isch drum richtig erschöpft und d’Michèle erst recht motiviert. Wies im hohe Norde gsi isch ufem Schiff erfahremer vo de Michèle und unter was für Umständ de Lisa ihri Birkestock verschwunde sind ghörsch au. Hüt simer zrug mitere Laberfolg. Es gaht um würsch du eher DIES oder DAS. Meer oder Berge? Hürate oder trenne? Unscharf oder schwarz-wiis? Es gaht um Amöbe, Ängst, hüpfe, s’Lebe neu lebe und d’Emma Watson. Und au bitzeli um Elefante

de-ch

00:54:16

017 | De Donut, s’Würstli und Schwangerschaftsabbruch

diesundas. ·

2025/07/07

Premiereeee! Hüt isch s’erste Mal e Gästin bi eus - und was für e unglaublichi Socke! Mer chönti meine, si macht amal de Podcast und mir sind s’erste Mal debi, drum übernimmt si au gad mal s’Intro für eus. D’Lorena redt mit eus über ihri Erfahrig schwanger zsi und sich für en Schwangerschaftsabbruch z‘entscheide. Mir derfed si alles fräge und d’Antworte berüehred eus uf ganz vilne Ebene. Mir erfahred Aspekt zum Thema Abtribig, wo mir eus nöd bewusst gsi sind und denn isch da natürli de Iblick vonere

de-ch

00:54:48

016 | S’Rätsel mit de Nachbere und (elei) reise

diesundas. ·

2025/06/23

Mir sind wieder im Rhythmus drin und pünktlich da mitere no lauwarme Podcastfolg. D’Michèle verzellt vo ihrem Triathlon und ihrere Luxemburgische (oder Berlinerische?) Fründin und d’Lisa macht en chline Rückblick uf de feministisch Streik. Hüt redemer über öbis, wo vil gad etz im Summer au wieder mached: (elei) reise. Was lernt eus s’elei Reise, wirds eus mengmal langwilig debi und was isch no uf eusere Bucket List? Hitzig diskutiert wird au, wer vo eus scho i meh Länder gsi isch (ihr erfahreds i de

de-ch

00:58:35

015 | De Stier mit em Tattoo und Feminismus

diesundas. ·

2025/06/09

Weg interne Unstimmigkeite chunt de Podcast ei Wuche zspat. Uf Dütsch, mir hend Strit gha. Jetzt isches (fast) wieder guet. Hüt isch alles debi! News us de Sportszene, Chindsgi Plausch, Malle Content und Date Updates. D’Lisa het letzt Mal s’falsche Thema akündigt. Mir reded hüt nämli über s’Thema Feminismus us gegebenem Alass (14. Juni = Feministische Streik!). Was hend Velosättel demit ztue und was bedütet eigentlich ‘Rape Culture’? Weli Männer sind s’Problem, was findemer zu Kleidervorschrifte und

de-ch

00:49:26

014 | Ready für de Summer und Love Languages

diesundas. ·

2025/05/19

Neus bi eus: Balkonmöbel (i eusere Wohnig), Haarschnitt (bi de Lisa ufem Kopf), nüt (bi de Michèle). Wenn fühlsch du dich gliebt? Nachere lange Umarmig, emene bedütsame Gspräch, wenn du dini Lieblingsschoggi überchunsch, dir öber en Kafi macht am Morge oder du e ufmunterndi Nachricht überchunsch? I dere Folg gahts um d’Theorie vo de 5 Liebessprache. Wo gsemer ihri Vorteil, wie chömer si im Alltag nutze und wo ligged d’Grenze? I eusere repräsentative Studie (aka Insta Abstimmig mit 4 Beteiligunge)

de-ch

00:59:49

013 | D’Flamingotube vo Bilbao und Gschwüsterti

diesundas. ·

2025/05/05

D’Michèle isch anere Hochziit gsi und het sich mit em Alkohol extra zrugghalte (us Brides Maid Gründe) und d’Lisa verzellt vom Farbspektrum vo de Tuube in Spanie. Hüt gahts um (kei) Gschwüschterti. Wer vo eus wär lieber es Einzelchind und wie vil Chind wennd mir eigentlich selber mal ha? Sind Einzelchinde und die Jüngste würkli verwöhnt und wer sind d’Rebell:inne unter de Gschwüstert? Irgendwie au beruhigend zum ghöre; die meiste Eltere hend Lieblingschinde (mir hends ja scho immer gwüsst!) und meh

de-ch

00:49:58

012 | Hablar español oder so und Intro-/Extraversion

diesundas. ·

2025/04/21

D’Michèle wöt nöd über d’Lows rede, machts aber glich. Defür het si neui Laufschueh extra für de Halbmarathon. Zwar z‘spat kauft (het ich dir scho chöne sege!) aber what can you do. Meh zum Halbmarathon i spätere Folge. D’Lisa isch flissig am Spanisch lerne imene Sprachtandem. Wenn mir nöd Sport mached oder Sprache lerned verbringed mir sehr gern und viel Ziit elei. Das isch au s’Thema vo dere Folg: Introversion (und Extraversion). Wieso mir d’Türe zuemached bim Schaffe, s’Telefon oft nöd abnehmed

de-ch

00:56:40

011 | Neue Brülletrend ufem Velo und 20er vs. 30er

diesundas. ·

2025/04/07

20er oder 30er, was isch besser? Mir hend uf jede Fall paar Vorschläg! Wemer nomal 20i si und am Fritigabig Party hard oder findemer s’Lebe ufem Sofa au ganz stimulierend? Mir teiled eusi Highs und sind im Reisefieber, d’Michèle schafft defür zvil und d’Migräne isch leider zrug. Ja und wies de Titel seit, mir bespreched die neuste Trends in Züri. Ufem Velo. Uf de Bahn gits wieder Ärger. Es git au dasmal wieder Penisgschichte us em Chindsgi, will’s ja würkli das isch wo d’Buebe scho i junge Jahre

de-ch

00:54:09

010 | Agspuckt a de Langstrass und Social Media

diesundas. ·

2025/03/24

Die 10. Folg - wow! Immer no en Babypodcast, langsam chömer eus de Nuggi abtrainiere und chömed usem Windelalter use, mir blibed uf jede Fall witerhin dra, wills eus eifach Spass macht. Screen Time und Social Media isch s’hütige Thema. Und will das ja bi eus allne z’höch und z’vil isch, hend mir passend dezue jetzt au no Instagram: diesundas_podcast, willkomme! D’Michèle verratet ihri beste Tipps zum Insta und Co. de Rucke zuezkehre und d’Lisa verzellt, was für radikali Massnahme si scho ergriffe

de-ch

00:56:04

009 | Poleneier, en starke Penis und Minimalismus

diesundas. ·

2025/03/10

Warum e defekti Tramtüre d’Michèle zum brüele bringt und d’Dubai Schoggi d’Lisa an Rand vo de Verzwiflig tribt. Neuerdings hend mir au d’Kompetenze zum Hörer:innefrage z’beantworte. Mir tüend e neui Rubrik uf und natürli gits dezue en neue Jingle (#jinglelove). Minimalismus isch s’Thema vo dere Folg. Und mir sind so minimalistisch und seged gar nöd meh dezue. Gnüssed s’Lebe!Linkshttps://www.theminimalists.com/rulebook/https://www.latimes.com/health/la-he-keeping-stuff-20140322-story.html

de-ch

00:52:33

008 | Schmerzfreii Highs und Fründ:inneschafte

diesundas. ·

2025/02/24

D’Lisa het Kreislaufproblem wege kalt und d’Michèle wöt nöd gfrägt werde, was si i Zuekunft wöt mache, will si gaht eifach mitem Flow. Mir reded über platonischi Beziehige. Friends are for a reason, a season, or a lifetime (sehr kitschig, aber what can you do?). Weli Faktore halted e Fründ:inneschaft ufrecht und wieso hend eigentlich Liebesbeziehige en höhere Stellewert? Wer vo eus die beste Tipps git inere Krise und wer tüferi Konversatione füehrt wird au verrate. Und nöd vergesse: Du kennsch nonig

de-ch

00:44:08

007 | De Tisch im Tram und Multiple Sklerose

diesundas. ·

2025/02/10

Welcome back, welcome back! Mir bringed unterhaltsami Lows mit. No Garmin, no Training. Isch ja klar! Spätestens, wenn au du uf Strava bisch, weisch vo was mir reded (obwohl vo eus nur 50% i dem Club sind). De Lisa ihres Date isch keis Date worde, mangels z’wenig Infos und naja, was chamer sege, er isch en Ma?! Hüt isch’s chli ernst bi eus, es gaht um MS - Multiple Sklerose. D’Michèle verzellt, wie ihres Lebe mit MS verlauft und au wieso MS ihre nöd Angst macht. Si findets wichtig drüber z’rede,

de-ch

00:52:57

006 | Wieso leeri Kartonschachtle und Dating

diesundas. ·

2025/01/27

Mir sind zügled, drum, isch d’Soundqualität jetzt extra guet (well, villicht isch das au nur es leers verspreche, finds use!). Wieso d’Lisa ihri Umzugskiste nonig uspackt und warum d’Michèle e Art Philantrophin isch, erfahrsch i dere Folg. Es gaht usserdem um Dating! Banker sind Red Flags und Speedos gebed eus de Ick (de Ick chasch du villicht maximal no mit tüfe Gspräch wieder usgliche). Und apropos Sport: Weisch du was Pumpfoil isch? Nei? Denn bisch nöd elei! Und no öbis: bittebitte gebed doch

de-ch

00:47:13

005 | Werum mer s Bett büglet und Neujahrsvorsätz

diesundas. ·

2025/01/13

Mir werded im neue Jahr au nüme jünger. D’Michèle isch etz sogar scho so wiit, dass si ihres Bett büglet und föhnt (Spoiler: gnützt hets nüt). Aber Frau Doktor wirds ja wüsse. Mir helfed dir debi, dini Neujahrsvorsätz durezzieh und verzelled vo eusne. Es wird sweaty, finanziell und au intellektuell. Links https://open.spotify.com/episode/5otKi3rrxfN6EZPntVz2t9?si=uNTF7NpvR5ST-QtowuNdMg

de-ch

24 results

Similar Podcasts

Voices of Life

APG Mannheim

Promo Estereo Podcast

Promo Estereo

Talking Timelines Podcast

Talkingtimelines

גיקונומי

ראם שרמן ודורון ניר

Drømmefanger

Drømmefanger