x

75% of people globally want unbiased news (Pew Research) but are concerned they're not getting that.

Get balanced coverage with Symby. See how stories are covered across diverse outlets and spot when one side covers a story the other skips.

PODCAST

បទយកការណ៍

RFI ខេមរភាសា / Khmer

គឺជាការចាប់អារម្មណ៍ និងការក្រឡេកមើល ទៅលើបញ្ហានយោបាយ សង្គម ឬសេដ្ឋកិច្ច នៃប្រទេសកម្ពុជាបច្ចុប្បន្ន។ កម្មវិធីនេះ រៀបចំដោយអ្នកឆ្លើយឆ្លងព័ត៌មានរបស់យើង នៅភ្នំពេញ ហើយនឹងត្រូវចាក់ផ្សាយ ជារៀងរាល់ថ្ងៃ ពីថ្ងៃចន្ទដល់ថ្ងៃអាទិត្យ។

news & politics

All Episodes

00:08:00

ជនភៀសសឹកចាប់ផ្តើមត្រឡប់ទៅលំនៅឋានវិញទាំងអារម្មណ៍ភ័យខ្លាច

បទយកការណ៍ ·

2025/12/30

ប្រទេសកម្ពុជា និងថៃ សម្រេចបាននូវកិច្ចព្រមព្រៀងលើបទឈប់បាញ់មួយ តាមរយៈយន្តការគណៈកម្មាធិការព្រំដែនទូទៅ(GBC) កាលពីថ្ងៃទី២៧ ខែធ្នូ ឆ្នាំ២០២៥។ តាមរយៈបទឈប់បាញ់នេះ ប្រជាជនជាជនភៀសសឹកកម្ពុជា ដែលមកស្នាក់អាស្រ័យនៅក្នុងជំរំភៀសសឹកក្នុងខេត្តសៀមរាប បានសម្រេចចិត្តត្រឡប់ទៅកាន់លំនៅឋានរបស់ខ្លួនវិញ។ ជាការវិលត្រឡប់ ដែលដិតដាមដោយអារម្មណ៍ភ័យខ្លាចចំពោះសុវត្ថិភាពផ្ទាល់ខ្លួន និងការបារម្ភចំពោះការផ្ទុះសង្គ្រាមព្រំដែនជាថ្មី។ ជាមួយគ្នានោះដែរ ក៏មានប្រជាជនភៀសសឹកមួយចំនួនធំផ្សេងទៀត នៅតែបន្តស្នាក់នៅនៅក្នុងជំរំភៀសសឹកជាបណ្តោះអាសន្ននៅឡើយ

km

00:07:57

អ្នកធាក់ស៊ីក្លូជាង១០០នាក់...

បទយកការណ៍ ·

2025/12/29

នៅរសៀលថ្ងៃទី ២៨ ខែធ្នូ ឆ្នាំ២០២៥ អ្នកប្រកបរបធាក់ស៊ីក្លូជាង ១០០នាក់នៅភ្នំពេញ បានជួបជុំគ្នាធ្វើយុទ្ធនាការជិះស៊ីក្លូ ដើម្បីសន្តិភាព ដើម្បីរ៉ៃអង្គាសជួយដល់ជនភៀសសឹកតាមរយៈអង្គការ ធី.ភី.អូ. កម្ពុជាជាពិសេសការគាំទ្រផ្លូវចិត្ត។ យុទ្ធនាការជិះស៊ីក្លូនេះ ធ្វើឡើងបន្ទាប់ពីមានបទឈប់បាញ់ជាលើកទី២ កាលពីថ្ងៃទី២៧ ខែធ្នូ ឆ្នាំ២០២៥ ដោយអ្នកចូលរួមសង្ឃឹមថា សកម្មភាពរបស់ពួកគេ នឹងជួយរក្សាសន្តិភាពឱ្យបានស្ថិតស្ថេរយូរអង្វែង និងរំពឹងថាជនភៀសសឹកអាចវិលត្រលប់ទៅកាន់ផ្ទះសម្បែងវិញក្នុងពេលឆាប់ៗ៕

km

00:07:37

ក្នុងបរិបទកម្ពុជារងការវាយប្រហារពីថៃ...

បទយកការណ៍ ·

2025/12/28

ពលរដ្ឋមួយចំនួនធំនៅសង្កាត់ព្រែកក្មេង ក្រុងអរិយក្សត្រ ខេត្តកណ្ដាល ប្រកបមុខរបរធ្វើត្រីឆ្អើរ សម្រាប់ផ្គត់ផ្គង់ទៅតាមបណ្ដាខេត្តផ្សេងៗ ទាំងរដូវប្រាំង និងរដូវវស្សា។ក្នុងកាលៈទេសៈ កម្ពុជាជួបប្រទះនឹងការវាយប្រហារពីកងទ័ពថៃ តម្រូវការត្រីឆ្អើរមានការកើនឡើងច្រើនទ្វេដង។ បើទោះជាមុខរបរមួយនេះ ត្រូវនៅជិតកម្ដៅភ្លើងស្ទើរពេញមួយថ្ងៃ ចំណាយកម្លាំងច្រើន និងទទួលបានប្រាក់ចំណេញតិចតួចក្ដី ក៏អាជីវករលក់ត្រីឆ្អើរមួយចំនួនបានលក់បញ្ចុះតម្លៃពិសេស សម្រាប់អ្នកទិញបរិច្ចាគជនភៀសសឹក និងកងទ័ពជួរមុខ៕

km

00:08:30

ពលរដ្ឋកោះមាសខកចិត្តនឹងអាជ្ញាធរខេត្តកណ្ដាលដែលបដិសេធការស្ន...

បទយកការណ៍ ·

2025/12/27

ប្រជាពលរដ្ឋប្រមាណជាង ៥០នាក់ តំណាងឱ្យ ១៦៨គ្រួសារ រស់នៅតំបន់កោះមាស ក្នុងខណ្ឌច្បារអំពៅ រាជធានីភ្នំពេញ ស្រុកកៀនស្វាយ និងស្រុកល្វាឯម នៃខេត្តកណ្តាល បានសម្តែងការខកចិត្តនឹងអាជ្ញាធរខេត្តកណ្តាល ដែលបានបដិសេធការស្នើសុំបណ្ណកម្មសិទ្ធិដីធ្លីរបស់ពួកគាត់នៅលើកោះមាស។ នេះក៏ព្រោះតែពួកគេ មិនយល់ព្រមនឹងគោលនយោបាយទូទាត់សំណងតម្លៃដីពី៥ ទៅ៨ដុល្លា ក្នុងមួយមែត្រការ៉េ ជាថ្នូរនឹងការចាកចេញ៕

km

00:06:42

សង្គ្រាមព្រំដែនកម្ពុជា-ថៃ...

បទយកការណ៍ ·

2025/12/25

ថ្ងៃទី២៥ ខែធ្នូ ឆ្នាំ២០២៥នេះ ជាពិធីបុណ្យណូអែល ដែលជាពិធីបុណ្យដ៏ធំមួយរបស់គ្រិស្តសាសនិក។ ខុសប្លែកពីឆ្នាំកន្លងទៅ ការប្រារព្ធបុណ្យណូអែលនៅទីក្រុងភ្នំពេញនៅឆ្នាំនេះ មិនមានសកម្មភាពគួរឲ្យកត់សម្គាល់ទេ ពោលគឺការតុបតែងលម្អ ឬការលក់ដូរវត្ថុអនុស្សាវរីយ៍មានសភាពសោះកក្រោះ។ នេះក៏ដោយសារតែបរិបទនៃសង្រ្គាមព្រំដែនរវាងកម្ពុជា-ថៃ បានរុញច្រានឲ្យពិធីបុណ្យណូអែលត្រូវប្រារព្ធឡើងដោយភាពស្ងប់ស្ងាត់។

km

00:10:27

ខ្មែគ្រប់និន្នាការនៅបារាំងរួមគ្នាធ្វើបាតុកម្មថ្កោលទោសថៃ...

បទយកការណ៍ ·

2025/12/22

បន្ទាប់ពីខកខានមិនបានធ្វើបាតុកម្មប្រឆាំងសង្រ្គាមឈ្លានពានរបស់ថៃ កាលពីថ្ងៃអាទិត្យសប្តាហ៍មុន ប្រជាជនខ្មែរនៅប្រទេសបារាំងបានទៅជួបជុំគ្នាយ៉ាងច្រើនកកកុញនៅទីលានសិទ្ធិមនុស្ស ត្រូកាដេរ៉ូ ក្នុងទីក្រុងប៉ារីស។ ក្រោមតំណក់ទឹកភ្លៀងរលឹមមិនឈប់ ប្រជាជនខ្មែរ មកពីគ្រប់និន្នាការគណបក្សបានរួមគ្នាធ្វើបាតុកម្ម ស្រែកថ្កោលទោស និងទាមទារឲ្យថៃឈប់ធ្វើសង្រ្គាមវាយប្រហារទៅលើកម្ពុជាដែលជាប្រទេសកំណើតរបស់ពួកគេ។ បើតាមប៉ូលិសបារាំង មនុស្សប្រមាណ១៨០០នាក់បានចូលរួមធ្វើបាតុកម្មនៅទីលានត្រូកាដេរ៉ូ កាលពីថ្ងៃអាទិត្យទី២១ធ្នូម្សិលមិញ។

km

00:08:03

អ្នកទស្សនាភាពយន្តឯកសារ«រង់ចាំកម្ពុជា»រំពឹងថាអន្តរជាតិនឹ...

បទយកការណ៍ ·

2025/12/22

៤៥ឆ្នាំមុន ប្រជាជនខ្មែររាប់ម៉ឺននាក់បានភៀសខ្លួនទៅជាយដែនថៃ គេចពីសង្គ្រាមស៊ីវិលក្នុងស្រុក ប៉ុន្តែជាអកុសលឆ្នាំ២០២៥នេះ ពលរដ្ឋខ្មែរជាង៥០ម៉ឺននាក់ បានរងទុក្ខនិងភៀសខ្លួនចេញពីផ្ទះសំបែងដោយពុំបានត្រៀមខ្លួនជាមុន ដោយសារការវាយប្រហាររបស់ថៃ។ អ្នកទស្សនាភាពយន្តឯកសារ«រង់ចាំកម្ពុជា»ចង់ឃើញសហគមន៍អន្តរជាតិលូកដៃជួយធ្វើអន្តរាគមន៍បញ្ចប់សង្គ្រាមតាមព្រំដែនរវាងប្រទេសកម្ពុជា និងថៃ។ ជាការបញ្ចប់សង្គ្រាមដែលអាចបើកផ្លូវឱ្យជនភៀសសឹកខ្មែរបានវិលត្រលប់ទៅលំនៅឋាន និងជួបជុំគ្រួសារដូចកាលពី៤៥ឆ្នាំមុន៕

km

00:06:59

រោងចក្រសូកូឡានៅសៀមរាប...

បទយកការណ៍ ·

2025/12/21

រោងចក្រផលិតសូកូឡានៅក្នុងខេត្តសៀមរាបឈ្មោះ WAT Chocolate Cambodia កំពុងទទួលបានការចាប់អារម្មណ៍ និងគាំទ្រយ៉ាងខ្លាំងពីសំណាក់ពលរដ្ឋខ្មែរ និងភ្ញៀវទេសចរបរទេស។ គាំទ្រដោយសារតែ សូកូឡាដែលផលិតចេញពីរោងចក្រសូកូឡា WAT Chocolate Cambodia មានគុណភាពល្អ អនាម័យ និងមានរសជាតិឆ្ងាញ់ ហើយមានតម្លៃសមរម្យ។ ប្រធានផ្នែកផលិតសូកូឡារបស់រោងចក្រផលិតសូកូឡា WAT Chocolate Cambodia បានបង្ហាញក្តីរំភើបដែលរោងចក្ររបស់លោកទទួលបានការគាំទ្រច្រើនពីអតិថិជន។ លោកស្រីអះអាងថា

km

00:06:54

ជនភៀសសឹកស្នើឱ្យសហគមន៍អន្តរជាតិជួយបញ្ចប់ជម្លោះប្រដាប់អាវុ...

បទយកការណ៍ ·

2025/12/16

បន្ទាប់ពីការផ្ទុះសង្គ្រាមតាមបន្ទាត់ព្រំដែនកម្ពុជា-ថៃជាលើកទី២ យោធាថៃបានប្រើប្រាស់អាវុធធន់ធ្ងន់ ដូចជាការទម្លាក់គ្រាប់ផ្លោងតាមយន្តហោះ F-16 ជាដើមចូលមូលដ្ឋានស៊ីវិលរបស់កម្ពុជា។ ការណ៍នេះបានបង្ខំឱ្យជនភៀសសឹកកម្ពុជាប្រមាណជាង ៤២ម៉ឺននាក់ត្រូវចាកចេញពីលំនៅឋានរបស់ពួកគេ ទៅរកតំបន់មានសុវត្ថិភាព។ ក្នុងកាលៈទេសៈនេះដែរ ជនភៀសសឹកកម្ពុជាមួយចំនួនកំពុងជួបប្រទះនឹងកង្វះខាតតម្រូវការប្រចាំថ្ងៃរួមមាន កន្លែងស្នាក់នៅ អាហារ ទឹកស្អាតប្រើប្រាស់ ព្រមទាំងការខកខានការសិក្សារបស់ក្មេងៗជាដើម។ ប្រឈមនឹងផលវិបាកទាំងនេះ

km

00:09:23

សាលារចនាធ្វើពិធីបួងសួងដាស់ព្រលឹងបុព្វបុរសខ្មែរឲ្យជួយថែរក...

បទយកការណ៍ ·

2025/12/13

ចាប់តាំងពីវេលាម៉ោង៦រសៀលនៅថ្ងៃទី១២ ខែធ្នូ ឆ្នាំ២០២៥ ទាំងសិស្ស-និស្សិត គ្រូបង្រៀន ព្រមទាំងប្រជាពលរដ្ឋខ្មែរជាច្រើនរយនាក់បានមកជួបជុំគ្នា នៅឯសាកលវិទ្យាល័យភូមិន្ទវិចិត្រសិល្បៈឬហៅថាសាលារចនា ដើម្បីរៀបចំពិធីបួងសួងដាស់ព្រលឹងបុព្វបុរសដូនតាខ្មែរ និងបួងសួងដល់បុណ្យបារមីវត្ថុស័ក្ដិសិទ្ធិ ដ៏មានឫទ្ធិអំណាច ជួយថែរក្សាប្រោសព្រំពរជ័យដល់វីរកងទ័ពខ្មែរ ដែលកំពុងឈរជើងការពារទឹកដីយ៉ាងមោះមុតនៅឯសមរភូមិមុខ។ ពិធីបួងសួងនេះត្រូវបានរៀបចំឡើង តាមទំនៀមទម្លាប់ប្រពៃណីខ្មែរ នៅពេលដែលប្រទេសកម្ពុជាតែងតែពើបប្រទះនូវភ្លើងសង្គ្រាម

km

00:06:25

លេណដ្ឋានតាមផ្ទះជាជម្រើសចុងក្រោយ...

បទយកការណ៍ ·

2025/12/12

ប្រឈមនឹងការបាញ់គ្រាប់ផ្លោងពីសំណាក់ភាគីថៃចូលទឹកដីកម្ពុជា ការជីកលេណដ្ឋានតាមផ្ទះសម្បែង ជាជម្រើសតែមួយគត់ សម្រាប់ពលរដ្ឋរស់នៅតាមបន្ទាត់ព្រំដែន ដែលបន្តស៊ូទ្រាំក្រាញននៀលមិនចាកចេញទៅរកកន្លែងសុវត្ថិភាព។ ពលរដ្ឋមួយចំនួនតាមបន្ទាត់ព្រំដែនបានប្រើប្រាស់លេណដ្ឋាន ដែលធ្លាប់ជីកកាលពីផ្ទុះសង្គ្រាមលើកមុន ក្នុងអំឡុងខែកក្កដា ឆ្នាំ២០២៥។ រីឯពលរដ្ឋខ្លះទៀត ក៏ចាប់ផ្តើមជីកលេណដ្ឋាន ដើម្បីធ្វើជាជម្រកការពារសមាជិកគ្រួសារ ក្នុងពេលមានអាសន្នជាថ្មី។

km

00:07:31

ភរិយាយុទ្ធជនពលី៖ «ប្តីខ្ញុំបានធ្វើអ្វី...

បទយកការណ៍ ·

2025/12/11

«ជីវិតជូនជាតិ ធាតុជូនម្តាយ រូបកាយទុកឲ្យគ្រួសារអ្នកបូជា...» នេះជាប្រយោគដែលលោកអនុសេនីយ៍ទោ កេត សុភ័ក្ត្រា ធ្លាប់និយាយមុនចេញ ទៅតតាំងសង្រ្គាមជាមួយភាគីថៃ កាលពីអំឡុងខែកក្កដា ឆ្នាំ២០២៥។ ជាអកុសល នៅអំឡុងការប៉ះទង្គិចជាថ្មីគ្រានេះ លោកអនុសេនីយ៍ទោ កេត សុភ័ក្ត្រា បានលះបង់ជីវិតនៅសមរភូមិប្រាសាទតាមាន់ នៅយប់ថ្ងៃពុធ ទី១០ ខែធ្នូ ដើម្បីបុព្វហេតុការពារមាតុភូមិកម្ពុជា។ ភរិយាយុទ្ធជនពលីរូបនេះ បានថ្លែងដោយក្តីសោកសង្រេងជាពន់ពេកថា សា្វមីរបស់ខ្លួនបានបូជាសាច់ស្រស់ ឈាមស្រស់ ដូចអ្វីដែលលោកធ្លាប់បាននិយាយ។

km

00:07:28

ជម្លោះព្រំដែនខ្មែរ-ថៃ៖...

បទយកការណ៍ ·

2025/12/09

នៅព្រឹកថ្ងៃទី៩ ខែធ្នូ ឆ្នាំ២០២៥ នៅឯសកលវិទ្យាល័យការពារជាតិ ក្នុងខណ្ឌឬស្សីកែវ ក្បែរស្ពានអាកាស ឬស្សីកែវ រាជធានីភ្នំពេញ យុវជន ពលរដ្ឋ និងកងកម្លាំងយោធាគ្រប់លំដាប់ថ្នាក់យ៉ាងច្រើនកុះកររួបរួមគ្នាមកបរិច្ចាគឈាមដោយស្ម័គ្រចិត្ត ដើម្បីជួយជាកម្លាំងចិត្តដល់កងទ័ពជួរមុខ និងប្រជាជនដែលរស់នៅតាមព្រំដែន។ កម្មវិធីបរិច្ចាគឈាមមួយនេះត្រូវបានរៀបចំភ្លាមៗ នៅក្រោយជម្លោះនៅតំបន់ព្រំដែនកម្ពុជា-ថៃចាប់ឡើងកម្តៅជាថ្មី កាលពីថ្ងៃទី៨ ខែធ្នូ ឆ្នាំ២០២៥នេះ ដោយបណ្តាលអោយកងទ័ព និងប្រជាជនខ្មែរជាយដែន យ៉ាងហោច ៤នាក់បាត់បង់ជីវិត

km

00:10:07

ពិព័រណ៍ពាណិជ្ជកម្មកម្ពុជាឆ្នាំ២០២៥នឹងជួយបង្កើនផលិតភាពក្ន...

បទយកការណ៍ ·

2025/12/06

ព្រឹត្តិការណ៍ពិព័រណ៍ពាណិជ្ជកម្មកម្ពុជាឆ្នាំ២០២៥ កំពុងត្រូវបានរៀបចំឡើង រយៈពេល៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែធ្នូ ឆ្នាំ២០២៥ នៅឯមជ្ឈមណ្ឌលបុរីប៉េងហួតបឹងស្នោរ។ ប្រធានបទសំខាន់នៅក្នុងឆ្នាំនេះគឺ “យុគសម័យថ្មីនៃពាណិជ្ជកម្ម៖ ការបង្កើនកិត្យានុភាពផលិតផលក្នុងស្រុក” ។ សម្រាប់ក្រសួងពាណិជ្ជកម្មកម្ពុជា គោលបំណងនៃការៀបចំពិព័រណ៍ពាណិជ្ជកម្មនេះ មិនត្រឹមតែតាំងបង្ហាញនិងបង្កើនកិត្យានុភាពផលិតផល និងសេវាកម្មខ្មែរក្នុងស្រុកដែលមានគុណភាពខ្ពស់និងសម្បូរបែប ក្នុងអំឡុងពេលកម្ពុជានៅមានវិបត្តិព្រំដែនជាមួយថៃប៉ុណ្ណោះទេ

km

00:07:39

ព្រះមហាក្សត្រខ្មែរយាងទៅទតសមុច្ច័យកាសែតនិងទស្សនាវដ្តី...

បទយកការណ៍ ·

2025/12/06

បន្ទាប់ពីយាងចូលរួមក្នុងព្រះរាជពិធីថា្វយព្រះរាជកិត្តិយសព្រះអង្គចូលជាសមាជិកសមាគតនៃបណ្ឌិត្យសភាវិទ្យាសាស្រ្តឯនាយសមុទ្រ នៅទីក្រុងប៉ារីស ព្រះករុណាព្រះមហាក្សត្រនៃព្រះរាជាណាចក្រកម្ពុជា កាលពីថ្ងៃសុក្រទី ៥ធ្នូ បានយាងទៅទតសមុច្ច័យកាសែត និងទស្សនាវដ្តីអំពីខ្មែរដែលស្តុកទុកនៅបណ្ណាល័យ បារាំង Bulac នៅទីក្រុងប៉ារីស។

km

00:09:12

សហគមន៍ភ្នំណាមលៀរ ចង់ឃើញការកែលម្អផ្លូវ...

បទយកការណ៍ ·

2025/12/04

តំបន់ការពារធម្មជាតិភ្នំណាមលៀរនៅក្នុងខេត្តមណ្ឌលគិរី មិនត្រឹមតែកន្លែងអភិរក្សសត្វព្រៃ និងសត្វស្លាបជាច្រើនប្រភេទប៉ុណ្ណោះទេ តែក៏ជាតំបន់កម្សាន្តលំហែអារម្មណ៍បែបធម្មជាតិផងដែរ។ កង្វះហេដ្ឋារចនាសម្ព័ន្ធទេសចរណ៍ ជាពិសេសផ្លូវទៅកាន់ភ្នំណាមលៀរ ដែលរងការខូចខាតឥតដាច់ ដោយសារភ្លៀងធ្លាក់នៅរដូវវស្សា ជាហេតុធ្វើឱ្យតំបន់ទេសចរណ៍មួយនេះខ្សត់ភ្ញៀវទៅកម្សាន្ត។ ក្នុងន័យនេះ ទាំងភ្ញៀវទេសចរ និងប្រជាសហគមន៍ចង់ឃើញការអភិវឌ្ឍវិស័យទេសចរណ៍ខេត្តមណ្ឌលគិរី ឱ្យបានទូលំទូលាយ ជាពិសេសការជួសជុលកែលម្អបណ្តាញផ្លូវតភ្ជាប់ទៅភ្នំណាមលៀរឱ្យបានល្អប្រសើរ៕

km

00:10:12

សាលាឧទ្ធរណ៍ភ្នំពេញបដិសេធជាថ្មីសំណើនៅក្រៅឃុំរបស់សកម្មជនបរ...

បទយកការណ៍ ·

2025/12/02

ជាថ្មីម្តងទៀត នៅរសៀលថ្ងៃទី១ ខែធ្នូ ឆ្នាំ២០២៥ សាលាឧទ្ធរណ៍រាជធានីភ្នំពេញបានសម្រេចបដិសេធជាថ្មី លើសំណើសុំនៅក្រៅឃុំរបស់សកម្មជនបរិស្ថានទាំង ៥រូប ដែលជាសមាជិករបស់ចលនាមាតាធម្មជាតិ។ ទាំងក្រុមគ្រួសាររបស់សកម្មជន អ្នកគាំទ្រ និងអង្គការសង្គមស៊ីវិល សុទ្ធតែបានសម្តែងការសោកស្តាយជាខ្លាំង ចំពោះសេចក្តីសម្រេចរបស់តុលាការយ៉ាងដូច្នេះលើសកម្មជនវ័យក្មេង ដែលជាអ្នកស្រលាញ់ការពារធនធានធម្មជាតិ និងការពារបរិស្ថានដែលជាប្រយោជន៍រួមរបស់ជាតិ។

km

00:12:55

ប្រាក់ចំណូលក៏តិច បំណុលក៏មាន...

បទយកការណ៍ ·

2025/12/01

ចាប់តាំងពីមានជម្លោះព្រំដែនកម្ពុជា-ថៃ ពលករខ្មែរជាង៩សែននាក់ បានបង្ខំចិត្តនាំគ្នាចាកចេញពីការងារក្នុងប្រទេសថៃ ក្រោមហេតុផល រក្សាសុវត្ថិភាពផ្ទាល់ខ្លួន។ ពលករខ្មែរត្រឡប់មកប្រទេសកំណើតវិញក្នុងចំនួនដ៏ច្រើនបែបនេះ ត្រូវគេមើលឃើញថា កំពុងធ្វើឱ្យសេដ្ឋកិច្ចជនបទ ទីផ្សារការងារ និងប្រព័ន្ធសុវត្ថិភាពសង្គម រងសម្ពាធគួរឲ្យព្រួយបារម្ភ។ ពលករមួយចំនួនកំពុងប្រឈមនឹងវិបត្តិបំណុលធនាគារ និងខ្វះការងារធ្វើជាដើម។ ឆ្លើយតបនឹងកង្វល់របស់ពលករ ភាគីក្រសួងការងារ និងសមាគមមីក្រូហិរញ្ញវត្ថុ បានខ្នះខ្នែងរកដំណោះស្រាយមួយចំនួន

km

00:10:30

ការប្រគំតន្រ្តីរបស់បារមី និងវណ្ណដានៅប៉ារីស...

បទយកការណ៍ ·

2025/11/28

នៅតែសល់តែ២ថ្ងៃទៀតប៉ុណ្ណោះ ការប្រគំតន្រ្តីជាប្រវត្តិសាស្រ្ត Rise for Khmerនឹងលេចមុខនៅទីក្រុងប៉ារីស ថ្ងៃទី១ ធ្នូ ២០២៥។ ការប្រគំតន្រ្តីដែលមានការចូលរួមពីតារាចម្រៀងល្បីនាំមុខគេរបស់កម្ពុជា គឺតារារ៉ែប វណ្ណដា កើតចេញពីគំនិតផ្តួចផ្តើមរបស់ក្រុមយុវជនខ្មែរនៅប្រទេសបារាំងនៅក្នុងនោះមាន ក្រុមsabay sabay dara ដែលចង់បានថវិកាពីការលក់សំបុត្រដើម្បីយកទៅជួយប្រជាជនភៀសសឹកនៅតាមតំបន់ព្រំដែនខ្មែរថៃ។ នៅថ្ងៃអង្គារ ទី២៥វិច្ឆិកា ថោង ដារ៉ា ប្រធាន ក្រុមsabay sabay dara

km

00:08:26

ល្ខោនតន្ត្រី”រាជិនីសំឡេងមាស”លាតត្រដាងដំណើរជីវិតអ្នកស្រី ...

បទយកការណ៍ ·

2025/11/28

ខ្សែជីវិតរបស់ «រាជិនីសំឡេងមាស» ប្រចាំប្រទេសកម្ពុជាក្នុងអំឡុងទសវត្សរ៍ឆ្នាំ៦០ និង៧០ គឺអ្នកស្រី រស់ សិរីសុទ្ធា ត្រូវបានគេយកទៅសម្តែងជាល្ខោនតន្រ្តី។ ល្ខោនតន្រ្តីនេះរៀបរាប់ពីវីរភាពតស៊ូ និងជីវិតជូរចត់របស់អ្នកស្រី រស់ សិរីសុទ្ធា ដែលបានរងការប្រមាថមើលងាយ និងរំលោភបំពានទាំងផ្លូវកាយ និងផ្លូវចិត្ត។ សម្រាប់ក្រុមសិល្បៈករ ឈុតឆាកនៃល្ខោនតន្ត្រី «រាជិនីសំឡេងមាស» នឹងក្លាយជាចំណីអារម្មណ៍ថ្មីមួយសម្រាប់ទស្សនិកជន និងជាផ្នែកមួយលើកតម្កើងវិស័យសិល្បៈនៅកម្ពុជា។

km

613 results

Similar Podcasts

Boletines RNE

RNE

BBC News

BBC World Service

برامج

مونت كارلو الدولية / MCD

Journal Afrique

RFI

要闻解说

RFI - 法国国际广播电台